وزیراعظم جناب نریندر مودی کی صدارت میں مرکزی کابینہ نے آج مہاراشٹر میں دہانو کے قریب ودھاون میں ایک بڑی بندرگاہ کے قیام کو منظوری دے دی۔ اس پروجیکٹ کی تعمیر جواہر لال نہرو پورٹ اتھارٹی (جے این پی اے) اور مہاراشٹر میری ٹائم بورڈ (ایم ایم بی) کے ذریعہ تشکیل دی گئی ایس پی وی ودھاون پورٹ پروجیکٹ لمیٹڈ (وی پی پی ایل) کے ذریعہ کی جائے گی۔ ودھاون بندرگاہ کو مہاراشٹر کے پالگھر ضلع کے ودھاون میں آل ویدر گرین فیلڈ ڈیپ ڈرافٹ بڑی بندرگاہ کے طور پر تیار کیا جائے گا۔

زمین کے حصول سمیت پروجیکٹ کی کل لاگت 76,220 کروڑ روپے ہے۔ اس میں پبلک پرائیویٹ پارٹنرشپ (پی پی پی) موڈ میں کور انفراسٹرکچر، ٹرمینلز اور دیگر کمرشل انفراسٹرکچر کی ترقی شامل ہوگی۔ کابینہ نے روڈ ٹرانسپورٹ اور ہائی ویز کی وزارت کے ذریعہ بندرگاہ اور قومی شاہراہوں کے درمیان سڑک رابطہ قائم کرنے اور موجودہ ریل نیٹ ورک سے ریل رابطہ قائم کرنے اور وزارت ریلوے کے ذریعہ آنے والے ریل فریٹ کوریڈور کو بھی منظوری دی۔

پورٹ نو کنٹینر ٹرمینلز پر مشتمل ہوگی جن میں سے ہر ایک 1000 میٹر لمبا ہوگا، کوسٹل برتھ سمیت چار کثیر المقاصد برتھ، چار مائع کارگو برتھ، ایک رو رو برتھ اور ایک کوسٹ گارڈ برتھ ہوگی۔ اس منصوبے میں سمندر میں 1،448 ہیکٹر رقبے کی بحالی اور 10.14 کلومیٹر کے آف شور بریک واٹر اور کنٹینر / کارگو اسٹوریج علاقوں کی تعمیر شامل ہے۔ یہ منصوبہ سالانہ 298 ملین میٹرک ٹن (ایم ایم ٹی) کی مجموعی صلاحیت پیدا کرے گا ، جس میں کنٹینر ہینڈلنگ کی صلاحیت کے تقریبا 23.2 ملین ٹی ای یو (بیس فٹ کے مساوی) شامل ہیں۔

پیدا کی گئی صلاحیتوں سے آئی ایم ای ای سی (انڈیا مڈل ایسٹ یورپ اکنامک کوریڈور) اور آئی این ایس ٹی سی (انٹرنیشنل نارتھ ساؤتھ ٹرانسپورٹیشن کوریڈور) کے ذریعے ایگزم تجارتی بہاؤ میں بھی مدد ملے گی۔ عالمی معیار کی میری ٹائم ٹرمینل سہولیات پبلک پرائیویٹ پارٹنرشپ (پی پی پی) کو فروغ دیں گی اور مشرق بعید، یورپ، مشرق وسطیٰ، افریقہ اور امریکہ کے درمیان بین الاقوامی شپنگ لائنوں پر چلنے والے مین لائن میگا جہازوں کو سنبھالنے کی صلاحیت رکھنے والے جدید ترین ٹرمینلز بنانے کے لیے کارکردگی اور جدید ٹیکنالوجی سے فائدہ اٹھائیں گی۔ ودھاون بندرگاہ ، تکمیل پر ، دنیا کی دس سرفہرست بندرگاہوں میں سے ایک ہوگی۔

پی ایم گتی شکتی پروگرام کے مقاصد کے مطابق یہ پروجیکٹ مزید اقتصادی سرگرمیوں میں اضافہ کرے گا اور تقریبا 12 لاکھ افراد کے لیے براہ راست اور بالواسطہ روزگار کے مواقع پیدا کرے گا، جس سے مقامی معیشت کو فروغ ملے گا۔

*******

ش ح ۔  اس - م ش

U. No.7617