భారత ఎన్నికల సంఘం
azadi ka amrit mahotsav

ఎలాంటి హింసాకాండ‌కు తావు లేకుండా సాగిన ఎన్నిక‌ల‌ను


జాతిపిత‌కు అంకితం చేసిన ఎన్నిక‌ల సంఘం

మ‌హాత్మాగాంధీ అహింసా సందేశ‌మే హింసార‌హిత‌, శాంతియుత ఎన్నిక‌ల నిర్వ‌హ‌ణ‌పై మా క‌ట్టుబాటుకు స్ఫూర్తి : సిఇసి శ్రీ రాజీవ్ కుమార్

నాడు పోస్టు చేయడమైనది: 06 JUN 2024 7:30PM by PIB Hyderabad

ఇటీవ‌ల 18వ లోక్‌స‌భ‌కు జ‌రిగిన ఎన్నిక‌ల్లో ఎన్నికైన  ప్ర‌జాప్ర‌తినిధుల  జాబితాను  గౌర‌వ  రాష్ర్ట‌ప‌తికి  స‌మ‌ర్పించిన  అనంత‌రం  ఎన్నిక‌ల  సంఘం  ప్ర‌తినిధులు  రాజ్‌ఘాట్‌లో మ‌హాత్మాగాంధీ  స‌మాధి  వ‌ద్ద‌కు  వెళ్లి  జాతిపిత‌కు నివాళి అర్పించారు. క‌ర్ణాట‌క‌,  మ‌హారాష్ర్ట‌,  తెలంగాణ‌ల్లో  ప‌ట్ట‌భ‌ద్రులు,  ఉపాధ్యాయ  నియోజ‌క‌వ‌ర్గాల‌కు  ద్వైపాక్షిక  ఎన్నిక‌లు  జ‌రుగుతున్న  నేప‌థ్యంలో  ఆయా నియోజ‌క‌వ‌ర్గాల ప‌రిధిలో  మిన‌హాయిస్తే  దేశ‌వ్యాప్తంగా  మిగ‌తా  అన్ని చోట్ల  ఎన్నిక‌ల  ప్ర‌వ‌ర్త‌నా  నియ‌మావ‌ళి  త‌క్ష‌ణం ర‌ద్ద‌యిపోతుంది.

రాజ్‌ఘాట్‌లో  జాతిపిత‌కు  నివాళి  అర్పించిన  అనంత‌రం  ఎన్నిక‌ల  క‌మిష‌న్   చేసిన  ప్ర‌క‌ట‌న :

“జాతి  మాకు అప్ప‌గించిన  ప‌విత్ర  కార్యం 18వ లోక్‌స‌భ  సార్వ‌త్రిక  ఎన్నిక‌ల  నిర్వ‌హ‌ణ  పూర్తి  చేసిన  అనంత‌రం  జాతిపిత‌కు  నివాళి అర్పించేందుకు  మేం ఇక్క‌డ నిలిచి  ఉన్నాం.  అహింసాయుతంగా  ఎన్నిక‌లు  నిర్వ‌హించిన  సంతృప్తిని  వెంట బెట్టుకుని  మేం విన‌య‌పూర్వ‌కమైన  హృద‌యాల‌తో   ఇక్క‌డ‌కు వ‌చ్చాం.

“ప్ర‌జాస్వామ్యంలో  హింస‌కు  తావు  లేదు” అన్న ముంద‌స్తు క‌ట్టుబాటుతో  2024 మార్చి 16వ తేదీన 18వ లోక్‌స‌భ  ఎన్నిక‌ల ప్ర‌క‌ట‌న  విడుద‌ల చేశాం. ఎన్నిక‌ల  ప్ర‌క్రియ అంతా  అహింసాయుతంగా  పూర్తి  చేయాల‌న్న  మా క‌ట్టుబాటుకు జాత‌తిపిత మ‌హాత్మా గాంధీయే  స్ఫూర్తి.  మాన‌వాళి  అంద‌రికీ  స‌మాన  హ‌క్కులు, ప్ర‌జ‌లంద‌రికీ  ప్ర‌జాస్వామిక  హ‌క్కుల  కోసం ఆయ‌న పోరాడారు.

“అన్ని  వ‌ర్గాల  హేతుబ‌ద్ద‌మైన  ఆకాంక్ష‌ల‌ను  నెర‌వేర్చ‌డ‌మే”  వ‌యోజ‌న  ఓటు  హ‌క్కు  ల‌క్ష్య‌మ‌న్న‌ది  మ‌హాత్ముని  సిద్ధాంతం. పండుగ వాతావ‌ర‌ణంలో,  త‌మ  భ‌విష్య‌త్తును  నిర్దేశించుకోవాల‌న్న  క‌ట్టుబాటుతో  పోలింగ్  కేంద్రాల  ముందు బారులు తీరిన  ప్ర‌జ‌లే   మ‌హాత్ముని  ఆలోచ‌న‌ల  ప‌ట్ల  వారికి  గ‌ల  గౌర‌వానికి,  భార‌త నాగ‌రిక  వార‌స‌త్వానికి  ప్ర‌తీక‌.

ఎలాంటి  ప‌రిస్థితుల్లో  అయినా  అతి  సామాన్య  భార‌త  పౌరుడు  కూడా  ఓటు హ‌క్కు  నిరాక‌ర‌ణ‌కు గురి  కాకుండా  ఉండేందుకు;  వారు క‌చ్చితంగా  త‌మ  ఓటు హ‌క్కు  వినియోగించుకునేలా  చూసేందుకు;  ప్ర‌పంచంలోనే  అతి  పెద్ద  ఎన్నిక‌ల  ప్ర‌క్రియ  స‌జావుగా నిర్వ‌హించేందుకు;  మ‌న విస్తృత‌మైన  స‌మాజంలో  కోట్లాది  మంది  ప్ర‌జ‌లు  భాగ‌స్వాముల‌వుతున్న ప్ర‌క్రియ‌లో  ఎక్క‌డా ఎలాంటి హింసాకాండ  లేదా దానికి సంబంధించిన నీడ  లేకుండా చూసేందుకు  మ‌న‌సులోను, హృద‌యంలోను స్వ‌చ్ఛ‌త‌తో  క‌మిష‌న్  అన్ని విధాల చ‌ర్య‌లు  తీసుకుంది. అన్ని రాష్ర్టాలు,  జ‌మ్ము & క‌శ్మీర్, మ‌ణిపూర్‌  స‌హా అన్ని కేంద్ర  పాలిత  ప్రాంతాలు కూడా  ఎంతో  ప‌రిణ‌తితో  ఎన్నిక‌ల ప్ర‌క్రియ   పూర్తి   చేసి త‌మ భ‌విష్య‌త్తును రాసుకున్నాయి. శాంతి, అభివృద్ధికి బాట‌లు వేసేది బ్యాలెట్లే త‌ప్పితే  బులెట్లు కాదు.

ఇప్పుడు  స్వ‌తంత్ర  భార‌తంలో  76వ  వ‌సంతంలోకి అడుగు పెట్టిన  స‌మ‌యంలో  కూడా ఎన్నిక‌ల  క‌మిష‌న్  అచంచ‌ల‌మైన  అంకితభావంతో  త‌న  బాధ్య‌త‌ను నెర‌వేరుస్తుంద‌న్న హామీతో మేం ముగిస్తున్నాం. దేశంలో అశాంతి, అస‌హ‌నానికి   దారి  తీసే  త‌ర‌హాలో ఎన్నిక‌ల  ప్ర‌క్రియ‌పై  వ్యాపింప‌చేసిన  వ‌దంతులు,  నిరాధార‌మైన అనుమానాలు అన్నింటినీ స‌మ‌ర్థ‌వంతంగా  తిప్పికొట్ట‌గ‌లిగాం. భార‌త  ప్ర‌జాస్వామిక  వ్య‌వ‌స్థ‌ల‌పై సామాన్య  మాన‌వునికి  గ‌ల  అపార‌మైన  విశ్వాసం, సంక‌ల్పం  చెక్కు  చెద‌ర‌నిది. స్వేచ్ఛాయుతంగా, నిష్పాక్షికంగా, స‌మ్మిళితంగా ఎన్నిక‌లు నిర్వ‌హించేందుకు మేం ఎల్ల‌ప్పుడూ   నైతికంగా,  చ‌ట్ట‌ప‌రంగా  క‌ట్టుబ‌డి  ఉంటాం.

జైహింద్‌”

***


(రిలీజ్ ఐడి: 2023515) సందర్శకుల సూచీ సంఖ్య : : 185
ఈ ప్రకటనను ఇందులో చదవగలరు: English , Urdu , हिन्दी , Hindi_MP , Marathi , Bengali , Assamese , Gujarati , Tamil , Kannada