وزیراعظم کا دفتر
وزیر اعظم اور وزراء کی کونسل کی تقریب حلف برداری میں شرکت کے لیے قائدین کا دورہ
Posted On:
08 JUN 2024 12:24PM by PIB Delhi
لوک سبھا انتخابات 2024 کے بعد وزیر اعظم جناب نریندر مودی اور وزراء کی کونسل کی تقریب حلف برداری کا اہتمام 09 جون 2024 کو کیا جائے گا۔ اس موقع پر، بھارت کے ہمسایہ اور بحر ہند کے خطے میں واقع ممالک کے قائدین کو مہمان ذی وقار کے طور پر مدعو کیا گیا ہے۔
سری لنکا کے صدر عزت مآب رانل وکرما سنگھے؛ مالدیپ کے صدر عزت مآب ڈاکٹر محمد معزو؛ سیشلز کے نائب صدر عزت مآب احمد عفیف؛ بنگلہ دیش کی وزیر اعظم عزت مآب شیخ حسینہ؛ ماریشس کے وزیر اعظم عزت مآب پروند کمار جگناتھ؛ نیپال کے وزیر اعظم عزت مآب پشپ کمل دہل ’پرچنڈ‘؛ بھوٹان کے وزیر اعظم عزت مآب جناب تشیرنگ توبگے نے شرکت کی دعوت قبول کر لی ہے۔
حلف برداری کی تقریب میں شرکت کے علاوہ یہ قائدین اسی شام راشٹرپتی بھون میں صدر جمہوریہ ہند محترمہ دروپدی مرمو کی جانب سے دی جانے والی ضیافت میں بھی شرکت کریں گے۔
وزیر اعظم جناب نریندر مودی کی مسلسل تیسری مدت کار کے لیے ان کی حلف برداری کی تقریب میں شرکت کی غرض سے قائدین کا یہ دورہ ہندوستان کی جانب سے اپنی 'ہمسائے کو اولیت' کی پالیسی اور 'ساگر' ویژن کو دی جانے والی اعلیٰ ترجیح سے ہم آہنگ ہے۔
**********
(ش ح –ا ب ن۔ م ف)
U.No:7252
(Release ID: 2023586)
Visitor Counter : 71
Read this release in:
Odia
,
Khasi
,
English
,
Marathi
,
Hindi
,
Hindi_MP
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam