প্রধানমন্ত্রীগী লোইশঙ
প্রধান মন্ত্রীনা কুয়েতকী মৈ চাকপগী থৌদোক খন্নখ্রে
প্রধান মন্ত্রীনা লৈখিদ্রবশিংগী ইমুং-মনুংগী অৱাবদা শরুক য়াখ্রে অমসুং অশোকপশিং অথুবদা ফগৎলক্নবা পাউজেল পীখ্রে
পাংবা য়াবা মতেংশিং পাংনবা প্রধান মন্ত্রীনা সরকারদা খঙহনখ্রে
তেংবাং পীবগী থবকশিং য়েংশিন্নবা অমসুং থৱায় য়াওদ্রবা হকচাংশিং পুরক্নবা হোৎনবদা মতেং পাংনবা এক্সতর্নেল এফেয়ার্সকী রাজ্য মন্ত্রী কুয়েত্তা চৎকনি
লৈখিদ্রবা ভারতমচাশিংগী ইমুংশিংদা প্রাইম মিনিস্তর রিলিফ ফন্দদগী লুপা লাখ ২ গী এক্স-গ্রেসিয়া পীনবা প্রধান মন্ত্রীনা লাউথোক্লে
Posted On:
12 JUN 2024 10:00PM by PIB Imphal
ভারতমচা কয়া শিখিবা অমসুং কয়া অমা শোকখিবা কুয়েতকী মৈ চাকপগী থৌদোক খন্ননবা ঙসি নিউ দিল্লিগী ৭ লোক কলয়ান মার্গতা লৈবা মহাক্কী য়ুমদা প্রধান মন্ত্রী শ্রী নরেন্দ্র মোদীনা লুচিংদুনা মীফম অমা পাংথোকখ্রে।
লাইবক থিবা থৌদোক অদুদা প্রধান মন্ত্রীনা থম্মোয় শোক্না অৱাবা ফোঙদোকখি অমসুং লৈখিদ্রবশিংগী ইমুং-মনুংগী অৱাবদা শরুক য়াখি। অশোকপশিং অথুবদা ফগৎলক্নবা মহাক্না ঈশ্বরগী মফমদা থৌনিজখি।
ভারত সরকারনা পাংবা য়াবা মতেং পাংনবা প্রধান মন্ত্রীনা খঙহনখি। তেংবাং পীবগী থবকশিং য়েংশিন্নবা অমসুং থৱায় য়াওদ্রবা হকচাংশিং পুরক্নবা হোৎনবদা মতেং পাংনবা এক্সতর্নেল এফেয়ার্সকী রাজ্য মন্ত্রী খুদক্তা কুয়েত্তা চৎকনি।
লৈখিদ্রবা ভারতমচাশিংগী ইমুংশিংদা প্রাইম মিনিস্তর রিলিফ ফন্দদগী লুপা লাখ ২ গী এক্স-গ্রেসিয়া পীনবা প্রধান মন্ত্রীনা লাউথোক্লে।
মীফম অদুদা এক্সতর্নেল এফেয়ার্সকী মিনিস্তর দোক্তর এস জয়সঙ্কর, এক্সতর্নেল এফেয়ার্সকী রাজ্য মন্ত্রী শ্রী কিরতিবর্ধন সিংহ, প্রধান মন্ত্রীগী প্রিন্সিপাল সেক্রেতরি শ্রী প্রমোদ কুমার মিশ্রা, নেসনেল সেকুরিতি এদভাইজর শ্রী অজিত দোবাল, ফোরেন সেক্রেতরি শ্রী বিনয় ক্বাত্রা অমসুং অতোপ্পা সেনিয়ার ওফিসিএলশিং শরুক য়াখি।
***
(Release ID: 2024863)
Visitor Counter : 52
Read this release in:
English
,
Urdu
,
Marathi
,
Hindi
,
Hindi_MP
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam