প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা ইন্তর্নেস্নেল কনফরেন্স ওন দিজাস্তর রেজিলিএন্ত ইনফ্রাস্ত্রকচরগী 6শুবা ইদিসন্দা ৱা ঙাংখ্রে।

থৌরম অদুদা ৱা ঙাংলদুনা প্রধান মন্ত্রীনা দিগনিতরী পুম্নমকপু তরাম্না ওকখি অমসুং হায়খি মদুদি মখোয়না শরুক য়াবনা দিজাস্তর রেজিলিএন্ত ইনফ্রাস্ত্রচরগী মরু ওইবা হীরমদা তৌবা গ্লোবেল দিস্কোর্স অমসুং খন্ন-নৈনবশিং মপাঙ্গল কনখৎহনগনি। 2019দা হৌদোকখিবদগী হৌনা কোলিজন ফোর দিজাস্তর রেজিলিএন্ত ইনফ্রাস্ত্রকচরনা চাউনা গ্রোথ লৈবা উবা ফংখি হায়রদুনা প্রধান মন্ত্রীনা মসি হৌজিক লৈবাক 39 অমসুং ওর্গনাইজেসন 7গী গ্লোবেল কোলিজন অমা ওইরে। “মসি তুংলমচৎকীদমক অফব খুদম অমনি” হায়না মহাক্না মখা তাখি।

মহৌশাগী ওইবা দিজাস্তরগী চাং অমসুং শাথীবগী চাং হেনগৎলক্লিবা অদু পল্লদুনা প্রধান মন্ত্রীনা হায়খি মদুদি অয়াম্বা মতমদা মাং-তাকপশিং অসি দোল্লরদা চাংদম্নৈ মসিনা মীওইশিং, ইমুং-মনুংশিং অমসুং কম্ম্যুনিতীশিংদা পীরিবা অশেংবা ইথিল অসি মশিংদগী হেল্লি। শ্রী মোদীনা মহৌশাগী ওইবা দিজাস্তরশিংনা মীওইবদা পীরিবা শাফুদা পুক্নিং চিংশিনখি। মহাক্না য়ুমশিং থুগাইদুনা মীওই লিশিং কয়া অমা য়ুম লৈতবা ওইহল্লকপা অমসুং মহৌশাগী ওইবা দিজাস্তরশিংনা ঈশিং অমসুং সিৱেজ সিস্তেমশিং থুগাইদুনা মীয়ামগী হকশেলদা খুদোংথীবা থোকহল্লিবা অসিসু পনখি। মহাক্না মহৌশাগী ওইবা খুদোংথীবা কয়াগী মতাংদসু পনখি মদুদি মসিনা ইনর্জী প্লান্তশিংদা অকায়বা পীবা ঙম্মি অমসুং মসিনা খুদোংথীনিঙাই ওইবা ফিভম ওইহল্লকপা ঙম্মি।

প্রধান মন্ত্রীনা অকনবা ৱাফম থমখি, "হৌজিক ঐখোয়না হেন্না ফবা তুংলমচৎ অমগীদমক রেজিলিএন্ত ইনফ্রাস্ত্রকচরদা ইনভেস্ত তৌগদবনি।" অনৌবা ইনফ্রাস্ত্রকচর শেমগৎপদা রেজিলিএন্ত অসি ফেক্তর ওইগদবনি অমসুং মসি দিজাস্তর মতুংদা অমুক হন্না শেমগৎপদা শরুক অমা ওইগদবনি হায়না মহাক্না অকনবা ৱাফম থমখি। প্রধান মন্ত্রীনা হায়খি মদুদি দিজাস্তর অমা থোকখ্রবা মতুংদা রিলিফ অমসুং রিহেবিলিতেসন পাঙথোক্লবা মতুংদা ইনফ্রাস্ত্রকচরদা রেজিলিএন্তগী মায়কৈদা মীৎয়েং চংবা মথৌ তাই।

মহৌশা অমসুং দিজাস্তরগী ঙমখৈ লৈতে হায়বা ৱাফম থম্লদুনা প্রধান মন্ত্রীনা হায়খি মদুদি দিজাস্তর অমসুং অৱাবশিংনা ইন্তরকন্নেক্তেদ ওইবা মালেম অসিদা পাক-শন্না শাফু পীরি। লৈবাক খুদিংমক্না অমমমতা রেজিলিএন্ত ওইরবা খক্তদা মালেম্না পুন্না রেজিলিএন্ত ওইবা ঙমগনি হায়না পি.এম. মোদীনা হায়খি। মহাক্না শিয়র তৌরিবা রিস্কশিংগী মতুং ইন্না শিয়র তৌরিবা রেজিলিএন্তগী মরুওইবা অদু পনখি অমসুং CDRI অমসুং কনফরেন্স অসিনা মালেম অসিনা অপুনবা মিসন অসিগীদমক পুনশিল্লকপদা মতেং পাংগনি হায়খি।

 “অপুনবগী রেজিলিএন্ত ফংনবগীদমক, ঐখোয়না খ্বাইদগী শোত্থরবশিংদা মতেং পাংগদবনি” হায়না প্রধান মন্ত্রীনা ফোঙদোকখি। দিজাস্তরগী খুদোংচাদবা য়াম্না লৈবা অপীকপা ইথৎ চাউখৎলক্লিবা রাজ্যশিংগী মতাংদা পল্লদুনা, প্রধান মন্ত্রী মোদীনা অসিগুম্বা মফম 13দা প্রোজেক্তশিং শেল থাদনবা CDRIগী প্রোগ্রাম অমগী মতাংদা মহাক্না পনখি। মহাক্না দোমিনিকাদা রেজিলিএন্ত হাউজিং, পাপুয়া ন্যু গিনিদা রেজিলিএন্ত ত্রান্সপোর্ত নেৎৱার্ক, দোমিনিকন রিপব্লিক অমসুং ফিজিদা আর্লি ৱার্নিং সিস্তেম হেনগৎহনবগী খুদমশিং পনখি। CDRIনা গ্লোবেল সাউথতা মীৎয়েং থম্লিবা অসিদা মহাক্না নুংঙাইবা ফোংদোকখি।

প্রধান মন্ত্রীনা G20গী ভারতকী প্রসিদেন্সীগী মতমদা ফাইনান্সিংবু মরু ওইনা লৌবগা লোয়ননা দিজাস্তর রিস্ক রিদক্সন ৱার্কিং গ্রুপ অমা শেমখিবগী থৌরম অদু নীংশিংখি অমসুং হায়খি মদুদি অসিগুম্বা খোংথাংশিং অসিনা CDRIগী গ্রোথকা লোয়ননা রেজিলিএন্ত ওইবা তুংলমচৎ অমদা মালেমবু পুখৎকন। মহাক্না ৱারোল পীবা লোইশিনবদা লাক্কদৌরিবা নুমিৎ অনি অসিদা ICDRIদা পাঙথোক্কদৌরিবা খন্ন-নৈনবশিং অসি মপুং ফানা পাঙথোক্কনি হায়না থাজবা থমখি।

Sharing my remarks at the International Conference on Disaster Resilient Infrastructure.https://t.co/wqYNarb3x4

— Narendra Modi (@narendramodi) April 24, 2024

*****

DS/TS