ঙসি জুন ১৩,২০২৪ দা শ্রী রাজনাথ সিংহ অনিশুবা তার্মগী রক্ষ মন্ত্রীগী ফম পায়রে। মহাক রক্ষ রাজ্য মন্ত্রী শ্রী সঞ্জয় সেথনা নিউ দিল্লিগী সাউথ ব্লোক্তা তরাম্না ওকখি, মদুদা চীফ ওফ দিফেন্স স্তাফ জেনেরেল অনিল চৌহান; চীফ ওফ আর্মি স্তাফ জেনেরেল মনোজ পান্দে; চীফ ওফ এয়র স্তাফ এয়র চীফ মার্সেল ভি.আর চৌধুরি; চীফ ওফ নেভেল স্তাফ এদমিরেল দিনেস ত্রিপাথি; দিফেন্স সেক্রেতরি শ্রী গিরিধারি অরামানে; সেক্রেতরি(এক্স-সর্বিসমেন ৱেলিফয়ার) দোক্তর নিতেন চন্দ্র; সেক্রেতরি, দিফেন্স আর অমসুং দি দিপার্তমেন্তগী সেক্রেতরি অমসুং দি.আর.দি.ওগী চিয়ারমেন দোক্তর ভি কমাত অমসুং দিফেন্স মিনিস্ত্রিগী অতোপ্পা ওফিসিএলশিং শরুক য়াখি।

থৌরম অদুদা পাউমীশিংদা ৱা ঙাংবদা রক্ষ মন্ত্রীনা হায়খি মথং চহি ৫ অসিদা হেন্না অশোই-অঙাম থোক্তবা, মশা-মরোমদোম লেপচবা অমসুং নুংঙাই-য়াইফবা লৈবাক অমা ওইহন্নবা অনৌবা ইনোৎ পীগনি। প্রধান মন্ত্রী শ্রী নরেন্দ্র মোদীগী লমজিং মখাদা, ঙাক-শেনগী খুৎলায়শিং শাবদা মশা-মরোমদোম লেপচবা ঙম্নবা মীৎয়েং থমদুনা, আর্মদ ফোর্সশিং মতমগা চুনবা মওংদা শেমগৎতুনা অমসুং লান্মীশিং অমসুং থবক্তগী পোথারবশিংগী য়াইফনবা থবক তৌদুনা লৈবাক অসিগী ঙাক-শেনগী থবক মখা তানা মপাঙ্গল কনখৎহনবা অসিনা ঐখোয়গী মরুওইবা থবক ওইগনি।

শ্রী রাজনাথ সিংহনা মখা তানা হায়খি ঐখোয়গী পান্দমদি তুংদা ঙাক-শেনগী খুৎলায়শিং মপান্দা থাদোকপা হেনগৎহনবনি। শেনবা চহি ২০২৩-২৪দা ঙাক-শেনগী খুৎলায়শিং মপান্দা থাদোকপা লুপা করোর ২১,০৮৩ য়ৌখি। ২০২৮-২৯ ফাওবদা লুপা করোর ৫০,০০০ হেনবগী ঙাক-শেনগী খুৎলায়শিং মপান্দা থাদোক্নবা পান্দম থম্লি। আর্মদ ফোর্সশিং অফবা অনৌবা খুৎলায়শিং শীজিন্নরে অমসুং শিংনরকপা খুদিংমক মায়োক্ননবা মখোয় থৌরাং তৌদুনা লৈরি। থৌনা অমসুং কৎথোকপগা লোয়ননা লান্মীগী মীওইশিংনা লৈবাক অসিগী অপুনবা, ঙমখৈ অমসুং মনিংতম্বা ঙাক্কদবনি।

ফম হেক পায়বগা, শ্রী রাজনাথ সিংহনা লুচিংদুনা প্রধান মন্ত্রী শ্রী নরেন্দ্র মোদীগী অনৌবা সরকার অসিগী মখাদা দিফেন্স মিনিস্ত্রিগী মখাদা অহানবা নুমিৎ ১০০দা পায়খৎকদবা থবকশিংগী ফিবম অমুক হন্না য়েংশিনবী মীফম অমা পাংথোকখি। মীফম অদুদা থবক্তগী পোথারবশিংগী য়াইফনবগী হিরমদা খন্নখি। অহানবা নুমিৎ ১০০গী এক্সন প্লান অসি মপুংফানা পাংথোক্নবা মখোয় মশামক অমুক হন্না কৎথোক্নবা মহাক্না ওফিসারশিংদা পাউতাক পীখি।

ঙাক-শেনগী লমদা মখা তানা অত্মানির্ভরদা ইনোৎ পীনবা অমসুং ঙাক-শেনগী শেম-শাবা হেনগৎহন্নবগী মীৎয়েং অমগা লোয়ননা শ্রী রাজনাথ সিংহনা হায়খি মরুওইবা স্কিমশিং অমসুং দিফেন্স মিনিস্ত্রিগী থবকশিং খুমাঙচাউশিনবা য়েংশিন্নবা মহাক্না চাংনাইনা হন্না য়েংশিনবগী মীফমশিং পাংথোক্কনি। ঙাক-শেনগী লমদা ভারত মহাসাগর লমদমগী মরুওইবা অদু থম্লদুনা, শ্রী রাজনাথ সিংহনা মহাক্কী তার্ম অসিগী অহানবা খোঙচৎ বিশাখাপত্নমদা লৈবা ইস্তর্ন নেভেল কমান্দদা পাংথোক্নবা ৱারেপ লৌখি, মফম অদুদা মহাক্না ওফিসারশিং অমসুং হিরোয়শিংগা উনগনি।

থংন-থংননা অহুমলকশুবা ওইনা উত্তর প্রদেসকী লাখনৌদগী লোক সভাদা কারক্লবা মতুংদা শ্রী রাজনাথ সিংহ জুন ৯,২০২৪ দা কেন্দ্রগী মন্ত্রী ওইনা ৱাশক লৌখি। ২০১৯-২০২৪ ফাওবগী তার্ম মাইপাক্না লোইশিনখ্রবা মতুংদা মহাক অনিশুবা তার্মগী ওইনা দিফেন্স মিনিস্তরগী ফম পায়খি। মহাক্কী লমজিং মখাদা, ২০১৪৭দা লৈবাক অসি বিকসিত ভারত ওইহন্নবা প্রধান মন্ত্রীগী মঙলান মঙফাওনবা ঙম্নবা অকনবা থৌনা অমগা লোয়ননা মিনিস্ত্রি অসি মাংলোমদা চঙশিনগনি। ঙাক-শেনগী লমদা মশা-মরোমদোম লেপচবা, আর্মদ ফোর্সশিং মতমগা চুনবা মওংদা শেমগৎপা, অনৌবা তেক্নোলোজি শীজিন্নবা, ঙমখৈগী মচাক-মথুমশিং মপাঙ্গল কনখৎহনবা অমসুং থবক্তগী পোথারবশিং য়াইফনবা থবক পায়খৎপা অসিদা মীৎয়েং চঙগনি।

****