Ka Ophis jong u Myntri Rangbah duh ka ri
Ka jingwan iashim bynta lang ki nongialam ha ka prokram bam smai u Myntri Rangbah Duh bad ka Kynhun Myntri
Posted On:
08 JUN 2024 12:24PM by PIB Shillong
Ka prokram bam smai jong u Myntri Rangbah Duh, Narendra Modi bad ka Kynhun Myntri hadien ka General Election 2024 kan long ha ka 9 tarik u Jylliew, 2024. Ha kane ka sngi, la khot sngewbha ia ki nongialam na ki ri ba marjan bad ka India bad ka thain Indian Ocean.
U President ka Sri Lanka, H.E. Ranil Wickremesinghe; President ka Maldives, H.E. Dr. Mohamed Muizzu; Vice-President ka Seychelles, H.E. Ahmed Afif; Myntri Rangbah Duh ka Bangladesh, H.E. Sheikh Hasina; Myntri Rangbah Duh ka Mauritius, H.E. Pravind Kumar Jugnauth; Myntri Rangbah Duh ka Nepal, H.E. Pushpa Kamal Dahal ‘Prachanda’; bad Myntri Rangbah Duh ka Bhutan, H.E. Tshering Tobgay, ki la pdiang ia kane ka jingshah khot sngewbha ban wan iashim bynta lang ha kane ka sngi.
Ha ryngkat ka jingwan iashim bynta lang ha kane ka prokram bam smai, kine ki nongialam kin iadon lang ha ka jingkhot sngewbha ka President, Droupa Murmu sha Rashtrapati Bhavan ha kaba la pynkhreh ia ka bam ka dih ha ka janmiet jong kane kajuh ka sngi.
Ka jingwan iashim bynta lang kine ki nongialam ha ka jingbam smai u Myntri Rangbah Duh, Narendra Modi ha ka kynti kaba lai jong u ka iahap bad ka jingniewkor ka India sha ka polisi ‘Ka jaka ba marjan nyngkong’ bad ka jingphaikhmat sha ka ‘SUGAR’ da ka India.
***
(Release ID: 2023598)
Visitor Counter : 27
Read this release in:
Odia
,
English
,
Urdu
,
Marathi
,
Hindi
,
Hindi_MP
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam