மத்திய சுரங்க அமைச்சகம் கனிம ஆய்வு ஹேக்கத்தான் மற்றும் கிரிட்டிகல் கனிம சாலைக் கண்காட்சியை ஹைதராபாத் பேகம்பேட்டில் நாளை, அதாவது 2024 ஜூலை 20 அன்று நடத்துகிறது. மத்திய நிலக்கரி மற்றும் சுரங்கத் துறை அமைச்சர் திரு ஜி கிஷன் ரெட்டி, நிலக்கரி மற்றும் சுரங்கத் துறை இணையமைச்சர் திரு சதீஷ் சந்திர துபே மற்றும் சிறப்பு விருந்தினராக பீகார் துணை முதலமைச்சர் திரு விஜய் குமார் சின்ஹா ஆகியோர் இந்த நிகழ்ச்சியில் கலந்து கொள்வார்கள்.

கனிம ஆய்வு ஹேக்கத்தான் புதுமையான கனிம வேட்டை உத்திகளில் கவனம் செலுத்தும். உலகளவில் நடைமுறையில் உள்ள அதிநவீன தொழில்நுட்பங்களைப் பயன்படுத்தி கனிம முன்கணிப்பை மேம்படுத்துவதை இந்த முயற்சி நோக்கமாகக் கொண்டுள்ளது. பங்கேற்பாளர்கள் புவி இயற்பியல் தரவுகளின் விளக்கம் மற்றும் மாடலிங், பல தரவுத் தொகுப்புகளின் ஒருங்கிணைப்பு மற்றும் செயற்கை நுண்ணறிவு இயந்திர கற்றல் போன்ற வளர்ந்து வரும் தொழில்நுட்பங்களின் பயன்பாடு ஆகியவற்றை ஆராய்வார்கள்.

இந்த நிகழ்ச்சியின் போது, தேசிய கனிம அறக்கட்டளை போர்ட்டலையும் திரு ஜி கிஷன் ரெட்டி தொடங்கி வைக்கிறார். நாடு முழுவதும் உள்ள மாவட்ட கனிமவள அடித்தளங்கள் குறித்த தகவல்களை சேகரிக்க இது ஒரு மையப்படுத்தப்பட்ட தளமாக இருக்கும். இந்த போர்டல் புள்ளி விவரங்களை அணுகவும், அதன் கீழ் ஏற்படும் முன்னேற்றங்கள் மற்றும் பயன்பாடுகளை கண்காணிக்கவும் உதவும்.

இந்த நிகழ்வைத் தொடர்ந்து, 2024 ஜூன் 24 தேதியிட்ட என்ஐடி மூலம் தொடங்கப்பட்ட முக்கியமான மற்றும் கனிமத் தொகுதிகளின் மின்னணு ஏலத்தின் தொகுப்பு IV-ல் சாலைக் காட்சி நடைபெறும். தொழில்துறை ஈடுபாட்டை அதிகரிப்பது, சுரங்க அமைச்சகத்தால் நடத்தப்படும் மின்-ஏல செயல்முறையை சாத்தியமான ஏலதாரர்களுக்கு பழக்கப்படுத்துவது ஆகியவை இதன் நோக்கமாகும்.

***

(Release ID: 2034208)
PKV/RR/KR