নুংশাগী মৈশা অমসুং লান্মৈ চাকপা থেংননবা থৌরাং তৌরিবশিং হন্না য়েংশিন্নবা কেন্দ্রগী কেবিনেত সেক্রেতরি শ্রী রজিব গৌবানা লুচিংদুনা নেসনেল ক্রাইসিস মেনেজমেন্ত কম্মিতি(এন.সি.এম.সি) গী মীফম পাংথোকখ্রে।

হৌজিক থেংনরিবা অকনবা নুংশাগী মৈশা অমসুং লান্মৈ চাকপগী থৌদোকশিংগী ফিবম অমসুং মখোয় লাকশিন্নবা পায়খৎলিবা থবকশিং য়াওনা অকুপ্পা মরোলশিং নেসনেল দিজাস্তার মেনেজমেন্ত ওথোরিতি(এন দি এম এ) অমসুং ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিনা পুথোকখি।

ইন্দিয়ান মেতিওরোলোজিকেল দিপার্তমেন্ত(আই এম দি)না ফোঙদোকপা মতুংইন্না এপ্রিল অমসুং জুন ২০২৪গী মনুংদা লৈবাক অসিগী তোঙান-তোঙানবা মফমশিংদা মহৌশা শাবগী চাংদগী হেনগৎলকপা নুমিৎ ১০-২২ থেংনখি। জুন থাগী মাংজৌননা লাউথোকখিবগী মতুংইন্না, ভারতকী নোর্থৱেস্ত অমসুং নোর্থ সেন্ত্রেলগী শরুকশিংদা শাবগী চাং মহৌশাগী মথক্তা লৈরবা য়াই। চহি অসিগী ওইনা, কুমগী নোং মহৌশাগুম চুগনি অমসুং লৈবাক্কী মফম অয়াম্বদা মহৌশা চুবগী চাংদগী হেনগৎলবা য়ারি। আই.এম.দিনা অকনবা মৈশাগী মতাংদা চাং নাইনা চেকশিনৱা পীরি।

এন.দি.এম.এনা হায়খি মদুদি ওক্তোবর ২০২৩ দগী হৌনা সেন্ত্রেল মিনিস্ত্রিশিং/দিপার্তমেন্তশিং অমসুং রাজ্য সরকারশিংনা শেম-শাবগী মীফম কয়া পাংথোক্তুনা লাক্লি। কন্ত্রোল রুমশিং মথৌ তৌহন্নবা, নুংশাগী মৈশাগী এস.ও.পিশিং চৎনহনবা, থক্নবা ঈশিং ফংহনবা, তঙাইফদবা হিদাক-লাংথকশিং অমসুং ও.আর.এস য়াওনা হকশেলগী খুদোংচাবশিং ফংহন্নবা থৌরাং তৌবা অমসুং মৈ ফংহন্নবগী মতাংদা রাজ্যশিংদা পাউতাক পীখ্রে। স্কুলশিং, হোস্পিতালশিং অমসুং অতোপ্পা লোয়শঙশিংদা চাং নাইনা ফয়ার সেফতি ওদিদ পাংথোক্নবা রাজ্যশিংদা পাউতাক পীখ্রে।  ফিবমশিং মরী লৈনবা দিপার্তমেন্তশিং অমসুং দি.সিশিংনা কুপ্না য়েংশিল্লি হায়না রাজ্য সরকারশিংনা ফোঙদোকখি।

নুংশাগী মৈশা থেংননবা থৌরাং তৌবা হেনগৎহন্নবা অতেনবা, ময়াই ওইবা অমসুং অশাংবা মতমগী থবকশিং চাংনাইনা য়েংশিন্নবা কেবিনেত সেক্রেতরিনা চীফ সেক্রেতরিশিংদা পাউতাক পীখি। মহাক্না হায়খি ঈশিং ফংহন্নবা থবকশিং ফগৎহনগদবনি অমসুং লোয়শঙ খুদিংমক্তা চাংনাইনা ফয়ার সেফতি ওদিদশিং পাংথোকপা হেনগৎহনগদবনি।

লান্মৈ চাকপা লাকশিন্নবগী মতাংদা, লৈবাক্কী তোঙান-তোঙানবা মফমশিংদা লান্মৈ চাক্লিবা অসি থেংননবা পায়খৎলিবা থবক অমসুং শেম-শারিবগী মতাংদা ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিনা উৎখি। মোবাইল এস.এম.এস অমসুং ই-মেলশিংগী খুৎথাংদা চাংনাইনা লান্মৈ চাকপগী চেকশিনৱা পীরি হায়না মিনিস্ত্রিনা ফোঙদোকখি। রাজ্যশিং অমসুং অতোপ্পা এজেন্সিশিং মতেং পাংনবা ফোরেস্ত সর্ভে ওফ ইন্দিয়ানা বন অগ্নি কৌবা লান্মৈ চাকপা খঙহন্নবা পোর্তেল অমা শেমগৎতুনা মৈ চাকপা হৌদ্রিঙৈ অমসুং চাকপা মতমগী খুদক্তা চেকশিনৱা পীনবা থবক পায়খৎলে।

কেবিনেত সেক্রেতরিনা অমুক হন্না হায়খি মদুদি জুন ২,২০২৪ দা প্রধান মন্ত্রী শ্রী নরেন্দ্র মোদীনা লুচিংদুনা পাংথোকখিবা হন্না য়েংশিনবগী মীফমদা লান্মৈ চাকপগী ৱাফম অসি হকচিন্না লৌনবা খঙহনখ্রে। ঈশিং ইচাউগী মতাংদা পাংথোক্লিবা অসিগুম্না, লান্মৈ চাকপগী মতাংদা চহিগী ওইবা দ্রিশিং অমসুং মাংজৌননা শেম-শাবগী থবকশিং চাংনাইনা পাংথোক্কদবনি।

মীওই অমতা থৱায় মাঙদনবা অমসুং লন-থুম মাঙবা হন্থহন্নবা মৈশা অমসুং লান্মৈ চাকপগা মরী লৈনবা খুদোংচাদবশিং থেংননবা হেন্না মওং তানা শেম-শানবা কেবিনেত সেক্রেতরিনা রাজ্যশিং/য়ু.তিশিংদা খঙহনখি। এন.দি.এম.এ অমসুং ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিনা পীরিবা চেকশিন-থৌরাংগী থবকশিং মরুওইনা লৌনবা মহাক্না তকশিনখি।

মতম চানা থবক পায়খৎনবা কেন্দ্রগী মন্ত্রলয়শিং/বিভাগশিংনা মখোয়গা লোয়ননা নকশিন্না থবক তৌমিন্নরি হায়না কেবিনেত সেক্রেতরিনা রাজ্যশিংদা থাজবা পীখি।

য়ুনিয়ন হোম সেক্রেতরি, ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রি, হেল্থ অমসুং ফেমিল ৱেলফিয়ার মিনিস্ত্রি, ইনফোর্মেসন অমসুং ব্রোদকাস্তিং মিনিস্ত্রি, দ্রিংকিং ৱাতর অমসুং সেনিতেসন দিপার্তমেন্ত, এগ্রিকলচর অমসুং ফার্মরস ৱেলফিয়ার দিপার্তমেন্ত, এনিমেল অমসুং হসবেন্দরি অমসুং দাইরিইং, ৱাতর রিছোর্সেস, রিভর রিজুবিনেসন অমসুং গঙ্গা রিজুবিনেসন দিপার্তমেন্তগী সেক্রেতরিশিং, এন.দি.এম.এগী মেম্বর অমসুং ঐচ.ও.দি, সি.আই.এস.সি ঐচ.ক্বিউ(আই দি এস), দি.জি এন.দি.আর.এফ, দি.জি আই.এম.দি, দি.জি এফ.এস.আই, দি.জি ফোরেস্ত, লেবর অমসুং ইমপ্লোইমেন্ত মিনিস্ত্রি অমসুং হোম এফেয়ার্স মিনিস্ত্রিগী এদিসনেল সেক্রেতরিশিং, এদভাইজর এন.দি.এম.এ, দিরেক্তর এন.আর.এস.সি মীফম অসিদা শরুক য়াখি। মীফম অদুদা ভিদিও কনফরেন্সিংগী খুৎথাংদা বিহার, ছতিসগর, গুজরাত, হরিয়ানা, হিমাচল প্রদেস, ঝারখন্দ, জম্মু অমসুং কাস্মির, ওরিসা, দিল্লি, মহারাস্ত্রা, রাজস্থান অমসুং উত্তরখন্দগী চীফ সেক্রেতরিশিং অমসুং অন্ধ্র প্রদেস, পঞ্জাব, মধ্য প্রদেস, তামিল নাদু, কর্নাতকা অমসুং উত্তর প্রদেসকী সেনিয়ার ওফিসিএলশিং শরুক য়াখি।

*****