সরকারনা বাংলাদেশ, UAE, ভুতান, বহরীন, মোরিসস অমসুং শ্রী লঙ্কা, য়ুমলোন্নরিবা লৈবাক তরুক্তা তিলহৌ 99,150 MT থাদোকপদা অয়াবা পীখ্রে। মমাং চহিগা চাংদম্নবদা 2023-24দা খারিফ অমসুং রবিগী মহৈ-মরোংশিং হন্থরকপ অমসুং মালেমগী কৈথেলদা দিমান্দ হেনগৎলকপনা মরম ওইদুনা দোমেস্তিক্কীদমক মরাং কাইনা ফংহনবা ঙম্নবা তিলহৌ থাদোকপদা অথিংবা থমদুনা লাকখি।

অতৈ লৈবাকশিংদা তিলহৌ থাদোক্নবগী এজেন্সী, নেস্নেল কোওপরেতিব এক্সপোর্তস লিমিতেদ (NCEL)না L1 মমলশিংদা ই-প্লেৎফোর্মশিংগী খুত্থাংদা দোমেস্তিক্কী তিলহৌ অসি থাদোক্নবা সোর্স তৌই অমসুং 100% এদভান্স পেমেন্ত বেসিস্তা য়ানরবা রেৎতা লমথুংফম ওইরিবা লৈবাক্কী সরকারনা নোমিনেৎ তৌরবা এজেন্সী নত্ত্রগা এজেন্সীশিংদা সপ্লাই তৌই। বায়রশিংদা NCELনা পীরিবা ওফর রেৎ অসিনা লমথুংফম ওইরিবা কৈথেল অমসুং মালেমগী অমদি দোমেস্তিক্কী কৈথেলশিংদা লৈরিবা মমলশিং অদু ওই। লৈবাক তরুক অসিদা থাদোক্নবা লৈরিবা কোতা অসি লমথুংফম ওইরিবা লৈবাক্না রিক্যুজিসন তৌরকপগী মতুং ইন্না সপ্লাই তৌখি। লৈবাক অসিদা তিলহৌগী খ্বাইদগী চাউবা প্রদ্যুসর ওইরিবা মহারাস্ত্রনা এক্সপোর্ত তৌনবগীদমক NCELনা সোর্স তৌখিবা তিলহৌগী খ্বাইদগী চাউবা সপ্লাইয়র ওইরি।

সরকারনা  মিদ্দল-ইস্ত অমসুং য়ুরোপিয়ন লৈবাক খরগীদমক অখন্ননা থাখিবা অঙৌবা তিলহৌগী 2000 MT থাদোকপদা অয়াবা পীখ্রে। তশেংনা এক্সপোর্ত ওরিয়েন্তেদ ওইবনা অঙৌবা তিলহৌগী মরূগী মমল তাংবা, গুদ এগ্রিকলচরেল প্রেক্তিস (GAP) অমসুং স্ত্রিক্ত মেক্সিমম রেসিদ্যু লিমিৎস (MRL)গী মথৌ  তাবশিং ঙাক্না চৎপনা অতৈ তিলহৌশিংদগী মসি পুথোকপদা চংবা শেনফম অসিনা হেন্না ৱাংই।

কঞ্জ্যুমর এফিয়র্স বিভাগকী প্রাইস স্তেবিলাইজেসন ফন্দ (PSF)কী মখাদা রবি-2024গী তিলহৌগী বফ্ফর আউৎকী প্রোক্যুর্মেন্ত তার্গেৎ অসি চহিদা তন লাখ 5দা লেপখি। কেন্দ্রগী এজেন্সীশিং হায়বদি NCCF অমসুং NAFEDনা স্তোরদা থম্বা য়ারবা তিলহৌ প্রোক্যুর্মেন্ত তৌবা হৌনবা প্রোক্যুর্মেন্ত, স্তোরেজ অমসুং লৌমীশিংগী রেজিস্ত্রেসন সপ্পোর্ত  তৌনবা FPO/FPC/PACশিংগুম্বা লোকেল এজেন্সীগা খুৎশম্নরি। DoCA, NCCF অমসুং NAFEDগী অৱাংবা থাক্কী তীম অমনা PSF বফ্ফরগীদমক তিলহৌ 5 LMT প্রোক্যুর্মেন্ত তৌনবা লৌমীশিং, FPO/FPCশিং অমসুং PACশিংগী মরকআ এৱের্নেস পীনবা এপ্রিল 11-13, 2024দা মহারাস্ত্রগী নাশিক অমসুং অহমদনগরদা চৎখি।

তিলহৌ থম্বদা অমাংবা থোকপা হন্থহন্নবা কঞ্জ্যুমর এফিয়র্স বিভাগনা  মুম্বাইগী BARCদগী তেক্নিকেল সপ্পোর্তকা লোয়ননা মমাং চহিদা 1200 MT ওইরম্বদগী চহি অসিদা 5000 MT হেন্না হেনগৎহন্দুনা স্তোকশীংগী ক্বান্তম হেনগৎহন্নবা ৱারেপ লৌখি। মমাং চহিদা পাইখৎখিবা তিলহৌগী ইরাদিএসন অমসুং কোল্দ স্তোরেজকী পাইলোৎ অসিনা থম্বদা থোকপা অমাংবা চাদা 10দগী তানা হন্থবা ঙমহনখি হায়বা খঙবা ঙমখি।

***