মীখলগী অচেৎপা থৌরাং অমসুং মনুং মপান ফাওনা উবগী মৈঙাল অমা ওইনা, ইলেক্সন কম্মিসন ওব ইন্দিয়ানা জেনরেল ইলেক্সন অসিবু খ্বাইদগী ৱাংবা থাক্তা পাঙথোক্নবগী ৱারেপ হেন্না লুমশিনহল্লদুনা মালেমগী ইলেক্সন মেনেজমেন্ত বোদী (ই.এম.বি.)বু হকথেংননা গনতন্ত্রগী থাকপু য়েংনবা লম্বী অমা য়াৎখ্রে। ইলেক্সন কম্মিন ওব ইন্দিয়ানা চত্থরিবা লোক সভা মীখল ২০২৪ অসিদা ইলেক্সন ভিজিতরস' প্রোগ্রাম (আই.ই.ভি.পি.) পাঙথোক্তুনা অন্তর্জাতিগী মরী শেমগৎনবা হোৎনরি। থৌরম অসিনা শরুক য়াবগী চাংদা অমসুং চাউবগী চাংদা ইহান হানবা ওইরগনি। লৈবাক ২৩ মমিং ওইনা পল্লবদা ভুতান, মোঙ্গোলিয়া, ওস্ত্রেলিয়া, মদাগাস্কর, ফিজি, কির্গিজ রিপব্লিক, রসিয়া, মোলদোভা, তুনিসিয়া, সিসিলি, কেম্বোদিয়া, নেপাল, ফিলিপিন্স, শ্রী লঙ্কা, জিম্বাবৱে, বঙ্গলাদেশ, কজাখস্তান, জিওর্জিয়া, চিলে, উজবেকিস্তান, মালদিব, পপুৱা ন্যু গিনিয়া অমসুং নামিবিয়াদগী তোঙান-তোঙানবা ই.এম.বি.শিং অমসুং ওর্গানাইজেসনশিংদগী মীহুত ৭৫না থৌরম অসিদা শরুক য়ারগনি। ইন্তর্নেস্নেল ফাউন্দেসন ফোর ইলেক্তোরেল সিস্তেম (আই.এফ.ই.এস.) তগী মীহুতশিং, অমসুং ভুতান অমসুং ঙ্গিজরেলদগী মীদিয়াগী কাংবুনসু শরুক য়াগনি।

মে ৪দগী হৌরদুনা, প্রোগ্রাম অসিনা মপান লমগী ইলেক্সন মেনেজমেন্ত বোদী (ই.এম.বি.)শিংবু ভারতকী মীখলগী পথাপকী পাক চাউরবা মায়থোংশিংবু উহন খঙহন্নবা হোৎনরিবা অমসুং মালেমদা খ্বাইদগী চাউবা গনতন্ত্রনা শীজিন্নরিবা খ্বাইদগী ফরবা থৌরাংশিং খঙহন্নবা হোৎনরি। চীফ ইলেক্সন কম্মিসনর শ্রী রজিব কুমার, ইলেক্সন কম্মিসনর শ্রী গ্যানেশ কুমার অমসুং দা. সুখবির সিংহ সন্ধুনা মীথুংলেনশিং অসিদা মে ৫, ২০২৪দা ৱা ঙাংগনি। মসিগী মতুংদা, মীথুংলেনশিং অসিনা রাজ্য তরুক- মহারাস্ত্রা, গোৱা, গুজরাত, কর্নাতাকা, মধ্য প্রদেশ অমসুং উত্তর প্রদেশতা কাংলুপ মচা শেমদুনা তোঙান-তোঙানবা কন্সতিত্যুএন্সীশিংদা পায়খৎলিবা মীখল অমসুং মসিগা মরী লৈননা শেম শারিবশিংবু চৎতুনা য়েংহনগনি। থৌরম অসি মে ৯, ২০২৪ দা লোইশিনগনি।

***************