মমাং চহিগী চপ মান্নবা মতমদা 73.92 MT ওইখিবা অদুগা চাংদম্নবা 14.49%গা লোয়ননা ভারতকী কোয়লা পুথোকপা অসি জুন 2024দা 84.63 MT (প্রোভিজনেল) য়ৌখ্রে। জুন 2024গী মনুংদা কোল ইন্দিয়া লিমিতেদ (CIL)না 63.10 MT (প্রোভিজনেল)গী কোয়লা পুথোকপা ঙমদুনা 57.96 MT ওইখিবা মমাং চহিগী চপ মান্নবা মতমগা চাংদম্নবদা 8.87%গী গ্রোথ লৈখি। অহেনবা ওইনা জুন 2024দা কেপ্তিব/অতৈশিংনা পুথোকপা কোয়লা অসি 16.03 MT(প্রোভিজনেল) য়ৌদুনা 10.31 MTদা লৈখিবা মমাং চহিদগী 55.49%গী গ্রোথ লৈ উৎখি।

ভারতকী কোয়লা দিস্পেৎচ তৌবা অসি জুন 2024দা  85.76 MT (প্রোভিজনেল) য়ৌদুনা 77.86 MT রেকোর্দ তৌখিবা মমাং চহিগী চপ মান্নবা মতমগা চাংদম্নবদা 10.15% হেনগৎলকখি। জুন 2024দা CILনা কোয়লা 64.10 MT (প্রোভিজনেল) দিস্পেৎচ তৌখি, 60.81 MT লৈখিবা মমাং চহিগী চপ মান্নবা মতমগা চাংদম্নবদা 5.41% হেনগৎলকখি। অহেনবা ওইনা জুনদা কেপ্তিব/অতৈশিংদগী কোয়লা দিস্পেৎচ তৌবা অসি 16.26 MT(প্রোভিজনেল) য়ৌদুনা 11.30 MTদা লৈখিবা মমাং চহিদগী 43.84% গী গ্রোথ লৈ উৎখি।

অহেনবা ওইনা জুন 30, 2024দা কোল কম্পনীশিংনা পায়খিবা কোয়লাগী স্তোক অসি শীংথানীংঙাই ওইনা হেনগৎলক্তুনা 95.02 MT (প্রোভিজনেল) য়ৌখি। হেনগৎলকপা অসিনা 41.68%গী অচৌবা চহিগী গ্রোথ রেৎ অমা উৎতুনা কোল সেক্তরগী মপাঙ্গল কনবা পর্ফোর্মেন্স অমসুং ইফিসিএন্সী তাক্লি। থর্মেল পাৱর প্লান্তশিং (TPP)দা লৈরিবা কোল স্তোক অসি ঙসি ফাওবদা 30.15%গী চহিগী গ্রোথ রেৎকা লোয়ননা 46.70 MT (প্রোভিজনেল) ওইনা শীংথানীংঙাই ওইনা হেনগৎলকখি।

প্রধান মন্ত্রীগী “আত্ম নির্ভর ভারত”গী ভিজনগী পরিং মখাদা কোল মন্ত্রালয়না ইনর্জী দোমেনদা সস্তেনেবল দিবেলপমেন্ত অমসুং আত্মনির্ভরগী মাইকৈদা মাগী চংশিল্লিবা খোঙচৎ শাহৌ পীনবা লৌখৎখিবা চোকথবা লৈতবা খোঙথাংশিং অমসুং স্ত্রেতেজিক ইনিসিএতিবশিং পায়খৎলি।

*****