‘লোকসভা নিৰ্বাচন ২০২৪’-ৰ তৃতীয় পৰ্যায়ত ১২ খন ৰাজ্য/কেন্দ্ৰীয় শাসিত অঞ্চলৰ ১৩৫১ গৰাকী প্ৰাৰ্থীয়ে নিৰ্বাচনত প্ৰতিদ্বন্দ্বিতা আগবঢ়াব। ইয়াৰ ভিতৰত নিৰ্বাচন স্থগিত ৰখা মধ্য প্ৰদেশৰ ২৯ নং বেতুল (অনুসূচিত জনজাতিৰ বাবে সংৰক্ষিত) সংসদীয় সমষ্টিত প্ৰতিদ্বন্দ্বিতা আগবঢ়োৱা ৮ গৰাকী প্ৰাৰ্থীও আছে। তদুপৰি, গুজৰাটৰ চুৰাট সংসদীয় সমষ্টিৰ এগৰাকী প্ৰাৰ্থী বিনা প্ৰতিদ্বন্দ্বিতাৰে নিৰ্বাচিত হৈছে। ১২ খন ৰাজ্য/কেন্দ্ৰীয় শাসিত অঞ্চলৰ বাবে প্ৰাৰ্থিত্ব প্ৰত্যাহাৰৰ অন্তিম তাৰিখ আছিল ২২ এপ্ৰিল, ২০২৪।

‘লোকসভা নিৰ্বাচন ২০২৪’-ৰ বাবে ‘তৃতীয় পৰ্যায়’ত নিৰ্বাচন অনুষ্ঠিত হ'ব লগা ১২ খন ৰাজ্য/কেন্দ্ৰীয় শাসিত অঞ্চলত ৯৫টা সংসদীয় সমষ্টিৰ (২৯নং-বেতুলসহ) বাবে মুঠ ২৯৬৩ খন মনোনয়ন দাখিল কৰা হৈছিল। ১২ খন ৰাজ্য/কেন্দ্ৰীয় শাসিত অঞ্চলৰ তৃতীয় পৰ্যায়ৰ নিৰ্বাচনৰ বাবে মনোনয়ন দাখিল কৰাৰ অন্তিম তাৰিখ আছিল ১৯ এপ্ৰিল, ২০২৪। দাখিল কৰা সকলো মনোনয়ন প্ৰপত্ৰ পৰীক্ষাৰ পিছত ১৫৬৩ খন মনোনয়ন প্ৰপত্ৰ বৈধ বুলি স্বীকৃত হৈছে।

তৃতীয় পৰ্যায়ত অনুষ্ঠিতব্য গুজৰাটৰ ২৬টা সংসদীয় সমষ্টিত সৰ্বাধিক ৬৫৮ খন মনোনয়ন প্ৰ-পত্ৰ দাখিল কৰাৰ বিপৰীতে মহাৰাষ্ট্ৰৰ ১১টা সমষ্টিত দাখিল কৰা হৈছিল ৫১৯ খন মনোনয়ন প্ৰ-পত্ৰ। মহাৰাষ্ট্ৰৰ ৪০ নং ওচমানাবাদ সংসদীয় সমষ্টিত সৰ্বাধিক ৭৭খন মনোনয়ন প্ৰ-পত্ৰ দাখিল কৰাৰ বিপৰীতে ছত্তীশগড়ত ৫নং বিলাসপুৰ সমষ্টিত দাখিল কৰা মনোনয়ন পত্ৰৰ সংখ্যা হৈছে ৬৮খন।

‘লোকসভা নিৰ্বাচন ২০২৪’-ৰ ‘তৃতীয় পৰ্যায়’ৰ বাবে ৰাজ্য/কেন্দ্ৰীয় শাসিত অঞ্চল ভিত্তিক বিৱৰণ:

***************

DK/RP/KB