​ঙসি প্রধান মন্ত্রী শ্রী নরেন্দ্র মোদীনা নিউ দিল্লিদা সুস্মা শ্বারাজ ভাবন্দা তোঙান-তোঙানবা মিনিস্ত্রিশিং অমসুং দিপার্তমেন্তশিংদা এসিসতেন্ত সেক্রেতরিশিং ওইনা থবক পায়বা হৌরবা আই.এ.এস ২০২২ বেতচগী ওফিসার ত্রেনি ১৮১গা উনখ্রে।

উনবা অদুদা, তোঙান-তোঙানবা ওফিসারশিংনা মখোয়না ত্রেনিংদগী ফংলকপা লৌশিং কয়াগী মতাংদা পাউদমখি। মহাক্না ২০২২দা অরাম্ভ প্রোগ্রাম মনুংদা মখোয়গা উনখিবা অদু প্রধান মন্ত্রীনা নিংশিংখি। এসিসতেন্ত সেক্রেতরি গ্রোগ্রামগী মতাংদা ৱা ঙাংবদা, প্রধান মন্ত্রীনা হায়খি মদুদি এসিসতেন্ত সেক্রেতরি প্রোগ্রামগী নুঙগী ওইবা পান্দমদি লৈঙাক্কী থবক্তা মতোন্দগী মখোঙ ফাওবা নহা ওইরিবা ওফিসারশিংদা থবক তৌরগা তম্নবগী খুদোংচাবা পীবনি।

প্রধান মন্ত্রীনা হায়খি থৱায় য়াওদনা থবক তৌবদা  অনৌবা ভারতনা পেন্দে অমসুং থৱায় য়াওনা থবক তৌবা দরকার ওইরে অমসুং খ্বাইদগী ফবা লৈঙাক, মগুন লৈবা পোৎথোক পুথোকপা অমসুং মীয়ামগী মগুন লৈবা পুন্সি মহিং লৈহন্নবা ওফিসারশিংনা থবক তৌগদবনি। লাখপতি দিদি, দ্রোন দিদি, পি.এম অৱাস য়োজনাগুম্বা স্কিমশিংগী মতাংদা প্রধান মন্ত্রীনা হায়খি ওফিসারশিংনা হায়রিবা স্কিমশিং অসি মীয়ামদা চাদা ১০০ খুদোংচাবা ফংহন্নবা থবক তৌগদবনি। চাদা ১০০ থবক পাংথোকপা অসিনা খুন্নাইগী অচুম্বা পুরক্কনি অমসুং তাথি-তাওইনা তৌবা ঙাকথোকপা ঙমগনি। সরকারগী খুদোংচাবশিং ফংহনবদা অদোম স্পিৎ ব্রিকরশিং নত্ত্রগা সুপরফাস্ত হায়ৱেশিং ওইগেরা মসি অদোমগী অপাম্বনি। মখোয়না থৌনা হাপ্পা ঙম্নবা মীওই অমা ওইগদবনি অমসুং মখোয়গী মীৎমাংদা  অহোংবশিং লাকপা উবদা মখোয় অপেনবা পোক্কদবনি।

প্রধান মন্ত্রীনা হায়খি লৈবাক্না অহানবা হায়বসি শুপ্নগী খোল্লাউ অমা খক নত্তে অদুবু মসি মহাক্কী পুন্সিগী পান্দমনি অমসুং খোঙচৎ অসিদা ওফিসার খুদিংমক মহাক্কা চৎমিন্নগদবনি। মখোয় আই.এ.এস ওইনা খল্লকপদা মখোয়না ফংখিবা মীংচৎ অদু হৌখ্রে অমসুং হৌখ্রবা মতমদা লৈবগী মহুত্তা, মখোয়না তুংগীদমক মাঙলোমদা চঙশিনগদবনি।

থৌরম অদুদা রাজ্য মন্ত্রী(পর্সোনেল) শ্রী জিতেন্দ্র সিংহ, প্রধান মন্ত্রীগী প্রিন্সিপাল সেক্রেতরি শ্রী পি.কে মিশ্রা, কেবিনেত সেক্রেতরি শ্রী রজিব গৌবা অমসুং সেক্রেতরি(হোম অমসুং দি ও পি তি) শ্রী এ.কে ভাল্লা অমসুং অতোপ্পা সেনিয়ার ওফিসারশিং শরুক য়াখি।

****