ঙাকশেল মন্ত্রালয়
ভারত নেভিনা নোংলৈ-নুংশিৎ রেমালগী থৌরাং তৌরে
Posted On:
26 MAY 2024 11:30AM by PIB Imphal
নোংলৈ-নুংশিৎ রেমালনা থোকহল্লকপা য়াবা খুদোংথিবশিং থেংননবা হৌজিক লৈরিবা স্তেন্দার্দ ওপরেতিং প্রোসিদিউয়র(এস ও পি) মতুংইন্না ভারত নেভিনা মাঙজৌননা থবকশিং পায়খৎপা হৌরে। নোংলৈ-নুংশিৎ রেমাল অসি মে ২৬/২৭,২০২৪গী অহিংদা সমুদ্র মপান্দা য়ৌরকপা য়ারি হায়না থাজনরি। ইস্তর্ন নেভেল কমান্দগী হেদক্বাতর্সনা অপুনবা চেকশিন-থৌরাংগী থবকশিং পায়খৎতুনা ফিবম অসি নেভেল হেদক্বাতর্সশিংদা কুপ্না শেন্নরি।
নোংলৈ-নুংশিৎ রেমাল অসি অকনবা নোংলৈ-নুংশিৎ অমা ওইরক্তুনা নোংচুপ বেঙ্গলগী সাগর ইথৎ অমসুং বাংলাদেসকী খেপুপারাগী মরক্তা থুংলবা য়াই হায়না মাঙজৌননা লাউথোকখ্রে। মসিগী থৌরাং তৌবা ওইনা, ভারত নেভিনা মতেং পাংনবা পোৎলমশিং অমসুং হিদাক-লাংথকশিং য়াওরবা জহাজ অনি থৌরাং তৌদুনা থম্লে অমসুং মসি শোকহল্লবা মীয়ামদা খুদক্কী ওইনা মতেং পাংগনি অমসুং মী কনবগী থবকশিং পাংথোক্কনি। মসিগী মথক্তা, খুদক্তা চংশিন্নবা ভারত নেভিগী সি কিং অমসুং চেতাক হেলিকোপ্তরশিং য়াওনা দোরনিয়ার এয়রক্রাফশিং থৌরাং তৌদুনা থম্লে।
মতেং পাংনবগীদমক খুৎলায়শিংগা লোয়ননা অখন্নবা দাইভিং তিমশিং কোলকাতাদা থম্লে। করিগুম্বা দরকার ওইরক্লবদি মথৌ পাংথোকহন্নবা খুৎলায়শিংগা লোয়ননা দাইভিং তিমশিং বিশাখাপত্নমদা থম্লে। ফ্লদ রিলিফ তিমশিং দরকার ওইবা পোৎলমশিং অমসুং হিদাক-লাংথকশিংগা লোয়ননা কোলকাতাদা থম্লে। মসিগী মথক্তা ফ্লদ রিলিফ তিমশিং বিশাখাপত্নম অমসুং চিলকাদা থম্লে।
নোংলৈ-নুংশিৎ রেমাল লাকপা অসিদা খুদক্তা মপুংফানা মতেং পাংনবা ভারত নেভিনা মীকুপ-নাহুম শিংনা লৈরি অমসুং ফিবম অসি কুপ্না য়েংশিল্লি।
![](https://static.pib.gov.in/WriteReadData/userfiles/image/Pic(1)(1)D5YB.jpg)
![](https://static.pib.gov.in/WriteReadData/userfiles/image/Pic(2)1UNZ.jpg)
******
(Release ID: 2021708)
Visitor Counter : 40