18ನೇ ಮುಂಬೈ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವ  (ಎಂಐಎಫ್ ಎಫ್ - MIFF) ಜೊತೆಗೆ ಆಯೋಜಿಸಲಾಗುತ್ತಿರುವ ಮೊದಲ ಸಾಕ್ಷ್ಯಚಿತ್ರ  ಬಜಾರ್  ಗಾಗಿ ಯೋಜನೆಗಳ ಸಲ್ಲಿಕೆ ದಿನಾಂಕಗಳನ್ನು ವಿಸ್ತರಿಸುವುದಾಗಿ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಪ್ರಕಟಿಸಿದೆ. ದೇಶದ ಭೌಗೋಳಿಕವಾಗಿ ದೂರದ ಪ್ರದೇಶಗಳಲ್ಲಿ ಕೆಲಸ ಮಾಡುವ ಚಲನಚಿತ್ರ ನಿರ್ಮಾಪಕರು ಯೋಜನೆಗಳನ್ನು ಸುಲಭವಾಗಿ ಸಲ್ಲಿಸಲು ಮಾರ್ಚ್ 31, 2024 ರ ಹಿಂದಿನ ಗಡುವನ್ನು ಏಪ್ರಿಲ್ 10, 2024 ರವರೆಗೆ ವಿಸ್ತರಿಸಲಾಗಿದೆ.
 
ಬಜಾರ್ 16 ರಿಂದ 18 ಜೂನ್ 2024 ರವರೆಗೆ ಮುಂಬೈನಲ್ಲಿ ನಡೆಯಲಿದೆ. ಸಾಕ್ಷ್ಯಚಿತ್ರ  ಬಜಾರ್  (ಡಾಕ್ ಫಿಲ್ಮ್ ಬಜಾರ್) ಚಲನಚಿತ್ರ ನಿರ್ಮಾಣ, ನಿರ್ಮಾಣ ಮತ್ತು ವಿತರಣೆಯಲ್ಲಿ ಪ್ರತಿಭೆಯನ್ನು ಪ್ರದರ್ಶಿಸುವ  ಸಾಕ್ಷ್ಯಚಿತ್ರ, ಕಿರುಚಿತ್ರಗಳು ಮತ್ತು ಅನಿಮೇಷನ್ ವಿಷಯವನ್ನು ಉತ್ತೇಜಿಸಲು ಮತ್ತು ಬೆಂಬಲಿಸಲು ವಿನ್ಯಾಸಗೊಳಿಸಲಾದ ಈ ರೀತಿಯ ಮೊದಲ ಸಮಗ್ರ ವೇದಿಕೆಯಾಗಿದೆ.
ಸಾಕ್ಷ್ಯಚಿತ್ರ  ಬಜಾರ್  ನ ಪ್ರಮುಖ ವಿಭಾಗಗಳು ಡಾಕ್ ಕೋ-ಪ್ರೊಡಕ್ಷನ್ ಮಾರ್ಕೆಟ್ (ಡಾಕ್ ಸಿಪಿಎಂ), ಡಾಕ್ ವ್ಯೂಯಿಂಗ್ ರೂಮ್ (ಡಾಕ್ ವಿಆರ್) ಮತ್ತು ಡಾಕ್ ವರ್ಕ್-ಇನ್-ಪ್ರೋಗ್ರೆಸ್ ಲ್ಯಾಬ್ (ಡಾಕ್ ವಿಐಪಿ) ಗಳನ್ನು ಒಳಗೊಂಡಿರುತ್ತದೆ, ಇದಕ್ಕಾಗಿ ಚಲನಚಿತ್ರ ನಿರ್ಮಾಪಕರು ತಮ್ಮ ಚಲನಚಿತ್ರಗಳನ್ನು ಸಲ್ಲಿಸಲು ಆಹ್ವಾನಿಸಲಾಗಿದೆ. ಡಾಕ್ ಸಹ-ನಿರ್ಮಾಣ ಮಾರುಕಟ್ಟೆ (ಸಿಪಿಎಂ)ಯು ವಿಶ್ವದ ಚಲನಚಿತ್ರ   ಕ್ಷೇತ್ರದವರಿಂದ ಕಲಾತ್ಮಕ ಮತ್ತು ಆರ್ಥಿಕ ಬೆಂಬಲವನ್ನು ಹುಡುಕಲು  ಇರುವ ಪ್ರತ್ಯೇಕವಾಗಿ ವಿನ್ಯಾಸಗೊಳಿಸಲಾದ ವೇದಿಕೆಯಾಗಿದೆ. ಇದು ಜಾಗತಿಕವಾಗಿ ಚಲನಚಿತ್ರ ನಿರ್ಮಾಪಕರು ಮತ್ತು ನಿರ್ಮಾಪಕರಾಗುವಂಥವರು ಅಥವಾ ಸಹ-ನಿರ್ಮಾಪಕರ ನಡುವಿನ ಪಾಲುದಾರಿಕೆಯನ್ನು ಸುಲಭಗೊಳಿಸುವ ಒಂದು ವಿಭಾಗವಾಗಿದೆ. ಇದು ಸಹಯೋಗ, ಸಹ-ನಿರ್ಮಾಣ ಮತ್ತು ಸಾಕ್ಷ್ಯಚಿತ್ರ ಮತ್ತು ಅನಿಮೇಷನ್ ಚಲನಚಿತ್ರ ಯೋಜನೆಗಳಿಗೆ ಆರ್ಥಿಕ ನೆರವಿನ  ಅವಕಾಶಗಳಿಗೆ ವೇದಿಕೆಯನ್ನು ಒದಗಿಸುತ್ತದೆ.

ಚಲನಚಿತ್ರ ನಿರ್ಮಾಪಕರು ತಮ್ಮ ಯೋಜನೆಗಳನ್ನು ಮುಂದಕ್ಕೆ ಕೊಂಡೊಯ್ಯಬಹುದು ಮತ್ತು ದೇಶದ ಮತ್ತು ಅಂತರಾಷ್ಟ್ರೀಯ ಮಟ್ಟಗಳಿಂದ ಹಣಕಾಸಿನ ನೆರವು ಮತ್ತು ಬೆಂಬಲದ ಮಾರ್ಗಗಳನ್ನು ಅನ್ವೇಷಿಸಬಹುದು. ಡಾಕ್ಯುಮೆಂಟರಿ ಸಹ-ನಿರ್ಮಾಣ ಮಾರುಕಟ್ಟೆಯಿಂದ ಆಯ್ದ ಪ್ರಾಜೆಕ್ಟ್ ಗಳು ತಮ್ಮ ಪ್ರಾಜೆಕ್ಟ್ಗಳನ್ನು ಓಪನ್ ಪಿಚ್ ಸೆಷನ್ ನಲ್ಲಿ ಪ್ರಸ್ತುತಪಡಿಸಲು ಅವಕಾಶವನ್ನು ಹೊಂದಿರುತ್ತಾರೆ ಮತ್ತು ನಿರ್ಮಾಪಕರು, ವಿತರಕರು ಮತ್ತು ಹಣಕಾಸುದಾರರೊಂದಿಗೆ  ಖುದ್ದಾಗಿ ನಡೆಸುವ ಮಾತುಕತೆಗಳಿಗೆ ಮೀಸಲಾದ ಸ್ಥಳವನ್ನು ಹೊಂದಿರುತ್ತಾರೆ. ವೀಕ್ಷಣಾ ಕೊಠಡಿ (VR) ಚಲನಚಿತ್ರ ನಿರ್ಮಾಪಕರು ತಮ್ಮ ಸಾಕ್ಷ್ಯಚಿತ್ರಗಳು, ಕಿರುಚಿತ್ರಗಳು ಮತ್ತು ಅನಿಮೇಷನ್ ಚಲನಚಿತ್ರಗಳನ್ನು ಪ್ರದರ್ಶಿಸಲು ಒಂದು ವೇದಿಕೆಯಾಗಿದೆ. ಇದು ನಿರ್ಬಂಧಿತ ಸ್ಥಳವಾಗಿದ್ದು, ನೋಂದಾಯಿತ ಪ್ರತಿನಿಧಿಗಳಿಗೆ ಚಿತ್ರಗಳ ಆರಿಸಿದ ಆಯ್ಕೆಯನ್ನು ವೀಕ್ಷಿಸಲು ಅನುಮತಿಸಲಾಗಿದೆ ಮತ್ತು ಜಾಗತಿಕ ಮಾರಾಟ, ವಿತರಣಾ ಪಾಲುದಾರರು, ಸಹ-ನಿರ್ಮಾಪಕರು,  ಮುಚ್ಚುವ ನಿಧಿಗಳು (ಫಿನಿಶಿಂಗ್ ಫಂಡ್) ಮತ್ತು ಚಲನಚಿತ್ರೋತ್ಸವಗಳಲ್ಲಿ ಪ್ರದರ್ಶನವನ್ನು ಬಯಸುವ ಚಲನಚಿತ್ರಗಳಿಗೆ ಈ ವೇದಿಕೆಯು ಸೂಕ್ತವಾಗಿದೆ.

ವರ್ಕ್-ಇನ್-ಪ್ರೋಗ್ರೆಸ್ ಲ್ಯಾಬ್ (WIP) ಒಂದು ರಫ್-ಕಟ್ ಹಂತದಲ್ಲಿ ಚಲನಚಿತ್ರಗಳಿಗೆ ಮುಚ್ಚಿದ ಬಾಗಿಲ ಪ್ರಯೋಗಾಲಯವಾಗಿದ್ದು, ಆಯ್ಕೆಯಾದ ಯೋಜನೆಯ ಪ್ರತಿನಿಧಿಗಳು ಮಾರ್ಗದರ್ಶನ, ಅಭಿಪ್ರಾಯ, ಪ್ರತಿಕ್ರಿಯೆ ಮತ್ತು ಉದ್ಯಮದ ವೃತ್ತಿಪರರೊಂದಿಗೆ ಸಂವಹನ ನಡೆಸಲು ಅವಕಾಶವನ್ನು ಪಡೆಯುತ್ತಾರೆ. ಪ್ರಯೋಗಾಲಯವು 30 ನಿಮಿಷಗಳಿಗಿಂತ ಹೆಚ್ಚಿನ ಅವಧಿಯ ಸಾಕ್ಷ್ಯಚಿತ್ರ ಮತ್ತು ಅನಿಮೇಷನ್ ಚಲನಚಿತ್ರಗಳಿಗೆ ಮಾತ್ರ ತೆರೆದಿರುತ್ತದೆ.  ಇದರ ಒಂದೇ ಮಾನದಂಡವೆಂದರೆ ಸಲ್ಲಿಸಬೇಕಾದ ಚಲನಚಿತ್ರವು ಅದರ ರಫ್-ಕಟ್ ಹಂತದಲ್ಲಿರಬೇಕು ಅಥವಾ ಅಂತಿಮ ಸಂಕಲನದ  ಮೊದಲು ಮತ್ತು ಚಲನಚಿತ್ರವು ಡಿಐ ಅಥವಾ ಅಂತಿಮ ಧ್ವನಿ ವಿನ್ಯಾಸದಂತಹ ಪೋಸ್ಟ್ ಪ್ರೊಡಕ್ಷನ್ ಪ್ರಕ್ರಿಯೆಗಳೊಂದಿಗೆ ಪ್ರಾರಂಭವಾಗಿರಬಾರದು.

ಉಪಕ್ರಮದ ಬಗ್ಗೆ ಮಾತನಾಡುತ್ತಾ, ಜಂಟಿ ಕಾರ್ಯದರ್ಶಿ (ಚಲನಚಿತ್ರ) ಮತ್ತು ಎನ್ ಎಫ್ ಡಿಸಿ ಎಂ.ಡಿ, ಶ್ರೀ. ಪೃಥುಲ್ ಕುಮಾರ್ ಮಾತನಾಡಿ, "ಡಾಕ್ ಫಿಲ್ಮ್ ಬಜಾರ್ನ ಮುಖ್ಯ ಗಮನವು ಅಂತರರಾಷ್ಟ್ರೀಯ ಮಟ್ಟದಲ್ಲಿ ನೈಜವಾದ ಮತ್ತು ಬಲವಾದ ಕಥೆಗಳನ್ನು ಪ್ರದರ್ಶಿಸುವ ಅವಕಾಶಗಳಿಗೆ ಪ್ರವೇಶಾವಕಾಶವನ್ನು ಒದಗಿಸುವುದು. ಈ ವೇದಿಕೆಯು ಚಲನಚಿತ್ರ ನಿರ್ಮಾಪಕರು ಪ್ರಸ್ತುತ ಪ್ರವೃತ್ತಿಗಳು, ಮಾರುಕಟ್ಟೆ ಬೇಡಿಕೆಗಳು, ವಿತರಣಾ ತಂತ್ರಗಳು ಮತ್ತು ಪ್ರೇಕ್ಷಕರಿಗೆ ಮೌಲ್ಯಯುತವಾದ ಒಳನೋಟಗಳನ್ನು ಪಡೆಯಲು ಸಹಾಯ ಮಾಡುತ್ತದೆ.  ಡಾಕ್ ಫಿಲ್ಮ್ ಬಜಾರ್ ಆಯ್ದ ಪ್ರಾಜೆಕ್ಟ್ ಗಳಿಗೆ ಉದ್ಯಮದ ತಜ್ಞರು ಮತ್ತು ಅನುಭವಿ ಚಲನಚಿತ್ರ ನಿರ್ಮಾಪಕರಿಂದ ಅಮೂಲ್ಯವಾದ ಪ್ರತಿಕ್ರಿಯೆ, ಒಳನೋಟಗಳು ಮತ್ತು ಸಲಹೆಗಳನ್ನು ಸ್ವೀಕರಿಸಲು ಅನುವು ಮಾಡಿಕೊಡುತ್ತದೆ, ಜೊತೆಗೆ ಅವರ ಚಲನಚಿತ್ರಗಳನ್ನು ಖರೀದಿಸಲು ಅಥವಾ ಯೋಜನೆಗಳನ್ನು ಪೂರ್ಣಗೊಳಿಸಲು ಅವರಿಗೆ ಸಹಾಯ ಮಾಡುವ ಸಹಯೋಗಿಗಳನ್ನು ಹುಡುಕಲು ಅವರಿಗೆ ಹೆಚ್ಚು ಅಗತ್ಯವಿರುವ ಅವಕಾಶವನ್ನು ನೀಡುತ್ತದೆ. "

ಯೋಜನೆಗಳ ಸಲ್ಲಿಕೆ ಪ್ರಕ್ರಿಯೆಯ ಕುರಿತು ಹೆಚ್ಚಿನ ವಿವರಗಳು  ಈ ಜಾಲತಾಣದಲ್ಲಿ ಲಭ್ಯವಿದೆ. http://www.miff.in

*****