উপ-রাস্ত্রপতিগী লোইশঙ
উপ-রাস্ত্রপতিনা ভারতকী পুৱারীগী মশক নাইবা মীওইশিং অসি লৌশিং অমসুং এজুকেসনগী ইপিসেন্তরনি হায়খ্রে
অহোংবা পুরকপদা এজুকেসন অসিনা খ্বাইদগী শক্তি লৈরবা ত্রান্সফোর্মেস্নেল মেকানিজম ওইরি হায়না VP না ফোঙদোকখ্রে
এজুকেসন অসি লৌশিং ফংনবা পাম্বৈ খক্তা নত্তনা মসিনা চাউখৎপা, শক্তি পীবা অমসুং খুন্নাইদা অওনবা পুরক্নবগী য়ুম্ফমসু ওইরি-VP
NEPনা ত্রান্সফোর্মেতিব ওইবা অহোংবা অমা পুরকখি, হোলিস্তিক দিবেলপমেন্তগীদমক রোদমেপ অমা য়াৎলি হায়না VPনা ফোঙদোকখ্রে
SOLনা লর্নর মখল কয়ামরুম; ৱার্কিং প্রোফেস্নেলশিং, হোমমেকরশিং অমসুং মহৈরোয়শিংগীদমক ত্রান্সফোর্মেতিব ওইবা প্লেৎফোর্ম অমা পীরি-VP
SOLনা মমাংদা ফোর্মেল এজুকেসন লান্না শিজিন্নরুরবা মীওইশিংদা অনিশুবা খুদোংচাবা অমা পীরি হায়না VPনা ফোঙদোকখ্রে
উপ-রাস্ত্রপতিনা য়ুনিভর্সিতী ওফ দিল্লীগী স্কুল ওফ ওপন লর্নিংগী 62শুবা ফাউন্দেসন দেদা ৱা ঙাংখ্রে
Posted On:
06 MAY 2024 1:41PM by PIB Imphal
উপ-রাস্ত্রপতি, শ্রী জগদীপ ধনখরনা ঙসি ভারতকী পুৱারী ওইরবা মশক নাইবা মীওইশিংনা লৌশিং অমসুং এজুকেসনগী ইপিসেন্তর ওইরি হায়না ফোঙদোকখ্রে অমসুং হায়খি মদুদি লৈবাক অসিনা মাগী মমাংঙৈগী মতিক-ময়াই অদু অমুক হন্না মাগী লম্বীদা চংশিল্লি। নালন্দা অমসুং তক্ষাশিলাগুম্বা মমিং লৈরবা ইন্সতিত্যুসনশিংগী মতাংদা পল্লদুনা উপ-রাস্ত্রপতিনা কন্তেম্পোররীগী মতম অসিদা ভারতকী এজুকেস্নেল লেন্দস্কেপতা লাকখিবা অচৌবা অহোংবা অমসুং রিসর্জেন্সকী মতাংদা ফোঙদোকখি।
য়ুনিভর্সিতী ওফ দিল্লীগী স্কুল ওফ ওপন লর্নিংগী 62শুবা ফাউন্দেসন দেদা ৱা ঙাংলদুনা উপ-রাস্ত্রপতিনা SOLনা ৱার্কিং প্রোফেস্নেলশিং, হোমমেকরশিং অমসুং মহৈরোয়শিং য়াওনা লর্নর মখল কয়ামরুমগীদমক ত্রান্সফোর্মেতিব ওইবা প্লেৎফোর্ম অমা পীরি হায়না থাগৎপা ফোঙদোকখি।
মহাক্না হায়খি মদুদি SOLনা মমাংদা ফীভমনা মরম ওইদুনা অপনবা থেংনরুরবশিংগীদমক থোংশিং হাংদুনা মখোয়গী রুতিনদা অপনবা পীদনা মহৈ তম্বা ফংহল্লি। শ্রী ধনখরনা SOLনা লৌশিং অমসুং স্কিলশিংগী খুত্থাংদা শোত্থরবা কাংলুপশিংদা শক্তি পীদুনা মমাংদা ফোর্মেল এজুকেসন ফংলুদ্রবা মীওইশিংদা অনিশুবা খুদোংচাবা অমা পীদুনা তশেংবা ইনক্লুসিবিতীগী এনভাইর্নমেন্ত অমা ফংহল্লি হায়না থাগৎখি। শ্রী ধনখরনা মখা তারদুনা এজুকেস্নেল ইন্সতিত্যুসনশিংগী মগুন অমদি ক্বালিতী হেনগৎহনবদা ইনফ্রাস্ত্রকচরগী মথক্তা ফেকলতীগী মরু ওইবা থৌদাংগী মতাংদা ফোঙদোকখি।
এজুকেসন অসি অহোংবা পুরকপদা খ্বাইদগী মরু ওইবা ত্রান্সফোর্মেস্নে মেকানিজমনি হায়রদুনা শ্রী ধনখরনা হায়খি মদুদি এজুকেসন অসি শুপ্নগী লৌশিং ফংনবা পাম্বৈ ওইবতা নত্তনা মসিনা চাউখৎপা, শক্তি পীবা অমসুং খুন্নাইদা অওনবা পুরকপগী য়ুম্ফমসু ওইরি। মসিনা চাউখৎপা, নুংঙাই-য়াইফবা অমসুং শক্তি লৈনবগী থোংশিং হাংলি। “এজুকেসন অসিনা খ্বাইদগী চাউবা হক অমসুং দোনেসন্নি। এজুকেসনদগী হেনবা ফন্দামেন্তেল লৈতে অমসুং এজুকেসনদগী হেনবা দোনেসন লৈতে”, হায়না মহাক্না মখা তাখি।
অহানবা মাইথিরুরবা মতুংদা থাগী খাগী থংবা পোলদা নীংথিনা তাখিবা চন্দ্রয়ানগী খোঙচৎতগী ইথিল লৌদুনা শ্রী ধনখরনা মহৈরোয়িংদা মাইথিবা অসি মাইপাক্নবগী পাম্বৈ ওইনা লৌনবা হায়খি। মহাক্না মোদর্ন ৱর্ল্দদা লৈরিবা কমপ্লেক্সিতীশিং থংননবা রেসিলিএন্ত ওইবা মাইন্দসেৎ অমা মথৌ তাই হায়খি।
ভারতকী এজুকেস্নেল লেন্দস্কেপতা ন্যু এজুকেসন পোলিসী (NEP)গী মরু ওইবা থৌদাং অদু পল্লদুনা শ্রী ধনখরনা হায়খি NEPনা ত্রান্সফোর্মেতিব ওইবা অহোংবা অমা পুরকখি, হোলিস্তিক লর্নর দিবেলপমেন্তগীদমক রোদমেপ অমা শেমখি অমসুং 21শুবা চহিচাগী শীংনবশিং থেংনবা ঙম্বা লৌশিং লৈবা খুন্নাই অমা শেম্মি। মহাক্না NEPদা ফ্লেক্সিবল লর্নিং পাথৱেশিং, তেক্নোলোজী ইন্তিগ্রেসন য়াওই অমসুং তোঙান-তোঙানবা মথৌ তাবশিং অমসুং অনীংবা অপাম্বশিং মশক খঙই হায়না ফোঙদোকখি
মহাক্না মখা তারদুনা স্কুল ওফ ওপন লর্নিংগুম্বা ইন্সতিত্যুসনশিংনা ক্বালিতী এজুকেসনগী এক্সেস হেনগৎহনবা অমসুং NEPগী পরিং মখাদা মতম শাংনা গেপ লৈবা অসি মেনখৎপদা মরু ওইবা থৌদাং লৌরগনি হায়না থাজবা ফোঙদোকখি।
থৌরম অদুদা য়ুনিভর্সিতী ওফ দিল্লীগী ভাইস চাঞ্চেল্লর, প্রোফেসর য়োগেশ সিংহ, য়ুনিভর্সিতী ওফ দিল্লীগী কেম্পস ওফ ওপন লর্নিংগী দিরেক্তর, প্রোফেসর পায়ল মাগো, ফেকলতী মেম্বরশিং, মহৈরোয়শিং অমসুং অতৈ দিগনিতরীশিংনা শরুক য়াখি।
*****
MS/RC/JK
(Release ID: 2019762)