কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ঙসি গুজরাত্তা অমিন PJKP বিধ্যার্থি ভাবন শঙ্গাখ্রে। থৌরম অদুদা গুজরাতকী মুখ্য মন্ত্রী শ্রী ভুপেন্দ্র পতেল য়াওনা মশক নাইবা মীওই কয়ানা শরুক য়াখি।

শ্রী অমিত শাহনা অহমদাবাদতা মোদর্ন মলতিস্পেসিএলিতী SLiMS হোস্পিতালসু শঙ্গাখি।

অঙনবদা শ্রী অমিত শাহনা অহমদাবাদতা লৈবা শ্রী জগন্নাথ মন্দিরদা মঙ্গালা আর্তী পাঙথোকখি।

X প্লেতফোর্মদা তৌবা পোস্ত অমদা, কেন্দ্রগী গৃহ মন্ত্রীনা মহাপ্রভু জগন্নাথজীগী রথ য়াত্রাগী থৌরমদা লৈবাক মীয়ামদা নুংঙাইবা ফোঙদোকখি। মহাক্না হায়খি, "মহাপ্রভু জগন্নাথকী রথ যাত্রা অসি ভারতকী নাৎকী ওইবা হেরিতেজ অমসুং চাউখৎপা ঙাক-শেনবা অমসুং অনৌবা চাউখৎপা পুরক্নবা অফবা থৌরম অমনি, মসি লৈবাক অসিগী ভক্ত করোর কয়ানা অখন্নবা থৌনাগা লোয়ননা পাঙথোকই। মসিগী চৎনবী অসি ভারতকী চৎনবী অসি মহৌশাগী ওইবা মওংদা দাইনামিক ওইবগী খুদম্নি অমসুং কুমহৈশিং অমসুং স্পিরিচুএলিতী অসি মসিগী মগুনশিংনি। মহাপ্রভুগী রথ যাত্রা অসিদা লৈবাক মীয়াম পুম্নমক্তা ঐহাক্না নুংঙাইবা ফোঙদোকচরি অমসুং মহাপ্রভু জগন্নাথ, বীর বলভদ্রা অমসুং মাতা সুভদ্রা পুম্নমক্কী য়াইফনবা অমসুং চাউখৎনবগীদমক থৌনিজরি।"

महाप्रभु जगन्नाथ जी की रथ यात्रा भारतीय सांस्कृतिक विरासत व समृद्धि को सहेजने और नया उत्कर्ष प्रदान करने का पुण्य अवसर है, जिसे देश के करोड़ों श्रद्धालु अत्यंत भक्तिभाव से मनाते हैं। यह यात्रा प्रतीक है कि भारतीय संस्कृति प्रवृत्ति से ही चलायमान है और उत्सव व अध्यात्म इसके धुरी… pic.twitter.com/hsAhN2R3ci

— Amit Shah (@AmitShah) July 7, 2024

অমিন PJKP বিদ্যার্থী ভাবন শঙ্গাবগী মতুংদা শ্রী অমিত শাহনা হায়খি মদুদি করিগুম্বা ইন্সতিত্যুসন অমনা চহি 100 মপুং ফারবদি, ইন্সতিত্যুসন অদুনা খুন্নাই পুম্নমক্কী মতেং ফংখি হায়না লৌবা য়াই, মদু খক্তদা চহি 100  মপুং ফারকপা ঙমখিবা। মহাক্না হায়খি মদুদি ইন্সতিত্যুসন অসিনা চহি 92 অসিদা অঙাং লিশিং কয়াগী পুন্সিদা লৌশিংগী মঙাল অসি লেপ্তনা শন্দোক্লি অমসুং হোস্তেল অসিনা গুজরাত অমসুং লৈবাক অসিদা সেবা তৌখিবা মীওই কয়া অমা পীরি। মহাক্না মহৈরোয়শিংদা হায়খি মদুদি পুন্সিদা খুদোংচাদবা কয়া থেংনরবসু, করিগুম্বা নহাক্না মখোয়বু হরাওনা অমসুং খাংবা কনবগ লোয়ননা থেংনরবদি, খুদোংচাদবা খুদিংমক মশা মথন্তনা মাংখিগনি।

কেন্দ্রগী গৃহ মন্ত্রীনা হায়খি মদুদি ইন্সতিত্যুসন অসিনা গুজরাতকী চাউখৎ থৌরাংদা শরুক য়াখিবা অফবা নাগরিক কয়া পুথোকখ্রে। মহাক্না হায়খি মদুদি ঙসি ঐখোয় পুম্নমক্না মফম অসিদা লৈমিন্নরি, সরদার পতেলনা মতম অমদা মহাক্কী পুন্সি কৎথোকখি অমসুং নীংতম ইহৌগী মতমদা মীফম কয়া পাঙথোকখি। মহাক্না হায়খি মফম খুদিংমক্কী মশাগী ওইবা চৎনবী লৈ অমসুং লমদম অসিগা মরী লৈনবনা ঐখোয়দা হায়রিবা চৎনবীগী মগুনশিং অসি পোকহল্লি। শ্রী শাহনা হায়খি মদুদি মফম অসিদা লাক্লিবা মহৈরোইশিংনা সরদার পতেলগুম্বা অচৌবা মীশক অমনা মফম অসিদগী নীংতম ইহৌদা অচৌবা থৌদাং লৌখি হায়বসি মতম পুম্নমক্তা নীংশিংগদবনি। মহাক্না হায়খি মদুদি ঙসিগী মীরোলগী মহৈরোয়শিংনা লৈবাক অসিগীদমক মখোয়গী পুন্সি কৎথোকপগী মথৌ তাদে অদুবু মখোয়না লৈবাক অসিগীদমক হিংবা মথৌ তাই। মহাক্না মহৈরোইশিংদা হায়খি মদুদি মখোয়না মখোয়গী পুন্সিদা করি তৌরবসু মদু লৈবাক অসিগীদমক তৌগদবনি। মহাক্না হায়খি মদুদি ঐখোয়না ঐখোয়গী পুন্সি চুপ্পদা লৈবাক্কীদমক থবক তৌবগী পুক্নিং থৌগৎপীগদবনি।

শ্রী অমিৎ শাহনা হায়খি মদুদি মহৈরোয় 1000 রোম্না অৱাংবা থাক্কী এজুকেসনগীদমক বিদ্যার্থী ভবন অসিদা মহৈ তম্বা ফংলগনি। মহাক্না হায়খি হায়র এজুকেসনগী খুদোংচাবা লৈতবা মফমশিংদগী লাকপা মহৈরোয়শিংসু মফম অসিদা লাকপা অমসুং মহৈ তম্বা ঙমগনি। মসিনা মখোয়গী পুন্সিদা মঙাল পীগনি। মহাক্না হায়খি মদুদি কদবা পতেল কম্ম্যুনিতীনা গুজরাতকী চাউখৎ থৌরাংদা চাউনা তেংবাংলি। শ্রী শাহনা হায়খি মদুদি ঐখোয়না গুজরাত অমসুং পতেল কম্ম্যুনিতীগী চাউখৎপগী গ্রাফ য়েংবদা, মখোয় অনি অসি মান্ননা মাংলোমদা চংশিল্লি। মহাক্না হায়খি মদুদি পতেল কম্ম্যুনিতীগী দিবেলপমেন্তকা লোয়ননা গুজরাতসু দিবেলপ তৌরি। মহাক্না হায়খি মদুদি পতেল কম্ম্যুনিতী অসি কন্না হোৎনজবা কম্ম্যুনিতী অমনি, মসিদা এজুকেসন, ব্যুজিনেস মাইন্দ, থৌনা অমসুং খুন্নাই অসিবু পুনশিন্নদুনা মাংলোমদা চংশিনবগী মগুনশিং লৈ, মসিনা পতেল কম্ম্যুনিতী পুম্ববু, মরুওইনা কদবা পতিদার কম্ম্যুনিতীবু য়াম্না মাংলোমদা পুখৎলে। মহাক্না হায়খি মদুদি হায়রিবা কম্ম্যুনিতী অসিনা গুজরাত অমসুং লৈবাক অসিগী চাউখৎ থৌরাংদা চাউনা থৌদাং লৌরি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি মফম অসিদা লাক্লিবা মহৈরোয় পুম্নমক অসি পুৱারী ওইরবা মফম অসিদা মহৈ তম্বগী খুদোংচাবা ফংজবা অসিদা য়াম্না নুংঙাইবা ফাওই। মহাক্না হায়খি মীপুম খুদিংমক্না মশাগী য়াইফ-থৌরাংগীদমক খনবা অমসুং মখোয়গী নুংঙাইবা ফংনবগীদমক হোৎনবগী হক লৈ। অদুবু মীওই অমনা মশাগী য়াইফ-থৌরাংগীদমক অতোপ্পা মীওইশিংনসু কান্নবা ফংহনগদবা লম্বী অমা খল্লবদি খুন্নাইগীদমক্তা অফবা ওইগনি। শ্রী শাহনা হায়খি মদুদি মহৈরোয়শিংনা মখোয়গী পুন্সিদা পান্দম থমগদবনি অমসুং মদু ফংনবগীদমক হোৎনবা হায়বসি য়াম্না মরু ওই। মহাক্না হায়খি মদুদি পান্দম অদু ফংনবগীদমক পুন্সিদা কন্না হোৎনবসি মরু ওই অদুবু কনাগুম্বা অমনা অরাইবা লম্বীদা চংশিনবা য়াদে।

*****