মৈ অশুক্কী মতিক শীজিন্নরবশু, হৌখিবা চহিগা চাংদম্নবদা চাদা ৩০ হেন্না, হৌজিক থর্মেল পৱার প্লান্তশিংদা কয়লা মেত্রিক তন ৪৫ হেন্না লৈরি। নুমিৎ ১৯ গী ওক্নবা কয়লা পৈদুনা লৈরি। মে ২০২৪ মনুংদা থর্মেল পৱার প্লান্তশিংনা চাংচত্তা নোংমদা দরকার ওইরিবা কয়লা অসি তন ১০,০০০ খক্তনি। কয়লা ফংহন্নবা থবক মপুংফানা অমসুং নিংথিনা পায়খৎলবা মতমদা য়াবা থবকনি। পৱার মিনিস্ত্রি, কয়লা মিনিস্ত্রি, রেজৱেজ মিনিস্ত্রি অমসুং মৈ পুথোক্লিবা কম্পেনিশিংগী মীহুৎশিং য়াওবা সব-গ্রুপনা কয়লা মতিক চানা ফংহন্নবা মপুংফাবা থৌদাং লৌরি।

হৌখিবা চহিগা চাংদম্নবা কয়লা পুথোকপা চাদা ৮ হেনগৎখি। মাইন পিত-হেদতা কয়া মেত্রিক তন ১০০ হেন্না লৈবা মরম্না পৱার সেক্তরদা কয়া মরাংকাইনা ফংহল্লি। রেলৱে রেকশিং নুমিৎ খুদিংগী ফংহনবগী থবক রেলৱে মিনিস্ত্রিনা চাদা ৯ হেনগৎহল্লে। মহৌশাদগী কয়লা পরাদিপ হিথাংফম খক্তগী পুথোকখিবগা লোয়ননা সমুদ্র মপান্দগী পুথোকপগী থবক শিংথাবা য়ানা হেনগৎহল্লে। কয়লা পুথোক-পুশিনগী থৌশিলগী মখাদা, ধামরা অমসুং গঙ্গাবরান হিথাংফমশিংদগীশু কয়লা অতোপ্পা মফমদা পুরে। রেলৱে নেতৱার্ক ফগৎলকপদগী রেকশিং সোন নগরদগী দাদ্রি ফাওবা য়াংনা পুরে। মরম অসিনা কয়লা পুথোক-পুনশিন তৌবদা চংবা মতম য়াম্না হন্থরে।

কুমগী নোংজু থা মনুংদা থর্মেল পৱার প্লান্তশিংদা কয়লা মতিক চানা ফংহন্নবা কয়লা মিনিস্ত্রিনা থবক পায়খৎলে। জুলাই ১,২০২৪ ফাওবদা, থর্মেল পৱার প্লান্তশিংদা কয়লা মেত্রিক তন ৪২ হেন্না ফংহনগনি।

****