ভাইস এদমিরেল কৃষ্ণ স্বামিনাথন, AVSM, VSMনা মে 01, 2024দা চীফ ওফ নেভেল স্তাফকী থৌদাং লৌবা হৌখ্রে। থৌদাং লৌরকপদা, ফ্লেগ ওফিসরনা নেস্নেল ৱার মেমোরিএলদা লৈ পরেং অমা কৎতুনা লৈবাক অসিগী শেবদা থৱায় কৎখিবা থৌনা ফরবা মীওইশিংদা ইকায় খুম্নবা উৎখি।

ফ্লেগ ওফিসর অসি জুলাই 01, 87দা ইন্দিয়ন নেভীদা কম্মিসন তৌখি অমসুং কম্ম্যুনিকেসন অমসুং ইলেক্ত্রোনিক ৱারফেয়রগী স্পিসিএলিস্ত অমনি। মহাক অসি নেস্নেল দিফেন্স একাদেমী, খাদাকৱাসলা; জোইন্ত সর্ভিসেস কম্মান্দ অমসুং স্তাফ কোলেজ, শ্রীভেনহাম, য়ুনাইতেদ কিংদম; কোলেজ ওফ নেভেল ৱারফেয়র, করঞ্জা; অমসুং য়ুনাইতেদ স্তেৎস নেভেল ৱার কোলেজ, ন্যুপোর্ত, রোদ আইলেন্দ, USAকী এলমনস অমনি।

অতী বিশিস্ত সেবা মেদল অমসুং বিশিস্ত সেবা মেদল ফংলবা এদমিরেল অসিনা মহাক্কী নেভেল কেরিয়রদা মরুওইবা ওপরেস্নেল, স্তাফ অমসুং ত্রেনিং এপোইন্তমেন্ত কয়া অমা পাইখি। মসিগী মনুংদা মিসাইল ভেসেল INS বিদ্যুত অমসুং INS বিনাস; মিসাইল INS কুলিশ; গাইদেদ মিসাইল দিস্ত্রোজর INS মৈশুরু অমসুং এয়রক্রাফ কেরিয়র INS বিক্রমঅদিত্য য়াওরি।

রিয়র এদমিরেলগী রেঙ্কতা প্রমোসন তৌরকপদা, মহাক্না কোচিদা লৈবা সাউদর্ন নেভেল কম্মান্দগী হেদক্বার্তরদা চীফ স্তাফ ওফিসর (ত্রেনিং) ওইনা থবক তৌখি অমসুং ইন্দিয়ন নেভী পুম্বদা ত্রেনিং পীবদা মরুওইবা থৌদাং লৌখি। মহাক্না নেভীগী ভর্তিকল পুম্নমক্তা ওপরেস্নেল সেফতী য়েংশিল্লিবা ইন্দিয়ন নেভেল সেফতী তীম পুথোকপদসু অচৌবা থৌদাং লৌখি। মসিগী মতুংদা মহাক্না ফ্লেগ ওফিসর সী ত্রেনিং ওইনা নেভীগী ৱার্ক-অপ ওর্গনাইজেসনগী মকোক ওইখি অমসুং মসিগী মতুংদা ৱেস্তর্ন ফ্লিৎকী ফ্লেগ ওফিসর কম্মান্দিং ওইনা খন্নখি। স্বোর্দ আর্ম কম্মান্দ তৌরবা মতুংদা, মহাকপু ফ্লেগ ওফিসর ওফশোর দিফেন্স এদভাইজরী গ্রুপ অমসুং ভারত সরকারদা ওফশোর সেক্যুরিতী অমসুং দিফেন্সকী এদভাইজর ওইনা খনখি।

ভাইস এদমিরেলগী রেঙ্কতা প্রমোসন তৌরকপা মতমদা, ফ্লেগ ওফিসর অসি ৱেস্তর্ন নেভেল কম্মান্দকী চীফ ওফ স্তাফ অমসুং NHQ দা পর্সনেল সর্ভিসেসকী কন্ত্রোলর ওইখি। নেভেল স্তাফকী ভাইস চীফ ওইনা হৌজিক থবক পুরিবা অসিগী মমাংদা, মহাক্না NHQদা চিফ ওফ পর্সনেল ওইনা থবক তৌরম্মি।

ভাইস এদমিরেল স্বামিনাথনগী এজুকেস্নেল ক্বালিফিকেসনগী মনুংদা জৱাহরলাল নেহরু য়ুনিভর্সিতী, ন্যু দিল্লীদগী BSc দিগ্রী; কোচিন য়ুনিভর্সিতী ওফ সাইন্স এন্দ তেক্নোলোজী, কোচিদগী তেলিকম্ম্যুনিকেসনদা MSc; লন্দনগী কিংস কোলেজদগী দিফেন্স স্তদিজদা MA; মুম্বাই য়ুনিভর্সিতীদগী স্ত্রেতেজিক স্তদিজদা MPhil; অমসুং মুম্বাই য়ুনিভর্সিতীদগী ইন্তর্নেস্নেল স্তদিজদা PhD য়াওরি।

****