এপ্রিল 26, 2024দা ইন্তিগ্রেতেদ পেন্সনর্স পোর্তেল ওফ বেঙ্ক ওফ ইন্দিয়া লোঞ্চ তৌবগী থৌরমদা ৱা ঙাংলদুনা পেন্সনরশিংগী হিংবদা লাইথোকহনবা ঙম্নবা পেন্সন অমসুং পেন্সনরশিংগী য়াইফ-থৌরাং বিভাগকী ইন্তিগ্রেতেদ পেন্সনর্স পোর্তেলদা পেন্সন দিসবর্সিং বেঙ্ক পুম্নমক্কী পেন্সন পোর্তেলশিংগা ইন্তিগ্রেৎ তৌরগনি হায়না সেক্রেতরী (P&PW), শ্রী ভি. শ্রীনিবাসনা ফোঙদোকখ্রে। থৌরম অদুদা ৱাংলদুনা মহাক্না হায়খি মদুদি ‘পেন্সন অমসুং পেন্সনরশিংগী য়াইফ-থৌরাং বিভাগ’না পেন্সনরশিংগী য়াইফনবা থৌশিল কয়া পাইখৎখি। পেন্সনরশিংগী দিজিতেল এম্পাৱরমেন্ত অসি অসিগুম্বা থৌশিল অমনি অমসুং মসি দিজিতেল লাইফ সর্তিফিকেৎস অমসুং ভাবিস্য পোর্তেলগুম্বা পাম্বৈ কয়ামরুমগী খুত্থাংদা ইমপ্লিমেন্ত তৌরি।

ত্রান্সপরেন্সী, দিজিতেলাইজেসন অমসুং সর্ভিস দেলিভরীগী পান্দমগা মরী লৈননা, ভাবিস্য প্লেৎফোর্মনা পেন্সন প্রোসেসিং অমসুং পেমেন্তকী এন্দ-তু-এন্দ দিজিতেলাইজেসনগী থবক পাংথোকপা ঙমহল্লে। মসি রিতায়র তৌরবা মীওই অদুনা মহাক্কী পেপরশিং ওনলাইনদা ফাইল তৌবদগী হৌরগা ইলেক্ত্রোনিক ফোর্মেৎতা PPO ইস্যু তৌবা ফাওবা অমসুং দিজিলোকরদা চংবদগী হৌগনি। ইন্তিগ্রেতেদ ওনলাইন পেন্সন প্রোসেসিং সিস্তেম অমা ওইরিবা 'ভাবিস্য' প্লেৎফোর্ম অসি কেন্দ্র সরকারগী দিপার্তমেন্ত পুম্নমক্তা 01.01.2017দগী ইন্তিগ্রেতেদ তৌখ্রে। সিস্তেম অসি হৌজিক্তি মন্ত্রালয়/ দিপার্তমেন্ত 98দা মায় পাক্না ইমপ্লিমেন্ত তৌরি। মসিগী মনুংদা এতেচ তৌরবা ওফিস 870 অমসুং DDO 8,174 য়াওরি। পেন্সন অমসুং পেন্সনরশিংগী য়াইফ-থৌরাং বিভাগনা NESDA এসেসমেন্ত 2021গী মতুং ইন্না সেন্ত্রেল গভর্নমেন্ত ই-গভর্নান্স সর্ভিস দেলিভরী পোর্তেল পুম্নমক্কী মরক্তা ভাবিস্য (DOPPWনা পুথোকপা পেন্সন সেঙ্কসন অমসুং পেমেন্তকী ওনলাইন ত্রেকিং সিস্তেম) গীদমক অহুমশুবা রেঙ্ক ফংখি।

বেঙ্কশিংগা মরী লৈনবা পেন্সনরশিংনা থেংনরিবা খুদোংচাদবশিং কোকহন্নবা বেঙ্ক হোংদোকপা, লাইফ সর্তিফিকেৎকী মতাংদা পীশিনবগী স্তেতস, পেন্সন স্লিপ, ফোর্ম 16, পেন্সন রিসিৎ ইনফোর্মেসন, পেন্সন দিসবর্সিং বেঙ্কশিংগী ৱেবসাইৎশিং অসিগুম্বা  অসি সিঙ্গল ৱিন্দো অমদগী ফংহন্নবা DoPPW গী ইন্তিগ্রেতেদ পেন্সনর পোর্তেলগা পুনশিন্নরি।

SBI, বেঙ্ক ওফ বরোদা, পঞ্জাব নেস্নেল বেঙ্ক অমসুং কনরা বেঙ্ককী পেন্সন পোর্তেলশিংবু ভাবিস্য পোর্তেলগা পুনশিন্নবগী থবক লোইশিনখ্রে। ইন্তিগ্রেতেদ পেন্সনর্স পোর্তেলগী খুত্থাংদা বেঙ্ক ওফ ইন্দিয়াগী পেন্সনরশিংনা পেন্সন স্লিপ, লাইফ সর্তিফিকেৎ সবমিৎ তৌবগী স্তেতস, দ্যু অমসুং দ্রোন স্তেতমেন্ত অমসুং ফোর্ম-16গুম্বা সর্ভিসশিংগীদমক সিঙ্গল স্তোপ অমা লৈহল্লি। অথুবা মতমদা পেন্সন পীনবা বেঙ্ক অয়াম্বনা ইন্তিগ্রেতেদ পেন্সনরস পোর্তেলগা পুনশিন্নরগনি।

******