"భారతదేశం తన స్వంత డీప్ సీ మిషన్‌ను కలిగి ఉన్న 6వ దేశంగా అవతరిస్తుంది" అని కేంద్ర సైన్స్ అండ్ టెక్నాలజీ,ఎర్త్ సైన్సెస్ శాఖ సహాయ మంత్రి (స్వతంత్ర బాధ్యత), పీఎంఓ, అణు విద్యుత్, అంతరిక్షం, సిబ్బంది, ప్రజా సమస్యలు, పెన్షన్లు శాఖల సహాయ మంత్రి  డిపార్ట్‌మెంట్ డాక్టర్ జితేంద్ర సింగ్ శనివారం కొత్త దిల్లీలో చెప్పారు. 

మినిస్ట్రీ ఆఫ్ ఎర్త్ సైన్సెస్ 100 రోజుల కార్యాచరణ ప్రణాళిక గురించి చర్చించడానికి జరిగిన సమావేశానికి అధ్యక్షత వహించిన డాక్టర్ జితేంద్ర సింగ్ డీప్ సీ మిషన్ పురోగతిపై సంతోషాన్ని వ్యక్తీకరించారు. ఈ ఘనతను సాధించిన అతి కొద్ది దేశాలలో భారతదేశం కూడా ఉంది. సముద్రం, జీవనోపాధి కోసం దాని శక్తిపై ఆధారపడిన ప్రజలను శక్తివంతం చేయడానికి ఒక స్థితిస్థాపకమైన నీలి-ఆర్థిక వ్యవస్థను సాధించడంపై దృష్టి పెట్టాలని ఆయన ఇన్‌స్టిట్యూట్‌లను కోరారు. లోతైన సముద్ర మిషన్ ఆకృతులను గీయడంపై మాట్లాడుతూ "మిషన్, ఖనిజ అన్వేషణకు మాత్రమే పరిమితం కాదు, సముద్ర శాస్త్రాల అభివృద్ధి, వృక్షజాలం, జంతుజాలం అన్వేషణ, సముద్ర జీవవైవిధ్య పరిరక్షణ మొదలైనవి కూడా ఉన్నాయి" అని అన్నారు. 

సముద్రంలో 6000 మీటర్ల లోతుకు వెళ్లగల మత్స్యయాన్ 6000 అభివృద్ధి కోసం నేషనల్ ఇన్‌స్టిట్యూట్ ఆఫ్ ఓషన్ టెక్నాలజీ (ఎన్ఐఓటి) కృషిని కేంద్ర మంత్రి ప్రశంసించారు. పురోగతిని సమీక్షిస్తూ, హార్బర్ ట్రయల్ 1వ దశను సెప్టెంబర్ 2024 నాటికి పూర్తి చేయాలని, తదుపరి ట్రయల్స్‌ను 2026 నాటికి పూర్తి చేయాలని ఆయన అధికారులను ఆదేశించారు.

'టైటానియం హల్' ను అభివృద్ధి చేయడం ద్వారా తీవ్ర ఒత్తిడిని విజయవంతంగా భరించేందుకు భారత అంతరిక్ష పరిశోధనా సంస్థ (ఇస్రో)తో కలిసి పని చేస్తున్నందుకు డాక్టర్ జితేంద్ర సింగ్ వారిని అభినందించారు. అత్యవసర పరిస్థితులను ఎదుర్కోవటానికి,  72 గంటల పాటు నీటిలో మునిగిపోయేలా 'సెల్ఫ్-ఫ్లోటేషన్' టెక్నాలజీ అభివృద్ధిపై కూడా ఆయన ఆరా తీశారు. యాన్ 4 గంటల అవరోహణలో పురోగతి కొన్ని ముఖ్యాంశాలు.

"డీప్ సీ మిషన్ భారత ఆర్థిక వ్యవస్థ సర్వతోముఖాభివృద్ధికి గొప్పగా దోహదపడే సామర్థ్యాన్ని కలిగి ఉంది" అని డాక్టర్ జితేంద్ర సింగ్ అన్నారు. ఈ మిషన్ వృక్షజాలం, జంతుజాలం, లోతైన సముద్ర అన్వేషణ, అరుదైన భూమి లోహాల వాణిజ్య దోపిడీ, అన్వేషణపై అనేక రెట్లు ప్రభావాన్ని ప్రముఖంగా ప్రస్తావించారు. భారతీయ సముద్రపు అడుగుభాగంలో లోహాలు, పాలీ మెటాలిక్ నోడ్యూల్స్ ఆవిష్కరణ జరగాలన్నారు. స్వదేశీ సాంకేతికత, సామర్థ్యాన్ని అభివృద్ధి చేయడానికి, భారతదేశం ఆధారపడటాన్ని తగ్గించడానికి శాస్త్రవేత్తలు,  అధికారులస్పష్టం చేస్తూ ప్రేరేణాత్మక ప్రసంగం చేశారు. 

సమావేశంలో ఎర్త్ సైన్సెస్ మంత్రిత్వ శాఖ కార్యదర్శి డాక్టర్ ఎం రవి చంద్రన్‌తో పాటు ఇతర ఉన్నతాధికారులు పాల్గొన్నారు.

***