প্রধানমন্ত্রীগী লোইশঙ
প্রধান মন্ত্রীগা ওস্ত্রিয়াগী রাস্ত্রপতিগা উন্নখ্রে
Posted On:
10 JUL 2024 9:13PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ওস্ত্রিয়াগী ভিএনাদা রাস্ত্রপতি ঐচ.ই. শ্রী অলেকজেন্দর ভান দর বেল্লেনগা উন্নখ্রে। রাস্ত্রপতি ভান দর বেল্লেন্না প্রধান মন্ত্রীবু মহাক্কী পুৱারী ওইরবা অহুমশুবা তর্মগীদমক্তা থাগৎপা ফোংদোকখি।
লৈবাক অনি অসিনা দিপ্লমেসীগী মরী লৈনরকপা চহি 75 মপুং ফাবা মতমদা ওস্ত্রিয়াগী খঙচৎ চৎলিবা অসিনা খোঙচৎ অসিবু অখন্নবা অমদি পুৱারী ওইহল্লে হায়না প্রধান মন্ত্রীনা হায়খি। লুচিংবা অনিনা মান্ননা পুক্নিং চঙবা বাইলেতরেল অমসুং মালেমগী হীরম কয়াদা ৱারী শাখি। মখোয়না অকোয়বগী ফিভম তুং কোইনা চৎহনবা অমসুং গ্লোবেল ৱার্মিংগা মাইয়োক্নবগী মতাংদা ৱারী শাখি। হীরম অসিগা মরী লৈননা, লুচিংবা অনিনা রিন্যুএবল ইনর্জী, অখন্নবা ওইনা সোলর, হাইদ্রো অমসুং বাইওফুএলগুম্বা লমশিংদা তেংবাংনদুনা কান্নবা লৌনবগী ৱাফম খন্নখি। প্রধান মন্ত্রীনা রাস্ত্রপতি ভান দর বেল্লেন্না মশাগী খুদোংচাবগী মখা পোন্না ভারত্তা লাকপীনবা পাউজেলশু পীখি।
***
(Release ID: 2032396)
Visitor Counter : 6
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam