নীতি আয়োগনা ঙসি ‘সম্পুর্নতা অভিয়ান’ হৌদোকখ্রে। মসিদা লৈবাক পুম্বগী নাগরিকশিংনা মশকনায়না শরুক য়াবা উবা ফংখি। হৌদোকপগী থৌরম অসি এস্পিরেস্নেল জিলা ১১২ অমসুং এস্পিরেস্নেল ব্লোক ৫০০ মক্তা পাংথোকখি। ২০২৪গী জুলাই ৪দগী সেপ্তেম্বর ৩০ ফাওবা চত্থরিবা  থা অহুমগী কম্প্রেহেন্সিব কেম্পেন অসিনা এস্পিরেস্নেল জিলা অমসুং ব্লোক পুম্নমক্তা মরুওইবা সোসিয়েল সেক্তর ইন্দিকেতর ১২দা চাদা ১০০ সেচুরেসন ফংনবা মীৎয়েং থম্লি। কেম্পেনগী অহানবা নুমিৎতা জম্মু অমসুং কাশ্মীরদগী অন্দমান অমসুং নিকোবর ইথৎশিং ফাওবা জিলা অমসুং ব্লোক থাক্কী ওফিসিয়েল, ফ্রন্তলাইন ৱার্কর, কম্যুনিতী লীদর্স, লোকেল আর্তিস্ত, মহৈরোই, অমসুং লোকেল রিপ্রজেন্তেতিব (ব্লোক প্রমুখ/সর্পঞ্চ) লাখ কয়ানা থৱায় য়াওনা শরুকয়াবা উবা ফংখি।

এস্পিরেস্নেল জিলা অমসুং ব্লোকশিংনা ‘সম্পুর্নতা প্লেদজ’গী থোংদা মখোয়গী প্রিন্সিপলশিং অমুক হন্না ফোংদোক্লদুনা ‘সম্পুর্নতা অভিয়ান’গী পান্দমশিংবু মপুং ফাহন্নবা অমসুং মশকখংদোক্লবা ইন্দিকেতরশিংগী মপুংফাবা সেচুরেসনগী মায়কৈদা খুমাংচাউশিনবদা য়াংশিন্নবা ৱাশক লৌখি। থৌরম অসিদা মধ্য প্রদেশকী রতলাম অমসুং সিনগ্রৌলিগুম্বা মফমশিংদা কেম্পেনগী মরুওইবা ইন্দিকেতরশিংদা শাফু পীরদুনা কেম্পশিং পাংথোকপসু য়াওরি। মতৌ অসুম্না উত্তরাখন্দগী উধম সিংহ নগর অমসুং হরিয়ানাগী নুহ দিস্ত্রিক্ত হেদক্বাতরশিংদা ফেনফেয়র অমসুং লোকেলনা শরুক য়াদুনা থৌরম পাংথোকখি।

আন্ধ্র প্রদেশকী অন্নমেয়া জিলাগী কুরাবলাকোতা মন্দলদা পাংথোকপা হেল্থ কেম্প অদু লোকেল মীয়াম্না থৱায় য়াম্না য়াওনা তরাম্না ওকখি। উত্তর প্রদেশকী গোরখপুর জিলাগী বানসগাও ব্লোক অমসুং হিমাচল প্রদেশকী কুল্লু জিলাগী নির্মন্দ ব্লোক্তা আশা অমসুং আঙ্গনৱাদি চা কয়ানা মীরোনবী নুপী অমসুং অঙাং মচাশিংগীদমক লমদম অদুগী ওইবা চিঞ্জাক্কী ন্যুত্রিসনগী ওইবা মখলশিং উৎনবা তিনখি। ‘সম্পুর্নতা অভিয়ান’ পাংথোক্লদুনা দিদিকেতেদ সেলফি বুতশিংদা ফোতো নমলিবা নোকফেৎ তৌবা মায়থোংশিং উবা ফংখি। মফম খরদা সম্পুর্নতা অভিয়ানগী মরুওইবা পর্ফোমেন্স ইন্দিকেতরশিং অমসুং পান্দমশিংগী মরমদা ভাব তাহন্নবগীদমক সম্পুর্নতা য়াত্রাশিং পাংথোকখি। স্কুল অঙাংশিং অমসুং এন.সি.সি. কেদেতশিংনা আন্ধ্র প্রদেশকী পর্ভাথিপুরম মন্যামগী ভামিনি ব্লোক্তা অসিগুম্বা সম্পুর্নতা য়াত্রা অমদা শরুক য়াখি। হরিয়ানাগী চরখি দাদরি জিলাগী বধরা ব্লোক্তা অঙাংশিংনা পেন্তিং কম্পিতিসনদা শরুক য়াদুনা মসিগী তোপ তোপ্পা থৌরম অসিবুসু শৌগৎখি। হৌদোকপগী অতোপ্পা এস্পেক্তশিংদা কলচরেল প্রোগ্রামশিং, নুক্কর নাতক, একজিবিসন স্তোলশিং, সোইল হেল্থ কার্দশিং য়েন্থোকপা অসিনচিংবা য়াওরি।

অৱাং নোংপোক রাজ্যশিংসু থৱায় য়াওনা শরুক য়াখি। অরুনাচল প্রদেশকী উপ মুখ্যমন্ত্রী শ্রী চৌনা মীননা অরুনাচল প্রদেশকী নামসাই জিলাগী চৌখাম ব্লোক্তা সম্পুর্নতা অভিয়ান হৌদোকখি। নগালেন্দগী কিফিরেদা হৌদোকপগী থৌরমদা মেম্বর ওফ লেজিস্লেতিব এসেমব্লী (এম.এল.এ.) শ্রী সি কিপিলি সঙাতমনা ৱা ঙাংখি, থৱায় য়াওনা হৌদোকখি। মতৌ অসুম্না মনিপুরগী চুরাচান্দপুর জিলাগী লমকা সাউথ ব্লোকনা থৌরম হৌদোকপগীদমক দাইবেতস অমসুং হায়পরতেন্সনদা ফ্রী হেল্থ কেম্প অমা পাংথোকখি।

থা ৩ শাংবা ‘সম্পুর্নতা অভিয়ান’ কেম্পেনগী শরুক ওইনা, জিলা অমসুং ব্লোক ওফিসিয়েলশিংনা ইলেক্তেদ পিপলস রিপ্রজেন্তেতিবকা লোয়ননা এস্পিরেস্নেল ব্লোক অমসুং জিলা পুম্নমক্তা চাদা ১০০ সেচুরেসনগীদমক মশকখংদোক্লবা থীম ১২দা গ্রাম সভাশিং, নুক্কর নাতক, পৌস্তিক আহার মেলা, হেল্থ কেম্পশিং, আই.সি.দি.এস. কেম্পশিং, এৱার্নেস মার্চশিং অমসুং রেলীশিং, একজিবিসনশিং, পোস্তর মেকিং অমসুং শৈরেং কম্পিতিসনশিং অসিনচিংবা এৱার্নেস এক্তিবিতীশিং পাংথোক্কনি।

নীতি আয়োগ ওফিসিয়েলশিং অমসুং নহা ওইরিবা প্রোফেস্নেলশিংনা কেম্পেন অসি ইফেক্তিব ওইনা ওর্গনাইজ তৌবা অমসুং একজিক্যুত তৌবদা লোকেল গবর্নান্সপু লমজিং লমতাক্নবা অমসুং তেংবাংনবগীদমক জিলা ৩০০দা মশা য়াওনা হৌদোকপগী থৌরমদা শরুক য়ারি। মরীলৈনবা কেন্দ্র মন্ত্রালয়শিং অমসুং বিভাগশিং, অমসুং রাজ্য অমসুং য়ুনিয়ন তেরিতোরী সরকারশিংগা খুৎশম্নদুনা কেম্পেনগী পান্দমশিং ফংনবা হোৎনরিবশিংদা শাহৌ ফংবতা নত্তনা মনুংহুঞ্জিনবা মফমশিংদা সোসিও-ইকোনোমিক দেবেলপমেন্ত ফংহনবদা কম্পেতেতিব অমসুং কোওপরেতিব ফেদরেলিজমগী স্পিরিৎসু মপাঙ্গল কনখৎহল্লগনি।

‘সম্পুর্নতা অভিয়ান’গী মীৎয়েংম থম্লিবা লমশিং:

এস্পিরেস্নেল ব্লোকস কে.পি.আই.শিং:

1. অহানবা ত্রিমেস্তর মতম মনুংদা এন্তেনেতেল কেয়র (এ.এন.সি.)গীদমক রেজিস্তার তৌবা মীরোনবী নুপীগী পর্সেন্তেজ;
2. ব্লোক্তা তার্গেত তৌরিবা পোপুলেসনগা য়েংনবদা দাইবেতকীদমক স্ক্রীন তৌখিবা মীওইগী পর্সেন্তেজ;
3. ব্লোক্তা তার্গেত তৌরিবা পোপুলেসনগা য়েংনবদা হায়পরতেন্সনদমক স্ক্রীন তৌখিবা মীওইগী পর্সেন্তেজ;
4. আই.সি.দি.এস. প্রোগ্রামগী মখাদা চাং নায়না সপ্লিমেন্তরী ন্যুত্রিসন লৌরিবা মীরোনবী নুপীগী পর্সেন্তেজ;
5. সোইল সেম্পল কলেক্সন তার্গেৎকা য়েংনবদা জেনরেত তৌখিবা সোইল হেল্থ কার্দকী পর্সেন্তেজ; অমসুং
6. ব্লোক্তা অপুনবা এস.ঐচ.সি.শিংগা য়েংনবদা রিভোলবিং ফন্দ ফংলবা এস.ঐচ.সি.শিংগী পর্সেন্তেজ

এস্পিরেস্নেল দিস্ত্রিক্তস কে.পি.আই.শিং:

1. অহানবা ত্রিম্সতর মতম মনুংদা এন্তেনেতেল কেয়র (এ.এন.সি.)গীদমকরেজিস্তার তৌবা মীরোনবী নুপীগী পর্সেন্তেজ;
2. আই.সি.দি.এস. প্রোগ্রামগী মখাদা চাং নায়না সপ্লিমেন্তরী ন্যুত্রিসন লৌরিবা মীরোনবী নুপীগী পর্সেন্তেজ;
3. মপুংফানা তিকা থারবা অঙাংগী পর্সেন্তেজ (থা ৯-১১) (বি.সি.জি+দি.পি.তি.৩+ও.পি.ভি.৩+মীজলস ১);
4. য়েন্থোকখ্রবা সোইল হেল্থ কার্দশিংগী মশিং;
5. সেকেন্দরী থাক্তা ফঙ্কসনেল ইলেক্ত্রিসিতী লৈবা স্কুলশিংগী পর্সেন্তেজ; অমসুং
6. একাদেমিক সেসন হৌবগী থা ১গী মনুংদা অঙাংশিংদা তেক্সবুকশিং ফংহল্লিবা স্কুলশিংগী পর্সেন্তেজ

******