ইকোনোমিক ত্রান্সফোর্মেসন, ফাইনেন্সিএল ইনক্লুজন অমসুং দিভেলপমেন্তকী দিজিতেল পব্লিক ইনফ্রাস্ত্রকচরগী ভারতকী জি-20 তাস্ক ফোর্সনা শেম্বা অরোইবা ‘দিজিতেল পব্লিক ইনফ্রাস্ত্রকচরগী ভারতকী জি-20 তাস্ক ফোর্সকী রিপোর্ত’ অমা ঙসি নই দিল্লীদা ফোঙখ্রে। তাস্ক ফোর্স অসিবু কো-চেয়র ওইরিবা শ্রী অমিতাব কান্ত, ভারতকী জি-20 শেরপা অমসুং য়ু.এ.আই.দি.এ.আই. (আধার)গী ফাউন্দিং চেয়রমেন অমদি ইনফোসীসকী কো-ফাউন্দর অমদি চেয়রমেন ওইরিবা শ্রী নন্দন নিলেকানীনা ওইখি।

তাস্ক ফোর্স অসিগী থবকশিংনা ভারতকী জি-20 প্রসিদেন্সী মনুংদা দিজিতেল পব্লিক ইনফ্রাস্ত্রকচর (দি.পি.আই.)গী ৱাহন্থোক অমসুং ফ্রেমৱর্কশিংবু মীয়ামদা খঙহনখি, ব্রাজিল অমসুং খা অফ্রিকাগী জি-20 প্রসিদেন্সী মনুংদা হেন্না খুমাঙ চাউশিলহনবগী পান্দম থম্লি।

তাস্ক ফোর্সকী রিপোর্ত অসিনা মতিক চানা মায় পাকখ্রবা জি-20 প্রসিদেন্সীগী মতুংদা অমসুং মদুগী মতম লোইশিনখ্রবা মতুংদা দি.পি.আই.গী য়ুম্বীবু মালেমদা মপাঙ্গল কনখৎহন্নবা পান্দম থম্লি। মপুং ওইবা রিপোর্ত অসি ফাইনান্স মন্ত্রালয়গী ইকোনোমিক এফিয়র্স বিভাগকী ৱেবসাইত্তা (https://dea.gov.in/sites/default/files/Report%20of%20Indias%20G20%20Task%20Force%20On%20Digital%20Public%20Infrastructure.pdf) ফংগনি।

ভারতকী জি-20গী শেরপা, শ্রী অমিতাব কান্তনা রিপোর্ত ফোঙবগী থৌরম মনুংদা অসুম্না হায়খি, “ভারতনা দিজিতেল পব্লিক ইনফ্রাস্ত্রকচরগী হীরমদা অচৌবা পন অমা চোংলে। দি.পি.আই. য়াওদনা চহি 50 চঙগদবা পান্দম্বু ভারতনা চহি 9দা ফংবা ঙমখি। য়ু.পি.আই. অসি ভারত্তা স্ত্রীত ভেন্দরদগী হৌরগা অচৌবা শোপ্পিং মোল ফাওবগী থাক খুদিংদা শিজিন্নরি, অমসুং মালেমগী 46%গী শরুক কন্দুনা মালেমগী দিজিতেল ত্রাঞ্জেক্সন্দা খ্বাইদগী চাদা ওইবা চাং ওইরি। বেনেফিশরী মিলিয়ন 160গী বেঙ্ক একাউন্ততা বিলিয়ন $4.5 থাবা ওইরো নত্ত্রগা মোবাইলদা দিজিতেল ভেক্সিনেসন সর্তিফিকেত ফংহন্দুনা চহি অনিগী মনুংদা ভেক্সিন মিলিয়ন 2.5 য়েন্থোকপা ওইরো, থৌওংশিং অসিনা ভারতনা কোবিদ-19 লান্থেংনবগী বিলদিং ব্লোক ওইনা মথৌ পাংথোকখি। ঐখোয়না দিজিতাইজেসনগী মতাংদা থাক য়াম্না ৱাংনা লৈরে অমসুং রিপোর্ত অসিনা মালেম্না নোর্থ স্তারবু তুং ইন্নবা লমজিংবদা তেংবাংগনি হায়না ঐহাক্না থাজৈ”।

তাস্ক ফোর্স অসিগী কো-চেয়র ওইরিবা শ্রী নন্দন নিলেকানীনা থৌরম মনুংদা অসুম্না হায়খি, “ঐখোয়না এস.দি.জি. অমসুং ইনক্লুসিব গ্রোথকুম্বা সোসিএল গোল তসেংনা ফংবা পাম্লবদি মদু ওইথোক্নবগীদমক্তা দি.পি.আই.গী কাঙলোন্না ঙাক্লৌ পীবগী মথৌ তাই হায়বসি মালেমগী সরকার অমসুং কারবারশিংনা খঙবা হেনগৎলক্লি। মীয়ামগী পুন্সি অমসুং লৈঙাকপগী থৌওংদা অচৌবা অহোংবা পুরকপা ঙম্বগী চাউরবা মতিক অমা দি.পি.আই.দা লৈরি। মসিমক ভারত্তা থোকখ্রবনি অমসুং ভারত মচা খুদিংগী দিজিতেল শক্তাক পীবগী পান্দম থম্লিবা আধারদ আই.দি. সীস্তেমদগী হৌখ্রবনি। হৌজিক্তি, ভারত মচা বিলিয়ন 1.3না মসিগুম্বা দিজিতেল আই.দি. অসি পায়নরে অমসুং চাংচৎকী ওইনা নোংমদা ই.কে.ৱাই.সি. মিলিয়ন 10 অসি আধারগী খুত্থাংদা পাংথোক্লি। পেমেন্তকী হীরমদা য়েংবা মতমদা, য়ু.পি.আই.না থা খুদিংগী ত্রাঞ্জেক্সন বিলিয়ন 13 পাংথোকহন্দুনা মীওই মিলিয়ন 350, মর্চেন্ত মিলিয়ন 50গী মতেং পাংলি, অদুগা, দি.পি.আই.না ওইথোকহনবা দাইরেক্ত ত্রান্সফরদগী কেন্দ্র সরকারগী স্কিম পুম্নমক্কী বিলিয়ন $41 অসি সরকারগী মায়কৈদা কনবীরি। মরম অদুনা, মসিদি অপাম্বা নত্ত্রগা লকজরী নত্ত্রে, ঐখোয়গী অপাম্বা ফংগে হায়রবদি মসি য়াম্না মথৌ তারে। রিপোর্ত অসিনা মালেম শিনবা থুংবদা দি.পি.আই.গী থবকশিংগী তুংগী থবক-থৌরম তাকপদা অচৌবা থৌদাং য়াগনি”।

ভারতকী জি-20 তাস্ক ফোর্সনা পুথোকপা দি.পি.আই.গী রিপোর্ত অসিগী মতাংদা

রিপোর্ত অসিদা শরুক অহুম য়াওরি, মখোয়না মালেমদা দি.পি.আই. খুমাং চাউশিলহনবা অমসুং শিজিন্নহনবা হায়বগী মতাংদা পুন্না মিৎয়েং চঙলি। অহানবা শরুক – ইন্নোভেতিব ওইবা তেক্নোলোজিকেল সোল্যুসনশিং শিজিন্নদুনা মালেমগী শিংনবশিংবু থেংনবা ঙম্বা অওনবা পুরকপা থৌওং অমা ওইনা দি.পি.আই. এপ্রোচ শিজিন্নবা। রিপোর্ত অসিগী অনিশুবা শরুক্না ভারতনা  ফাইনান্স ত্রেক্কী গ্লোবেল পার্ত্নরশিপ ফোর ফাইনান্সিএল ইনক্লুজন (জি.পি.এফ.আই.) অমসুং শেরপা ত্রেক্কী দিজিতেল ইকোনোমী ৱর্কিং গ্রুপ (দি.ই.দবল্যু.জি.) য়াওনা লৈবাক অসিগী মখল কয়াগী ৱর্কিং গ্রুপশিংগী মখাদা ইং 2023দা জি-20 প্রসিদেন্সী মনুংদা পাংথোকখিবা থৌদাংগুম্না ভারতনা মখোয়গী দি.পি.আই.গী এজেন্দাগী মায়কৈ মতৌ করম্না শেম্বগে তাক্লি। রিপোর্ত অসিগী অহুমশুবা তরুক্তা অশানবা মিৎয়েং অমা উৎলি, মসিদা তোঙান-তোঙানবা সেক্তরশিংদা দি.পি.আই. খুমাং চাউশিলহন্নবা স্ত্রেতজিক ব্লুপ্রিন্ত অমা তাক্লি, লোয়ননা, মখোয়গী পোলিসী কয়াগী খুত্থাংদা মালেমদা মতৌ করম্না চৎনহনগদগে হায়বশু তাক্লি।

তাস্ক ফোর্সকী মতাংদা

ভারতকী জি-20 প্রসিদেন্সী এজেন্দা ফংবদা তেংবাংনবা অমসুং দিজিতেল পব্লিক ইনফ্রাস্ত্রকচর (দি.পি.আই.) অমদি ফাইনেন্সিএল ইনক্লুজন্দা অহেনবা মিৎয়েং থম্নবগীদমক্তা জনুৱারী 2023দা তাস্ক ফোর্স অসি শেমখি। দিজিতেল তেক্নোলোজী অমসুং দি.পি.আই.বু সেক্তর খুদিংদা শিজিন্নদুনা জি-20 মেম্বর লৈবাকশিংনা মখোয়গী প্রদক্তিবিতী করম্না হেনগৎহনগদগে হায়বগা লোয়ননা সরকারশিংগী দিজিতেল ইকোনোমী পোলিসী অমসুং রেগ্যুলেসনশিংদা মতৌ করম্না তেংবাংবা য়াবগে হায়বগী মতাংদা তাস্ক ফোর্স অসিনা য়েংশিল্লি। তাস্ক ফোর্সকী মনুং চনবশিং মখাদা পীরি।

ইকোনোমিক ত্রান্সফোর্মেসন, ফাইনেন্সিএল ইনক্লুজন অমসুং দিভেলপমেন্তকী দিজিতেল পব্লিক ইনফ্রাস্ত্রকচরগী ভারতকী জি-20 তাস্ক ফোর্স অসিদা শরুক য়াবশিং মখাদা পীরিঃ

কো চেয়র

1. শ্রী অমিতাব কান্ত (ভারতকী জি-20 শেরপা)
2. শ্রী নন্দন নিলেকানী

মেম্বর

3. সেক্রেতরী, ইকোনোমিক এফিয়র্স বিভাগ (দি.ই.এ.), মেম্বর কোওর্দিনেতর
4. সেক্রেতরী, ফাইনেন্সিএল সর্ভিস বিভাগ (দি.ই.এ.)
5. সেক্রেতরী, ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় (মৈতী)
6. সেক্রেতরী, এক্সতর্নেল এফিয়র্স মন্ত্রালয় (এম.ই.এ.)
7. দেপ্যুতী গবর্নর, রিজর্ব বেঙ্ক ওফ ইন্দিয়া (আর.বি.আই.)
8. সি.ই.ও., নেস্নেল ইন্সতিত্যুসন ফোর ত্রান্সফোর্মিং ইন্দিয়া (নিতি আয়োগ)
9. চীফ ইকোনোমিক এদভাইজর, ইকোনোমিক এফিয়র্স বিভাগ (দি.ই.এ.)
10.  সি.ই.ও, য়ুনিক আইদেন্তিফিকেসন ওথোরিতী ওফ ইন্দিয়া (য়ু.আই.দি.এ.আই.)
11. এম.দি., নেস্নেল পেমেন্ত কোর্পোরেসন ওফ ইন্দিয়া (এন.পি.সি.আই.)

***