মাইন মন্ত্রালয়না হয়েং, জুলাই 20, 2024 অসিদা হাইদ্রবাদকী বেগম্পেত্তা মিনরেল এক্সপ্লোরেসন হেক্কাথোন অমসুং ক্রিতিকেল মিনরেল রোদশো পাংথোক্কনি। থৌরম অসিদা ভারত সরকারগী কোয়লা অমসুং মাইনগী কেন্দ্র মন্ত্রী, শ্রী জি. কিশন রেদ্দীগা লোয়ননা কোয়লা অমসুং মাইনগী রাজ্য মন্ত্রী, শ্রী সতিশ চন্দ্র দুবে অমসুং অখন্নবা মীথুংলেন ওইনা বিহারগী উপ মুখ্য মন্ত্রী, শ্রী বিজয় কুমার সিনহাশু শরুক য়াগনি।

মিনরেল এক্সপ্লোরেসন হেক্কাথোন অসিনা ইন্নোভেতিব মিনরেল হন্ত তেক্নিক্তা অহেনবা মিৎয়েং চঙগনি। খোঙথাং অসিনা মালেম পুম্বদা শিজিন্নরিবা অৱাংবা থাক্কী তেক্নোলোজীশিং শিজিন্নদুনা মিনরেলশিংগী তুংগী মতমদা ওইগদবা ফিভমশিং হেন্না ফগৎহন্নবা পান্দম থম্লি। থৌরমদা শরুক য়াগদৌরিবশিংনা জিওফিজিকেল দেতা খঙদোকপা অমসুং মওং শেম্বা, মখল কয়াগী দেতা সেতশিং পুনশিনবা, অমসুং এ.আই. অমসুং মছিন লর্নিংগুম্বা হৌগৎলক্লিবা তেক্নোলোজী শিজিন্নবগী থৌওংদা খন্ন-নৈনগনি।

শ্রী জি. কিশন রেদ্দীনা থৌরম মনুংদা নেস্নেল দিস্ত্রিক্ত মিনরেল ফাউন্দেসন (দি.এম.এফ.) পোর্তেলশু হৌদোক্কনি। মসিদি লৈবাক পুম্বগী দিস্ত্রিক্ত মিনরেল ফাউন্দেসনশিংগী ই-পাউ খোমজিনবগী ময়োল ওইবা ফম্বাক অমা ওইগনি। পোর্তেল অসিনা দি.এম.এফ. দেতা শিজিন্নবা য়াহনবগা লোয়ননা মসিগী মখাদা লৈবা দিভেলপমেন্ত অমসুং য়ুতিলাইজেসনগী থৌওংশিং রতেক তৌবা য়াহনগনি।

এম.এম.দি.আর. এক্তকী সেক্সন 11Dগী মখাদা পীবা শক্তিনা মরম ওইরগা মাইন মন্ত্রালয়না ক্রিতিকেল অমসুং স্ত্রেতজিক মিনরেলগী ই-ওক্সনগী ত্রাঞ্চ II অমসুং III অসিমশু ফেব্রুৱারী 29, 2024দা হৌদোকখ্রবনি। শ্রী জি. কিশন রেদ্দীনা ত্রাঞ্চ II অমসুং IIIগী খনগৎলবা বিদ্দরশিংশু  লাউথোক্কনি।

এন.আই.তি.না জুন 24, 2024দা হৌদোকখিবা ক্রিতিকেল অমসুং স্ত্রেতজিক মিনরেলগী ই-ওক্সনগী ত্রাঞ্চ IVগী মতাংদা পাংথোকপা রোদশো অমনা থৌরম অসিগী মতুং ইনগনি। রোদশো অসিগী পান্দম্না ইন্দস্ত্রীশিংনা শরুক য়াবা হেনগৎহনবা অমসুং পোতেন্সিএল বিদ্দরশিংবু মাইন মন্ত্রালয়না পাংথোক্লিবা ই-ওক্সনগী থৌওংগী মতাংদা খঙহনবা হায়বসিনি।

***