লৈবাক অনিগী মরক্তা ওইল প্লাম অমসুং অতোপ্পা হিরমশিংদা মতেং পীনবা হেনগৎহন্নবাভারত অমসুং মালেসিয়ানা ৱারেপ লৌরে। ঙসি এগ্রিকলচর অমসুং ফার্মরস ৱেলফিয়ার অমসুং রুরেল দিবলপমেন্তগী য়ুনিয়ন মিনিস্তর শ্রী সিবরাজ সিংহ চৌহান অমসুং মালেসিয়াগী প্লান্তেসন্স অমসুং কম্মোদিতিসগী মিনিস্তর শ্রী দাতুক সেরি জোহারি অবদুল ঘনিগী মরক্তা পাংথোকখিবা মীফম অমদা ৱারেপ অসি লৌখিবনি। মালেসিয়াগী মিনিস্তর অসি জুলাই ১৬-১৯,২০২৪ ফাওবা ভারত্তা খোঙচত্তা লৈরি অমসুং ভারত অমসুং মালেসিয়াগী মরক্তা লৌউ-শিংউগী লমদা লৈবাক অনি মতেং পাংনবা মখা তানা হেনগৎহন্নবা ঙসি নিউ দিল্লিগী কৃষি ভাবন্দা শ্রী সিবরাজ চৌহান উনখি।

নেসনেল প্লাম ওইল মিসন্দা মতেং পাংনবা লৈবাক অনিনা অপাম্বা ফোঙদোকখি, লৌউ-শিংউ অমসুং মসিগা মরী লৈবা পোৎথোকশিং য়োনফমগী মতাং, লৌউ-শিংউগী ইন্সতিতুৎকী থাক্তা মতেং পাংনবা অমসুং প্লান্তেসন সেক্তরদা দিজিতেল তেক্নোলোজি শীজিন্নবগী মতাংদা খন্নখি।

ভারতকী মহৈ য়ানবা খোঙচৎ অমগীদমক য়ুনিয়ন এগ্রিকলচর মিনিস্তরনা মিনিস্তর জোহারি অবদুল ঘনি থাগৎপগা লোয়ননা লৌউ-শিংউ অমসুং অতোপ্পা হিরমশিংদা মখা তানা মতেং পাংন্নবগী থাজবা থমদুনা মীফম অদু লোইশিনখি।

****