18ನೇ ಮುಂಬೈ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (MIFF) ಮುಂಬೈ ಜೊತೆಗೆ ಇತರ ನಗರಗಳಿಗೂ ಪಸರಿಸುತ್ತಿದೆ. ಮೊದಲ ಬಾರಿಗೆ, MIFF ನ ಈ ಆವೃತ್ತಿಯು ಮುಂಬೈನಲ್ಲಿ ಮಾತ್ರ ನಡೆಯುವುದಿಲ್ಲ, ದೆಹಲಿ, ಕೋಲ್ಕತ್ತಾ, ಚೆನ್ನೈ ಮತ್ತು ಪುಣೆಯಂತಹ ನಗರಗಳಲ್ಲಿ ಸಮಾನಾಂತರ ಪ್ರದರ್ಶನಗಳೊಂದಿಗೆ ಜಗತ್ತಿನೆಲ್ಲೆಡೆಯ ನಾನ್‌ ಫೀಚರ್‌, ಸಾಕ್ಷ್ಯಚಿತ್ರ, ಕಿರುಚಿತ್ರ ಮತ್ತು ಅನಿಮೇಷನ್ ಚಲನಚಿತ್ರಗಳನ್ನು ಪ್ರದರ್ಶಿಸುತ್ತದೆ.

ಮುಖ್ಯ ಕಾರ್ಯಕ್ರಮವು ಜೂನ್ 15 ರಂದು ಪ್ರಾರಂಭವಾಗುತ್ತದೆ ಮತ್ತು 21 ಜೂನ್ 2024 ರವರೆಗೆ ಮುಂಬೈನ ಪೆದ್ದರ್ ರಸ್ತೆಯಲ್ಲಿರುವ ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ -ಫಿಲ್ಮ್ಸ್ ಡಿವಿಷನ್ ಆವರಣದಲ್ಲಿ ನಡೆಯುತ್ತದೆ. ದೆಹಲಿಯ ಚಲನಚಿತ್ರ ಪ್ರೇಮಿಗಳಿಗಾಗಿ, ಜೂನ್ 16 ರಿಂದ ಜೂನ್ 20 ರವರೆಗೆ ಸಿರಿ ಫೋರ್ಟ್ ಆಡಿಟೋರಿಯಂ 1, 2 ಮತ್ತು 3 ರಲ್ಲಿ ಚಲನಚಿತ್ರಗಳನ್ನು ಪ್ರದರ್ಶಿಸಲಾಗುತ್ತದೆ. ಕೋಲ್ಕತ್ತಾದ ಚಲನಚಿತ್ರ ಉತ್ಸಾಹಿಗಳು ಹೆಸರಾಂತ ಸತ್ಯಜಿತ್ ರೇ ಫಿಲ್ಮ್ ಅಂಡ್ ಟೆಲಿವಿಷನ್ ಇನ್‌ಸ್ಟಿಟ್ಯೂಟ್ (SRFTI) ನಲ್ಲಿ ಪ್ರದರ್ಶನಗಳನ್ನು ವೀಕ್ಷಿಸಬಹುದು, ಚೆನ್ನೈನಲ್ಲಿ NFDC ಯ ಟಾಗೋರ್ ಫಿಲ್ಮ್ ಸೆಂಟರ್‌ನಲ್ಲಿ ಪ್ರದರ್ಶನಗಳು ಇರುತ್ತವೆ. ಪುಣೆಯಲ್ಲಿನ ಪ್ರದರ್ಶನಗಳು ನ್ಯಾಷನಲ್ ಆರ್ಕೈವ್ ಆಫ್ ಇಂಡಿಯಾದಲ್ಲಿ ನಡೆಯಲಿವೆ. ಸ್ಥಳಗಳಲ್ಲಿ ರಿಜಿಸ್ಟ್ರೇಷನ್‌ ಡೆಸ್ಕ್‌ ಗಳು ಪಾಲ್ಗೊಳ್ಳುವವರ ನೋಂದಣಿಯನ್ನು ಸುಲಭಗೊಳಿಸುತ್ತವೆ. ಆಸನಗಳು ಮೊದಲು ಬಂದವರಿಗೆ ಮೊದಲು ಆದ್ಯತೆಯ ಆಧಾರದ ಮೇಲೆ ಇರುತ್ತವೆ. ಬಿಲ್ಲಿ ಮತ್ತು ಮೊಲಿ: ಆನ್ ಓಟ್ಟರ್ ಲವ್ ಸ್ಟೋರಿ ಉದ್ಘಾಟನಾ ಚಿತ್ರವಾಗಿ ಜೂನ್ 15 ರಂದು ಮಧ್ಯಾಹ್ನ 2.30 ಕ್ಕೆ ಎಲ್ಲಾ ಸ್ಥಳಗಳಲ್ಲಿ ಏಕಕಾಲದಲ್ಲಿ ಪ್ರದರ್ಶನಗೊಳ್ಳಲಿದೆ.

ಸಿರಿ ಫೋರ್ಟ್ ಆಡಿಟೋರಿಯಂ, ದೆಹಲಿ

ಎಸ್‌ ಆರ್‌ ಎಫ್‌ ಟಿ ಐ , ಕೋಲ್ಕತ್ತಾ

ಟ್ಯಾಗೋರ್ ಫಿಲ್ಮ್ ಸೆಂಟರ್‌, ಚೆನ್ನೈ

ಎನ್‌ ಎಫ್‌ ಡಿ ಸಿ-ಎನ್‌ ಎಫ್‌ ಎ ಐ, ಪುಣೆ

ದಯವಿಟ್ಟು ಈ ನಾಲ್ಕು ನಗರಗಳಲ್ಲಿನ 18ನೇ MIFF ಪ್ರದರ್ಶನ ವೇಳಾಪಟ್ಟಿಯನ್ನು ಹುಡುಕಿ:

ದೆಹಲಿ

ಕೋಲ್ಕತ್ತಾ

ಚೆನ್ನೈ

ಪುಣೆ

ಈ ನವೀನ ಕ್ರಮವು ಉನ್ನತ ಗುಣಮಟ್ಟದ ಸಾಕ್ಷ್ಯಚಿತ್ರ ನಿರ್ಮಾಣವನ್ನು ಹೆಚ್ಚಿನ ಭಾರತೀಯ ಪ್ರೇಕ್ಷಕರಿಗೆ ತಲುಪುವಂತೆ ಮಾಡುವ ಎನ್‌ ಎಫ್‌ ಡಿ ಸಿ ಯ ಬದ್ಧತೆಯಾಗಿದೆ. ಈ ರೋಮಾಂಚಕ ಸಾಂಸ್ಕೃತಿಕ ಕೇಂದ್ರಗಳಿಗೆ ಎಂ ಐ ಎಫ್‌ ಎಫ್ ಅನ್ನು ತರುವ ಮೂಲಕ, ಉತ್ಸವವು ಸಿನಿಪ್ರಿಯರಲ್ಲಿ ದೇಶದಾದ್ಯಂತ ಸಾಕ್ಷ್ಯಚಿತ್ರಗಳ ಬಗ್ಗೆ ಆಳವಾದ ಮೆಚ್ಚುಗೆಯನ್ನು ಗಳಿಸುವ ಗುರಿಯನ್ನು ಹೊಂದಿದೆ.

ಸಾಕ್ಷ್ಯಚಿತ್ರಗಳು ನಮ್ಮ ಸುತ್ತಲಿನ ಪ್ರಪಂಚದ ಬಗ್ಗೆ ಶಕ್ತಿಯುತವಾದ ಮತ್ತು ಚಿಂತನೆಗೆ ಪ್ರೇರೇಪಿಸುವ ಒಳನೋಟಗಳನ್ನು ನೀಡುತ್ತವೆ. ಉತ್ಸವದ ವ್ಯಾಪ್ತಿಯನ್ನು ವಿಸ್ತರಿಸುವ ಮೂಲಕ, ಎನ್‌ ಎಫ್‌ ಡಿ ಸಿ ಅರ್ಥಪೂರ್ಣ ಸಂವಾದಗಳನ್ನು ಹುಟ್ಟುಹಾಕಲು ಮತ್ತು ಭಾರತದ ಎಲ್ಲಾ ಮೂಲೆಗಳಲ್ಲಿ ಈ ಪ್ರಮುಖ ಕಲಾ ಪ್ರಕಾರದ ಉತ್ಸಾಹವನ್ನು ಬೆಳಗಿಸಲು ಆಶಿಸುತ್ತಿದೆ. ಎಂ ಐ ಎಫ್‌ ಎಫ್ ದೀರ್ಘಕಾಲದವರೆಗೆ ಭಾರತದಲ್ಲಿ ಸಾಕ್ಷ್ಯಚಿತ್ರ ನಿರ್ಮಾಣದ ಚಾಂಪಿಯನ್ ಆಗಿದೆ. ಈ ವಿಸ್ತರಣೆಯು ಉತ್ಸವದ ವೇದಿಕೆಯನ್ನು ಬಲಪಡಿಸುವುದಲ್ಲದೆ, ದೆಹಲಿ, ಕೋಲ್ಕತ್ತಾ, ಪುಣೆ ಮತ್ತು ಚೆನ್ನೈನಲ್ಲಿ ಪ್ರೇಕ್ಷಕರಿಗೆ ದೊಡ್ಡ ಪರದೆಯ ಮೇಲೆ ವೈವಿಧ್ಯಮಯವಾದ ಸಾಕ್ಷ್ಯಚಿತ್ರಗಳನ್ನು ವೀಕ್ಷಿಸಲು ಒಂದು ಅನನ್ಯ ಅವಕಾಶವನ್ನು ಒದಗಿಸುತ್ತದೆ.

ಎಂ ಐ ಎಫ್‌ ಎಫ್, ವಿಶ್ವ ಸಿನಿಮಾದ ಶ್ರೇಷ್ಠತೆಯ ಆಚರಣೆಯಾಗಿದೆ, ಇದು ದಕ್ಷಿಣ ಏಷ್ಯಾದ ಅತಿದೊಡ್ಡ ಮತ್ತು ಹಳೆಯ ನಾನ್‌ ಫೀಚರ್ ಚಲನಚಿತ್ರೋತ್ಸವಗಳಲ್ಲಿ ಒಂದಾಗಿದೆ. 1990 ರಿಂದ ದ್ವೈವಾರ್ಷಿಕವಾಗಿ ಆಯೋಜಿಸಲಾಗುತ್ತಿದೆ, ಎಂ ಐ ಎಫ್‌ ಎಫ್ ಅಂತಾರಾಷ್ಟ್ರೀಯವಾಗಿ ಮತ್ತು ರಾಷ್ಟ್ರೀಯವಾಗಿ ಸಾಕ್ಷ್ಯಚಿತ್ರ, ಕಿರುಚಿತ್ರ ಮತ್ತು ಅನಿಮೇಷನ್ ವಿಭಾಗಗಳ ಅಸಾಧಾರಣ ಕೆಲಸಗಳನ್ನು ಪ್ರದರ್ಶಿಸಲು ನಿರಂತರವಾಗಿ ವೇದಿಕೆಯನ್ನು ಒದಗಿಸಿದೆ.

*****