وزیراعظم کا دفتر

وزیراعظم کی آسٹریا کے صدر کے ساتھ ملاقات

Posted On: 10 JUL 2024 9:13PM by PIB Delhi

وزیراعظم جناب نریندرمودی نے آج ویانا میں آسٹریا کے صدر عزت مآب جناب الیگزینڈر وان  ڈیر بیلن  سے ملاقات کی ۔ صدر عزت مآب جناب الیگزینڈر وان  ڈیر بیلن  نے ،وزیراعظم کو ان کی تاریخی تیسری مد ت کے لئے عہدہ سنبھالنے پرمبارکباد پیش کی ۔

وزیراعظم نے اس بات کو نمایاں کیا کہ  ان کا آسٹریا کا یہ دورہ ایک ایسے وقت میں ہورہا ہے ، جب دونوں  ملک  اپنے سفارتی تعلقات کے  75سال  پورے ہونے کا جشن منارہے ہیں۔دونوں رہنماؤں نے باہمی مفاد کے دوطرفہ اور عالمی امور پر تبادلہ خیال کیا۔ انہو ں نے   ماحولیاتی توازن کو برقرار رکھنے اور عالمی تمازت  سے نمٹنے کے بارے میں  اپنے خیالات ونظریات مشترک کئے ۔اس سلسلے میں، دونوں رہنماؤں نے قابل تجدید توانائی ، خاص طور پر شمسی  توانائی ، پن بجلی اوربائیو ایندھن  جیسے شعبوںمیں اشتراک وتعاون کے  باہمی مفاد کے مواقع کے بارے میں بھی غوروخوض کیا۔وزیراعظم  نے، صدر ،عزت مآب جناب الیگزینڈر وان  ڈیر بیلن   کوان کی سہولت کے مطابق  بھارت کادورہ کرنے  سے متعلق اپنی دعوت کا اعادہ کیا۔

*****

U.No:8234

ش ح۔ع م۔رم



(Release ID: 2032313) Visitor Counter : 16


Read this release in: English , Marathi , Hindi , Assamese , Bengali , Manipuri , Punjabi , Gujarati , Odia , Tamil , Telugu , Kannada , Malayalam