ന്യൂഡൽഹി : ജൂലൈ 11, 2024

കേന്ദ്ര സാമൂഹ്യനീതി, ശാക്തീകരണ മന്ത്രാലയത്തിന് കീഴിലുള്ള ഡിപ്പാർട്ട്‌മെൻ്റ് ഓഫ് എംപവര്മെന്റ് പേഴ്‌സൺസ് വിത്ത് ഡിസെബിലിറ്റീസ് (ദിവ്യംഗർ ) ഭിന്നശേഷിക്കാരുടെ   ശാക്തീകരണത്തിനായുള്ള ദേശീയ പുരസ്‌കാരങ്ങളുടെ  പദ്ധതി നടപ്പിലാക്കി വരുന്നു .

 ഭിന്നശേഷിക്കാരുടെ  അന്താരാഷ്ട്ര ദിനത്തോടനുബന്ധിച്ച്, അതായത് ഡിസംബർ 3ന് , എല്ലാ വർഷവും, വ്യക്തികൾ, സ്ഥാപനങ്ങൾ, സംഘടനങ്ങൾ , സംസ്ഥാനം/ജില്ലകൾ മുതലായവയ്ക്ക് അവരുടെ മികച്ച നേട്ടങ്ങൾക്കും ഭിന്നശേഷിക്കാരുടെ ശാക്തീകരണത്തിനായി നടത്തിയ പ്രവർത്തനങ്ങൾക്കും  വകുപ്പ് ദേശീയ പുരസ്‌കാരങ്ങൾ നൽകുന്നു.

ആഭ്യന്തര മന്ത്രാലയത്തിൻ്റെ പുരസ്‌കാര  പോർട്ടലിൽ (www.awards.gov.in) ഓൺലൈൻ വഴി മാത്രം 2024-ലെ ദേശീയ പുരസ്‌കാരങ്ങൾക്ക്  അപേക്ഷ ക്ഷണിച്ചുകൊണ്ട് ദേശീയ / പ്രാദേശിക പത്രങ്ങളിൽ വകുപ്പ് പരസ്യം പ്രസിദ്ധീകരിച്ചു.  പുരസ്‌കാരങ്ങൾക്കുള്ള മാർഗ്ഗനിർദ്ദേശങ്ങൾ ലളിതമാക്കുകയും യുക്തിസഹമാക്കുകയും ചെയ്തിരിക്കുന്നു, അവ വകുപ്പിൻ്റെ വെബ് പോർട്ടലിൽ ലഭ്യമാണ് – www.depwd.gov.in .

ദേശീയ പുരസ്കാരങ്ങളുടെ വിഭാഗം തിരിച്ചുള്ള വിശദാംശങ്ങൾ, യോഗ്യതാ മാനദണ്ഡങ്ങൾ, തിരഞ്ഞെടുക്കൽ നടപടിക്രമങ്ങൾ തുടങ്ങിയവയും വെബ്‌സൈറ്റിൽ ലഭ്യമാണ്.

ഓൺലൈൻ നാമനിർദ്ദേശം / അപേക്ഷ 2024 ജൂൺ 15 മുതൽ ആരംഭിച്ചു, നാമനിർദ്ദേശങ്ങൾക്കുള്ള അവസാന തീയതി 2024 ജൂലൈ 31 ആണ്.മേൽപ്പറഞ്ഞ പുരസ്കാരങ്ങൾക്കുള്ള അപേക്ഷകൾ/നാമനിർദേശങ്ങൾ  അയയ്‌ക്കുന്നതിന് വിപുലമായ പ്രചാരണം നൽകുന്നതിനായി 24.06.2024-ന് സംസ്ഥാന/കേന്ദ്ര ഭരണ പ്രദേശങ്ങ ഗവൺമെന്റുകള്ക്കും  മറ്റുള്ളവർക്കും വകുപ്പ്  കത്തുകൾ അയച്ചു.