য়ুমলৈ-কৈরৈ মন্ত্রালয়
“দ্রগ লান্না শীজিন্নবা অমসুং আইন্না য়াদনা পুথোক-পুশিন তৌবগী মায়োক্তা লৈবা মালেমগী নুমিৎ” লাকপদা হোম অমসুং কোওপরেসনগী য়ুনিয়ন মিনিস্তর শ্রী অমিত সাহনা লৈবাক মীয়ামদা য়াইফ-পাউজেল পীখ্রে
য়ুনিয়ন হোম মিনিস্তরনা হায়খি প্রধান মন্ত্রী শ্রী নরেন্দ্র মোদীগী লমজিং মখাদা, ভারত দ্রগ শীজিন্নদবা লৈবাক অমা ওইহন্নবা ঐখোয়গী সরকারনা মসিগী থাজবা থবক ওইনা পাংথোক্লি অমসুং সরকারগী অপুনবা থৌরাং অমগা লোয়ননা মসিগী পান্দম ফংনবা মাইকৈদা চঙশিল্লি
দ্রগশিং থেংননবা মোদী সরকারনা ‘মখোঙদগী মতোন ফাওবা অমসুং মতোন্দগী মখোঙ ফাওবা থৌরাং’ গা লোয়ননা পু্ন্না থবক তৌমিন্নরে
য়ুনিয়ন হোম মিনিস্তরনা হায়খি দ্রগশিংগী মায়োক্তা খাংদুনা লৈথোক্তবা থৌশিলগী মখাদা, ময়াই কাবা চীঞ্জাক্তা লাইচুবা মপুংফানা কোকহন্নবা ঐখোয়গী সরকারনা থবক পায়খৎলে
সরকারনা দ্রগশিংগী মায়োক্তা থেংনরিবা লাল অসিদা মখোয়না মরুওইবা থৌদাং লৌনবা ঐনা লৈবাক অসিগী মীয়ামদা হায়জরি
ঐখোয় পুন্না চৎমিন্নরসি অমসুং দ্রগশিং মপুংফানা মুৎথৎনবা অমসুং মশা ফবা, হরাওবা অমসুং অশোই-অঙাম লৈতবা খুন্নাই অমা শেমগৎনবা ৱাশক অমা লৌরসি
Posted On:
26 JUN 2024 6:16PM by PIB Imphal
ঙসি “দ্রগ লান্না শীজিন্নবা অমসুং আইন্না য়াদনা পুথোক-পুশিন তৌবগী মায়োক্তা লৈবা মালেমগী নুমিৎ” লাকপদা হোম অমসুং কোওপরেসনগী য়ুনিয়ন মিনিস্তর শ্রী অমিত সাহনা লৈবাক মীয়ামদা য়াইফ-পাউজেল পীখ্রে। এক্সতা থাগৎপা পোস্ত অমদা, মহাক্না হায়খি, “দ্রগ লান্না শীজিন্নবা অমসুং আইন্না য়াদনা পুথোক-পুশিন তৌবগী মায়োক্তা লৈবা মালেমগী নুমিৎ” লাকপদা য়াইফ-পাউজেল পীজরি। প্রধান মন্ত্রী শ্রী নরেন্দ্র মোদীগী লমজিং মখাদা, ভারত দ্রগ শীজিন্নদবা লৈবাক অমা ওইহন্নবা ঐখোয়গী সরকারনা মসিগী থাজবা থবক ওইনা পাংথোক্লি অমসুং সরকারগী অপুনবা থৌরাং অমগা লোয়ননা মসিগী পান্দম ফংনবা মাইকৈদা চঙশিল্লি। লৈবাক অসি দ্রগশিংগী চৈথেংদগী মনিংতম্নবা ঐখোয় পুম্নমক ঐখোয়গী ৱাশক হেন্না কনখৎহল্লসি অমসুং ঐখোয়গী তুংগী মীরোলশিংদা হেন্না ফবা মালেম অমা খুদোল তম্লসি।
য়ুনিয়ন হোম মিনিস্তরনা হায়খি শ্রী নরেন্দ্র মোদীগী লমজিং মখাদা ‘দ্রগ শীজিন্নদবা ভারত’ অমা ওইহন্নবা ভারতনা থবক পায়খৎলি। ঙসি “দ্রগ লান্না শীজিন্নবা অমসুং আইন্না য়াদনা পুথোক-পুশিন তৌবগী মায়োক্তা লৈবা মালেমগী নুমিৎ” লাকপদা পীবা মহাক্কী পাউজেলদা শ্রী অমিত সাহনা ‘দ্রগ শীজিন্নদবা ভারত’ অমা ওইহন্নবা প্রধান মন্ত্রী শ্রী নরেন্দ্র মোদীগী মঙলান মঙফাওন্নবা হোৎনরিবা ঐখোয়গী এজেন্সিশিংগী ওফিসারশিং অমসুং পর্সোনেলশিং থাগৎপা ফোঙদোকখি অমসুং ভারত শীনবা থুংনা ‘দ্রগ লৈতবা থাখায়’ থৌরম মাইপাক্না পাংথোকপগীদমক নার্কোতিক্স কন্ত্রোল ব্যুরো(এন সি বি)দা য়াইফ-পাউজেল পীখি।
শ্রী অমিত সাহনা হায়খি দ্রগশিংনা লনাই মীওইশিংদা শিংনবা খক নত্তনা খুন্নাইদা অমসুং লৈবাক্কী সেকুরিতিদশু শিংনরি। প্রধান মন্ত্রী শ্রী নরেন্দ্র মোদীগী লমজিং মখাদা, ভারত দ্রগ শীজিন্নদবা লৈবাক অমা ওইহন্নবা হায়বসি ঐখোয়গী সরকারগী মরুওইবা থবকশিংগী মনুংদা অমনি। দ্রগশিং থেংননবা মোদী সরকারনা ‘মখোঙদগী মতোন ফাওবা অমসুং মতোন্দগী মখোঙ ফাওবা থৌরাং’ গা লোয়ননা পু্ন্না থবক তৌমিন্নরে।
য়ুনিয়ন হোম মিনিস্তরনা হায়খি দ্রগশিংগী মায়োক্তা খাংদুনা লৈথোক্তবা থৌশিলগী মখাদা, ময়াই কাবা চীঞ্জাক্তা লাইচুবা মপুংফানা কোকহন্নবা ঐখোয়গী সরকারনা থবক পায়খৎলে। হোম মিনিস্ত্রিগী থবকশিংনা এনকোর্দ লিংখৎলে অমসুং রাজ্যশিংগী পুলিস দিপার্তমেন্তশিংদা এন্তি-নার্কোতিক্স তাক্স ফোর্স শেম্লে অমসুং দ্রগশিং থেংনবগী থবকশিংগী মহৈ চারে।
শ্রী অমিত সাহনা মখা তানা হায়খি দ্রগশিং থিংনবা সরকারনা অফবা থবকশিং পায়খৎপগা লোয়ননা মীয়াম হুপ্না শরুক য়াদুনা মপুংফানা মাইপাকপা হায়বসি ঐখোয়গী পান্দমনি। সরকারনা দ্রগশিংগী মায়োক্তা থেংনরিবা লাল অসিদা মখোয়না মরুওইবা থৌদাং লৌনবা ঐনা লৈবাক অসিগী মীয়ামদা হায়জরি। ঐখোয় পুন্না চৎমিন্নরসি অমসুং দ্রগশিং মপুংফানা মুৎথৎনবা অমসুং মশা ফবা, হরাওবা অমসুং অশোই-অঙাম লৈতবা খুন্নাই অমা শেমগৎনবা ৱাশক অমা লৌরসি।
আইন্না য়াদনা দ্রগশিং পুথোক-পুশিনগী থবকশিং থিংনবা হোম এফেয়ার্স মিনিস্ত্রিনা পায়খৎলকপা থবকশিংদগী নার্কোতিক্সশিং ফাবগী চাং চাদা ১০০ হেনগৎলে অমসুং মসিদা চেন্নবা মীওইশিংগী মথক্তা কেস রেজিস্তার তৌবা চাদা ১৫২ হেনগৎলে।
মিনিস্ত্রিনা থাদোকপা দেতাগী মতুংইন্না, ২০০৬ তগী ২০১৩ ফাওবগী মনুংদা রেজিস্তার তৌবা কেস মশিং ১২৫৭ ওইখি অমসুং ২০১৪-২০২৩ ফাওবদা কেস ৩৭৫৫ রেজিস্তার তৌখি। মী ফাবা শরুক মরি হেনগৎতুনা ২০০৬-২০১৩ দা মীওই ১৩৬৩ ফাখি অমসুং ২০১৪-২৩ মনুংদা মীওই ৫৭৪৫ ফাখি। ২০০৬-২০১৩ মনুংদা দ্রগ ফাবা কেজি লাখ ৩.৯৫ ওইখি। মোদী সরকার মনুংদা দ্রগ ফাবা শরুক ৩০ হেনগৎতুনা ২০০৬-২০১৩ দা লুপা করোর ২২,০০০গী দ্রগশিং ফাখি।
মোদী সরকার মনুংদা এন্তি-নার্কোতিক্স এজেন্সিশিংনা লুপা করোর ১২,০০০ রোমগী দ্রগ কেজি লাখ ১২ রোম মাঙহনখি। জুন ২০২৩ ফাওবদা, এন.সি.বিনা কেস ২৩ থিজিন্দুনা লুপা ৭৪,৭৫,০০,৫৩১গী লন-থুম ফাজিনখি।
****
(Release ID: 2028893)
Visitor Counter : 47