ঙাকশেলদা আত্মনির্ভরদা চাউনা শাহৌ পীনবা অমসুং দিফেন্স পব্লিক সেক্তর অন্দরতেকিংশিং (DPSUশিং), দিপার্তমেন্ত ওফ দিফেন্স প্রদক্সন (DDP)না ইম্পোর্ত তৌবা হন্থহন্নবা ঙাকশেল মন্ত্রালয়না আইতেম 346  য়াওবা মঙাশুবা পোজিতিব ইন্দিজিনাইজেসন লিস্ত (PIL) থোকখ্রে। মসিদা লুপা করোর 1,048রোমগী ইম্পোর্ত সবস্তিত্যুসন ভেল্যুগা লোয়ননা স্ত্রেতেজিক ওইনা মরু ওইবা লাইন রিপ্লেসমেন্ত য়ুনিৎশিং/সিস্তেমশিং/সব-সিস্তেমশিং/এসেমব্লীশিং/সব-এসেমব্লীশিং/স্পিয়রশিং অমসুং কম্পোনেন্তশিং অমসুং রো মেতরিএলশিং য়াওরি। আইতেশিং অসি শ্রিজন পোর্তেল (https://srijandefence.gov.in)দা য়াওরিবা লিস্ত অসিদা পীরিবা অসিগী মতুং ইন্না ইন্দিজিনাইজেসনগী মতমগী মতুংদা ইন্দিয়ন ইন্দস্ত্রীদগী খক্তা  প্রোক্যুর তৌগনি। আইতেমশিং অসি এতেচ তৌরিবা লিস্ত  অসিদা য়াওরি।

DPSUশিং – DDPগী 5শুবা পোজিতিব ইন্দিজিনাইজেসন লিস্ত

ঙাকশেল মন্ত্রালয়না 2020দা শ্রিজন পোর্তেল হৌদোকখি। পোর্তেল অসিদা, DPSUশিং অমসুং সর্ভিস হেদক্বার্তর (SHQ)শিংনা MSMEশিং অমসুং স্তার্ত-অপশিং য়াওনা ইন্দস্ত্রীশিংদা দিফেন্স আইতেমশিং অসি লমদমসিদা য়ুম্ফম ওইবা মওংদা পুথোকপা ফংহল্লি। প্রধান মন্ত্রী শ্রী নরেন্দ্র মোদীনা 'আত্মনির্ভর ভারত'কীদমক হোৎনরিবা অসিনা ঙাকশেলগী পোৎলমশিং লমদমসিদা য়ুম্ফম ওইবা মওংদা পুথোকপদা মশক থোকপা মহৈ অমা পীরি। ঙাকশেলগী পোৎথোক পুথোকপদা মশা-মরোমদোম লেপচবা ঙম্নবগী পান্দম অদু মংফাওনবা ঙাকশেল মন্ত্রী শ্রী রাজনাথ সিংহনা হোৎনরি।

DPSUশিংনা মঙাশুবা PILদা পল্লিবা পোৎলমশিং অসি "মেক" প্রোসিজর নৎত্রগা MSMEশিং য়াওনা ইন্দস্ত্রীগী মনুং চন্না চাউখৎহনবা য়াওনা তোঙান তোঙানবা লম্বীশিংগী খুত্থাংদা লমদমসিগী ওইবা মওংদা পুথোক্কনি। মসিনা শেন্মিৎলোন চাউখৎহনগনি, ঙাকশেলগী লমদা ইনভেস্তমেন্ত হেনগৎহনগনি অমসুং ইম্পোর্তকী মখা পোনবা হন্থহনগনি। মসিগী মথক্তা, মসিনা একাদেমিয়া অমসুং রিসর্স ইন্সতিত্যুসনশিং শরুক য়াবগী মতুং ইন্না দোমেস্তিক দিফেন্স ইন্দস্ত্রীগী দিজাইন কেপাসিতী হেনগৎহনগনি।

হিন্দুস্তান এরোনোতিক্স লিমিতেদ (HAL), ভারত ইলেক্ত্রোনিক্স লিমিতেদ (BEL), ভারত দাইনামিক্স লিমিতেদ (BDL), BEML লিমিতেদ, ইন্দিয়া ওপ্তেল লিমিতেদ (IOL), মাজাগোন দোক শিপবিল্দরস লিমিতেদ (MDL), গোৱা শিপয়ার্দ লিমিতেদ (GSL), গার্দেন রীচ শিপবিল্দর্স এন্দ ইঞ্জিনীয়র্স লিমিতেদ (GRSE) অমসুং হিন্দুস্তান শিপয়ার্দস লিমিতেদ (HSL) অসি মঙাশুবা  PILগী ঙাকশেলগী পোৎলম শাবদা য়াওবা DPSUশিংনি। মসিনা হীরম অসিগীদমক অখন্ননা দিজাইন তৌখিবা ‘শ্রিজন পোর্তেল দেশবোর্দ (srijandefence.gov.in/DashboardForPublic) দা পীরিবা লিঙ্ক অসিগা লোয়ননা মখোয়গী মরী লৈনবা ৱেবসাইৎশিংদা এক্সপ্রেসন্স ওফ ইন্তরেস্ত/রিক্বেস্ত ফোর প্রপোজেল ইস্যু তৌনবগী থৌওং হৌখ্রে অমসুং ইন্দস্ত্রী/MSMEশিং/স্তার্ত-অপশিংনা মশিং য়াম্না শরুক য়ানবা মাংদা থোরকপা য়াগনি।

মমাংদা, আইতেম 4,666 য়াওবা PILমরি DDনা DPSUশিংগীদমক নোতিফাই তৌখি। মসিগী মনুংদা লুপা করোর 3,400 গী ইম্পোর্ত রিপ্লেসমেন্ত ভেল্যু ওইবা 2,972 অসি হান্ননা ইন্দিজিনাইজ তৌখ্রে। DPSUশিংগীদমক হায়রিবা লিস্ত মঙা অসি দিপার্তমেন্ত ওফ মিলিতরী এফিয়র্স (DMA) না নোতিফাই তৌখিবা পোৎলম 509গী পোজিতিব ইন্দিজিনাইজেসন লিস্ত মঙাগী মথক্তা লৈ। হায়রিবা লিস্তশিং অসিদা য়াম্না কমপ্লেক্স ওইবা সিস্তেমশিং, সেন্সরশিং, খুৎলাইশিং অমসুং এম্যুনিসনশিং য়াওরি।

জুন 2024 ফাওবদা DPSUশিং অমসুং SHশিংনা দিফেন্স আইতম 36,000 হেন্না ইন্দস্ত্রীদা ইন্দিজিনাইজেসনগীদমক পীখি। মসিগী মনুংদা, পোৎলম 12,300 হেন্না হৌখিবা চহি অহুম অসিদা ইন্দিজিনাইজ তৌখ্রে। মসিগী মহৈ ওইনা DPSUশিংনা দোমেস্তিক ভেন্দরশিংদা লুপা করোর 7,572গী ওর্দরশিং পীখ্রে।

*****