ଭାରତ ସରକାରଙ୍କ ପ୍ରଶାସନିକ ସଂସ୍କାର ଏବଂ ଲୋକ ଅଭିଯୋଗ ବିଭାଗ (ଡିଏଆରପିଜି)ର ସଚିବ ଶ୍ରୀ ଭି ଶ୍ରୀନିବାସ ୧୪ ମଇ ୨୦୨୪ରେ ଭିଡିଓ କନଫରେନ୍ସିଂ ମାଧ୍ୟମରେ କେନିଆ ସ୍କୁଲ ଅଫ୍ ଗଭର୍ଣ୍ଣାନ୍ସର ମହାନିର୍ଦ୍ଦେଶକ ପ୍ରଫେସର ନୌର ମହମ୍ମଦଙ୍କୁ ଭେଟିଥିଲେ । ଏହି ବୈଠକରେ ଡିଏଆରପିଜି, ନ୍ୟାସନାଲ ସେଣ୍ଟର ଫର ଗୁଡ୍ ଗଭର୍ଣ୍ଣାନ୍ସ, ଭାରତ ପକ୍ଷରୁ କେନିଆକୁ ଥିବା ଭାରତୀୟ ହାଇ କମିଶନ ଏବଂ କେନିଆ ପକ୍ଷରୁ କେଏସଜିର ନିର୍ଦ୍ଦେଶକମାନେ ଉପସ୍ଥିତ ଥିଲେ।

ଏହି ବୈଠକରେ ଉଭୟ ପକ୍ଷ ଜାତୀୟ ସୁଶାସନ କେନ୍ଦ୍ର (ଏନସିଜିଜି) ଏବଂ କେନିଆ ସ୍କୁଲ ଅଫ୍ ଗଭର୍ଣ୍ଣାନ୍ସ (କେଏସଜି) ମାଧ୍ୟମରେ ଦକ୍ଷତା ବିକାଶ କାର୍ଯ୍ୟକ୍ରମ ଉପରେ ଗୁରୁତ୍ୱ ଦେବା ସହିତ କର୍ମଚାରୀ ପ୍ରଶାସନ ଏବଂ ଶାସନ କ୍ଷେତ୍ରରେ ଭାରତ-କେନିଆ ଦ୍ୱିପାକ୍ଷିକ ସହଯୋଗ ବୃଦ୍ଧି କରିବା ଉପରେ ଆଲୋଚନା କରିଥିଲେ । ଏହି ଦ୍ୱିପାକ୍ଷିକ ବୈଠକରେ ଏନସିଜିଜି ଏବଂ କେଏସଜି ମଧ୍ୟରେ ସହଯୋଗର ରୂପରେଖ ଉପରେ ଆଲୋଚନା ହୋଇଥିଲା । ଏନସିଜିଜିରେ କେନିଆର ବରିଷ୍ଠ ଅଧିକାରୀଙ୍କ ଦକ୍ଷତା ବୃଦ୍ଧି ପାଇଁ ସହଯୋଗର କ୍ଷେତ୍ରଗୁଡ଼ିକର ପରିକଳ୍ପନା କରାଯାଇଛି । ସିପିଗ୍ରାମସ ସଂସ୍କାର କାର୍ଯ୍ୟକାରୀ କରି "ସର୍ବାଧିକ ଶାସନ-ସର୍ବନିମ୍ନ ସରକାର" ନୀତି କାର୍ଯ୍ୟକାରୀ କରିବା, ଜାତୀୟ ଇ-ସେବା ବିତରଣ ମୂଲ୍ୟାୟନ ବ୍ୟବହାର କରି ଇ-ସେବାର ବେଞ୍ଚମାର୍କିଂ, ସାଧାରଣ ପ୍ରଶାସନରେ ଉତ୍କର୍ଷତା ପାଇଁ ପ୍ରଧାନମନ୍ତ୍ରୀ ପୁରସ୍କାର ମାଧ୍ୟମରେ ମେରିଟୋକ୍ରାସିର ମାନ୍ୟତା ପ୍ରଦାନ କରିବା ଦିଗରେ ଭାରତ ସରକାରଙ୍କ ଅଗ୍ରଗତି କୁ ଭାରତୀୟ ପକ୍ଷ ଉପସ୍ଥାପନ କରାଯାଇଥିଲା । ଏନସିଜିଜିର କାର୍ଯ୍ୟକଳାପ ଏବଂ ସଫଳତା ଉପରେ ଏକ ବିସ୍ତୃତ ଉପସ୍ଥାପନା ମଧ୍ୟ କରାଯାଇଥିଲା । କେନିଆର ପ୍ରଶାସନିକ କର୍ମଚାରୀଙ୍କ ଦକ୍ଷତା ବିକାଶ କାର୍ଯ୍ୟକ୍ରମରେ କେଏସଜିର ଭୂମିକା ଉପସ୍ଥାପନ କରିଥିଲା କେନିଆ ପକ୍ଷ । କେନିଆ ଭିଜନ ୨୦୩୦ ହାସଲ କରିବା ପାଇଁ ପରିବର୍ତ୍ତନର ନେତୃତ୍ୱ ନେବା ପାଇଁ କେଏସଜି କେନିଆ ସରକାର ଏବଂ ସେମାନଙ୍କର ପ୍ରଶାସନିକ ଅଧିକାରୀମାନଙ୍କୁ ସାହାଯ୍ୟ କରୁଛି ।

******

NS/SLP