പ്രധാനമന്ത്രിയുടെ ഓഫീസ്‌
രാജ്യസഭയില്‍ രാഷ്ട്രപതിയുടെ പ്രസംഗത്തിനുള്ള നന്ദി പ്രമേയത്തിന്‍മേല്‍ പ്രധാനമന്ത്രിയുടെ മറുപടി
Posted On:
03 JUL 2024 5:46PM by PIB Thiruvananthpuram
ബഹുമാനപ്പെട്ട ചെയര്‍മാന്‍,
പ്രചോദനകരവും പ്രോത്സാഹജനകവുമായ പ്രസംഗത്തിന് രാഷ്ട്രപതിയോട് നന്ദി അറിയിക്കാനാണ് ഞാന്‍ ഈ ചര്‍ച്ചയില്‍ പങ്കെടുത്തത്. രാഷ്ട്രപതിയുടെ വാക്കുകള്‍ രാജ്യവാസികള്‍ക്ക് പ്രചോദനം മാത്രമല്ല, സത്യത്തിന്റെ വിജയയാത്രയുടെ സാക്ഷ്യപത്രം കൂടിയായിരുന്നു.
ബഹുമാനപ്പെട്ട ചെയര്‍മാന്‍,
കഴിഞ്ഞ രണ്ടര ദിവസത്തിനിടെ, ഏകദേശം 70 ബഹുമാന്യരായ എംപിമാര്‍ ഈ ചര്‍ച്ചയില്‍ തങ്ങളുടെ അഭിപ്രായങ്ങള്‍ പങ്കുവച്ചു. രാഷ്ട്രപതിയുടെ പ്രസംഗത്തെ വ്യാഖ്യാനത്താല്‍ സമ്പന്നമാക്കിയ നിങ്ങളുടെ വിലയേറിയ സംഭാവനകള്‍ക്ക് ഞാന്‍ നിങ്ങള്‍ക്കെല്ലാവര്‍ക്കും എന്റെ നന്ദി അറിയിക്കുന്നു.
ബഹുമാനപ്പെട്ട ചെയര്‍മാന്‍,
ഇന്ത്യയുടെ സ്വാതന്ത്ര്യ ചരിത്രത്തിലും നമ്മുടെ പാര്‍ലമെന്ററി ജനാധിപത്യ യാത്രയിലും തുടര്‍ച്ചയായി മൂന്നാം തവണയും ജനങ്ങളെ സേവിക്കാനുള്ള അവസരം പതിറ്റാണ്ടുകള്‍ക്ക് ശേഷം ഒരു ഗവണ്‍മെന്റിന് ഈ രാജ്യത്തെ ജനങ്ങള്‍ നല്‍കിയിട്ടുണ്ട്. 60 വര്‍ഷത്തിനിടെ ആദ്യമായാണ് ഒരു ഗവണ്‍മെന്റ് പത്തുവര്‍ഷത്തെ ഭരണത്തിന് ശേഷം വീണ്ടും അധികാരത്തില്‍ വരുന്നത്. ഇന്ത്യന്‍ ജനാധിപത്യത്തിന്റെ ആറ് പതിറ്റാണ്ടുകള്‍ക്ക് ശേഷം സംഭവിക്കുന്ന ഈ സംഭവം തീര്‍ച്ചയായും അസാധാരണമാണ്. എന്നിരുന്നാലും, ചിലര്‍ അത് ബോധപൂര്‍വം അവഗണിച്ചു, ചിലര്‍ അത് മനസ്സിലാക്കുന്നതില്‍ പരാജയപ്പെട്ടു, മനസ്സിലാക്കിയവര്‍ കോലാഹലം സൃഷ്ടിച്ച് ജനങ്ങളുടെ വിവേകത്തെയും ഈ സുപ്രധാന തീരുമാനത്തെയും തുരങ്കംവയ്ക്കാന്‍ ശ്രമിച്ചു. കഴിഞ്ഞ രണ്ട് ദിവസമായി, അവര്‍ തങ്ങളുടെ തോല്‍വിയും ഞങ്ങളുടെ വിജയവും കനത്ത ഹൃദയത്തോടെയും ദുര്‍ബലമായ മനസ്സോടെയും സ്വീകരിച്ചതായി ഞാന്‍ നിരീക്ഷിച്ചു.
ബഹുമാനപ്പെട്ട ചെയര്‍മാന്‍,
കോണ്‍ഗ്രസില്‍ നിന്നുള്ള ഞങ്ങളുടെ ചില സുഹൃത്തുക്കള്‍ക്ക് എന്റെ ഹൃദയംഗമമായ നന്ദി അറിയിക്കാന്‍ ഞാന്‍ ആഗ്രഹിക്കുന്നു. ഫലം വന്നതു മുതല്‍, പാര്‍ട്ടി പിന്തുണ ഇല്ലാതിരുന്നിട്ടും, ഞങ്ങളുടെ ഒരു സുഹൃത്ത് ഉറച്ചുനില്‍ക്കുകയും പാര്‍ട്ടിയുടെ കൊടി ഒറ്റയ്ക്ക് പിടിക്കുകയും ചെയ്തുവെന്ന് ഞാന്‍ നിരീക്ഷിച്ചു. പ്രതികൂലമായി തോന്നിയെങ്കിലും അദ്ദേഹത്തിന്റെ പ്രവര്‍ത്തനങ്ങള്‍ ഒരു അനുഗ്രഹമായിരുന്നുവെന്ന് ഞാന്‍ വിശ്വസിക്കുന്നു. എന്തുകൊണ്ടാണ് ഞാന്‍ ഇത് പറയുന്നത്? കാരണം, 'മൂന്നിലൊന്ന് സര്‍ക്കാര്‍' എന്ന ആശയം അദ്ദേഹം ആവര്‍ത്തിച്ച് ഊന്നിപ്പറഞ്ഞിരുന്നു. ഇതിലും വലിയ സത്യം മറ്റെന്തുണ്ട്? ഞങ്ങള്‍ പത്ത് വര്‍ഷം പൂര്‍ത്തിയാക്കി, ഇരുപത് വര്‍ഷം കൂടി മുന്നിലുണ്ട്. മൂന്നിലൊന്ന് കൈവരിച്ചു, മൂന്നില്‍ രണ്ട് ഇനിയും വരാനുണ്ട്. അദ്ദേഹത്തിന്റെ പ്രവചനത്തിന് ഞാന്‍ ശരിക്കും നന്ദിയുള്ളവനാണ്.
ബഹുമാനപ്പെട്ട ചെയര്‍മാന്‍,
കഴിഞ്ഞ പത്തുവര്‍ഷമായി അചഞ്ചലമായ അര്‍പ്പണബോധത്തോടെയും നിരന്തര സേവനത്തോടെയും നടത്തിയ പ്രവര്‍ത്തനങ്ങളെ ഈ രാജ്യത്തെ ജനങ്ങള്‍ പൂര്‍ണ്ണഹൃദയത്തോടെ പിന്തുണച്ചു. പൗരന്മാര്‍ ഞങ്ങളെ അനുഗ്രഹിച്ചു. ആദരണീയ ചെയര്‍മാന്‍, ഈ തിരഞ്ഞെടുപ്പില്‍ രാജ്യവാസികള്‍ കുപ്രചരണങ്ങളെ പരാജയപ്പെടുത്തിയതിനാല്‍ അവര്‍ പ്രകടിപ്പിച്ച വിവേകത്തില്‍ ഞങ്ങള്‍ അഭിമാനിക്കുന്നു. ജനങ്ങള്‍ 'ഭ്രമത്തിന്റെ രാഷ്ട്രീയ'ത്തേക്കാള്‍ പ്രകടനത്തിന് മുന്‍ഗണന നല്‍കുകയും 'വിശ്വാസത്തിന്റെ രാഷ്ട്രീയം' അംഗീകരിക്കുകയും ചെയ്തു.
ബഹുമാനപ്പെട്ട ചെയര്‍മാന്‍,
നമ്മുടെ ഭരണഘടനയുടെ 75-ാം വര്‍ഷത്തിലേക്ക് കടക്കുകയാണ്. ഈ നാഴികക്കല്ല് ഈ സഭയ്ക്കും പ്രാധാന്യമര്‍ഹിക്കുന്നതാണ്, കാരണം ഇത് അതിന്റെ 75-ാം വാര്‍ഷികത്തോടനുബന്ധിച്ച് നടക്കുന്നു എന്നത് ശരിക്കും അതിനെ അത്ഭുതകരമായ യാദൃശ്ചികതയാക്കി മാറ്റുന്നു.
ബഹുമാനപ്പെട്ട ചെയര്‍മാന്‍,
ഒരു ഗ്രാമ സര്‍പഞ്ചോ ഗ്രാമത്തലവനോ ആയി പോലും ഒരു രാഷ്ട്രീയ സ്ഥാനവും വഹിച്ചിട്ടില്ലാത്ത കുടുംബങ്ങള്‍ ഈ രാജ്യത്തെ പൊതുജീവിതത്തില്‍ എന്നെപ്പോലെ നിരവധി പേരുണ്ട്. രാഷ്ട്രീയ ബന്ധങ്ങളൊന്നും ഇല്ലാതിരുന്നിട്ടും ഇന്ന് നമ്മള്‍ കാര്യമായ സ്ഥാനങ്ങളില്‍ രാജ്യത്തെ സേവിക്കുന്നു. ബാബാ സാഹിബ് അംബേദ്കര്‍ നമുക്ക് നല്‍കിയ ഭരണഘടന നല്‍കുന്ന അവസരങ്ങളാണ് ഇതിന് കാരണം. ഈ ഭരണഘടന കാരണം എന്നെപ്പോലുള്ള നിരവധി ആളുകള്‍ ഈ സ്ഥാനങ്ങളില്‍ എത്തി, പൊതുജനങ്ങള്‍ ഇത് അംഗീകരിച്ചു, ഞങ്ങള്‍ക്ക് മൂന്നാം തവണയും സേവനമനുഷ്ഠിക്കാന്‍ അവസരം നല്‍കി.
ബഹുമാനപ്പെട്ട ചെയര്‍മാന്‍,
നമ്മെ സംബന്ധിച്ചിടത്തോളം ഭരണഘടന എന്നത് വെറും അനുച്ഛേദങ്ങളുടെ സമാഹാരമല്ല. അതിന്റെ ആത്മാവും വാക്കുകളും നമുക്ക് വളരെ വിലപ്പെട്ടതാണ്. ഏതൊരു ഗവണ്‍മെന്റിന്റെയും നയരൂപീകരണത്തെയും പ്രവര്‍ത്തനങ്ങളെയും നയിക്കുന്ന ഒരു വിളക്കുമാടമായും ഒരു ദിശാസൂചിയായും ഭരണഘടന പ്രവര്‍ത്തിക്കുന്നുവെന്ന് ഞങ്ങള്‍ വിശ്വസിക്കുന്നു.
ബഹുമാനപ്പെട്ട ചെയര്‍മാന്‍,
നവംബര്‍ 26 ഭരണഘടനാ ദിനമായി ആചരിക്കുമെന്ന് നമ്മുടെ ഗവണ്‍മെന്റ് ലോക്സഭയില് പ്രഖ്യാപിച്ചത് ഞാനിപ്പോഴും ഓര്‍ക്കുന്നു. ജനുവരി 26 ഉള്ളപ്പോള്‍ ഭരണഘടനാ ദിനം ആവശ്യമായി വരുന്നത് എന്തിനാണെന്ന് ചോദിച്ച് ഭരണഘടനയുടെ പകര്‍പ്പുകള്‍ 'അലയുന്ന'വര്‍ ഈ ആശയത്തെ എതിര്‍ത്തതില്‍ ഞാന്‍ ആശ്ചര്യപ്പെട്ടു. ഭരണഘടനാ ദിനത്തിലൂടെ, രാജ്യത്തുടനീളമുള്ള സ്‌കൂളുകളിലും കോളേജുകളിലും ഭരണഘടനയുടെ ചൈതന്യം പകരാന്‍ ഞങ്ങള്‍ ലക്ഷ്യമിടുന്നു. ഭരണഘടനാ രൂപീകരണത്തില്‍ രാജ്യത്തെ പ്രമുഖ വ്യക്തിത്വങ്ങള്‍ വഹിച്ച പങ്ക്, ചില തീരുമാനങ്ങള്‍ എടുക്കുകയോ ഒഴിവാക്കുകയോ ചെയ്യുന്നത് എന്തുകൊണ്ടാണെന്നും ഈ വിഷയങ്ങളില്‍ വിശദമായ ചര്‍ച്ചകളില്‍ ഏര്‍പ്പെടണമെന്നും വിദ്യാര്‍ത്ഥികള്‍ മനസ്സിലാക്കണമെന്ന് ഞങ്ങള്‍ ആഗ്രഹിക്കുന്നു. ഉപന്യാസ മത്സരങ്ങള്‍, ചര്‍ച്ചാ യോഗങ്ങള്‍, ഭരണഘടനയെക്കുറിച്ചുള്ള വ്യാപകമായ വിലമതിപ്പും ധാരണയും എന്നിവ ഞങ്ങള്‍ പ്രോത്സാഹിപ്പിക്കുന്നു. വരും കാലഘട്ടത്തില്‍ ഭരണഘടന നമ്മുടെ ഏറ്റവും വലിയ പ്രചോദനമായി നിലകൊള്ളുമെന്ന് ഉറപ്പാക്കാന്‍ ഞങ്ങള്‍ പരിശ്രമിക്കുന്നു. ഇന്ത്യന്‍ ഭരണഘടനയുടെ പിറവിയുടെ 75-ാം വര്‍ഷത്തിലേക്ക് കടക്കുമ്പോള്‍, ഇത് രാജ്യവ്യാപകമായി ഒരു പൊതു ഉത്സവമായി ആഘോഷിക്കാന്‍ ഞങ്ങള്‍ തീരുമാനിച്ചു. ഇതിലൂടെ, രാജ്യത്തിന്റെ എല്ലാ കോണുകളിലും ഭരണഘടനയുടെ ആത്മാവിനെക്കുറിച്ചും ലക്ഷ്യത്തെക്കുറിച്ചും അവബോധം വളര്‍ത്താന്‍ ഞങ്ങള്‍ ലക്ഷ്യമിടുന്നു.
ബഹുമാനപ്പെട്ട ചെയര്‍മാന്‍,
മൂന്നാം തവണയും സേവനമനുഷ്ഠിക്കാന്‍ ഈ രാജ്യത്തെ ജനങ്ങള്‍ ഞങ്ങള്‍ക്ക് അവസരം നല്‍കി. വികസിതവും സ്വാശ്രയവുമായ ഇന്ത്യയിലേക്കുള്ള യാത്രയെ ശക്തിപ്പെടുത്താന്‍ ഈ അവസരം നമ്മെ സഹായിക്കുന്നു. ഈ പ്രമേയം നിറവേറ്റാന്‍ കോടിക്കണക്കിന് ആളുകള്‍ ഞങ്ങളെ അനുഗ്രഹിച്ചു.
ബഹുമാനപ്പെട്ട ചെയര്‍മാന്‍,
ഈ തിരഞ്ഞെടുപ്പ് കഴിഞ്ഞ പത്തുവര്‍ഷത്തെ നമ്മുടെ നേട്ടങ്ങളുടെ അംഗീകാരം മാത്രമല്ല, നമ്മുടെ ഭാവി പദ്ധതികളിലും തീരുമാനങ്ങളിലുമുള്ള വിശ്വാസ വോട്ട് കൂടിയാണ്. രാജ്യത്തെ ജനങ്ങള്‍ ഞങ്ങളില്‍ വിശ്വാസം അര്‍പ്പിക്കുകയും നമ്മുടെ സ്വപ്നങ്ങളും ആഗ്രഹങ്ങളും നിറവേറ്റാനുള്ള അവസരം നല്‍കുകയും ചെയ്തു.
ബഹുമാനപ്പെട്ട ചെയര്‍മാന്‍,
കഴിഞ്ഞ പത്ത് വര്‍ഷത്തിനുള്ളില്‍ നമ്മുടെ സമ്പദ്വ്യവസ്ഥയെ ലോകത്തിലെ ഏറ്റവും വലിയ പത്തില്‍ നിന്ന് അഞ്ചാം സ്ഥാനത്തേക്ക് വിജയകരമായി ഉയര്‍ത്തിയതായി രാജ്യത്തിന് നന്നായി അറിയാം. ഉയര്‍ന്ന റാങ്കുകള്‍ ലക്ഷ്യമിടുമ്പോള്‍ വെല്ലുവിളികളും വര്‍ദ്ധിക്കുന്നു. കൊറോണ മഹാമാരി, ആഗോള സംഘര്‍ഷങ്ങള്‍, പിരിമുറുക്കം എന്നിവയുടെ പ്രയാസകരമായ കാലഘട്ടങ്ങള്‍ക്കിടയിലും, അഞ്ചാമത്തെ വലിയ സമ്പദ്വ്യവസ്ഥയാകാനുള്ള ഈ നാഴികക്കല്ല് കൈവരിക്കാന്‍ ഞങ്ങള്‍ക്ക് കഴിഞ്ഞു. അഞ്ചാം സ്ഥാനത്ത് നിന്ന് മൂന്നാമത്തെ വലിയ സമ്പദ്വ്യവസ്ഥയിലേക്ക് മുന്നേറാനുള്ള ജനവിധി ജനങ്ങള്‍ ഇപ്പോള്‍ ഞങ്ങള്‍ക്ക് നല്‍കിയിട്ടുണ്ട്, ഞങ്ങള്‍ ഈ ലക്ഷ്യം കൈവരിക്കുമെന്ന് എനിക്ക് ഉറപ്പുണ്ട്. ചില 'പണ്ഡിതന്മാര്‍' ഇത് പ്രയത്‌നമില്ലാതെ യാന്ത്രികമായി സംഭവിക്കുമെന്ന് ഞാന്‍ മനസ്സിലാക്കുന്നു. ഓട്ടോ-പൈലറ്റിലോ റിമോട്ട് കണ്‍ട്രോളിലോ സര്‍ക്കാര്‍ പ്രവര്‍ത്തിപ്പിക്കാന്‍ ശീലിച്ച ആളുകളാണ് ഇവര്‍, സജീവമായ നടപടികള്‍ സ്വീകരിക്കുന്നതില്‍ വിശ്വസിക്കാത്തവരും പകരം കാത്തിരിക്കുന്നവരുമാണ്. എന്നിരുന്നാലും, ഞങ്ങളുടെ ശ്രമങ്ങളില്‍ ഞങ്ങള്‍ പ്രതിജ്ഞാബദ്ധരാണ്. വരും വര്‍ഷങ്ങളില്‍, കഴിഞ്ഞ 10 വര്‍ഷമായി ഞങ്ങള്‍ ചെയ്തതിന്റെ പുരോഗതി ത്വരിതപ്പെടുത്തുകയും ഞങ്ങളുടെ നേട്ടങ്ങള്‍ വികസിപ്പിക്കുകയും ഈ പ്രമേയം നിറവേറ്റുന്നതിനായി പുതിയ ഉയരങ്ങളിലും ആഴങ്ങളിലും എത്തുകയും ചെയ്യും.
ബഹുമാനപ്പെട്ട ചെയര്‍മാന്‍,
തെരഞ്ഞെടുപ്പ് വേളയില്‍, ഞാന്‍ പലപ്പോഴും നാട്ടുകാരോട് പറഞ്ഞിട്ടുണ്ട്, കഴിഞ്ഞ പത്ത് വര്‍ഷമായി നാം ചെയ്ത ജോലികള്‍ വെറും അപ്പടൈസർ മാത്രമാണ്; മെയിൻ കോഴ്സ് ഇപ്പോള്‍ ആരംഭിച്ചതേയുള്ളൂ.
ബഹുമാനപ്പെട്ട ചെയര്‍മാന്‍,
വരുന്ന അഞ്ച് വര്‍ഷം അടിസ്ഥാന സൗകര്യങ്ങളുടെ പരിപൂര്‍ണത ഉറപ്പാക്കാന്‍ സമര്‍പ്പിക്കുന്നു. മാന്യമായ ജീവിതം നയിക്കാന്‍ ആവശ്യമായ സൗകര്യങ്ങളും ഭരണവും ഓരോ പൗരനും ലഭ്യമാകുന്ന ഒരു യുഗമായി ഈ കാലഘട്ടത്തെ മാറ്റാനാണ് ഞങ്ങള്‍ ലക്ഷ്യമിടുന്നത്.
ബഹുമാനപ്പെട്ട ചെയര്‍മാന്‍,
അടുത്ത അഞ്ച് വര്‍ഷം ദാരിദ്ര്യത്തിനെതിരായ നിര്‍ണായക പോരാട്ടമായിരിക്കും. ഈ കാലഘട്ടം ദാരിദ്ര്യത്തിനെതിരായ ദരിദ്രരുടെ പോരാട്ടത്തിന് സാക്ഷ്യം വഹിക്കും, ദരിദ്രര്‍ ഒറ്റക്കെട്ടായി ദൃഢനിശ്ചയത്തോടെ നില്‍ക്കുമ്പോള്‍ അവരുടെ പോരാട്ടം വിജയത്തിലേക്ക് നയിക്കുമെന്ന് ഞാന്‍ വിശ്വസിക്കുന്നു. അതിനാല്‍, ദാരിദ്ര്യത്തിനെതിരായ പോരാട്ടത്തില്‍ ഈ അഞ്ച് വര്‍ഷം നിര്‍ണായകമാകും, നമ്മുടെ രാജ്യം വിജയിക്കുമെന്ന് എനിക്ക് ഉറപ്പുണ്ട്. കഴിഞ്ഞ പത്തുവര്‍ഷത്തെ അനുഭവങ്ങളുടെയും നേട്ടങ്ങളുടെയും അടിസ്ഥാനത്തിലാണ് ഈ ആത്മവിശ്വാസം.
ബഹുമാനപ്പെട്ട ചെയര്‍മാന്‍,
ലോകത്തെ മൂന്നാമത്തെ വലിയ സമ്പദ്വ്യവസ്ഥയായി രാജ്യം മാറുമ്പോള്‍, അതിന്റെ നേട്ടങ്ങളും സ്വാധീനവും ജീവിതത്തിന്റെ എല്ലാ മേഖലകളിലും അനുഭവപ്പെടും. വികസനത്തിനും വിപുലീകരണത്തിനുമുള്ള നിരവധി അവസരങ്ങള്‍ ഉയര്‍ന്നുവരും, അതിനാല്‍ നമ്മള്‍ ലോകത്തിലെ മൂന്നാമത്തെ വലിയ സമ്പദ്വ്യവസ്ഥയാകുമ്പോള്‍, ഈ നേട്ടം ഭാരതത്തിന്റെ എല്ലാ തലങ്ങളെയും ഗുണപരമായി സ്വാധീനിക്കുകയും ആഗോള തലത്തില്‍ അഭൂതപൂര്‍വമായ സ്വാധീനം സൃഷ്ടിക്കുകയും ചെയ്യും.
ബഹുമാനപ്പെട്ട ചെയര്‍മാന്‍,
സമീപ ഭാവിയില്‍ പുതിയ സ്റ്റാര്‍ട്ടപ്പുകളുടെയും കമ്പനികളുടെയും ആഗോള ഉയര്‍ച്ചയ്ക്ക് ഞങ്ങള്‍ സാക്ഷ്യം വഹിക്കും. രാജ്യത്തിന്റെ ഭാവിയില്‍ വളര്‍ച്ചാ എഞ്ചിനുകളായി നമ്മുടെ ടയര്‍-2, ടയര്‍-3 നഗരങ്ങള്‍ ഒരു പ്രധാന പങ്ക് വഹിക്കുമെന്ന് ഞാന്‍ മുന്‍കൂട്ടി കാണുന്നു.
ബഹുമാനപ്പെട്ട ചെയര്‍മാന്‍,
ഈ നൂറ്റാണ്ട് സാങ്കേതികവിദ്യയില്‍ അധിഷ്ഠിതമാണ്, പല മേഖലകളിലും നാം പുതിയ മുന്നേറ്റങ്ങള്‍ കാണുമെന്നതില്‍ സംശയമില്ല.
ബഹുമാനപ്പെട്ട ചെയര്‍മാന്‍,
അടുത്ത അഞ്ച് വര്‍ഷത്തിനുള്ളില്‍, പൊതുഗതാഗതത്തില്‍ ദ്രുതഗതിയിലുള്ള മാറ്റങ്ങള്‍ ഞങ്ങള്‍ പ്രതീക്ഷിക്കുന്നു. ഈ ദിശയില്‍ മുന്നേറാന്‍ ഞങ്ങള്‍ പ്രതിജ്ഞാബദ്ധരാണ്, അതുവഴി കോടിക്കണക്കിന് ഇന്ത്യക്കാര്‍ക്ക് എത്രയും വേഗം പ്രയോജനം ലഭിക്കും.
ബഹുമാനപ്പെട്ട ചെയര്‍മാന്‍,
ഭാരതത്തിന്റെ വികസന യാത്രയില്‍ നമ്മുടെ ചെറുനഗരങ്ങള്‍ നിര്‍ണായക പങ്ക് വഹിക്കും. സ്‌പോര്‍ട്‌സിലോ, വിദ്യാഭ്യാസത്തിലോ, നവീകരണത്തിലോ, പേറ്റന്റ് രജിസ്‌ട്രേഷനിലോ ആകട്ടെ, ഈ ആയിരക്കണക്കിന് നഗരങ്ങള്‍ ഭാരതത്തില്‍ വികസനത്തിന്റെ പുതിയ ചരിത്രം സൃഷ്ടിക്കുന്നത് ഞാന്‍ വ്യക്തമായി കാണുന്നു.
ബഹുമാനപ്പെട്ട ചെയര്‍മാന്‍,
ഞാന്‍ നേരത്തെ സൂചിപ്പിച്ചതുപോലെ, ഭാരതത്തിന്റെ വികസന യാത്രയുടെ നാല് പ്രധാന തൂണുകള്‍ അതിന്റെ ശാക്തീകരണവും പൗരന്മാര്‍ക്ക് നല്‍കുന്ന അവസരങ്ങളുമാണ്, അത് അവര്‍ക്ക് വലിയ ശക്തി നല്‍കും.
ബഹുമാനപ്പെട്ട ചെയര്‍മാന്‍,
നമ്മുടെ വികസന പ്രവര്‍ത്തനങ്ങളുടെ കേന്ദ്രബിന്ദുക്കള്‍ എന്ന നിലയില്‍ നമ്മുടെ രാജ്യത്തെ കര്‍ഷകര്‍, ദരിദ്രര്‍, യുവജനങ്ങള്‍, സ്ത്രീകള്‍ എന്നിവര്‍ക്ക് ഞങ്ങള്‍ ശക്തമായ ഊന്നല്‍ നല്‍കിയിട്ടുണ്ട്.
ബഹുമാനപ്പെട്ട ചെയര്‍മാന്‍,
പല സുഹൃത്തുക്കളും കൃഷിയെക്കുറിച്ചും കര്‍ഷകരെക്കുറിച്ചും അവരുടെ വിശദമായ കാഴ്ചപ്പാടുകള്‍ പങ്കുവെക്കുകയും നിരവധി നല്ല ഉള്‍ക്കാഴ്ചകള്‍ പ്രകടിപ്പിക്കുകയും ചെയ്തിട്ടുണ്ട്. എല്ലാ അംഗങ്ങളെയും കര്‍ഷകരെക്കുറിച്ചുള്ള അവരുടെ ഹൃദയവായ്പ്പിനേയും ഞാന്‍ മാനിക്കുന്നു. കഴിഞ്ഞ പത്ത് വര്‍ഷമായി വിവിധ പദ്ധതികളിലൂടെ കൃഷി ലാഭകരവും കര്‍ഷകര്‍ക്ക് പ്രയോജനകരവുമാക്കുന്നതില്‍ ഞങ്ങള്‍ ശ്രദ്ധ കേന്ദ്രീകരിച്ചു. വിളകള്‍ക്കും പുതിയ വിത്തുകള്‍ക്കുമായി കര്‍ഷകര്‍ക്ക് തുടര്‍ച്ചയായി വായ്പ ലഭിക്കുമെന്ന് ഞങ്ങള്‍ ഉറപ്പാക്കിയിട്ടുണ്ട്. ഞങ്ങള്‍ ന്യായവില ക്രമീകരിക്കുകയും മുന്‍കാല തടസ്സങ്ങള്‍ നീക്കി വിള ഇന്‍ഷുറന്‍സ് എളുപ്പത്തില്‍ ലഭ്യമാക്കുകയും ചെയ്തു. കര്‍ഷകര്‍ക്ക് വളരെയധികം പ്രയോജനം ചെയ്യുന്ന, എംഎസ്പി സംഭരണത്തില്‍ ഞങ്ങള്‍ എല്ലാ പഴയ റെക്കോര്‍ഡുകളും തകര്‍ത്തു. വിത്ത് മുതല്‍ വിപണി വരെ, കൃത്യമായ ആസൂത്രണത്തോടെ കര്‍ഷകര്‍ക്കായി എല്ലാ സംവിധാനങ്ങളും ശക്തിപ്പെടുത്താന്‍ ഞങ്ങള്‍ എല്ലാ ശ്രമങ്ങളും നടത്തി, ഈ സംവിധാനം പ്രവര്‍ത്തനക്ഷമമാണെന്ന് ഉറപ്പാക്കി.
ബഹുമാനപ്പെട്ട ചെയര്‍മാന്‍,
എണ്ണം കൂടുതലാണെന്നതിനാല്‍, ചെറുകിട കര്‍ഷകര്‍ക്ക് മുന്‍കാലങ്ങളില്‍, കിസാന്‍ ക്രെഡിറ്റ് കാര്‍ഡോ വായ്പയോ നേടുന്നത് മിക്കവാറും അസാധ്യമായിരുന്നു. ഇന്ന്, ഞങ്ങളുടെ നയങ്ങളും കിസാന്‍ ക്രെഡിറ്റ് കാര്‍ഡിന്റെ വിപുലീകരണവും കാരണം, ഇത് ഗണ്യമായി മാറി.
ബഹുമാനപ്പെട്ട ചെയര്‍മാന്‍,
കിസാന്‍ ക്രെഡിറ്റ് കാര്‍ഡിന്റെ ആനുകൂല്യങ്ങള്‍ കന്നുകാലി കര്‍ഷകര്‍ക്കും മത്സ്യത്തൊഴിലാളികള്‍ക്കും വ്യാപിപ്പിച്ചുകൊണ്ട് ഞങ്ങള്‍ കൃഷിയില്‍ സമഗ്രമായ സമീപനമാണ് സ്വീകരിച്ചിരിക്കുന്നത്. ഇത് കാര്‍ഷിക മേഖലയെ ശക്തിപ്പെടുത്തുക മാത്രമല്ല, അതിന്റെ വ്യാപനം വര്‍ദ്ധിപ്പിക്കുകയും ചെയ്തു.
ബഹുമാനപ്പെട്ട ചെയര്‍മാന്‍,
കോണ്‍ഗ്രസ് ഭരണകാലത്ത് കര്‍ഷകരുടെ കടം എഴുതിത്തള്ളുന്നതിനെ കുറിച്ച് വലിയ ഒച്ചപ്പാടുകളുണ്ടായി, അവരെ തെറ്റിദ്ധരിപ്പിക്കാന്‍ അതിശയോക്തിപരമായ അവകാശവാദങ്ങള്‍ ഉന്നയിച്ചിരുന്നു. 60,000 കോടി രൂപയുടെ വായ്പ എഴുതിത്തള്ളാന്‍ ഏറെ ശ്രദ്ധ നല്‍കിയെങ്കിലും മൂന്ന് കോടി കര്‍ഷകര്‍ക്ക് മാത്രമാണ് ഇതിന്റെ പ്രയോജനം ലഭിച്ചത്. ഏറ്റവും കൂടുതല്‍ പിന്തുണ ആവശ്യമുള്ള ചെറുകിട, പാവപ്പെട്ട കര്‍ഷകരുടെ ആവശ്യങ്ങള്‍ പദ്ധതി പരിഗണിച്ചില്ല, ആനുകൂല്യങ്ങള്‍ അവരില്‍ എത്തിയില്ല.
ബഹുമാനപ്പെട്ട ചെയര്‍മാന്‍,
കര്‍ഷക ക്ഷേമം നമ്മുടെ ഗവണ്‍മെന്റിന്റെ അജണ്ടയുടെ കാതല്‍ ആയിരിക്കുമ്പോള്‍ നയങ്ങള്‍ എങ്ങനെ രൂപപ്പെടുത്തുന്നു, ക്ഷേമം കൈവരിക്കുന്നു, ആനുകൂല്യങ്ങള്‍ വിതരണം ചെയ്യപ്പെടുന്നു എന്നിവ വിശദീകരിക്കാന്‍ ഞാന്‍ ആഗ്രഹിക്കുന്നു.
ബഹുമാനപ്പെട്ട ചെയര്‍മാന്‍,
10 കോടി കര്‍ഷകര്‍ക്ക് പ്രയോജനം നല്‍കുന്ന പ്രധാനമന്ത്രി കിസാന്‍ സമ്മാന്‍ യോജന ഞങ്ങള്‍ ആരംഭിച്ചു. കഴിഞ്ഞ ആറ് വര്‍ഷത്തിനിടയില്‍, ഈ പദ്ധതി പ്രകാരം ഞങ്ങള്‍ കര്‍ഷകര്‍ക്ക് 3 ലക്ഷം കോടി രൂപ നല്‍കി.
ബഹുമാനപ്പെട്ട ചെയര്‍മാന്‍,
അസത്യം പ്രചരിപ്പിക്കുന്നവര്‍ക്ക് സത്യം കേള്‍ക്കാനുള്ള മനക്കരുത്ത് ഇല്ലെന്ന് രാഷ്ട്രം സൂക്ഷ്മമായി നിരീക്ഷിക്കുന്നു. സത്യത്തെ അഭിമുഖീകരിക്കാന്‍ തയ്യാറല്ലാത്തവര്‍ക്ക് അവര്‍ ഉന്നയിക്കുന്ന ചോദ്യങ്ങള്‍ക്കുള്ള ഉത്തരങ്ങള്‍ വിശദമായി ആലോചിച്ച് ഇരുന്നു കേള്‍ക്കാനുള്ള ധൈര്യവും ഇല്ല. അവരുടെ പ്രവര്‍ത്തനങ്ങള്‍ ഉപരിസഭയോടുള്ള അനാദരവാണ്; അതിന്റെ ആദരണീയമായ പാരമ്പര്യങ്ങളോടുള്ള അനാദരവും.
ബഹുമാനപ്പെട്ട ചെയര്‍മാന്‍,
ഈ രാജ്യത്തെ ജനങ്ങള്‍ അവരെ നിര്‍ണ്ണായകമായി പരാജയപ്പെടുത്തി, അവര്‍ക്കിനി പ്രതീക്ഷിക്കാവുന്നത് തെരുവ് പ്രതിഷേധമല്ലാതെ മറ്റൊന്നുമല്ല. മുദ്രാവാക്യം വിളിക്കലും തടസ്സപ്പെടുത്തലും ഉത്തരവാദിത്തങ്ങളില്‍ നിന്ന് ഒളിച്ചോടലും അവരുടെ അനിവാര്യമായ വിധിയാണെന്ന് തോന്നുന്നു.
ബഹുമാനപ്പെട്ട ചെയര്‍മാന്‍,
അവരുടെ നിരാശ ഞാന്‍ മനസ്സിലാക്കുന്നു. 140 കോടി രാജ്യക്കാരുടെ തീരുമാനവും ജനവിധിയും അംഗീകരിക്കാന്‍ അവര്‍ക്ക് കഴിയുന്നില്ല. ഇന്നലെ, അവരുടെ എല്ലാ ശ്രമങ്ങളും പരാജയപ്പെട്ടു; അതിനാല്‍ ഇന്ന് അവര്‍ക്ക് പോരാട്ടം തുടരാനുള്ള ധൈര്യമില്ല, പകരം കളിക്കളം ഉപേക്ഷിക്കാന്‍ തീരുമാനിച്ചു.
ബഹുമാനപ്പെട്ട ചെയര്‍മാന്‍,
ഞാന്‍ ഇവിടെ വന്നത് കര്‍ത്തവ്യ ബോധത്തോടെയാണ്, ചര്‍ച്ചകളില്‍ വിജയിക്കാനല്ല. രാജ്യത്തിന്റെ സേവകന്‍ എന്ന നിലയില്‍ എന്റെ രാജ്യത്തെ ജനങ്ങളോട് ഞാന്‍ ഉത്തരവാദിയാണ്. നമ്മുടെ രാജ്യത്തെ പൗരന്മാരോട് ഓരോ നിമിഷവും കണക്കു പറയേണ്ടത് എന്റെ ഉത്തരവാദിത്തമാണ്.
ബഹുമാനപ്പെട്ട ചെയര്‍മാന്‍,
ആഗോള സാഹചര്യങ്ങള്‍ കാരണം, കടുത്ത രാസവള പ്രതിസന്ധി ഉടലെടുത്തു. രാസവളത്തിന്, സ്വതന്ത്ര ഭാരതത്തിന്റെ ചരിത്രത്തിലെ ഏറ്റവും ഉയര്‍ന്ന, ഏകദേശം 12 ലക്ഷം കോടി രൂപയുടെ റെക്കോഡ് സബ്സിഡി നല്‍കി, ഞങ്ങളുടെ കര്‍ഷകര്‍ കഷ്ടപ്പെടുന്നില്ലെന്ന് ഞങ്ങള്‍ ഉറപ്പാക്കി. ഈ സജീവമായ നടപടി നമ്മുടെ കര്‍ഷകരെ ഇത്രയും വലിയ ഭാരത്തില്‍ നിന്ന് മോചിപ്പിച്ചു, പകരം അതിന്റെ ഉത്തരവാദിത്തം് ഗവണ്‍മെന്റ് ചുമലിലേറ്റി.
ബഹുമാനപ്പെട്ട ചെയര്‍മാന്‍,
മിനിമം താങ്ങുവിലയില്‍ (എംഎസ്പി) റെക്കോര്‍ഡ് വര്‍ധന ഞങ്ങള്‍ കൈവരിച്ചു. മാത്രമല്ല, സംഭരണത്തില്‍ ഞങ്ങള്‍ പുതിയ റെക്കോര്‍ഡുകള്‍ സ്ഥാപിച്ചു. മുമ്പ്, എംഎസ്പി പ്രഖ്യാപനങ്ങള്‍ കേവലം പ്രതീകാത്മകമായിരുന്നു, കര്‍ഷകര്‍ക്ക് പ്രായോഗിക നേട്ടങ്ങളൊന്നും വാഗ്ദാനം ചെയ്യുന്നില്ല, കാരണം ഒരു സംഭരണവും നടത്തിയിട്ടില്ല. മുമ്പത്തേക്കാള്‍ ഗണ്യമായി കൂടുതല്‍ സംഭരണം നടത്തി, കര്‍ഷകരെ ശാക്തീകരിക്കാനാണ് ഞങ്ങള്‍ ലക്ഷ്യമിടുന്നത്.
ബഹുമാനപ്പെട്ട ചെയര്‍മാന്‍,
കഴിഞ്ഞ ദശകത്തില്‍, ഗോതമ്പ്, നെല്‍ കര്‍ഷകര്‍ക്ക് കോണ്‍ഗ്രസ് ഗവണ്‍മെന്റിനെ അപേക്ഷിച്ച് 2.5 മടങ്ങ് കൂടുതല്‍ സാമ്പത്തിക സഹായം ഞങ്ങള്‍ നല്‍കിയിട്ടുണ്ട്. വരാനിരിക്കുന്ന അഞ്ച് വര്‍ഷങ്ങളില്‍, ഈ വര്‍ദ്ധിച്ചുവരുന്ന വളര്‍ച്ച തുടരുക മാത്രമല്ല, പുതിയ മേഖലകളിലെ വെല്ലുവിളികളെ അഭിമുഖീകരിക്കാനും ഞങ്ങള്‍ ലക്ഷ്യമിടുന്നു. ഇത് നേടുന്നതിന്, ലക്ഷക്കണക്കിന് വികേന്ദ്രീകൃത സംഭരണ സൗകര്യങ്ങള്‍ സൃഷ്ടിക്കുന്നതിനുള്ള പ്രവര്‍ത്തനങ്ങള്‍ ആരംഭിച്ചുകൊണ്ട് ഭക്ഷ്യധാന്യ സംഭരണത്തിനായി ഞങ്ങള്‍ ലോകത്തിലെ ഏറ്റവും വലിയ പ്രചാരണം ആരംഭിച്ചു. 'പഴങ്ങളും പച്ചക്കറികളും' അത്തരമൊരു മേഖലയാണ്. കര്‍ഷകര്‍ ആ ദിശയിലേക്ക് നീങ്ങണമെന്ന് ഞങ്ങള്‍ ആഗ്രഹിക്കുന്നു, അതിന്റെ സംഭരണത്തിനും സമഗ്രമായ അടിസ്ഥാന സൗകര്യത്തിനായി ഞങ്ങള്‍ പ്രവര്‍ത്തിക്കുന്നു.
ബഹുമാനപ്പെട്ട ചെയര്‍മാന്‍,
'സബ്കാ സാത്ത്, സബ്കാ വികാസ്' എന്ന മുദ്രാവാക്യത്തിന് കീഴില്‍, രാജ്യത്തെ സേവിക്കുന്നതിനുള്ള ഞങ്ങളുടെ ശ്രമങ്ങള്‍ ഞങ്ങള്‍ തുടര്‍ച്ചയായി വിപുലീകരിച്ചു. എല്ലാ പൗരന്മാര്‍ക്കും മാന്യമായ ജീവിതം നല്‍കുക എന്നതാണ് ഞങ്ങളുടെ മുന്‍ഗണന. സ്വാതന്ത്ര്യത്തിന് ശേഷം പതിറ്റാണ്ടുകളായി അവഗണിക്കപ്പെട്ടവരെ ഇപ്പോള്‍ എന്റെ ഗവണ്‍മെന്റ് പരിപാലിക്കുക മാത്രമല്ല ബഹുമാനിക്കുകയും ചെയ്യുന്നു. ഞങ്ങളുടെ ദിവ്യാംഗ സഹോദരീസഹോദരന്മാര്‍ മൈക്രോ ലെവലില്‍ നേരിടുന്ന വെല്ലുവിളികള്‍ മനസിലാക്കുന്നതിനും അഭിമുഖീകരിക്കുന്നതിനുമുള്ള ഒരു മിഷന്‍ മോഡില്‍ ഞങ്ങള്‍ പ്രവര്‍ത്തിക്കുന്നു, ബാഹ്യ സഹായത്തെ ആശ്രയിക്കുന്നത് കുറയ്ക്കുന്നതിനും മാന്യമായ ജീവിതം നയിക്കാന്‍ അവരെ പ്രാപ്തരാക്കുന്നതിനുമുള്ള സംവിധാനങ്ങള്‍ വികസിപ്പിക്കുന്നു.
ബഹുമാനപ്പെട്ട ചെയര്‍മാന്‍,
നമ്മുടെ സമൂഹത്തില്‍, ട്രാന്‍സ്ജെന്‍ഡര്‍ സമൂഹം ചരിത്രപരമായി അവഗണനയും പീഡനവും നേരിട്ടിട്ടുണ്ട്. അവരുടെ ക്ഷേമത്തിനായി നമ്മുടെ ഗവണ്‍മെന്റ് നിയമങ്ങള്‍ ഉണ്ടാക്കിയിട്ടുണ്ട്, ഭാരതത്തിന്റെ പുരോഗമന നിലപാടുകള്‍ക്ക് പാശ്ചാത്യ രാജ്യങ്ങളില്‍ നിന്ന് പോലും പ്രശംസ ലഭിച്ചു. ഭാരതത്തെ വളരെ അഭിമാനത്തോടെയാണ് കാണുന്നത്. പത്മ അവാര്‍ഡുകളില്‍ ട്രാന്‍സ്ജെന്‍ഡര്‍ വ്യക്തികളെ ഉള്‍പ്പെടുത്താനുള്ള ഞങ്ങളുടെ തീരുമാനത്തിന്റെ ഉദാഹരണമായി അവരെ മുഖ്യധാരാ സമൂഹത്തിലേക്ക് സമന്വയിപ്പിക്കാനുള്ള ശ്രമങ്ങള്‍ ഞങ്ങള്‍ ആരംഭിച്ചു.
ബഹുമാനപ്പെട്ട ചെയര്‍മാന്‍,
ഞങ്ങളുടെ ബഞ്ചാര കുടുംബം പോലുള്ള ഞങ്ങളുടെ നാടോടികളായ ആദിവാസി സമൂഹങ്ങള്‍ക്കായി, അവരുടെ വേറിട്ട ആവശ്യങ്ങള്‍ പരിഹരിക്കുന്നതിനായി ഞങ്ങള്‍ ഒരു പ്രത്യേക ക്ഷേമ ബോര്‍ഡ് സ്ഥാപിച്ചിട്ടുണ്ട്. അവര്‍ സുസ്ഥിരവും സുരക്ഷിതവും വാഗ്ദാനപ്രദവുമായ ജീവിതം നയിക്കുന്നുണ്ടെന്ന് ഉറപ്പാക്കുകയാണ് ഞങ്ങളുടെ ലക്ഷ്യം.
ബഹുമാനപ്പെട്ട ചെയര്‍മാന്‍,
PVTG (പ്രത്യേകിച്ച് ദുര്‍ബലരായ ഗോത്രവിഭാഗം) എന്ന പദം നാം പലപ്പോഴും കേള്‍ക്കാറുണ്ട്, നമ്മുടെ ഗോത്ര സമുദായങ്ങളിലെ ഏറ്റവും പാര്‍ശ്വവല്‍ക്കരിക്കപ്പെട്ടവരെ പരാമര്‍ശിക്കുന്നു. സ്വാതന്ത്ര്യം ലഭിച്ച് വര്‍ഷങ്ങള്‍ പിന്നിട്ടിട്ടും അവരുടെ ജീവിത സാഹചര്യങ്ങള്‍ പരിതാപകരവും അവഗണനയുമാണ്. പ്രധാനമന്ത്രി ജന്‍മാന്‍ യോജനയ്ക്ക് കീഴിലുള്ള 34,000 കോടി രൂപ വിഹിതം ഉള്‍പ്പെടെ പ്രത്യേക വ്യവസ്ഥകള്‍ ഞങ്ങള്‍ നടപ്പാക്കിയിട്ടുണ്ട്. ഈ സമൂഹം ചിതറിക്കിടക്കപ്പെടുകയും പാര്‍ശ്വവല്‍ക്കരിക്കപ്പെടുകയും ചെയ്യുന്നു. അതുകൊണ്ട് തന്നെ ഈ പിന്നാക്ക സമുദായത്തെ ആരും ശരിക്കും ശ്രദ്ധിച്ചില്ല. സാധാരണയായി, രാഷ്ട്രീയ ശ്രദ്ധ വോട്ടിംഗ് ശക്തിയുള്ള സമുദായങ്ങളിലാണ്, എന്നാല്‍ ഞങ്ങളുടെ ഗവണ്‍മെന്റ് തിരഞ്ഞെടുപ്പ് സ്വാധീനം കണക്കിലെടുക്കാതെ എല്ലാവരുടെയും വികസനത്തിന് മുന്‍ഗണന നല്‍കുന്നു, കാരണം ഞങ്ങള്‍ക്ക് വോട്ടുകളുടെ രാഷ്ട്രീയത്തില്‍ താല്‍പ്പര്യമില്ല; വികസനത്തിന്റെ രാഷ്ട്രീയത്തിലാണ് നമ്മുടെ ശ്രദ്ധ.
ബഹുമാനപ്പെട്ട ചെയര്‍മാന്‍,
പരമ്പരാഗത കുടുംബ നൈപുണ്യങ്ങള്‍ വളരെക്കാലമായി ഭാരതത്തിന്റെ വികസന യാത്രയിലും സാമൂഹിക ഘടനയിലും അവിഭാജ്യമാണ്. വിശ്വകര്‍മ സമുദായത്തിന് ഈ കഴിവുകള്‍ ഉണ്ട്, എന്നിട്ടും അവ ചരിത്രപരമായി അവഗണിക്കപ്പെട്ടു. വിശ്വകര്‍മ സമുദായത്തെ നവീകരിക്കുന്നതിനും പ്രൊഫഷണലൈസ് ചെയ്യുന്നതിനുമായി ഞങ്ങള്‍ ഏകദേശം 13,000 കോടി രൂപയുടെ പദ്ധതി ആരംഭിച്ചിട്ടുണ്ട്.
ബഹുമാനപ്പെട്ട ചെയര്‍മാന്‍,
പാവപ്പെട്ടവരെ സഹായിക്കുമെന്ന വാഗ്ദാനങ്ങളോടെ ബാങ്കുകള്‍ ദേശസാല്‍ക്കരിക്കപ്പെട്ടപ്പോള്‍, നമ്മുടെ രാജ്യത്തെ വഴിയോരക്കച്ചവടക്കാര്‍ ഒരിക്കലും അവരെ സമീപിക്കാന്‍ ധൈര്യപ്പെട്ടില്ല. ആദ്യമായി, PM SVANIdhi യോജന തെരുവ് കച്ചവടക്കാര്‍ക്ക് പിന്തുണ നല്‍കി, ഉയര്‍ന്ന പലിശ വായ്പകളുടെ ചക്രത്തില്‍ നിന്ന് അവരെ മോചിപ്പിക്കാന്‍ പ്രാപ്തരാക്കുന്നു. ഇന്ന്, അവരുടെ ഉത്സാഹവും സത്യസന്ധതയും വഴി, വഴിയോരക്കച്ചവടക്കാര്‍ക്ക് ബാങ്ക് വായ്പ ലഭിക്കുന്നു. ഈ പരിവര്‍ത്തനം ബാങ്കര്‍മാര്‍ക്കും കടം വാങ്ങുന്നവര്‍ക്കും ഒരുപോലെ സന്തോഷം നല്‍കി. കാല്‍നടപ്പാതയില്‍ വണ്ടിയുമായി നടന്നിരുന്ന മുന്‍ കച്ചവടക്കാര്‍ ഇപ്പോള്‍ ചെറുകിട കടകള്‍ സ്ഥാപിക്കുന്നതിലേക്ക് മുന്നേറുകയാണ്, മുന്‍ തൊഴിലാളികള്‍ ഇപ്പോള്‍ തൊഴിലുടമകളായി മാറുകയും മറ്റുള്ളവര്‍ക്ക് തൊഴിലവസരങ്ങള്‍ സൃഷ്ടിക്കുകയും ചെയ്യുന്നു. ദരിദ്രര്‍, ദലിതര്‍, പിന്നോക്ക വിഭാഗങ്ങള്‍, ആദിവാസികള്‍, സ്ത്രീകള്‍ എന്നിവരില്‍ നിന്ന് ഗണ്യമായ പിന്തുണ നേടുന്നതിന് എല്ലാവരെയും ഉള്‍ക്കൊള്ളുന്ന ഈ സമീപനം ഞങ്ങളെ സഹായിച്ചിട്ടുണ്ട്.
ബഹുമാനപ്പെട്ട ചെയര്‍മാന്‍,
സ്ത്രീകളുടെ നേതൃത്വത്തിലുള്ള വികസനത്തെക്കുറിച്ച് നമ്മള്‍ ചര്‍ച്ച ചെയ്യുമ്പോള്‍, പുരോഗമന സമൂഹങ്ങളിലെ സ്വാഭാവിക പുരോഗതിയായി ആഗോളതലത്തില്‍ അത് അംഗീകരിക്കപ്പെടുന്നു. എന്നിരുന്നാലും, സ്ത്രീകള്‍ നയിക്കുന്ന വികസനത്തോടുള്ള ആവേശം പലപ്പോഴും അവിടെ പോലും കാണുന്നില്ല. അത്തരമൊരു സാഹചര്യത്തില്‍, ഭാരതത്തില്‍, മുദ്രാവാക്യങ്ങള്‍ മാത്രമല്ല, യഥാര്‍ത്ഥ പ്രതിബദ്ധതയോടെ സ്ത്രീ ശാക്തീകരണത്തിനായുള്ള മൂര്‍ത്തമായ ചുവടുകള്‍ ഞങ്ങള്‍ സ്വീകരിച്ചു. ഈ ശാക്തീകരണത്തിന്റെ നേട്ടങ്ങള്‍ എല്ലാ മേഖലയിലും പ്രകടമാണ്, ഇത് ഭാരതത്തിന്റെ വികസന യാത്രയില്‍ കാര്യമായ സംഭാവന നല്‍കുന്നു. ഇന്നലത്തെ ചര്‍ച്ചയില്‍ സ്ത്രീകളുടെ ആരോഗ്യം എന്ന നിര്‍ണായക വിഷയം ഊന്നിപ്പറഞ്ഞതിന് ബഹുമാനപ്പെട്ട എംപി സുധാ മൂര്‍ത്തി ജിയോട് ഞാന്‍ നന്ദി പറയുന്നു. അമ്മയുടെ നഷ്ടം നികത്താനാവാത്തതാണെന്ന് ഊന്നിപ്പറഞ്ഞുകൊണ്ട് അവര്‍ ഈ പ്രശ്‌നത്തിന്റെ പ്രാധാന്യവും അടിയന്തിര പ്രാധാന്യവും ആവേശത്തോടെ ഉയര്‍ത്തിക്കാട്ടി. ഒരുപാട് വികാര വായ്‌പ്പോടെയാണ് അവര്‍ ഇത് പറഞ്ഞത്. കഴിഞ്ഞ ദശകത്തില്‍, സ്ത്രീകളുടെ ആരോഗ്യം, ശുചിത്വം, ആരോഗ്യ മേഖലകള്‍ എന്നിവയ്ക്ക് ഞങ്ങള്‍ മുന്‍ഗണന നല്‍കി.
ബഹുമാനപ്പെട്ട ചെയര്‍മാന്‍,
നമ്മുടെ രാജ്യത്തുടനീളമുള്ള എണ്ണമറ്റ അമ്മമാര്‍ക്കും സഹോദരിമാര്‍ക്കും പ്രയോജനം ചെയ്യുന്ന ടോയ്ലറ്റുകള്‍, സാനിറ്ററി പാഡുകള്‍, ഗ്യാസ് കണക്ഷനുകള്‍, ഗര്‍ഭകാല വാക്‌സിനേഷന്‍ സേവനങ്ങള്‍ എന്നിവ ഞങ്ങള്‍ ഉറപ്പാക്കിയിട്ടുണ്ട്.
ബഹുമാനപ്പെട്ട ചെയര്‍മാന്‍,
ആരോഗ്യ സംരംഭങ്ങള്‍ക്ക് പുറമേ, സ്ത്രീകളുടെ സ്വാശ്രയത്വം പ്രോത്സാഹിപ്പിക്കുന്നതില്‍ ഞങ്ങള്‍ ഉറച്ചുനില്‍ക്കുന്നു. കഴിഞ്ഞ വര്‍ഷങ്ങളില്‍ നിര്‍മിച്ച 4 കോടി വീടുകളില്‍ ഭൂരിഭാഗവും സ്ത്രീകളുടെ പേരിലാണ്. ബാങ്ക് അക്കൗണ്ടുകള്‍ തുറക്കുന്നത് പോലുള്ള സംരംഭങ്ങളും മുദ്ര, സുകന്യ സമൃദ്ധി പോലുള്ള പദ്ധതികളും സ്ത്രീകളെ സാമ്പത്തികമായി ശാക്തീകരിക്കുകയും അവരുടെ കുടുംബത്തിനുള്ളില്‍ തീരുമാനമെടുക്കല്‍ പ്രക്രിയകളില്‍ അവരുടെ പങ്കാളിത്തം വര്‍ദ്ധിപ്പിക്കുകയും ചെയ്തു.
ബഹുമാനപ്പെട്ട ചെയര്‍മാന്‍,
വനിതാ സ്വയം സഹായ സംഘങ്ങളില്‍ ഉള്‍പ്പെട്ട പത്തു കോടി സഹോദരിമാര്‍ ആത്മവിശ്വാസം മാത്രമല്ല, വരുമാനവും വര്‍ധിപ്പിച്ചു. ഇതുവരെ ഈ ഗ്രൂപ്പുകളില്‍ ഏര്‍പ്പെട്ടിരിക്കുന്ന ഒരു കോടി സഹോദരിമാര്‍ ഒരുമിച്ച് ബിസിനസ്സില്‍ ഏര്‍പ്പെട്ട് വിജയകരമായ സംരംഭകരായി മാറിയിട്ടുണ്ട്. മുമ്പ് ഗ്രാമവാസികള്‍ പോലും അവരെ അവഗണിക്കാറുണ്ടായിരുന്നു. ഈ സഹോദരിമാരില്‍ ഒരു കോടി പേര്‍ 'ലക്ഷപതി ദീദികള്‍' ആയിത്തീര്‍ന്നിരിക്കുന്നുവെന്ന് ഇന്ന് ഞാന്‍ അഭിമാനത്തോടെ പ്രഖ്യാപിക്കുന്നു. മുന്നോട്ട് പോകുമ്പോള്‍, രാജ്യത്തുടനീളമുള്ള സ്ത്രീകളെ ശാക്തീകരിക്കുന്നതിനുള്ള ഞങ്ങളുടെ പ്രതിബദ്ധത തുടരുന്നതിലൂടെ ഈ എണ്ണം മൂന്ന് കോടിയായി ഉയര്‍ത്താന്‍ ഞങ്ങള്‍ ലക്ഷ്യമിടുന്നു.
ബഹുമാനപ്പെട്ട ചെയര്‍മാന്‍,
എല്ലാ പുതിയ മേഖലകളിലും സ്ത്രീകള്‍ മുന്നിലാണെന്ന് ഉറപ്പാക്കാന്‍ സര്‍ക്കാര്‍ പ്രതിജ്ഞാബദ്ധമാണ്. സ്ത്രീകള്‍ക്ക് പുതിയ സാങ്കേതികവിദ്യകളില്‍ ആദ്യ അവസരങ്ങള്‍ നല്‍കുകയെന്നതാണ് ഞങ്ങളുടെ ലക്ഷ്യം, അതിലൂടെ അവര്‍ക്ക് നേതൃത്വം വഹിക്കാനാകും. ഈ ദിശയിലുള്ള ഒരു വിജയകരമായ സംരംഭമാണ് 'നമോ ഡ്രോണ്‍ ദീദി' എന്ന കാമ്പെയ്ന്‍, ഇത് സാങ്കേതികവിദ്യ ഉപയോഗിച്ച് കര്‍ഷകരെ സഹായിക്കാന്‍ ഗ്രാമീണ സ്ത്രീകളെ ശാക്തീകരിച്ചു. അവരുമായുള്ള ആശയവിനിമയത്തിനിടയില്‍, ഈ സ്ത്രീകള്‍ പങ്കുവെച്ചു, 'സര്‍, ഞങ്ങള്‍ക്ക് സൈക്കിള്‍ ഓടിക്കാന്‍ അറിയില്ലായിരുന്നു, ഇപ്പോള്‍ നിങ്ങള്‍ ഞങ്ങളെ പൈലറ്റുമാരാക്കി. ഗ്രാമം മുഴുവന്‍ ഞങ്ങളെ 'പൈലറ്റ് ദീദി' എന്ന് വിളിക്കുന്നു.' പുതുതായി കരഗതമായ ഈ അന്തസ്സ് അവരെ ശാക്തീകരിക്കുന്നു, അവരുടെ ജീവിതത്തിലെ ഒരു പ്രധാന പ്രേരകശക്തിയായി മാറുന്നു.
ബഹുമാനപ്പെട്ട ചെയര്‍മാന്‍,
എന്നാല്‍ ദൗര്‍ഭാഗ്യകരമായ കാര്യം, ഇതുപോലുള്ള സെന്‍സിറ്റീവായ കാര്യങ്ങളില്‍ പോലും രാഷ്ട്രീയത്തിനാണ് പലപ്പോഴും മുന്‍തൂക്കം ലഭിക്കുന്നത് എന്നതാണ്. ഇത് പൗരന്മാര്‍ക്ക്, പ്രത്യേകിച്ച് സ്ത്രീകള്‍ക്ക് സങ്കല്‍പ്പിക്കാനാവാത്ത ദുരിതങ്ങള്‍ ഉണ്ടാക്കുന്നു. സ്ത്രീകള്‍ക്കെതിരായ അതിക്രമങ്ങളെ അഭിസംബോധന ചെയ്യുന്നതില്‍ പ്രതിപക്ഷത്തിന്റെ തിരഞ്ഞെടുത്ത സമീപനം വളരെ ആശങ്കാജനകമാണ്.
ബഹുമാനപ്പെട്ട ചെയര്‍മാന്‍,
നിങ്ങളിലൂടെ, ഒരു പ്രത്യേക സംസ്ഥാനത്തെയും ലക്ഷ്യമാക്കാതെയോ രാഷ്ട്രീയ നേട്ടം തേടാതെയോ രാജ്യത്തെ അഭിസംബോധന ചെയ്യാന്‍ ഞാന്‍ ആഗ്രഹിക്കുന്നു. അടുത്തിടെ ബംഗാളില്‍ നിന്ന് സോഷ്യല്‍ മീഡിയയില്‍ ശല്യപ്പെടുത്തുന്ന ചിത്രങ്ങളും വീഡിയോകളും ഞാന്‍ കണ്ടു. ഒരു സ്ത്രീയെ തെരുവില്‍ പരസ്യമായി ആക്രമിക്കുന്നതും സമീപത്തുള്ളവര്‍ ഇടപെടുന്നതിന് പകരം വീഡിയോകള്‍ റെക്കോര്‍ഡുചെയ്യുന്നതും അവര്‍ ചിത്രീകരിച്ചു. സന്ദേശ്ഖാലിയിലെ സംഭവം ഞെട്ടിപ്പിക്കുന്നതായിരുന്നു. ഇന്നലെ മുതല്‍ ചില പ്രമുഖ നേതാക്കള്‍ പറയുന്നത് ഞാന്‍ കേള്‍ക്കുന്നു എന്നിട്ടും ഈ സംഭവത്തെക്കുറിച്ചുള്ള വേദന അവരുടെ വാക്കുകളില്‍ പോലും പ്രതിഫലിച്ചില്ല. ചില പാര്‍ട്ടികളുമായോ സംസ്ഥാനവുമായോ ഉള്ള ബന്ധം കൊണ്ടാവാം പുരോഗമനവാദികള്‍ എന്ന് വിളിക്കപ്പെടുന്ന വനിതാ നേതാക്കള്‍ പോലും മൗനം പാലിക്കുന്നത് നിരാശാജനകമാണ്. സ്ത്രീകളുടെ കഷ്ടപ്പാടുകള്‍ക്ക് മുന്നില്‍ ഇത്തരമൊരു മൗനം അവരുടെ നേതൃത്വത്തിന്റെ ലജ്ജാകരമായ പ്രതിഫലനമാണ്.
ബഹുമാനപ്പെട്ട ചെയര്‍മാന്‍,
പ്രമുഖ വ്യക്തികള്‍ പോലും ഇത്തരം വിഷയങ്ങളോട് കാട്ടുന്ന അവഗണന രാജ്യത്തിനും നമ്മുടെ അമ്മമാര്‍ക്കും സഹോദരിമാര്‍ക്കും വലിയ ദുരിതമാണ് ഉണ്ടാക്കുന്നത്.
ബഹുമാനപ്പെട്ട ചെയര്‍മാന്‍,
രാഷ്ട്രീയം കൂടുതല്‍ സെലക്ടീവായിരിക്കുന്നു. ചില രാഷ്ട്രീയ അജണ്ടകളുമായി കാര്യങ്ങള്‍ പൊരുത്തപ്പെടാത്തപ്പോഴെല്ലാം അവര്‍ ദേഷ്യപ്പെടുകയും അസ്വസ്ഥരാകുകയും ചെയ്യുന്നു. ഇത് ഏറെ ആശങ്കയുളവാക്കുന്ന വിഷയമാണ്.
ബഹുമാനപ്പെട്ട ചെയര്‍മാന്‍,
മൂന്നാം തവണയും പൂര്‍ണ ഭൂരിപക്ഷത്തോടെ സുസ്ഥിരമായ ഒരു ഗവണ്‍മെന്റിനെ തിരഞ്ഞെടുത്തതിലൂടെ, ഭാരതത്തിലെ ജനങ്ങള്‍ രാജ്യത്ത് സ്ഥിരതയും തുടര്‍ച്ചയും ഉറപ്പാക്കുക മാത്രമല്ല, ഈ തിരഞ്ഞെടുപ്പ് ഫലങ്ങള്‍ ലോകത്തിന് ആശ്വാസം പകരുകയും ചെയ്തു. ലോകമെമ്പാടുമുള്ള നിക്ഷേപകരുടെ പ്രധാന ആകര്‍ഷണമായി ഭാരത് ഇപ്പോള്‍ ഉയര്‍ന്നുവരുന്നു. അനിശ്ചിതത്വങ്ങളുടെ കാലം കഴിഞ്ഞു. ഭാരതത്തിലെ വിദേശ നിക്ഷേപം യുവാക്കള്‍ക്ക് പുതിയ തൊഴിലവസരങ്ങള്‍ നല്‍കുന്നു, ഇത് ആഗോള തലത്തില്‍ അവരുടെ കഴിവുകള്‍ പ്രകടിപ്പിക്കാന്‍ അവരെ പ്രാപ്തരാക്കുന്നു.
ബഹുമാനപ്പെട്ട ചെയര്‍മാന്‍,
ഭാരതത്തിന്റെ ഈ വിജയം ആഗോള സമ്പദ്വ്യവസ്ഥയില്‍ സന്തുലിതാവസ്ഥ വാദിക്കുന്നവര്‍ക്ക് വലിയ പ്രതീക്ഷ നല്‍കുന്നു. ഇന്ന്, സുതാര്യത ലോകമെമ്പാടും വിലമതിക്കുന്നു, ഭാരതം അതിനുള്ള ഫലഭൂയിഷ്ഠമായ മണ്ണായി കാണപ്പെടുന്നു.
ബഹുമാനപ്പെട്ട ചെയര്‍മാന്‍,
തിരഞ്ഞെടുപ്പ് ഫലങ്ങളെത്തുടര്‍ന്ന് മൂലധന വിപണി കുതിച്ചുയരുകയാണ്, എന്നിട്ടും ആഗോളതലത്തില്‍ ഗണ്യമായ ആവേശവും സന്തോഷവും പ്രതിധ്വനിക്കുന്നു. വ്യക്തിപരമായ നിരീക്ഷണത്തില്‍ നിന്ന് പറയുമ്പോള്‍, ഇതിനിടയില്‍ നമ്മുടെ കോണ്‍ഗ്രസ് പാര്‍ട്ടിക്കാരും ആഘോഷിക്കുകയാണ്. എന്നിരുന്നാലും, അവരുടെ സന്തോഷത്തിന്റെ കാരണം മനസ്സിലാക്കാന്‍ ഞാന്‍ പരാജയപ്പെടുന്നു. നിരവധി ചോദ്യങ്ങള്‍ ഉയര്‍ന്നുവരുന്നു: ഈ സന്തോഷം തോല്‍വികളുടെ ഹാട്രിക് മൂലമാണോ? ' ഭയപ്പെടുത്തുന്ന തൊണ്ണൂറുകളില്‍' കീഴടങ്ങുന്നത് കൊണ്ടാണോ? അതോ മറ്റൊരു പരാജയം മൂലമാണോ?
ബഹുമാനപ്പെട്ട ചെയര്‍മാന്‍,
ഖാര്‍ഗെ ജി പ്രത്യക്ഷത്തില്‍ ആവേശഭരിതനാണെന്ന് ഞാന്‍ ശ്രദ്ധിച്ചു. തോല്‍വിയുടെ ഭാരം ഏറ്റുവാങ്ങേണ്ടിയിരുന്നവരെ സംരക്ഷിക്കുകയും മതില്‍ പോലെ ഉറച്ചുനില്‍ക്കുകയും ചെയ്തുകൊണ്ട് ഒരു പക്ഷേ ഖാര്‍ഗെ ജി തന്റെ പാര്‍ട്ടിക്ക് മഹത്തായ സേവനം ചെയ്തു. അത്തരം സമയങ്ങളില്‍ ദലിതരും പിന്നാക്ക സമുദായങ്ങളും അതിന്റെ അനന്തരഫലങ്ങള്‍ അനുഭവിക്കുമ്പോള്‍ 'കുടുംബം' ഉത്തരവാദിത്തത്തില്‍ നിന്ന് രക്ഷപ്പെടുന്ന രീതിയാണ് കോണ്‍ഗ്രസ് പാര്‍ട്ടിയുടെ ചരിത്രപരമായ സമീപനം. ഈയിടെ ലോക്സഭയില് സ്പീക്കര്‍ തിരഞ്ഞെടുപ്പിന്റെ വേളയില്‍ ഈ രീതി പ്രകടമായിരുന്നു. തോല്‍വി അനിവാര്യമാണെന്ന് അവര്‍ക്ക് അറിയാമായിരുന്നിട്ടും തന്ത്രപരമായി ഒരു ദലിത് സ്ഥാനാര്‍ത്ഥിയെ നിര്‍ത്തി. രാഷ്ട്രപതിക്കും ഉപരാഷ്ട്രപതിക്കും വേണ്ടിയുള്ള തെരഞ്ഞെടുപ്പുകളിലും സമാനമായ തന്ത്രങ്ങള്‍ പ്രയോഗിച്ചു, പ്രത്യേകിച്ച് 2022-ല്‍ ശ്രീ. സുശീല്‍ കുമാര്‍ ഷിന്‍ഡെ വൈസ് പ്രസിഡന്റായി നാമനിര്‍ദ്ദേശം ചെയ്യപ്പെടുകയും പരാജയം ഏറ്റുവാങ്ങുകയും ചെയ്തപ്പോള്‍- ഒരു ദളിത് സ്ഥാനാര്‍ത്ഥിയുടെ അനന്തരഫലങ്ങളെ തള്ളിക്കളഞ്ഞു. 2017ല്‍ സമാനമായ സാഹചര്യത്തിലാണ് മീരാ കുമാറിനെ മുന്നോട്ട് വെച്ചത്. കോണ്‍ഗ്രസ് പാര്‍ട്ടിയുടെ എസ്സി, എസ്ടി, ഒബിസി വിരുദ്ധ നിലപാട് മുന്‍ രാഷ്ട്രപതി ശ്രീരാംനാഥ് കോവിന്ദിനോട് അനാദരവുണ്ടാക്കാന്‍ അവരെ പ്രേരിപ്പിച്ചു. ഈ മാനസികാവസ്ഥ കാരണം, മറ്റാരും ഉപയോഗിക്കാന്‍ മടിക്കുന്ന നിന്ദ്യമായ ഭാഷ ഉപയോഗിച്ച് രാജ്യത്തിന്റെ ആദ്യ ഗോത്രവര്‍ഗ വനിതാ രാഷ്ട്രപതിയെപ്പോലും അപമാനിക്കുന്നതിലും എതിര്‍ക്കുന്നതിലും അവര്‍ ഉപേക്ഷ വിചാരിച്ചില്ല,
ബഹുമാനപ്പെട്ട ചെയര്‍മാന്‍,
ഈ പാര്‍ലമെന്റ്, ഈ ഉപരിസഭ, അര്‍ത്ഥവത്തായ സംവാദങ്ങള്‍, നമ്മുടെ നാട്ടുകാര്‍ക്ക് പ്രയോജനപ്പെടുന്ന അറിവുകളുടെ കണ്ടെത്തല്‍ എന്നിവയുടെ ഒരു വേദിയായി വര്‍ത്തിക്കുന്നു. നമ്മുടെ രാജ്യത്തിന്റെ പരമോന്നത വേദിയായി ഇത് കണക്കാക്കപ്പെടുന്നു. എന്നിട്ടും കഴിഞ്ഞ രണ്ട് ദിവസമായി പല മുതിര്‍ന്ന നേതാക്കളുടെയും വാക്കുകള്‍ എന്നെ മാത്രമല്ല രാജ്യത്തെയാകെ നിരാശപ്പെടുത്തുന്നു. ഭരണഘടനയെ സംരക്ഷിക്കുന്നതിനെ കേന്ദ്രീകരിച്ചുള്ള രാജ്യത്തിന്റെ ചരിത്രത്തിലെ ആദ്യ തിരഞ്ഞെടുപ്പാണിതെന്ന് ഇവിടെ ഉറപ്പിച്ചുപറയപ്പെട്ടു. ഞാന്‍ അവരെ ഓര്‍മ്മിപ്പിക്കണം: ഈ തെറ്റായ വിവരണം നിലനിര്‍ത്തുന്നതില്‍ അവര്‍ തുടരുമോ? പത്രങ്ങള്‍ വെട്ടിച്ചുരുക്കുകയും റേഡിയോകള്‍ നിശ്ശബ്ദമാക്കുകയും പ്രസംഗം പോലും അടിച്ചമര്‍ത്തുകയും ചെയ്ത 1977ലെ തിരഞ്ഞെടുപ്പ് അവര്‍ മറന്നുപോയോ, എന്നിട്ടും ജനങ്ങള്‍ ഒരു വിഷയത്തില്‍ ശക്തമായി വോട്ട് ചെയ്തു-ജനാധിപത്യം പുനഃസ്ഥാപിക്കാന്‍? ഭരണഘടനയുടെ സംരക്ഷണത്തിനായി ആഗോളതലത്തില്‍ ഇത്രയധികം പ്രാധാന്യമുള്ള തിരഞ്ഞെടുപ്പ് മുമ്പൊരിക്കലും ഉണ്ടായിട്ടില്ല. 1977ലെ തിരഞ്ഞെടുപ്പ് ഇന്ത്യന്‍ ജനതയില്‍ ജനാധിപത്യം എത്രമാത്രം ആഴത്തില്‍ വേരൂന്നിയിരിക്കുന്നുവെന്ന് തെളിയിച്ചു. അത്തരം വ്യാപകമായ തെറ്റായ വിവരങ്ങള്‍ പ്രബലമാകാന്‍ നാം അനുവദിക്കണോ? 1977 ലെ തിരഞ്ഞെടുപ്പ് ഭരണഘടനയെ സംരക്ഷിക്കുന്നതില്‍ പരമപ്രധാനമാണെന്ന് ഞാന്‍ ഉറച്ചു വിശ്വസിക്കുന്നു, അവിടെ നമ്മുടെ രാജ്യത്തിന്റെ കൂട്ടായ ജ്ഞാനം അധികാരത്തിലിരുന്നവരെ അതിന്റെ വിശുദ്ധിയെ അപകടത്തിലാക്കിയവരെ പുറത്താക്കി. അടുത്തിടെ നടന്ന തിരഞ്ഞെടുപ്പ് ഭരണഘടനയെ സംരക്ഷിക്കുന്നതായിരുന്നുവെങ്കില്‍, ഈ ഗൗരവമേറിയ കടമയാണ് ജനങ്ങള്‍ ഞങ്ങളെ ഏല്‍പ്പിച്ചിരിക്കുന്നത്. അത് സംരക്ഷിക്കാന്‍ ഞങ്ങള്‍ക്ക് കഴിയുമെന്ന് അവര്‍ വിശ്വസിക്കുന്നു, അവര്‍ ഞങ്ങളില്‍ വിശ്വാസം അര്‍പ്പിക്കുകയും ചെയ്തു.
ബഹുമാനപ്പെട്ട ചെയര്‍മാന്‍,
ഖാര്‍ഗെ ജി ഇത്തരം പ്രസ്താവനകള്‍ നടത്തുമ്പോള്‍, അത് അല്‍പ്പം വേദനാജനകമാണ്, കാരണം അടിയന്തരാവസ്ഥയില്‍ നടന്ന അതിക്രമങ്ങള്‍ അദ്ദേഹം നേരിട്ട് കണ്ടതാണ് - ജനാധിപത്യത്തെ തുരങ്കം വയ്ക്കുകയും ഭരണഘടനയെ തന്നെ ബുള്‍ഡോസര്‍ വലിച്ചെറിയുകയും ചെയ്ത ഭരണഘടനയോടുള്ള കടുത്ത അവഗണനയുടെ കാലഘട്ടം. അതേ പാര്‍ട്ടിയുടെ ഒരു പ്രമുഖ നേതാവെന്ന നിലയില്‍, ഈ സംഭവങ്ങള്‍ സ്വകാര്യമായറിയാം, എന്നിട്ടും അദ്ദേഹം സഭയെ തെറ്റിദ്ധരിപ്പിക്കുന്നു.
ബഹുമാനപ്പെട്ട ചെയര്‍മാന്‍,
അടിയന്തരാവസ്ഥയെ ഞാന്‍ അടുത്തു കണ്ടിട്ടുണ്ട്. കോടിക്കണക്കിന് ആളുകള്‍ കഠിനമായ പീഡനങ്ങള്‍ സഹിക്കുകയും അവരുടെ ജീവിതം ദുസ്സഹമാക്കുകയും ചെയ്തു. അക്കാലത്തെ പാര്‍ലമെന്റിനുള്ളിലെ നടപടികള്‍ നന്നായി രേഖപ്പെടുത്തപ്പെട്ടതാണ്. ഇന്ത്യന്‍ ഭരണഘടനയെക്കുറിച്ച് പ്രസംഗിക്കുന്നവരോട് ഞാന്‍ ചോദിക്കുന്നു: നിങ്ങളുടെ 7 വര്‍ഷത്തെ ലോക്സഭയുടെ ഭരണകാലത്ത് - 5 വര്‍ഷത്തെ നിര്‍ബന്ധിത കാലാവധി ഉണ്ടായിരുന്നിട്ടും - ഏത് ഭരണഘടനയ്ക്ക് കീഴിലാണ് നിങ്ങള്‍ അധികാരം പ്രയോഗിച്ചത്, ജനങ്ങളെ അടിച്ചമര്‍ത്തിയത്, എന്നിട്ട് ഇപ്പോള്‍ ഭരണഘടനാപരമായ കാര്യങ്ങളെക്കുറിച്ച് ഞങ്ങളോട് പ്രഭാഷണം നടത്തുന്നു ?
ബഹുമാനപ്പെട്ട ചെയര്‍മാന്‍,
മന്ത്രിസഭാ തീരുമാനം പരസ്യമായി കീറിയെറിയാന്‍ എംപിക്ക് അധികാരം നല്‍കുന്ന ഭരണഘടന ഏതെന്ന് വ്യക്തമാക്കാമോ? ഏത് അധികാരത്തിന്റെ കീഴിലാണ് ഈ നടപടി സ്വീകരിച്ചത്?
ബഹുമാനപ്പെട്ട ചെയര്‍മാന്‍,
രാഷ്ട്രപതി, ഉപരാഷ്ട്രപതി, പ്രധാനമന്ത്രി, സ്പീക്കര്‍ തുടങ്ങിയ സ്ഥാനങ്ങള്‍ രൂപപ്പെടുത്തിയിരിക്കുന്ന സുസ്ഥിരമായ പ്രോട്ടോക്കോളിന് കീഴിലാണ് നമ്മുടെ രാജ്യം പ്രവര്‍ത്തിക്കുന്നത്. ഈ പ്രോട്ടോക്കോള്‍ ലംഘിച്ച് ഭരണഘടനാ പദവികള്‍ വഹിക്കുന്നവരെക്കാള്‍ ഒരു കുടുംബത്തിന് മുന്‍ഗണന നല്‍കുന്നത് എങ്ങനെ ന്യായീകരിക്കപ്പെട്ടു? ഏത് ഭരണഘടനയാണ് ഇത് അനുവദിച്ചത്? ഭരണഘടനാപരമായ വിശിഷ്ട വ്യക്തികളെക്കാള്‍ ഒരു കുടുംബത്തിന് മുന്‍ഗണന നല്‍കിക്കൊണ്ട്, ഏത് ഭരണഘടനയുടെ അന്തസ്സാണ് നിങ്ങള്‍ ഉയര്‍ത്തിപ്പിടിച്ചത്? ഇന്ന് നിങ്ങള്‍ ഭരണഘടനയ്ക്ക് വേണ്ടി വാദിക്കുകയും 'ജയ് സംവിധാന്‍' എന്ന മുദ്രാവാക്യം വിളിക്കുകയും ചെയ്യുന്നു, എന്നാല്‍ ചരിത്രപരമായി, 'ഇന്ത്യയാണ് ഇന്ദിര, ഇന്ദിര ഈസ് ഇന്ത്യ' തുടങ്ങിയ മുദ്രാവാക്യങ്ങള്‍ ഭരണഘടനയെ ഒട്ടും പരിഗണിക്കാതെ ഉയര്‍ന്നു.
ബഹുമാനപ്പെട്ട ചെയര്‍മാന്‍,
ഞാന്‍ ഇത് അതീവ ഗൗരവത്തോടെ പറയുന്നു: നമ്മുടെ രാജ്യത്തെ ഭരണഘടനയുടെ ഏറ്റവും വലിയ എതിരാളി കോണ്‍ഗ്രസ് പാര്‍ട്ടിയാണ്.
ബഹുമാനപ്പെട്ട ചെയര്‍മാന്‍,
ഈ ചര്‍ച്ചയിലുടനീളം, 200 മുതല്‍ 500 വര്‍ഷം മുമ്പുള്ള സംഭവങ്ങളെ പരാമര്‍ശിക്കാന്‍ അവര്‍ക്ക് ധൈര്യമുണ്ട്, എന്നിട്ടും അടിയന്തരാവസ്ഥയുടെ പ്രാധാന്യം സൗകര്യപൂര്‍വ്വം തള്ളിക്കളയുന്നു. പഴയ സംഭവം' എന്നാണ് ഇതിനെ വിശേഷിപ്പിക്കുന്നത്. അവരുടെ അതിക്രമങ്ങളുടെ സമയത്തില്‍ നിന്ന് ഇതവരെ കുറ്റവിമുക്തരാക്കുമോ?
ബഹുമാനപ്പെട്ട ചെയര്‍മാന്‍,
ഈ സഭയില്‍ ഭരണഘടന ചര്‍ച്ച ചെയ്യാനുള്ള ശ്രമങ്ങള്‍ പലപ്പോഴും തടസ്സപ്പെടാറുണ്ട്, പ്രത്യേകിച്ചും അടിയന്തരാവസ്ഥയുടെ വിഷയം ഉയരുമ്പോള്‍. ഇന്ന് ഇവിടെ ഇരിക്കുന്നവരില്‍ പലരും ആ ഇരുണ്ട കാലഘട്ടത്തിന്റെ ഇരകളായിരുന്നു. എന്നിരുന്നാലും, ഇന്ന് അത്തരം ശക്തികളുമായി അണിനിരക്കാനുള്ള അവരുടെ തീരുമാനം മറ്റൊരു പ്രചോദനത്തെ സൂചിപ്പിക്കുന്നു - അവസരവാദം. അവരുടെ പ്രതിബദ്ധത യഥാര്‍ത്ഥത്തില്‍ ഭരണഘടനയുമായി ബന്ധപ്പെട്ടിരുന്നുവെങ്കില്‍, അവര്‍ ഈ തീരുമാനം എുടുക്കില്ലായിരുന്നു.
ബഹുമാനപ്പെട്ട ചെയര്‍മാന്‍,
അടിയന്തരാവസ്ഥ കേവലം ഒരു രാഷ്ട്രീയ പ്രതിസന്ധിയായിരുന്നില്ല; ജനാധിപത്യത്തെയും ഭരണഘടനയെയും ബാധിച്ച അഗാധമായ മാനുഷിക പ്രതിസന്ധി കൂടിയായിരുന്നു അത്. നിരവധി വ്യക്തികള്‍ പീഡനത്തിന് വിധേയരായി, ചിലര്‍ക്ക് ജയിലുകളില്‍ ജീവന്‍ പോലും നഷ്ടപ്പെട്ടു. ആ കാലഘട്ടത്തില്‍ ഏര്‍പ്പെടുത്തിയ വ്യവസ്ഥകള്‍ കാരണം ജയപ്രകാശ് നാരായണ്‍ ജിയുടെ ആരോഗ്യം ജയിലില്‍ വെച്ച് മാറ്റാനാവാത്ത വിധം വഷളായി. രാഷ്ട്രീയക്കാര്‍ മാത്രമല്ല, സാധാരണക്കാരും രക്ഷപ്പെട്ടില്ല. സ്വന്തം പാര്‍ട്ടിയിലുള്ളവരെ പോലും വെറുതെ വിട്ടില്ല. അവരും പീഡിപ്പിക്കപ്പെട്ടു.
ബഹുമാനപ്പെട്ട ചെയര്‍മാന്‍,
ആ ഇരുണ്ട ദിവസങ്ങളില്‍, വ്യക്തികള്‍ അവരുടെ വീടുകള്‍ ഉപേക്ഷിച്ച് മടങ്ങിവരാത്ത സന്ദര്‍ഭങ്ങളുണ്ട്. അവര്‍ എവിടെയാണെന്ന്, എന്തായിരുന്നു അവരുടെ വിധിയെന്ന് ഇന്നും അജ്ഞാതമാണ്.
ബഹുമാനപ്പെട്ട ചെയര്‍മാന്‍,
അവരുമായി അണിനിരക്കുന്ന പല രാഷ്ട്രീയ പാര്‍ട്ടികളും പലപ്പോഴും ന്യൂനപക്ഷ അവകാശങ്ങളുടെ ചാമ്പ്യന്മാരാണെന്ന് പ്രഖ്യാപിക്കുകയും ഈ വിഷയങ്ങളില്‍ ഉറക്കെ സംസാരിക്കുകയും ചെയ്യുന്നു. എന്നാല്‍ അടിയന്തരാവസ്ഥക്കാലത്ത് മുസാഫര്‍നഗറിലും തുര്‍ക്ക്മാന്‍ ഗേറ്റിലും ന്യൂനപക്ഷങ്ങള്‍ അനുഭവിച്ച ദുരവസ്ഥ ഓര്‍ത്തെടുക്കാന്‍ ആര്‍ക്കെങ്കിലും ധൈര്യമുണ്ടോ? അതിനെക്കുറിച്ച് സംസാരിക്കാന്‍ ആര്‍ക്കെങ്കിലും ധൈര്യമുണ്ടോ?
ബഹുമാനപ്പെട്ട ചെയര്‍മാന്‍,
ഇപ്പോള്‍ അവര്‍ കോണ്‍ഗ്രസിന് ക്ലീന്‍ ചിറ്റ് നല്‍കുന്നു; രാജ്യം അവരോട് എങ്ങനെ ക്ഷമിക്കും? ഇന്ന് ഇത്തരം സ്വേച്ഛാധിപത്യത്തെ ന്യായീകരിക്കുന്നവര്‍ ഭരണഘടനയുടെ ഒരു പകര്‍പ്പ് കൈയില്‍ മുറുകെപ്പിടിച്ച് തങ്ങളുടെ കൊള്ളരുതായ്മകള്‍ മറച്ചുവെക്കാന്‍ ശ്രമിക്കുന്നത് ലജ്ജാകരമാണ്.
ബഹുമാനപ്പെട്ട ചെയര്‍മാന്‍,
ആ കാലഘട്ടത്തില്‍, അടിയന്തരാവസ്ഥയ്ക്കെതിരെ നിലകൊള്ളുകയും ക്രമേണ സ്വന്തം അടിത്തറ കെട്ടിപ്പടുക്കുകയും ചെയ്ത നിരവധി ചെറിയ രാഷ്ട്രീയ പാര്‍ട്ടികള്‍ ഉണ്ടായിരുന്നു. ഇന്ന് അവര്‍ കോണ്‍ഗ്രസിനെ പിന്തുണയ്ക്കുന്നു. കോണ്‍ഗ്രസ് മറ്റുള്ളവരെ ആശ്രയിക്കുന്ന യുഗം ആരംഭിച്ചുവെന്ന് ഞാന്‍ ഇന്നലെ ലോക്സഭയില് പ്രസ്താവിച്ചു; ഇതൊരു പരാദ കോണ്‍ഗ്രസ് ആണ്. അവര്‍ ഒറ്റയ്ക്ക് മത്സരിച്ചിടത്തെല്ലാം, അവരുടെ വിജയശതമാനം മോശമായിരുന്നു, കൂടാതെ മറ്റാരെയെങ്കിലും ആശ്രയിക്കാന്‍ അവര്‍ കണ്ടെത്തിയിടത്തെല്ലാം ഒരു പരിധിവരെ വിജയിക്കാന്‍ അവര്‍ക്ക് കഴിഞ്ഞു. രാജ്യത്തെ ജനങ്ങള്‍ ഇപ്പോഴും അവരെ അംഗീകരിച്ചിട്ടില്ല; അവര്‍ മറ്റൊരാളുടെ കുടക്കീഴില്‍ അഭയം തേടി. ഈ കോണ്‍ഗ്രസ് ഒരു പരാന്നഭോജിയെപ്പോലെ പെരുമാറുന്നു, സഖ്യകക്ഷികളുടെ വോട്ടുകള്‍ തിന്ന് താല്‍ക്കാലികമായി വിരാജിക്കുന്നു. അവരുടെ സ്വന്തം പ്രവൃത്തികള്‍ അവരെ പരാന്നഭോജികളായി മുദ്രകുത്തി; ജനങ്ങളുടെ വിശ്വാസം നേടിയെടുക്കുന്നതില്‍ അവര്‍ പരാജയപ്പെട്ടു. പകരം, അവര്‍ ആശയക്കുഴപ്പത്തിലാക്കുകയും വ്യാജ വിവരണങ്ങളിലൂടെയും വീഡിയോകളിലൂടെയും രാജ്യത്തെ തെറ്റിദ്ധരിപ്പിക്കുകയും ചെയ്യുന്നു.
ബഹുമാനപ്പെട്ട ചെയര്‍മാന്‍,
വികസന കാഴ്ചപ്പാടുകളെക്കുറിച്ചുള്ള ചര്‍ച്ചകള്‍ പ്രതീക്ഷിക്കുന്ന ഉപരിസഭയാണിത്. എന്നിരുന്നാലും, ഗുരുതരമായ അഴിമതി ആരോപണങ്ങള്‍ നേരിടുന്നവരെ സംരക്ഷിക്കാന്‍ കോണ്‍ഗ്രസ് അംഗങ്ങള്‍ ലജ്ജയില്ലാതെ പ്രസ്ഥാനങ്ങള്‍ നയിക്കുന്നു. ശിക്ഷിക്കപ്പെട്ട വ്യക്തികള്‍ക്കൊപ്പം അവര്‍ സന്തോഷത്തോടെ ഫോട്ടോയ്ക്ക് പോസ് ചെയ്യുന്നു. മുമ്പ്, അഴിമതിക്കെതിരെ നടപടിയെടുക്കാത്തതിന് അവര്‍ ഞങ്ങളെ വിമര്‍ശിച്ചിരുന്നു; ഇപ്പോള്‍, അഴിമതിക്കാരെ ജയിലിലേക്ക് അയക്കുമ്പോള്‍, അവര്‍ പ്രതിഷേധിക്കുകയും കുഴപ്പങ്ങള്‍ സൃഷ്ടിക്കുകയും ചെയ്യുന്നു.
ബഹുമാനപ്പെട്ട ചെയര്‍മാന്‍,
ഇവിടെ നടന്ന ചര്‍ച്ചകളില്‍ കേന്ദ്ര അന്വേഷണ ഏജന്‍സികള്‍ക്കെതിരെ ആരോപണങ്ങള്‍ ഉയര്‍ന്നിട്ടുണ്ട്. ഈ ഏജന്‍സികളെ ഈ സര്‍ക്കാര്‍ ദുരുപയോഗം ചെയ്യുകയാണെന്നാണ് ആക്ഷേപം.
ബഹുമാനപ്പെട്ട ചെയര്‍മാന്‍,
ഇനി, ഞാനിത് ചോദിക്കട്ടെ: അഴിമതി, മദ്യ അഴിമതി, കുട്ടികള്‍ ഉള്‍പ്പെട്ട ക്ലാസ് റൂം നിര്‍മ്മാണ കുംഭകോണങ്ങള്‍, വെള്ളം കുംഭകോണം എന്നിവയില്‍ ആം ആദ്മി പാര്‍ട്ടിക്കെതിരെ ആരോപണമുണ്ട്. കോണ്‍ഗ്രസ് എഎപിക്കെതിരെ പരാതികള്‍ നല്‍കുന്നു, എഎപിയെ കോടതിയെ സമീപിക്കുന്നു, എന്തെങ്കിലും നടപടിയുണ്ടായാല്‍ അവര്‍ മോദിയെ കുറ്റപ്പെടുത്തുന്നു. ഇപ്പോള്‍, ഈ പാര്‍ട്ടികള്‍ പരസ്പരം പങ്കാളികളായി മാറിയിരിക്കുന്നു. ധൈര്യമുണ്ടെങ്കില്‍ അവര്‍ ഈ സഭയില്‍ എഴുന്നേറ്റു നിന്ന് കോണ്‍ഗ്രസ് പാര്‍ട്ടിയോട് ഉത്തരം ആവശ്യപ്പെടണം. ഞാന്‍ ഇത് എഎപി അംഗങ്ങളോട് സംസാരിക്കുകയാണ്. ആം ആദ്മി പാര്‍ട്ടിക്കെതിരെ നിരവധി പത്രസമ്മേളനങ്ങളില്‍ അവര്‍ അവതരിപ്പിച്ച തെളിവുകള്‍ ശരിയാണോ തെറ്റാണോ എന്ന് കോണ്‍ഗ്രസ് വ്യക്തമാക്കണം. രണ്ട് പാര്‍ട്ടികളുടേയും പരസ്പരം തുറന്നുകാട്ടലാകും അത്.
ബഹുമാനപ്പെട്ട ചെയര്‍മാന്‍,
ഇത്തരം ആരോപണങ്ങളോട് പ്രതികരിക്കാന്‍ അവര്‍ക്ക് ധൈര്യമുണ്ടോ എന്ന് എനിക്ക് സംശയമുണ്ട്.
ബഹുമാനപ്പെട്ട ചെയര്‍മാന്‍,
ഈ വ്യക്തികള്‍ ഇരട്ട നിലപാടും ഇരട്ട മനോഭാവവും പ്രകടിപ്പിക്കുന്നു. നിലനില്‍ക്കുന്ന കാപട്യത്തെക്കുറിച്ച് രാജ്യത്തെ ഓര്‍മ്മിപ്പിക്കാന്‍ ഞാന്‍ ആഗ്രഹിക്കുന്നു. അവര്‍ ഡല്‍ഹിയില്‍ സ്റ്റേജുകളില്‍ ഇരുന്നു അന്വേഷണ ഏജന്‍സികളെ വിമര്‍ശിക്കുന്നു, അഴിമതിക്കാരെ സംരക്ഷിക്കാന്‍ റാലികള്‍ സംഘടിപ്പിക്കുന്നു. എന്നിരുന്നാലും, കേരളത്തില്‍ അവരുടെ നേതാക്കള്‍ തങ്ങളുടെ സഖ്യകക്ഷിയായ മുഖ്യമന്ത്രിയെ ജയിലില്‍ അടയ്ക്കാന്‍ ഇന്ത്യന്‍ ഗവണ്‍മെന്റിനോട് അഭ്യര്‍ത്ഥിക്കുന്നു. ഡല്‍ഹിയിലെ ഇഡിയുടെയും സിബിഐയുടെയും നടപടികളെ അവര്‍ ശക്തമായി എതിര്‍ക്കുന്നു, എന്നിട്ടും ഈ ഏജന്‍സികളെ ഉപയോഗിച്ച് കേരള മുഖ്യമന്ത്രിയെ പ്രോസിക്യൂട്ട് ചെയ്യാന്‍ അവര്‍ വാദിക്കുന്നു. ഈ വൈരുദ്ധ്യം അവരുടെ സമഗ്രതയെക്കുറിച്ച് ചോദ്യങ്ങള്‍ ഉയര്‍ത്തുന്നു.
ബഹുമാനപ്പെട്ട ചെയര്‍മാന്‍,
ഛത്തീസ്ഗഢില്‍ കോണ്‍ഗ്രസ് ഗവണ്‍മെന്റിന്റെ മുഖ്യമന്ത്രി ഉള്‍പ്പെട്ട മദ്യ കുംഭകോണം പുറത്തുവന്നു. ഈ മുഖ്യമന്ത്രിയെ അന്വേഷിക്കാനും ജയിലിലടക്കാനും ED, CBI എന്നിവയെ നിയോഗിക്കണമെന്ന് AAP അംഗങ്ങള്‍ വാചാലരായി. ആ സമയത്ത് ഏജന്‍സിയെ പിന്തുണച്ചുകൊണ്ട് നടപടിയെടുക്കാന്‍ അവര്‍ ഇഡിയോട് പരസ്യമായി അഭ്യര്‍ത്ഥിച്ചു.
ബഹുമാനപ്പെട്ട ചെയര്‍മാന്‍,
അന്വേഷണ ഏജന്‍സികളെ അപകീര്‍ത്തിപ്പെടുത്തുകയും ഇന്ന് കോളിളക്കം സൃഷ്ടിക്കുകയും ചെയ്യുന്നവരോട്, ചില മുന്‍കാല സംഭവങ്ങള്‍ ഓര്‍മ്മിപ്പിക്കാന്‍ ഞാന്‍ അവരോട് അഭ്യര്‍ത്ഥിക്കുന്നു. ഈ ഏജന്‍സികള്‍ മുമ്പ് എങ്ങനെയാണ് ദുരുപയോഗം ചെയ്തതെന്നും ആരൊക്കെയാണെന്നും ഞാന്‍ വിശദീകരിക്കാം. നിങ്ങളുടെ പരിഗണനയ്ക്കായി ചില പ്രസ്താവനകള്‍ അവതരിപ്പിക്കാന്‍ എന്നെ അനുവദിക്കുക. 2013-ല്‍ മുലായം സിംഗ് പറഞ്ഞു, 'കോണ്‍ഗ്രസിനെതിരെ പോരാടുന്നത് എളുപ്പമല്ല, അവര്‍ നിങ്ങളെ ജയിലിലടക്കും, സിബിഐ നിങ്ങളുടെ പിന്നാലെ വരും. സിബിഐയും ആദായനികുതിയും ഉപയോഗിച്ച് ഞങ്ങളെ ഭീഷണിപ്പെടുത്തി കോണ്‍ഗ്രസ് പിന്തുണ തേടുന്നു.' ഈ സഭയിലെ ബഹുമാനപ്പെട്ട അംഗമായ രാം ഗോപാല്‍ ജിയോട് ഞാന്‍ ചോദിക്കുന്നു, മുലായം സിംഗ് ജി എപ്പോഴെങ്കിലും കള്ളം പറഞ്ഞിട്ടുണ്ടോ? അദ്ദേഹം സത്യം പറഞ്ഞു.
ബഹുമാനപ്പെട്ട ചെയര്‍മാന്‍,
രാം ഗോപാല്‍ ജി ഇക്കാര്യം തന്റെ അനന്തരവനെ അറിയിക്കണമെന്നും അദ്ദേഹം രാഷ്ട്രീയത്തില്‍ പ്രവേശിച്ചയുടന്‍ തന്റെ അനന്തരവനെ സിബിഐ ലക്ഷ്യമിട്ടത് ഓര്‍മ്മിപ്പിക്കണമെന്നും ഞാന്‍ ഓര്‍മ്മിപ്പിക്കുന്നു. അദ്ദേഹത്തിന് സൌമ്യമായ ഒരു ഓര്‍മ്മപ്പെടുത്തല്‍ മതിയാകും.
ബഹുമാനപ്പെട്ട ചെയര്‍മാന്‍,
2013-ലെ മറ്റൊരു പ്രസ്താവന ഞാന്‍ കണ്ടു. സഖാവ് ശ്രീ പ്രകാശ് കാരാട്ട് പറഞ്ഞിരുന്നു: 'പല പാര്‍ട്ടികളിലും രാഷ്ട്രീയ വിലപേശലുകള്‍ നടത്താന്‍ കോണ്‍ഗ്രസ് സിബിഐയെ ഉപയോഗിച്ചു'. ആരാണ് ഈ ഏജന്‍സികളെ ദുരുപയോഗം ചെയ്യുന്നതെന്ന് പരാമര്‍ശിച്ച് 2013ല്‍ അദ്ദേഹം ഇക്കാര്യം പറഞ്ഞിരുന്നു. കൂടാതെ, യുപിഎ സര്‍ക്കാരിന്റെ കാലത്ത് യജമാനന്റെ ശബ്ദത്തില്‍ സംസാരിക്കുന്ന കൂട്ടിലടച്ച തത്തയെന്ന് നമ്മുടെ രാജ്യത്തെ സുപ്രീം കോടതി സിബിഐയെ വിശേഷിപ്പിച്ച ഒരു സുപ്രധാന പ്രസ്താവന ഞാന്‍ ഓര്‍ക്കുന്നു. ഈ ഏജന്‍സികളെ ആരാണ് ദുരുപയോഗം ചെയ്തിരുന്നത് എന്നതിന്റെ ജീവിക്കുന്ന തെളിവ് ഇന്ന് നമ്മുടെ പക്കലുണ്ട്.
ബഹുമാനപ്പെട്ട ചെയര്‍മാന്‍,
എന്നെ സംബന്ധിച്ചിടത്തോളം അഴിമതിക്കെതിരായ പോരാട്ടം തിരഞ്ഞെടുപ്പ് വിജയങ്ങള്‍ക്കും തോല്‍വികള്‍ക്കും അതീതമാണ്. തിരഞ്ഞെടുപ്പിലെ ജയത്തിനും തോല്‍വിക്കും വേണ്ടിയല്ല ഞാന്‍ അഴിമതിക്കെതിരെ പോരാടുന്നത്. എന്റെ ദൗത്യമാണ്, അഴിമതി നമ്മുടെ രാജ്യത്തെ ദുര്‍ബലമാക്കിയ ഒരു ചിതലാണ് എന്ന എന്റെ ബോധ്യം. നമ്മുടെ രാജ്യത്തെ അഴിമതിയില്‍ നിന്ന് മോചിപ്പിക്കാനും നമ്മുടെ പൗരന്മാര്‍ക്കിടയില്‍ അതിനോട് ആഴത്തിലുള്ള വെറുപ്പ് വളര്‍ത്താനും ഞാന്‍ പൂര്‍ണ്ണഹൃദയത്തോടെ പ്രതിജ്ഞാബദ്ധനാണ്, ഇത് ഒരു പവിത്രമായ കടമയായി ഞാന്‍ കരുതുന്നു. 2014-ല്‍ ഞങ്ങളുടെ സര്‍ക്കാര്‍ തിരഞ്ഞെടുക്കപ്പെട്ടപ്പോള്‍, ഞങ്ങള്‍ രണ്ട് സുപ്രധാന ലക്ഷ്യങ്ങള്‍ വാഗ്ദാനം ചെയ്തു: പാവപ്പെട്ടവരുടെ ക്ഷേമത്തിനായി സ്വയം സമര്‍പ്പിക്കുക, അഴിമതിക്കും കള്ളപ്പണത്തിനും എതിരെ പോരാടുക. 2014-ല്‍ ഞാന്‍ ഇത് പരസ്യമായി പറഞ്ഞിരുന്നു. ഈ ലക്ഷ്യത്തോടെയാണ് ഞങ്ങള്‍ ലോകത്തിലെ ഏറ്റവും വലിയ ക്ഷേമ പദ്ധതിയായ ഗരീബ് കല്യാണ്‍ യോജന ദരിദ്രര്‍ക്കായി ആരംഭിച്ചത്. അതോടൊപ്പം, അഴിമതിയെ നേരിടാന്‍ പുതിയ നിയമങ്ങളും സംവിധാനങ്ങളും സംവിധാനങ്ങളും ഞങ്ങള്‍ വികസിപ്പിച്ചെടുത്തു. ഞങ്ങള്‍ അഴിമതി നിരോധന നിയമം 1988 ഭേദഗതി ചെയ്തു, കള്ളപ്പണത്തിനെതിരെ പുതിയ നിയമങ്ങള്‍ കൊണ്ടുവന്നു, ബിനാമി സ്വത്തുക്കള്‍ക്കെതിരെ നിയമനിര്‍മ്മാണം കൊണ്ടുവന്നു. ഈ നടപടികളിലൂടെ അഴിമതിക്കാരായ ഉദ്യോഗസ്ഥര്‍ക്കെതിരെ നടപടി സ്വീകരിച്ചിട്ടുണ്ട്. കൂടാതെ, ചോര്‍ച്ച തടയുന്നതിനും നേരിട്ടുള്ള ആനുകൂല്യ കൈമാറ്റത്തിന് ഊന്നല്‍ നല്‍കുന്നതിനും ഡിജിറ്റല്‍ സാങ്കേതികവിദ്യ പൂര്‍ണ്ണമായും പ്രയോജനപ്പെടുത്തുന്നതിനും ഞങ്ങള്‍ ഗവണ്‍മെന്റിനുള്ളില്‍ നല്ല മാറ്റങ്ങള്‍ നടപ്പിലാക്കിയിട്ടുണ്ട്. തല്‍ഫലമായി, അര്‍ഹതയുള്ള ഓരോ ഗുണഭോക്താക്കള്‍ക്കും അവരുടെ അര്‍ഹമായ ആനുകൂല്യങ്ങള്‍ ചോര്‍ച്ചയില്ലാതെ നേരിട്ട് ലഭിക്കുന്നു. അഴിമതിക്കെതിരായ നമ്മുടെ പോരാട്ടത്തിന്റെ നിര്‍ണായക വശമാണിത്. പൗരന്മാര്‍ക്ക് ഈ ആനുകൂല്യങ്ങള്‍ ലഭിക്കുകയും ഈ മെച്ചപ്പെടുത്തലുകള്‍ അനുഭവിക്കുകയും ചെയ്യുമ്പോള്‍, ജനാധിപത്യത്തിലുള്ള അവരുടെ വിശ്വാസം വളരുന്നു, അവര്‍ക്ക് സര്‍ക്കാരുമായി ബന്ധം തോന്നുന്നു, നമ്മുടെ ജനാധിപത്യത്തെ ശക്തിപ്പെടുത്തുന്നു.
ബഹുമാനപ്പെട്ട ചെയര്‍മാന്‍,
അവ്യക്തതയില്ലാതെ നേരിട്ട് സംസാരിക്കാന്‍ ഞാന്‍ ആഗ്രഹിക്കുന്നു. അഴിമതിക്കും അഴിമതിക്കാര്‍ക്കുമെതിരെ ഏറ്റവും കര്‍ശനമായ നടപടികള്‍ സ്വീകരിക്കാന്‍ ഏജന്‍സികള്‍ക്ക് പൂര്‍ണ സ്വാതന്ത്ര്യം ഞാന്‍ നല്‍കിയിട്ടുണ്ടെന്ന് രാജ്യത്തിന് ഉറപ്പ് നല്‍കാന്‍ ഞാന്‍ ആഗ്രഹിക്കുന്നു. അവരുടെ ജോലിയില്‍ ഗവണ്‍മെന്റ് ഇടപെടില്ല. അവര്‍ സത്യസന്ധമായും സത്യസന്ധമായും പ്രവര്‍ത്തിക്കണം എന്നതാണ് എന്റെ നിര്‍ദ്ദേശം.
ഒപ്പം ബഹുമാനപ്പെട്ട ചെയര്‍മാന്‍,
ഞാന്‍ ഒരിക്കല്‍ കൂടി രാജ്യത്തോട് ആവര്‍ത്തിക്കാന്‍ ആഗ്രഹിക്കുന്നു: ഒരു അഴിമതിക്കാരനും നിയമത്തില്‍ നിന്ന് ഒഴിഞ്ഞുമാറില്ല. ഇതാണ് മോദിയുടെ ഉറപ്പ്.
ബഹുമാനപ്പെട്ട ചെയര്‍മാന്‍,
തന്റെ പ്രസംഗത്തില്‍, പേപ്പര്‍ ചോര്‍ച്ച ഒരു പ്രധാന പ്രശ്‌നമായി രാഷ്ട്രപതി ഉയര്‍ത്തിക്കാട്ടി. എല്ലാ പാര്‍ട്ടികളും രാഷ്ട്രീയ ഭിന്നതകള്‍ മറികടന്ന് ഈ വിഷയം ചര്‍ച്ച ചെയ്യുമെന്ന് ഞാന്‍ പ്രതീക്ഷിച്ചിരുന്നു. നിര്‍ഭാഗ്യവശാല്‍, നമ്മുടെ യുവാക്കളുടെ ഭാവിയെ ബാധിക്കുന്ന ഈ സെന്‍സിറ്റീവും ഗുരുതരവുമായ വിഷയം രാഷ്ട്രീയത്താല്‍ തഴയപ്പെട്ടു. ഇതിനേക്കാള്‍ ദൗര്‍ഭാഗ്യകരമായ മറ്റൊന്നുമില്ല. നിങ്ങളെ വഞ്ചിച്ചവരെ ഈ സര്‍ക്കാര്‍ വെറുതെവിടില്ലെന്ന് നമ്മുടെ രാജ്യത്തെ യുവാക്കള്‍ക്ക് ഉറപ്പ് നല്‍കാന്‍ ഞാന്‍ ആഗ്രഹിക്കുന്നു. നമ്മുടെ യുവാക്കളുടെ ഭാവി അപകടത്തിലാക്കിയതിന് ഉത്തരവാദികളായവര്‍ കഠിനമായ ശിക്ഷ അനുഭവിക്കുമെന്ന് ഉറപ്പാക്കാനുള്ള നടപടികള്‍ ഒന്നിനുപുറകെ ഒന്നായി നടക്കുന്നു. ഇത്തരം ദുഷ്പ്രവണതകള്‍ക്കെതിരെ കര്‍ശനമായ നിയമനിര്‍മ്മാണവും ഞങ്ങള്‍ പാര്‍ലമെന്റില്‍ അവതരിപ്പിച്ചിട്ടുണ്ട്. നമ്മുടെ യുവാക്കള്‍ക്ക് അവരുടെ അഭിലാഷങ്ങള്‍ ആത്മവിശ്വാസത്തോടെ പിന്തുടരാനും ഭയാശങ്കയില്‍ ജീവിക്കേണ്ടി വരാതിരിക്കാനും, പൂര്‍ണ്ണ ആത്മവിശ്വാസത്തോടെ തങ്ങളുടെ കഴിവുകള്‍ പ്രകടിപ്പിക്കാനും അവകാശങ്ങള്‍ നേടിയെടുക്കാനും ഞങ്ങള്‍ മുഴുവന്‍ സംവിധാനത്തെയും ശക്തിപ്പെടുത്തുകയാണ്. ഇതാണ് ഞങ്ങളുടെ പ്രതിബദ്ധത, ഞങ്ങള്‍ അതിനായി സജീവമായി പ്രവര്‍ത്തിക്കുന്നു.
ബഹുമാനപ്പെട്ട ചെയര്‍മാന്‍,
ആരോപണങ്ങള്‍ ഇവിടെ സാധാരണമാണ്, എന്നാല്‍ ചില സംഭവങ്ങള്‍ സ്വയമേവ പൊളിച്ചെഴുതുന്നു. ഇപ്പോള്‍, ഇത് വ്യക്തമാക്കാന്‍ ഒരു തെളിവും ആവശ്യമില്ല. കഴിഞ്ഞ നാല് പതിറ്റാണ്ടിന്റെ വോട്ടിംഗ് റെക്കോര്‍ഡുകള്‍ തകര്‍ക്കുന്നതായി ജമ്മു കശ്മീരില്‍ അടുത്തിടെ നടന്ന ലോക്സഭാ തിരഞ്ഞെടുപ്പ്. ഈ നേട്ടം വളരെയധികം സംസാരിക്കുന്നു, കൂടുതല്‍ തെളിവുകളും ആവശ്യമില്ല. ഇത് ആരോ സഭയില്‍ നിന്ന് ഇറങ്ങി ഒരു ബട്ടണ്‍ അമര്‍ത്തിയാല്‍ സംഭവിക്കുന്നതല്ല. അവര്‍ ഭാരതത്തിന്റെ ഭരണഘടനയേയും ഭാരതത്തിന്റെ ജനാധിപത്യത്തേയും ഇന്ത്യന്‍ തിരഞ്ഞെടുപ്പ് കമ്മീഷനേയും ഉയര്‍ത്തിപ്പിടിച്ചിരിക്കുന്നു. ബഹുമാനപ്പെട്ട ചെയര്‍മാന്‍, ഇതൊരു ശ്രദ്ധേയമായ വിജയമാണ്. ബഹുമാനപ്പെട്ട ചെയര്‍മാന്‍, രാജ്യം ആകാംക്ഷയോടെ കാത്തിരുന്ന ആ നിമിഷം ഇന്ന് നമുക്ക് മുന്നില്‍ അനാവൃതമാവുകയാണ്. പതിറ്റാണ്ടുകളായി, അടച്ചുപൂട്ടലുകള്‍, പണിമുടക്കുകള്‍, തീവ്രവാദ ഭീഷണികള്‍, ഇടയ്ക്കിടെയുള്ള ബോംബ് ശ്രമങ്ങള്‍ എന്നിവ ഈ മേഖലയിലെ ജനാധിപത്യത്തെ ബാധിച്ചു. ഇന്ന് പക്ഷേ, ഭരണഘടനയില്‍ അചഞ്ചലമായ വിശ്വാസത്തോടെ ജനങ്ങള്‍ തങ്ങളുടെ വിധി നിര്‍ണായകമായി രൂപപ്പെടുത്തിയിരിക്കുന്നു. ജമ്മു കശ്മീരിലെ വോട്ടര്‍മാര്‍ക്ക് ഞാന്‍ ഹൃദയംഗമമായ അഭിനന്ദനങ്ങള്‍ അറിയിക്കുന്നു.
ബഹുമാനപ്പെട്ട ചെയര്‍മാന്‍,
ജമ്മു കശ്മീരിലെ തീവ്രവാദത്തിനെതിരായ നമ്മുടെ പോരാട്ടം അതിന്റെ അവസാന ഘട്ടത്തിലാണ്. തീവ്രവാദത്തിന്റെ അവശിഷ്ടങ്ങള്‍ തകര്‍ക്കാനുള്ള സമഗ്രമായ തന്ത്രവുമായി ഞങ്ങള്‍ മുന്നേറുകയാണ്. കഴിഞ്ഞ ദശാബ്ദത്തില്‍, മുന്‍ വര്‍ഷങ്ങളെ അപേക്ഷിച്ച് തീവ്രവാദ സംഭവങ്ങള്‍ ഗണ്യമായി കുറഞ്ഞു. ഒറ്റപ്പെട്ട പ്രദേശങ്ങളില്‍ കല്ലേറുണ്ടായ സംഭവങ്ങള്‍ ഇപ്പോള്‍ അപൂര്‍വമാണ്. ജമ്മു കശ്മീരില്‍ തീവ്രവാദവും വിഘടനവാദവും കുറഞ്ഞുവരികയാണ്. ഈ നിര്‍ണായക ശ്രമത്തില്‍ ജമ്മു കശ്മീരിലെ ജനങ്ങള്‍ ഞങ്ങളെ സജീവമായി പിന്തുണയ്ക്കുകയും നയിക്കുകയും ചെയ്യുന്നു, അത് വളരെയധികം പ്രചോദനം നല്‍കുന്നു. ഇന്ന്, ടൂറിസം പുതിയ റെക്കോര്‍ഡുകള്‍ സൃഷ്ടിക്കുന്നു, ഈ മേഖലയിലെ നിക്ഷേപം വര്‍ദ്ധിച്ചുകൊണ്ടിരിക്കുകയാണ്.
ബഹുമാനപ്പെട്ട ചെയര്‍മാന്‍,
ഇന്ന് വടക്കുകിഴക്കന്‍ മേഖലയിലെ സംഭവവികാസങ്ങളെ ചോദ്യം ചെയ്യുന്നവര്‍ തെരഞ്ഞെടുപ്പു കണക്കു കൂട്ടലുകളാല്‍ മാത്രം ആധിപത്യം പുലര്‍ത്തി ഈ മേഖലയെ സൗകര്യപൂര്‍വ്വം ഉപേക്ഷിച്ചു. നോര്‍ത്ത് ഈസ്റ്റില്‍ നിന്നുള്ള കുറഞ്ഞ ലോക്സഭാ സീറ്റുകള്‍ രാഷ്ട്രീയ ഭൂപ്രകൃതിയില്‍ അപ്രധാനമായി കണക്കാക്കപ്പെട്ടു, അതിനാല്‍ അത് അവഗണിക്കപ്പെട്ടു. ഇന്ന്, നമ്മുടെ സമര്‍പ്പിത ശ്രമങ്ങള്‍ രാജ്യത്തിന്റെ വികസനത്തിന്റെ കരുത്തുറ്റ എഞ്ചിനാക്കി വടക്ക് കിഴക്കിനെ മാറ്റുകയാണ്. റെയില്‍, വിനോദസഞ്ചാരം, സാംസ്‌കാരിക വിനിമയം എന്നിവയുടെ അടിസ്ഥാനത്തില്‍ മെച്ചപ്പെട്ട കണക്റ്റിവിറ്റിയിലൂടെ ഈ പ്രദേശം കിഴക്കന്‍ ഏഷ്യയിലേക്കുള്ള ഒരു കവാടമായി ഉയര്‍ന്നുവരുന്നു. അവര്‍ പറയുന്നതുപോലെ, 21-ാം നൂറ്റാണ്ട് ഭാരതത്തിന്റേതാണ്, ഈ സംരംഭം ആ വിവരണത്തില്‍ നിര്‍ണായക പങ്ക് വഹിക്കുമെന്നതില്‍ സംശയമില്ല. ഈ യാഥാര്‍ത്ഥ്യം നാം അംഗീകരിക്കണം.
ബഹുമാനപ്പെട്ട ചെയര്‍മാന്‍,
കഴിഞ്ഞ അഞ്ച് വര്‍ഷം കൊണ്ട് വടക്കുകിഴക്കന്‍ മേഖലയില്‍ കൈവരിച്ച പുരോഗതി പഴയ കോണ്‍ഗ്രസ് ഭരണത്തിന് കുറഞ്ഞത് രണ്ട് പതിറ്റാണ്ടിനുള്ളില്‍, ഒരുപക്ഷെ ഒരു തലമുറയില്‍ പോലും കൈവരിക്കാന്‍ കഴിയുമായിരുന്നതിനെ മറികടക്കുന്നതാണ്. അഭൂതപൂര്‍വമായ വേഗത്തിലാണ് ഞങ്ങള്‍ വികസനം ത്വരിതപ്പെടുത്തിയത്. ഇന്ന്, നോര്‍ത്ത് ഈസ്റ്റിന്റെ പുരോഗതിയുടെ ആണിക്കല്ലാണ് കണക്റ്റിവിറ്റി. കുതിച്ചുചാട്ടത്തിലൂടെ മുമ്പത്തെ എല്ലാ ശ്രമങ്ങളെയും മറികടന്ന് ഞങ്ങള്‍ അടിസ്ഥാന സൗകര്യ വികസനത്തിന് മുന്‍ഗണന നല്‍കി.
ബഹുമാനപ്പെട്ട ചെയര്‍മാന്‍,
കഴിഞ്ഞ ഒരു ദശാബ്ദക്കാലമായി, എല്ലാവരെയും വിശ്വാസത്തിലെടുത്തുകൊണ്ടും തളരാതെയും നിര്‍ത്താതെയും വടക്ക് കിഴക്കന്‍ മേഖലയില്‍ ശാശ്വതമായ സമാധാനത്തിനായി അക്ഷീണമായ പരിശ്രമങ്ങള്‍ നടത്തി. പരിമിതമായ ദേശീയ ശ്രദ്ധ ഉണ്ടായിട്ടു പോലും, ഈ ശ്രമങ്ങള്‍ പ്രതീക്ഷ നല്‍കുന്ന ഫലങ്ങള്‍ നല്‍കി. സ്വാതന്ത്ര്യാനന്തരം സംസ്ഥാനങ്ങള്‍ തമ്മിലുള്ള ചരിത്രപരമായ അതിര്‍ത്തി തര്‍ക്കങ്ങള്‍ സംഘര്‍ഷത്തിന്റെ നിത്യ കാരണങ്ങളാണ്. സംസ്ഥാനങ്ങളുമായുള്ള യോജിച്ച ശ്രമങ്ങളിലൂടെയും കരാറുകളിലൂടെയും ഈ തര്‍ക്കങ്ങളില്‍ പലതും ഞങ്ങള്‍ പരിഹരിച്ചു. സൂക്ഷ്മമായി രേഖപ്പെടുത്തുകയും, സന്ദര്‍ശനങ്ങളും ചര്‍ച്ചകളും ആവശ്യപ്പെടുന്നതും, ആവശ്യമാകുന്ന അതിരുകള്‍ നിര്‍വചിക്കുന്നതുമാണ് ഓരോ കരാറും.
ബഹുമാനപ്പെട്ട ചെയര്‍മാന്‍,
നോര്‍ത്ത് ഈസ്റ്റിന്റെ സുപ്രധാന നാഴികക്കല്ലാണ് ഇത്. മുമ്പ്, അക്രമവുമായി ബന്ധപ്പെട്ട സായുധ സംഘങ്ങള്‍ ഒളിയുദ്ധങ്ങള്‍ നടത്തി, എല്ലാ വ്യവസ്ഥിതിയെയും വെല്ലുവിളിക്കുകയും എതിരാളി ഗ്രൂപ്പുകളെ എതിര്‍ക്കുകയും ചെയ്തു, ഇത് രക്തച്ചൊരിച്ചിലില്‍ കലാശിച്ചു. ഇന്ന്, ഞങ്ങള്‍ അവരുമായി ശാശ്വതമായ കരാറുകള്‍ ഉണ്ടാക്കുന്നു, ആയുധങ്ങള്‍ വെച്ച് കീഴടങ്ങാന്‍ സൗകര്യമൊരുക്കുന്നു. ഗുരുതരമായ കുറ്റകൃത്യങ്ങളില്‍ ഏര്‍പ്പെട്ടിരിക്കുന്ന വ്യക്തികള്‍ ഒന്നുകില്‍ കോടതിയെ നേരിടാന്‍ തയ്യാറെടുക്കുന്നു അല്ലെങ്കില്‍ ജയില്‍ ശിക്ഷ അനുഭവിക്കാന്‍ തയ്യാറെടുക്കുന്നു. ഈ പ്രക്രിയ ജുഡീഷ്യറിയിലും ഭാരതത്തിന്റെ ഭരണഘടനയിലും ജനാധിപത്യത്തിലും നമ്മുടെ രാജ്യത്തിന്റെ ഭരണ ഘടനയിലും കൂടുതല്‍ വിശ്വാസം വളര്‍ത്തുകയാണ്.
ബഹുമാനപ്പെട്ട ചെയര്‍മാന്‍,
കഴിഞ്ഞ സെഷനില്‍, ഞാന്‍ മണിപ്പൂരിനെക്കുറിച്ച് വിശദമായി ചര്‍ച്ച ചെയ്തു, ഇന്നും ഞാന്‍ ആവര്‍ത്തിക്കാന്‍ ആഗ്രഹിക്കുന്നു. മണിപ്പൂരിലെ സ്ഥിതിഗതികള്‍ സാധാരണ നിലയിലാക്കാനുള്ള ശ്രമത്തിലാണ് സര്‍ക്കാര്‍. മണിപ്പൂര്‍ ഒരു ചെറിയ സംസ്ഥാനമായിട്ടും അവിടെ നടന്ന സംഭവങ്ങളില്‍ പ്രതികരണമായി 11,000 എഫ്‌ഐആറുകള്‍ ഫയല്‍ ചെയ്തിട്ടുണ്ട്. 500 ലധികം അറസ്റ്റുകള്‍ നടന്നിട്ടുണ്ട്.
ബഹുമാനപ്പെട്ട ചെയര്‍മാന്‍,
മണിപ്പൂരിലെ അക്രമ സംഭവങ്ങള്‍ തുടര്‍ച്ചയായി കുറഞ്ഞുവരുന്നു എന്നതും ശ്രദ്ധേയമാണ്, ഇത് മേഖലയിലെ സമാധാനത്തിലേക്കും പ്രതീക്ഷയിലേക്കും വിശ്വാസത്തിലേക്കുമുള്ള പുരോഗതിയെ സൂചിപ്പിക്കുന്നു. ഇന്ന്, മണിപ്പൂരിന്റെ മിക്ക ഭാഗങ്ങളിലും സ്‌കൂളുകളും കോളേജുകളും ഓഫീസുകളും മറ്റ് സ്ഥാപനങ്ങളും സാധാരണ നിലയില്‍ പ്രവര്‍ത്തിക്കുന്നു.
ബഹുമാനപ്പെട്ട ചെയര്‍മാന്‍,
രാജ്യത്തിന്റെ മറ്റ് ഭാഗങ്ങളെപ്പോലെ, മണിപ്പൂരിലും പരീക്ഷകള്‍ നടത്തി, കുട്ടികളെ അവരുടെ വികസന യാത്ര തുടരാന്‍ അനുവദിച്ചു.
ബഹുമാനപ്പെട്ട ചെയര്‍മാന്‍,
കേന്ദ്ര-സംസ്ഥാന സര്‍ക്കാരുകള്‍ എല്ലാ പങ്കാളികളുമായും ചര്‍ച്ചയിലൂടെ സമാധാനവും സൗഹാര്‍ദവും പ്രോത്സാഹിപ്പിക്കുന്നതിന് അക്ഷീണം പരിശ്രമിക്കുന്നു. ഈ മഹത്തായ ദൗത്യത്തില്‍ സമൂഹത്തിന്റെ ചെറിയ യൂണിറ്റുകളും ഘടകങ്ങളും സൂക്ഷ്മമായി ഇഴചേരുന്നു, അത് സമാധാനപരമായി പുരോഗമിക്കുന്നു. ഇത്തരം സുസ്ഥിരമായ ശ്രമങ്ങള്‍ മുന്‍ സര്‍ക്കാരുകളുടെ കാലത്ത് കണ്ടിട്ടില്ല; ആഭ്യന്തര മന്ത്രി തന്നെ നിരവധി ദിവസങ്ങള്‍ അവിടെ ചിലവഴിച്ചു, അതേസമയം ആഭ്യന്തര സഹമന്ത്രി ആഴ്ചകളോളം അവിടെ താമസിച്ചു, ബന്ധപ്പെട്ട ആളുകളുമായി ബന്ധപ്പെടാന്‍ ശ്രമിക്കുകയും പങ്കാളികളുമായി ആവര്‍ത്തിച്ച് ഇടപഴകുകയും ചെയ്തു.
ബഹുമാനപ്പെട്ട ചെയര്‍മാന്‍,
ഈ വിഷയത്തില്‍ രാഷ്ട്രീയ നേതൃത്വവും, എല്ലാ മുതിര്‍ന്ന സര്‍ക്കാര്‍ ഉദ്യോഗസ്ഥരും പതിവായി പ്രദേശം സന്ദര്‍ശിക്കുകയും തുടര്‍ച്ചയായ ആശയവിനിമയം നടത്തുകയും പ്രശ്നങ്ങള് പരിഹരിക്കാന്‍ എല്ലാ ശ്രമങ്ങളും നടത്തുകയും ചെയ്യുന്നു.
ബഹുമാനപ്പെട്ട ചെയര്‍മാന്‍,
നിലവില്‍ മണിപ്പൂരും വെള്ളപ്പൊക്ക ഭീഷണി നേരിടുന്നതിനാല്‍ സംസ്ഥാന സര്‍ക്കാരിന് കേന്ദ്ര സര്‍ക്കാര്‍ പൂര്‍ണ സഹകരണം നല്‍കുന്നുണ്ട്. ഇന്ന്, എന്‍ഡിആര്‍എഫിന്റെ രണ്ട് ടീമുകള്‍ ഇതിനകം തന്നെ മേഖലയില്‍ എത്തിയിട്ടുണ്ട്. ഇതിനര്‍ത്ഥം ഈ പ്രകൃതിദുരന്തത്തിലും കേന്ദ്രവും സംസ്ഥാനവും സംയുക്തമായാണ് മണിപ്പൂരിനെ പരിപാലിക്കുന്നത്.
ബഹുമാനപ്പെട്ട ചെയര്‍മാന്‍,
മണിപ്പൂരിലെ സ്ഥിതിഗതികള്‍ സുസ്ഥിരമാക്കാന്‍ രാഷ്ട്രീയ വ്യത്യാസങ്ങള്‍ക്കതീതമായി ഒരുമിച്ച് പ്രവര്‍ത്തിക്കേണ്ടത് നമ്മുടെ കൂട്ടായ ഉത്തരവാദിത്തമാണ്.
ബഹുമാനപ്പെട്ട ചെയര്‍മാന്‍,
മണിപ്പൂരില്‍ സംഘര്‍ഷം വഷളാക്കാന്‍ ശ്രമിക്കുന്നവരോട്, അത്തരം പ്രവര്‍ത്തനങ്ങള്‍ അവസാനിപ്പിക്കാന്‍ ഞാന്‍ മുന്നറിയിപ്പ് നല്‍കുന്നു. മണിപ്പൂരിലെ ജനങ്ങള്‍ തന്നെ ഇത്തരം വ്യക്തികളെ തള്ളിക്കളയുന്ന ഒരു കാലം വരും.
ബഹുമാനപ്പെട്ട ചെയര്‍മാന്‍,
മണിപ്പൂരിന്റെ ചരിത്രവും സംഭവങ്ങളും പരിചയമുള്ളവര്‍ക്ക് അതിന്റെ ചരിത്രത്തില്‍ ആഴത്തില്‍ വേരൂന്നിയ, ദീര്‍ഘകാല സാമൂഹിക സംഘര്‍ഷങ്ങളെക്കുറിച്ച് അറിയാം. അത് നിഷേധിക്കാനാവില്ല. ഇത്തരം പ്രശ്നങ്ങള് കാരണം മണിപ്പൂര്‍ പോലൊരു ചെറിയ സംസ്ഥാനത്ത് 10 തവണ രാഷ്ട്രപതി ഭരണം ഏര്‍പ്പെടുത്തേണ്ടി വന്നത് കോണ്‍ഗ്രസ് പാര്‍ട്ടി ഓര്‍ക്കണം. ഇത്തരം പ്രശ്നങ്ങളുണ്ടായെങ്കിലും ഞങ്ങളുടെ ഭരണകാലത്ത് ഉണ്ടായിട്ടില്ല. എന്നിട്ടും രാഷ്ട്രീയ നേട്ടത്തിനായി സാഹചര്യം മുതലെടുക്കാനുള്ള ശ്രമങ്ങള്‍ തുടരുകയാണ്.
ഒപ്പം ബഹുമാനപ്പെട്ട ചെയര്‍മാന്‍,
1993-ല്‍ മണിപ്പൂരില്‍ സമാനമായ സംഭവങ്ങള്‍ അഞ്ച് വര്‍ഷത്തോളം നീണ്ടുനിന്നതായി ഈ ബഹുമാനപ്പെട്ട സഭയില്‍ രാജ്യത്തെ അറിയിക്കാന്‍ ഞാന്‍ ആഗ്രഹിക്കുന്നു. ഈ ചരിത്ര സന്ദര്‍ഭം മനസ്സിലാക്കി, സാഹചര്യം തിരുത്താന്‍ നാം ബുദ്ധിപൂര്‍വം ശ്രമിക്കണം. സഹകരിക്കാന്‍ തയ്യാറുള്ള എല്ലാവരുടെയും സഹകരണം ഞങ്ങള്‍ അഭ്യര്‍ത്ഥിക്കുന്നു. ഞങ്ങളുടെ ശ്രമങ്ങള്‍ സാധാരണ നില പുനഃസ്ഥാപിക്കുന്നതിലും സമാധാനം വളര്‍ത്തുന്നതിലും ശ്രദ്ധ കേന്ദ്രീകരിക്കുന്നു.
ബഹുമാനപ്പെട്ട ചെയര്‍മാന്‍,
പ്രധാനമന്ത്രിയായി ചുമതലയേല്‍ക്കുന്നതിന് മുമ്പ്, ഒരു സുപ്രധാന കാലയളവ് മുഖ്യമന്ത്രിയായി പ്രവര്‍ത്തിക്കാനുള്ള പദവി ലഭിച്ചത് വലിയ ഭാഗ്യമായി ഞാന്‍ കരുതുന്നു. ഈ അനുഭവം എന്നെ ഫെഡറലിസത്തിന്റെ അഗാധമായ പ്രാധാന്യം പഠിപ്പിച്ചു. സഹകരണ ഫെഡറലിസത്തിന്റെയും മത്സര സഹകരണ ഫെഡറലിസത്തിന്റെയും തത്വങ്ങളില്‍ എന്റെ ഊന്നല്‍ അത് രൂപപ്പെടുത്തി. ജി-20 ഉച്ചകോടിയില്‍ ഈ തത്ത്വചിന്ത ഞങ്ങളുടെ തീരുമാനത്തെ നയിച്ചു; ഗംഭീരമായി ഡല്‍ഹിയില്‍ ആതിഥേയത്വം വഹിക്കുന്നതിനുപകരം, വിവിധ സംസ്ഥാനങ്ങളിലുടനീളം ഞങ്ങള്‍ തന്ത്രപരമായി പ്രധാന ജി-20 ഇവന്റുകള്‍ സംഘടിപ്പിച്ചു. ആ സംസ്ഥാനത്തിന് പരമാവധി ആഗോള അംഗീകാരം നല്‍കാനുള്ള ശ്രമങ്ങള്‍ നടന്നു. ലോകം ആ സംസ്ഥാനത്തെ തിരിച്ചറിയുന്നതിനും അതിന്റെ സാധ്യതകള്‍ അറിയുന്നതിനും അതിന്റെ വികസന യാത്രയില്‍ സഹായിക്കുന്നതിനും ആ സംസ്ഥാനത്തെ ബ്രാന്‍ഡ് ചെയ്യുന്നതിനുള്ള ദിശയില്‍ ഞങ്ങള്‍ പ്രവര്‍ത്തിച്ചിട്ടുണ്ട്. കാരണം, നിലവിലുള്ള ഫെഡറലിസത്തിന്റെ വൈവിധ്യമാര്‍ന്ന രൂപങ്ങള്‍ നമുക്കറിയാം.
ബഹുമാനപ്പെട്ട ചെയര്‍മാന്‍,
കോവിഡ് -19 നെതിരായ നമ്മുടെ പോരാട്ടത്തില്‍, മുഖ്യമന്ത്രിമാരുമായുള്ള ആശയവിനിമയത്തിന്റെ ആവര്‍ത്തനങ്ങള്‍ ഒരുപക്ഷെ സ്വതന്ത്ര ഇന്ത്യയുടെ ചരിത്രത്തില്‍ ഒരു മാതൃക സൃഷ്ടിച്ചേക്കാം.
ബഹുമാനപ്പെട്ട ചെയര്‍മാന്‍,
ഈ സഭ സംസ്ഥാനങ്ങളുമായി സങ്കീര്‍ണ്ണമായി ബന്ധപ്പെട്ടിരിക്കുന്നു, അതിനാല്‍, സംസ്ഥാന വികസനത്തിന്റെ ചില പ്രധാന മേഖലകള്‍ ചര്‍ച്ച ചെയ്യുന്നതും ചില അഭ്യര്‍ത്ഥനകള്‍ പങ്കിടുന്നതും ഉചിതമാണെന്ന് ഞാന്‍ കരുതുന്നു. ഇപ്പോള്‍, ഞങ്ങള്‍ അടുത്ത വിപ്ലവത്തിന് നേതൃത്വം നല്‍കാനുള്ള വക്കിലാണ്. അതിനാല്‍, ഓരോ സംസ്ഥാനങ്ങളോടും അവരുടെ നയരൂപീകരണങ്ങളില്‍ അര്‍ദ്ധചാലകങ്ങള്‍, ഇലക്ട്രോണിക് നിര്‍മ്മാണം തുടങ്ങിയ മേഖലകള്‍ക്ക് മുന്‍ഗണന നല്‍കാനും കൃത്യമായ പദ്ധതികളുമായി മുന്നോട്ട് പോകാനും ഞാന്‍ അഭ്യര്‍ത്ഥിക്കുന്നു. വികസനത്തില്‍ സംസ്ഥാനങ്ങള്‍ക്കിടയില്‍ ആരോഗ്യകരമായ മത്സരത്തിനാണ് ഞാന്‍ വാദിക്കുന്നത്. നല്ല ഭരണവും സുതാര്യമായ നയങ്ങളും മുഖേന സുഗമമായ നിക്ഷേപങ്ങള്‍ ആകര്‍ഷിക്കുന്നതിനുള്ള പോളിസികളില്‍ മത്സരം ഉണ്ടാകണം. ലോകം ഭാരതവുമായി ഇടപഴകാന്‍ ഉത്സാഹിക്കുന്ന നിലവിലെ സാഹചര്യത്തില്‍ എല്ലാ സംസ്ഥാനങ്ങള്‍ക്കും അവസരമുണ്ടെന്ന് ഞാന്‍ ശക്തമായി വിശ്വസിക്കുന്നു. ഇത് സംസ്ഥാനങ്ങളുമായി ബന്ധിപ്പിച്ചിരിക്കുന്ന സഭയായതിനാല്‍, വികസനത്തിന്റെ യാത്രയില്‍ മുന്നിട്ടിറങ്ങാനും പ്രയോജനപ്പെടുത്താനും ഞാന്‍ നിങ്ങളോട് അഭ്യര്‍ത്ഥിക്കുന്നു.
തൊഴിലവസരങ്ങള്‍ സൃഷ്ടിക്കുന്നതില്‍ എന്തുകൊണ്ട് സംസ്ഥാനങ്ങള്‍ക്കിടയില്‍ മത്സരം പാടില്ല? ഒരു സംസ്ഥാനത്തിന്റെ നയം യുവാക്കള്‍ക്ക് ഗണ്യമായ തൊഴിലവസരങ്ങള്‍ ഉണ്ടാക്കുന്നുവെങ്കില്‍, ആ നയം മെച്ചപ്പെടുത്താനും സമാനമായ നേട്ടങ്ങള്‍ കൊയ്യാനും മറ്റൊരു സംസ്ഥാനം ലക്ഷ്യമിടുന്നു. തൊഴിലവസരങ്ങള്‍ക്കായി സംസ്ഥാനങ്ങള്‍ തമ്മിലുള്ള മത്സരം നമ്മുടെ യുവാക്കളുടെ ഭാഗധേയത്തെ ഗണ്യമായി മാറ്റും, ഈ സമീപനം യുവാക്കള്‍ക്ക് വളരെയധികം ഗുണം ചെയ്യുമെന്ന് ഞാന്‍ വിശ്വസിക്കുന്നു.
നിലവില്‍, വടക്കന്‍ അസമില്‍ അര്‍ദ്ധചാലക വികസനത്തില്‍ കാര്യമായ പുരോഗതിയുണ്ട്. ഈ സംരംഭം അസമിലെയും വടക്കുകിഴക്കന്‍ സംസ്ഥാനങ്ങളിലെയും യുവാക്കള്‍ക്ക് മാത്രമല്ല, രാജ്യത്തിന് മൊത്തത്തില്‍ ഗുണപരമായ സംഭാവന നല്‍കുകയും ചെയ്യും.
ബഹുമാനപ്പെട്ട ചെയര്‍മാന്‍,
2023 നെ യുഎന്‍ മില്ലറ്റുകളുടെ വര്‍ഷമായി പ്രഖ്യാപിച്ചു, ഇത് ഭാരതത്തിന്റെ ശക്തിയും, പ്രത്യേകിച്ച് നമ്മുടെ ചെറുകിട കര്‍ഷകര്‍ക്ക് പരിമിതമായ വെള്ളവും ജലസേചന സൗകര്യവുമുള്ള പ്രദേശങ്ങളില്‍ അനുഗ്രഹവുമായി കണ്ട് അംഗീകരിച്ചു. മില്ലറ്റ്, സൂപ്പര്‍ഫുഡ് ആയതിനാല്‍, അപാരമായ സാധ്യതകള്‍ ഉണ്ട്. എല്ലാ സംസ്ഥാനങ്ങളോടും അതത് സംസ്ഥാനങ്ങളിലെ തിനകള്‍ ആഗോള വിപണിയില്‍ എത്തിക്കാന്‍ തന്ത്രങ്ങള്‍ മെനയാന്‍ ഞാന്‍ അഭ്യര്‍ത്ഥിക്കുന്നു. ഈ സംരംഭത്തിന് ലോകമെമ്പാടുമുള്ള ഡൈനിംഗ് ടേബിളുകളില്‍ ഇന്ത്യന്‍ മില്ലറ്റുകള്‍ സ്ഥാപിക്കാനും ഇന്ത്യന്‍ കര്‍ഷകര്‍ക്ക് വരുമാന അവസരങ്ങള്‍ സൃഷ്ടിക്കാനും കഴിയും. അത് ഐശ്വര്യത്തിലേക്കുള്ള വഴിയാണ്.
ബഹുമാനപ്പെട്ട ചെയര്‍മാന്‍,
നമ്മുടെ രാജ്യത്തെ തിനകള്‍ ആഗോള പോഷകാഹാര വെല്ലുവിളികള്‍ക്ക് ഒരു പരിഹാരം വാഗ്ദാനം ചെയ്യുന്നു, കാരണം ഇവ ഒരു 'സൂപ്പര്‍ഫുഡ്' ആണ്. ആഗോള ആരോഗ്യ സംരംഭങ്ങളില്‍ ഇന്ത്യയുടെ പ്രതിച്ഛായ ഉയര്‍ത്താന്‍ സംസ്ഥാനങ്ങള്‍ അവരെ സജീവമായി പ്രോത്സാഹിപ്പിക്കണം.
ബഹുമാനപ്പെട്ട ചെയര്‍മാന്‍,
ഇരുപത്തിയൊന്നാം നൂറ്റാണ്ടില്‍, ഓരോ പൗരനും എളുപ്പത്തില്‍ ജീവിക്കാന്‍ അര്‍ഹതയുണ്ട്. സാധാരണക്കാരന്റെ ജീവിത സൗകര്യത്തിന് മുന്‍ഗണന നല്‍കുന്ന നയങ്ങളും നിയമങ്ങളും സംവിധാനങ്ങളും വികസിപ്പിക്കാന്‍ ഞാന്‍ സംസ്ഥാന സര്‍ക്കാരുകളെ പ്രോത്സാഹിപ്പിക്കുന്നു, ഈ സഭയില്‍ നിന്ന് ആ സന്ദേശം സംസ്ഥാനങ്ങളിലേക്ക് പോയാല്‍ അത് രാജ്യത്തിന് ഉപയോഗപ്രദമാകും.
ബഹുമാനപ്പെട്ട ചെയര്‍മാന്‍,
അഴിമതിക്കെതിരായ നമ്മുടെ പോരാട്ടം പഞ്ചായത്ത്, നഗര്‍ പാലിക, മഹാനഗര്‍ പാലിക, തഹസില്‍ പഞ്ചായത്ത് മുതല്‍ ജില്ലാ പരിഷത്ത് വരെയുള്ള ഭരണത്തിന്റെ എല്ലാ തലങ്ങളിലും എത്തണം. ഈ യൂണിറ്റുകളിലുടനീളമുള്ള അഴിമതി തുടച്ചുനീക്കാന്‍ സംസ്ഥാനങ്ങള്‍ ഒരു ഏകീകൃത ദൗത്യം ഏറ്റെടുക്കുകയാണെങ്കില്‍, അതിന്റെ പിടിയില്‍ നിന്ന് സാധാരണക്കാരെ വേഗത്തില്‍ മോചിപ്പിക്കാന്‍ നമുക്ക് കഴിയും.
ബഹുമാനപ്പെട്ട ചെയര്‍മാന്‍,
കാര്യക്ഷമതയെ ശക്തമായ ഒന്നാക്കി മാറ്റേണ്ടത് കാലഘട്ടത്തിന്റെ ആവശ്യമാണ്. 21-ാം നൂറ്റാണ്ട് ഭാരതത്തിന്റെ നൂറ്റാണ്ടായി സ്വയം സ്ഥാപിക്കുന്നതിന്, നമ്മുടെ ഭരണത്തിലും ഡെലിവറിയിലും തീരുമാനമെടുക്കല്‍ മാതൃകകളിലും കാര്യക്ഷമത നിര്‍ണായകമാണ്. സേവനങ്ങളുടെ വേഗതയും തീരുമാനങ്ങള്‍ എടുക്കുന്ന പ്രക്രിയകളും വര്‍ദ്ധിപ്പിക്കാന്‍ ശ്രമിക്കുമെന്ന് ഞാന്‍ പ്രതീക്ഷിക്കുന്നു. കാര്യക്ഷമമായി നടപ്പാക്കുമ്പോള്‍, അവിടെ സുതാര്യത സ്വാഭാവികമായും പിന്തുടരുന്നു, അത് പൗരന്മാരുടെ അവകാശ സംരക്ഷണം ഉറപ്പാക്കുകയും എല്ലാവര്‍ക്കും എളുപ്പത്തില്‍ ജീവിക്കാനുള്ള സൗകര്യം വര്‍ദ്ധിപ്പിക്കുകയും ചെയ്യുന്നു.
ബഹുമാനപ്പെട്ട ചെയര്‍മാന്‍,
നമ്മുടെ പൗരന്മാരുടെ ജീവിതത്തില്‍ സര്‍ക്കാര്‍ ഇടപെടല്‍ പരമാവധി കുറയ്ക്കാന്‍ ശ്രമിക്കണമെന്ന് എനിക്ക് ബോധ്യമുണ്ട്; അവരുടെ ദൈനംദിന ജീവിതത്തില്‍. ഞങ്ങള്‍ ഈ ലക്ഷ്യത്തിലേക്കാണ് നീങ്ങുന്നത്. ഗവണ്‍മെന്റ് പിന്തുണ ആവശ്യമുള്ളവര്‍ക്ക് അത് മുടങ്ങാതെ ലഭിക്കേണ്ടതാണെങ്കിലും, സ്വന്തം പ്രയത്‌നത്തിലൂടെ പുരോഗതി കൈവരിക്കാന്‍ ശ്രമിക്കുന്ന വ്യക്തികള്‍ അനാവശ്യ സര്‍ക്കാര്‍ തടസ്സങ്ങള്‍ നേരിടരുത്. അതിനാല്‍, ഗവണ്‍മെന്റ് ഇടപെടല്‍ പരമാവധി കുറയ്ക്കുന്ന ഒരു സമൂഹവും സര്‍ക്കാര്‍ ചട്ടക്കൂടും വളര്‍ത്തിയെടുക്കാന്‍ ഞാന്‍ സംസ്ഥാനങ്ങളോട് അഭ്യര്‍ത്ഥിക്കുന്നു.
ബഹുമാനപ്പെട്ട ചെയര്‍മാന്‍,
കാലാവസ്ഥാ വ്യതിയാനം മൂലം പ്രകൃതിദുരന്തങ്ങളുടെ ആവൃത്തി വര്‍ധിച്ചുവരികയാണ്. ഈ വെല്ലുവിളി നേരിടാന്‍ കൂട്ടായ പ്രവര്‍ത്തനം ആവശ്യമാണ്. പ്രകൃതിക്ഷോഭങ്ങളില്‍ നിന്ന് സംരക്ഷിക്കാന്‍ സംസ്ഥാനങ്ങള്‍ അവരുടെ ദുരന്ത പ്രതിരോധ ശേഷി ശക്തിപ്പെടുത്തണം. ശുദ്ധമായ കുടിവെള്ള ലഭ്യത ഉറപ്പാക്കുകയും സാധാരണക്കാര്‍ക്ക് ആരോഗ്യ സംരക്ഷണത്തിന് മുന്‍ഗണന നല്‍കുകയും ചെയ്യുന്നത് ഒരുപോലെ പ്രധാനമാണ്. രാഷ്ട്രീയ ഇച്ഛാശക്തി പ്രകടമാക്കി ഈ മൗലിക കര്‍ത്തവ്യങ്ങളെ അഭിസംബോധന ചെയ്യുന്നതില്‍ സംസ്ഥാനങ്ങള്‍ സജീവമായി ഇടപെടുമെന്ന് എനിക്ക് ഉറപ്പുണ്ട്.
ബഹുമാനപ്പെട്ട ചെയര്‍മാന്‍,
ഈ ദശകവും ഈ നൂറ്റാണ്ടും ഇന്ത്യയുടേതാണ്. എന്നിരുന്നാലും, അവസരങ്ങള്‍ മുമ്പും വന്നിരുന്നു, എന്നിട്ടും നമ്മുടെ സ്വന്തം പോരായ്മകള്‍ കാരണം നമുക്ക് അവ നഷ്ടമായി എന്ന് ചരിത്രം നമ്മെ ഓര്‍മ്മിപ്പിക്കുന്നു. ഇപ്പോള്‍, അവസരങ്ങള്‍ കൈവിട്ടുപോകാന്‍ അനുവദിക്കുന്ന തെറ്റ് ആവര്‍ത്തിക്കരുത്. നാം അവസരങ്ങള്‍ തേടുകയും അവ മുതലെടുക്കുകയും നമ്മുടെ അഭിലാഷങ്ങള്‍ നിറവേറ്റാന്‍ ഉപയോഗിക്കുകയും വേണം. 1.4 ബില്യണ്‍ ജനങ്ങളുള്ള ഇന്ത്യക്ക് ഇപ്പോഴുള്ളതിനേക്കാള്‍ നല്ല സമയം വേറെയില്ല; ആഗോളതലത്തില്‍ ഏറ്റവും പ്രായം കുറഞ്ഞ ജനസംഖ്യയുമായി, ഈ പാതയില്‍ പ്രവേശിക്കാന്‍. നമുക്ക് സ്വാതന്ത്ര്യം ലഭിച്ച അതേ സമയത്തുതന്നെ സ്വാതന്ത്ര്യം നേടിയ ചില രാജ്യങ്ങള്‍ നമ്മെ പിന്തള്ളി അതിവേഗം മുന്നേറിയെന്നത് വ്യക്തമാണ്. ഈ പാത മാറ്റി നിശ്ചയദാര്‍ഢ്യത്തോടെ മുന്നേറണം. 1980-കളില്‍ പരിഷ്‌കാരങ്ങള്‍ നടപ്പിലാക്കിയ രാജ്യങ്ങള്‍ പിന്നീട് അതിവേഗം വികസിച്ചു. പരിഷ്‌കാരങ്ങളെ നാം മടിക്കുകയോ ഭയപ്പെടുകയോ ചെയ്യരുത്; അവരെ ആശ്ലേഷിക്കുന്നത് നമ്മുടെ ശക്തി കുറയ്ക്കില്ല. പകരം, വര്‍ധിച്ച പങ്കാളിത്തത്തിലൂടെയും തീരുമാനങ്ങളെടുക്കുന്നതിലൂടെയും സാധാരണക്കാരെ ശാക്തീകരിക്കുന്നത് നമ്മെ ശക്തിപ്പെടുത്തുകയേ ഉള്ളൂ. ആരംഭിക്കാന്‍ വൈകിയാണെങ്കിലും, നമുക്ക് നമ്മുടെ പുരോഗതി ത്വരിതപ്പെടുത്താനും ഞങ്ങള്‍ ആഗ്രഹിക്കുന്ന വിജയം നേടാനും കഴിയും.
ബഹുമാനപ്പെട്ട ചെയര്‍മാന്‍,
ഒരു വികസിത ഇന്ത്യ കൈവരിക്കുക എന്ന ദൗത്യം ഏതെങ്കിലും ഒരു വ്യക്തിയുടെ ദൗത്യമല്ല; ഇത് 1.4 ബില്യണ്‍ പൗരന്മാരുടെ ദൗത്യമാണ്. അത് ഏതൊരു ഗവണ്‍മെന്റിനെയും മറികടക്കുന്നു; നമ്മുടെ രാജ്യത്തെ എല്ലാ തലത്തിലുള്ള ഗവണ്‍മെന്റുകളുടെയും കൂട്ടായ ദൗത്യമാണിത്. ഏകീകൃത ദൃഢനിശ്ചയത്തോടെ, ഈ അഭിലാഷങ്ങളെ യാഥാര്‍ത്ഥ്യമാക്കാന്‍ നമുക്ക് കഴിയുമെന്ന് ഞാന്‍ ഉറച്ചു വിശ്വസിക്കുന്നു.
ബഹുമാനപ്പെട്ട ചെയര്‍മാന്‍,
ആഗോള വേദിയിലെ എന്റെ ഇടപെടലുകളില്‍, ലോകം നിക്ഷേപിക്കാന്‍ ഉത്സുകരാണെന്നും ഇന്ത്യ അവരുടെ മുന്‍നിര പരിഗണനയിലുള്ളതായും ഞാന്‍ സ്ഥിരമായി കണ്ടെത്തുന്നു. നിക്ഷേപങ്ങള്‍ നമ്മുടെ സംസ്ഥാനങ്ങളിലേക്ക് ഒഴുകാന്‍ തയ്യാറാണ്, ഈ അവസരത്തിലേക്കുള്ള പ്രാഥമിക കവാടം ഓരോ സംസ്ഥാനവും തന്നെയാണ്. സംസ്ഥാനങ്ങള്‍ ഈ അവസരം പരമാവധി പ്രയോജനപ്പെടുത്തുകയാണെങ്കില്‍, അവയും അഭിവൃദ്ധി പ്രാപിക്കുമെന്ന് എനിക്ക് ഉറപ്പുണ്ട്.
ബഹുമാനപ്പെട്ട ചെയര്‍മാന്‍,
ഞങ്ങളുടെ ബഹുമാനപ്പെട്ട അംഗങ്ങള്‍ ഉന്നയിക്കുന്ന എല്ലാ ആശങ്കകളും അഭിസംബോധന ചെയ്യുന്ന ഒരു സമഗ്രമായ അവലോകനം നല്‍കാന്‍ ഞാന്‍ ശ്രമിച്ചിട്ടുണ്ട്. രാഷ്ട്രപതിയുടെ പ്രസംഗത്തിനും അവര്‍ നല്‍കിയ മാര്‍ഗനിര്‍ദേശത്തിനും നമ്മുടെ രാജ്യത്തെ ജനങ്ങളില്‍ അവര്‍ പകര്‍ന്നുനല്‍കിയ ആത്മവിശ്വാസത്തിനും ഞാന്‍ എന്റെ ഹൃദയംഗമമായ നന്ദി രേഖപ്പെടുത്തുന്നു. എന്റെ സ്വന്തം പേരിലും ഈ സഭയെ പ്രതിനിധീകരിച്ചും ഞാന്‍ എന്റെ അഭിപ്രായങ്ങള്‍ അവസാനിപ്പിക്കുന്നു. വളരെ നന്ദി.
--NK--
(Release ID: 2031459)
Visitor Counter : 39
Read this release in:
Odia
,
English
,
Urdu
,
Hindi
,
Hindi_MP
,
Marathi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada