প্রধানমন্ত্রীগী লোইশঙ
প্রধান মন্ত্রী অমসুং মন্ত্রীশিং ৱাশক লৌবগী থৌরমদা লুচিংবশিং শরুক য়াগনি
Posted On:
08 JUN 2024 12:24PM by PIB Imphal
সাধারন মীখল ২০২৪ মতুংদা প্রধান মন্ত্রী শ্রী নরেন্দ্র মোদী অমসুং মন্ত্রীশিং ৱাশক লৌবগী থৌরম জুন ৯,২০২৪ দা পাংথোক্লগনি। থৌরম অসিদা, ভারতকা য়ুম্লোন্নরিবা লৈবাকশিং অমসুং ভারত মহাসাগর লমদমগী লৈবাকশিংগী লুচিংবশিং শক্নাইরবা মীথুংলেনশিং ওইনা শরুক য়ানবা চেবাউ পীখ্রে।
থৌরম অসিদা শ্রী লঙ্কাগী রাস্ত্রপতি রানিল ৱিক্রেমেশিঙ্গে; মালদিবসকী রাস্ত্রপতি দোক্তর মোহমদ মুইজু; সিচিলিসকী উপ-রাস্ত্রপতি অহমদ অফিফ; বাংলাদেসকী প্রধান মন্ত্রী সৈখ হসিনা; মাউরিসিয়সকী প্রধান মন্ত্রী প্রভিন্দ কুমার জুগনৌথ; নেপালগী প্রধান মন্ত্রী পুস্পা কমাল দহাল ‘প্রাচান্দা’ অমসুং ভুতানগী প্রধান মন্ত্রী সেরিং তোবগে শরুক য়াগনি।
ৱাশক লৌবগী থৌরম শরুক য়াবগী মথক্তা, লুচিংবশিং অসিনা নুমিৎ অদুগী নুমিদাংৱাইরমদা রাস্ত্রপতি ভাবন্দা রাস্ত্রপতি শ্রীমতি দ্রৌপতি মুর্মুনা শীনবা চাক্লেন অমা শরুক য়াগনি।
প্রধান মন্ত্রী শ্রী নরেন্দ্র মোদীনা অহুমলকশুবা ওইনা প্রধান মন্ত্রী ওইনবা ৱাশক লৌবগী থৌরম অসিদা লুচিংবশিং শরুক য়াগদৌরিবা অসি ভারতনা মসিগী ‘য়ুম্লোন্নবনা অহানবা থৌশিল’ অমসুং ‘সাগর’ ভিজন মরুওইনা লৌবদগীনি।
***
(Release ID: 2023629)
Visitor Counter : 36
Read this release in:
Odia
,
Khasi
,
English
,
Urdu
,
Marathi
,
Hindi
,
Hindi_MP
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam