চহি ৯ মাইপাক্না মীয়ামগী থবক তৌরক্লবা মতুংদা দুরদর্সন্না অতোপ্পা মাইপাকপা অমা পাংথোক্লগনি, মে ২৬,২০২৪ দগী ভারতকী লৌমীশিংগী মরক্তা দিদি কিষান অনৌবা শক্তম অমদা উবা ফংলগনি, চেন্নেল অসি অনৌবা শক্লোন অমদা শন্দোক্লগনি।

‘আর্তিফিসিএল ইন্তিলিজেন্স’গী মতম অসিদা, দুরদসর্ন কিষান লৈবাক অসিদা অহানবা এ.আই এনকর শীজিন্নবা সরকারগী তি.ভি চেন্নেল ওইরগনি। দিদি কিষান্না এ.আই এনকর অনি এ.আই কৃষ অমসুং এ.আই ভুমি হৌদোক্লগনি। হায়রিবা অনৌবা এনকরশিং অসি মীওইবা অমগা চপ মান্নবা অমসুং মখোয়না মীওই অমগুম থবক তৌবা ঙম্বা কম্পুতর অমনি। মখোয়না লেপ্তনা নত্ত্রগা চোকথবা লৈতনা পুং ২৪ অমসুং নুমি ৩৬৫ পাউ পাগনি।

লৌমীশিংনা হায়রিবা এনকরশিং অসি লৈবাক অসিগী রাজ্যশিং হায়বদি কাস্মিরদগী তামিল নাদু ফাওবা অমসুং গুজরাত্তগী অরুনাচল প্রদেস ফাওবগী লৌমীশিংনা উবা ফংগনি, হায়রিবা এ.আই এনকরশিংনা লৈবাক অমসুং মালেমগী থাক্তা অসিদা লৈরিবা লৌউ-শিংউগী লমদা থিজিনবশিংগী মরমদা লৌমীশিংদা খঙহনগনি অমসুং লৌউ-শিংউগী মন্দিশিং, নোংজু-নুংশাগী ফিবমশিং নত্ত্রগা সরকারগী স্কিমশিংগী মরমদা খঙহনগনি। এনকরশিং অসিগী অখন্নবা অমা ওইনা মখোয়না লৈবাক অসিগী অমসুং মপানগী লোল ৫০ ঙাংগনি।

দিদি কিষানগী অখন্নবা পান্দম খর :

দিদি কিষান অসি ভারত সরকারনা লিংখৎপা অমসুং লৌমীশিংগী কৎথোক্লবা লৈবাক অমদা অমতা ঙাইরবা তি.ভি চেন্নেলনি। চেন্নেল অসি মে ২৬,২০২৫ দা লিংখৎখিবনি।

দিদি কিষান চেন্নেল লিংখৎপগী পান্দমদি মতম পুম্নমক্তা লৌমীশিংগী নোংজু-নুংশাগী অহোংবশিং, মালেম অমসুং লৈবাক অসিগী কৈথেলগী মতাংদা খঙহনবনি,মসিনা লৌমীশিংনা মাংজৌননা চুনবা থৌরাংশিং পায়খৎপা ঙমগনি অমসুং মতম চানা অচুম্বা খোঙথাং পায়খৎপা ঙমগনি। হৌখিবা চহি ৯ অসিদা দিদি কিষান্না হায়রিবা থবকশিং অসি পাংথোক্তুনা লাক্লি।

লৈবাক অসিগী লৌমীশিং অমসুং খুঙ্গং চাউখৎহন্নবা পান্দমগা লোয়ননা থৱায় য়াওবা অমসুং থবক শুবা-নোম্বা কনবা লৌমীশিং চাউখৎনবা দিদি কিষান্না থবক তৌরি অমসুং মখোয়দা তাকপী-তম্বীদুনা চাউখৎপা পুরক্নবা হোৎনরি।

লৌউ-শিংউ, শা-ষন লোইবা অমসুং উ থাবা য়াওনা লৌউ-শিংউগী মাইকৈ অহুম অসি মপাঙ্গল কনখৎহন্নবা দিদি কিষান্না হোৎনরি।

*******