జూన్ 1, 2024 నాటి ఎన్నికల సంఘం ఎస్ఓపీ ప్రకారం ఫలితాల వెల్లడి అనంతరం ఎలక్ట్రానిక్ ఓటింగ్ యంత్రంలో(ఈవీఎం) ఉపయోగించిన మెమోరీ/మైక్రోకంట్రోలర్ తనిఖీ లేదా ధృవీకరణ కోసం 11 దరఖాస్తులు వచ్చాయి. ఇందులో 8 లోక్‌సభ సార్వత్రిక ఎన్నికలు, 3 రాష్ట్ర శాసన సభల సార్వత్రిక ఎన్నికలకు సంబంధించినవి ఉన్నాయి. వివరాలు కింది విధంగా ఉన్నాయి.

 

జూన్ 1, 2024 నాటి ఉత్తర్వుల ద్వారా దరఖాస్తు ప్రక్రియ, తనిఖీ చేయాల్సిన యూనిట్ల విషయంలో పాటించాల్సిన ప్రోటోకాల్స్, తనిఖీ/ధృవీకరణ ప్రక్రియ నిర్వహణ విషయంలో రక్షణలు, నియంత్రణలు, అవసరమైన డాక్యుమెంటేషన్ (ఎస్ఓపి లింక్: https://tinyurl.com/yxtxys7u) కోసం వివరణాత్మక పరిపాలన ఎస్ఓపిని ఈసీఐ జారీ చేసింది.

ఈ ఎస్ఓపీ ప్రకారం సంబంధిత రాష్ట్ర ప్రధాన ఎన్నికల అధికారి (సీఈఓ)...ఫలితాల ప్రకటన తేదీ నుంచి 30 రోజుల్లోగా దరఖాస్తుదారుల ఏకీకృత జాబితాను కమిషన్‌కు సమాచారం ఇస్తూ తయారీదారులకు తెలియజేయాల్సి ఉంటుంది. దీని ప్రకారం 4 జూలై లోపు జూబితా తయారీదారులకు అందాల్సి ఉండగా… 15 రోజుల ముందే ఈ ప్రక్రియ పూర్తైంది.

జారీ చేసిన స్టాండర్డ్ ఆపరేటింగ్ ప్రొసీజర్‌తో పాటు చట్ట ప్రకారం పైన తెలిపిన, ఎంపిక చేసిన ఆయా నియోజకవర్గాల్లో దాఖలైన ఎన్నికల పిటిషన్ స్థితిని సీఈఓలు సంబంధిత హైకోర్ట్ రిజిస్ట్రార్ల నుంచి ధృవీకరించిన 4 వారాల్లో తనిఖీ/ధృవీకరణ ప్రక్రియను ప్రారంభించవచ్చు. ఎన్నికల పిటిషన్ (ఈపీ) దాఖలు చేయడానికి గడువు ఎన్నికల ఫలితాల ప్రకటన తేదీ నుంచి 45 రోజులు. ప్రస్తుత ఎన్నికల విషయంలో ఇది 19 జులై 2024. ఈవీఎం యూనిట్లలో ఉపయోగించిన మెమరీ/మైక్రోకంట్రోలర్ తనిఖీ,ధృవీకరణకు సంబంధించిన పద్ధతి, చేపట్టాల్సిన చర్యలను వివరించే సాంకేతిక స్టాండర్డ్ ఆపరేటింగ్ ప్రొసీజర్‌ను ఎన్నికల పిటిషన్ గడువు ముగిసేలోగా కమిషన్ జారీ చేయనుంది.

సంబంధిత సీఈఓల నుంచి ఈపీ స్టేటస్ అందుకున్న రెండు వారాల్లోగా తయారీదారులు ఈవీఎం తనిఖీ, ధృవీకరణ కోసం షెడ్యూల్ జారీ చేస్తారు. ఎలక్షన్ పిటీషన్ స్టేటస్‌ను ధృవీకరించిన 4 వారాల్లో యూనిట్ల తనిఖీ,ధృవీకరణ ప్రారంభమౌతుంది. 

***