بندرگاہوں، جہاز رانی اور آبی گزرگاہوں کے مرکزی وزیر جناب  سربانند سونووال گریٹر ڈبرو گڑھ خطہ میں سیلاب کی صورت حال کا جائزہ لینے اور سیلاب سے متاثرہ لوگوں کے فائدے کے لیے حکومت کی طرف سے شروع کی گئی امدادی کارروائیوں کا جائزہ لینے کے لیے پہنچے۔ جناب سونووال نے ڈبرو گڑھ شہر کے سیلاب سے متاثرہ علاقوں بشمول گراہم بازار، اے ٹی روڈ، ایچ ایس روڈ، آر کے بی پاتھ، منکوٹا روڈ، تھانہ چریالی، جھلک پارہ کا دورہ کیا۔ انہوں نے ٹینگا کھٹ اور ہاتھی بندھا میں پشتے بنائے جانے والے مقامات کا بھی دورہ کیا اور جائزہ لیا۔

مرکزی وزیر نے آج ٹینگا کھٹ میں سیلاب سے متاثرہ لوگوں کے ریلیف کیمپ کا دورہ کیا۔ انہوں نے سیلاب سے متاثرہ افراد کی صورتحال کا جائزہ لیا، مالی نقصان کا اندازہ لگانے کے لیے ان سے بات کی۔ جناب سونووال نے ضلع کمشنر کو شیلٹر کیمپوں میں صفائی برقرار رکھنے اور بیماریوں کے پھیلاؤ کو روکنے کے اقدامات کو نافذ کرنے کی ہدایت دی اور ہدایت دی کہ کیمپوں میں طبی علاج فراہم کیا جائے اور بزرگوں، خواتین اور بچوں پر خصوصی توجہ دینے پر زور دیا۔

مرکزی وزیر نے حکام کو سیلاب زدگان کی امداد کے لیے تمام ضروری اقدامات کو تیز کرنے اور راحت اور بچاؤ کاموں کو تیز کرنے کی بھی ہدایت دی۔ نیشنل ڈیزاسٹر ریسپانس فورس (این ڈی آر ایف)، اسٹیٹ ڈیزاسٹر ریسپانس فورس (ایس ڈی آر ایف)، فوج، اور ہندوستانی فضائیہ نے ضلع انتظامیہ کے ساتھ مل کر ڈبرو گڑھ لوک سبھا حلقہ کے اندر مختلف مقامات پر راحت اور بچاؤ کام انجام دیا ہے۔

صورت حال پر بات کرتے ہوئے، جناب سربانند سونووال نے کہا، "یہ انتہائی تشویش کی بات ہے کیونکہ ڈبرو گڑھ، تینسوکیا کے ساتھ ساتھ آسام کے کئی دوسرے حصوں میں سیلاب کی صورت حال خراب ہوتی جا رہی ہے۔ وزیر اعظم جناب نریندر مودی نے بھی صورتحال پر اپنی گہری تشویش کا اظہار کیا ہے اور وہ اس پر باقاعدہ اپ ڈیٹ لے رہے ہیں۔ مرکزی اور ریاستی حکومتوں نے اس قدرتی آفت سے لڑنے اور سیلاب سے متاثرہ لوگوں کو راحت فراہم کرنے کے لیے تمام ضروری اقدامات کرنے والوں کے ساتھ شامل ہوئی ہیں ۔ حکومت اس سیلاب میں لوگوں کے سامان کے نقصان کے لیے مالی امداد فراہم کرنے کے لیے بھی اقدامات کرے گی۔ میں نے حکام کو یہ بھی ہدایت دی ہے کہ پشتوں کی مرمت اور تعمیر کے لیے فوری اقدامات کریں۔

مرکزی وزیرجناب سربانند سونووال کے ساتھ ڈبرو گڑھ ایل اے سی کے ایم ایل اے پرشانتا فوکن آسام کی حکومت  کے وزیراور ایم ایل اے، تینسوکیا ایل اے سی، تراس گوالا؛ آسام ٹورزم ڈیولپمنٹ کارپوریشن (اے ٹی ڈی سی) کے چیئرمین، ریتوپرنا باروہ؛ ضلع کمشنر، بکرم کیری، میئر، ڈبرو گڑھ میونسپل کارپوریشن (ڈی ایم سی)، ساکت پاترا؛ ڈپٹی میئر، ڈی ایم سی اور ضلع صدر، ڈبرو گڑھ، بی جے پی، اجول کشیپ اور دیگر بھی تھے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ت ع(

8042