প্রধানমন্ত্রীগী লোইশঙ
শ্রী লঙ্কাগী রাস্ত্রপতিনা প্রধান মন্ত্রী মোদী থাগৎপা ফোঙদোকখ্রে
ভারতনা মখা তানা শ্রী লঙ্কাগা অচেৎপা মরীশিং লৈনগনি হায়না প্রধান মন্ত্রী মোদীনা অমুক হন্না ফোঙদোকখ্রে
ভিজন দোকুমেন্ত থবক ওইনা পাংথোক্নবা লুচিংবা অনিমক্না থাজবা থমখি
Posted On:
05 JUN 2024 10:19PM by PIB Imphal
শ্রী লঙ্কাগী রাস্ত্রপতি রানিল ৱিক্রেমেসিঙ্গেনা তেলিফোন্দা প্রধান মন্ত্রী শ্রী নরেন্দ্র মোদীগা ৱারি শানখ্রে অমসুং মহাক্না পুৱারি ওইনা মীখলদা মাইপাক্লকপদা মহাক থাগৎপা ফোঙদোকখ্রে।
মহাক্না য়াইফ-পাউজেল পীরকপগীদমক প্রধান মন্ত্রী মোদীনা রানিল ৱিক্রেমেসিঙ্গে থাগৎপা ফোঙদোকখি। ভারতকী য়ুম্লোন্নবনা অহানবা হায়বা থৌশিল অমসুং সাগার ভিজনগা লোয়ননা ভারত অমসুং শ্রী লঙ্কাগী মরক্তা লৈনরিবা অচেৎপা মরীশিং মখা তানা শেমগৎনবা মহাক্না ভারতকী মাইকৈদগী থাজবা পীখি।
জুলাই ২০২৩ দা রাস্ত্রপতি রানিল ৱিক্রেমেসিঙ্গেগী নিউ দিল্লি খোঙচৎ মনুংদা ফোঙখিবা ভিজন দোকুমেন্ত থবক ওইনা পাংথোক্নবা শিংথানিঙাই ওইনা খুমাঙচাউশিনবা অদু লুচিংবা অনিনা খন্নখি। মরুওইনা, লৈবাক অনিমক চাউখৎনবা অমসুং নুংঙাই-য়াইফনবা চৎথোক-চৎশিনগী থবক খুদিংমক য়াংনা চাউখৎহন্না লুচিংবশিংনা মখোয়গী থাজবা অমুক হন্না পীনখি।
****
(Release ID: 2023198)
Visitor Counter : 21
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam