ইনফোর্মেসন অমসুং ব্রোদকাস্তিং মন্ত্রালয়না, ১৮শুবা মুম্বাই ইন্তরনেস্নেল ফিল্ম ফেস্তিবেল (MIFF)কা লোয়ননা পাঙথোক্কদৌরিবা অহানবা দোক ফিল্ম বজারগী প্রোজেক্তশিং থাজিল্লকপগী অরোয়বা মতম শাংদোক্লে হায়না লাউথোকখ্রে‍। মমাঙদা মার্চ ৩১, ২০২৪ ওইরম্বা অরোয়বা মতম অদু, লৈবাকসিগী মনুং হঞ্জিনবা মফমশিংদা থবক তৌরিবা ফিল্মমেকরশিংনা প্রোজেক্তশিং থাজিল্লকপদা কোমহন্নবগগীদমক এপ্রিল ১০, ২০২৪ ফাওবা শাংদোকখ্রে‍।

বজার অসি মুম্বাইদা জুন ১৬তগী ১৮, ২০২৪ ফাওবা পাঙথোক্কনি‍। দোক ফিল্ম বজার অসিনা ফিল্মমেকিং, প্রদক্সন অমসুং দিস্ত্রিব্যুসনগী হৈশিংবশিং উৎলিবা দোকুমেন্তরী, সোর্ত ফিল্ম অমসুং এনিমেসন কন্তেন্তশিং য়োকখৎনবা অমসুং ঙাক্লৌ পীননবা শেম শারবা অসিগুম্বা মখলগী অহানবা মপুং ফাবা ফম্পাক অমা ওইননবা পান্দম থম্লি‍।

দোক ফিল্ম বজারগী মরুওইবা শরুকশিংদা দোক কো-প্রদক্সন মার্কেৎ (Doc CPM), দোক ভিউৱিং রুম (Doc VR)) অমসুং দোক ৱর্ক-ইন-প্রোগ্রেস লেব (Doc WIP) য়াওরি, মসিগীদমক ফিল্মমেকরশিংগী মফমদা মখোয়গী ফিল্মশিং থাজিল্লক্নবা ৱাফম থম্লি‍। দোক কো-প্রদক্সন মার্কেৎ (CPM) অসি মালেমগী ফিল্ম তাইবঙদগী আর্তিস্তিক অমসুং শেলথুমগী ঙাক্লৌ ফংননবা অখন্ননা শেম-শারবা ফম্পাক অমনি‍। মসি মালেমগী ওইবা থাক্তা ফিল্মমেকরশিং অমসুং মতিং লৈবা প্রদ্যুসর নৎত্রগা কো-প্রদ্যুসরশিংগী মরক্তা খোঙবু ওইবগী মরী শেমগৎনবা শরুক অমনি‍। মসিনা দোকুমেন্তরী অমসুং এনিমেসন ফিল্ম প্রোজেক্তশিংগী কোলাবোরেসন, কো-প্রদক্সন অমসুং ফন্দিংগী খুদোংচাবশিংগী ফম্পাক অমা পীরি‍।

ফিল্মমেকরশিংনা মখোয়গী প্রোজেক্তশিং পাউদম্বা অমসুং লমদমসিগী অমদি মালেমগী থাক অনিমক্তগী শেলথুমগী ঙাক্লৌ অমসুং খুৎশম্ননা চৎমিন্নবগী খুদোংচাবশিং থিবা য়াগনি‍। দোক কো-প্রদক্সন মার্কেত্তগী খনগৎলবা প্রোজেক্তশিংনা ওপন পিতচ সেসন্দা মখোয়গী প্রোজেক্তশিং পাউদম্নবা খুদোংচাবা ফংগনি লোয়ননা প্রদ্যুসর, দিস্ত্রিব্যুতর অমসুং ফাইনান্সিয়রশিংগা অমমমতা ওইবা মীফম পাঙথোক্নবগী অখন্নবা মফমসু ফংগনি‍। ভিউৱিং রুম (VR) অসি ফিল্মেকরশিংনা মখোয়গী দোকুমেন্তরী, সোর্ত অমসুং এনিমেসন ফিল্মশিং উত্থোক্নবগী ফম্পাক অমনি‍। মসি নীংথিনা খনগৎলবা ফিল্মশিং য়েংনবগীদমক রেজিস্তর তৌরবা দেলিগেৎশিংখক্তনা চঙবা য়াবা অথিংবা লৈবা মফম অমনি লোয়ননা ফম্পাক অসি মালেমগী ওইনা য়োন্নবা, য়েন্থোক্নবা খোঙবু, কো-প্রদ্যুসর, লোইশিন্নবা ফন্দ অমসুং ফিল্ম ফেস্তিবেলশিংদা স্ক্রীনিং তৌনবগীদমক তান্নরিবা ফিল্মশিংগী চুনবা ফম্পাক অমনি‍।

ৱর্ক-ইন-প্রোগ্রেস লেব (WIP) অসি খনগৎলবা মীহুৎশিংনা মেন্তরসিপ, ফীদবেক অমসুং ইন্দস্ত্রী প্রোফেস্নেলশিংগা ৱারী ৱাতায় শানবগী খুদোংচাবা ফংগদবা রব-কৎ থাক্তা লৈরিবা ফিল্মশিংগী ক্লোজ দোর লেব অমনি‍। লেব অসি মিনত ৩০ হেন্না শাংবা দোকুমেন্তরী অমসুং এনিমেসন ফিল্মশিংখক্তদা ফংহনগনি‍। মসিদা লৈরিবা ক্রাইতিরিয়া হায়ববু থাজিল্লক্কদৌরিবা ফিল্ম অদু রব-কৎ থাক্তা নৎত্রগা অরোয়বগী ইদিৎকী মমাঙগী থাক্তা লৈগদবনি অমদি ফিল্ম অদু DI নৎত্রগা অরোয়বগী সাউন্দ দিজান্নচিংবা পোস্ত প্রদক্সন থৌওংনা হৌরোইদবনি‍।

থৌরাংসিগী মরমদা পাউদম্লদুনা, জোইন্ত সেক্রেতরী (ফিল্ম) অমসুং MD, NFDC, শ্রী প্রিথুল কুমারনা হায়খি, “দোক ফিল্ম বজারনা মরুওইবা মীৎয়েঙ থম্লিবসি মালেমগী থাক্তা তশেং তশেংবা অমসুং পুক্নিং চিংশিনবা ঙম্বা ৱারীশিং উৎপা খুদোংচাবশিং ফংহনবনি‍। ফম্পাক অসিনা ফিল্মমেকরশিংগী মফমদা হৌজিক চৎনরিবা মচৎ, কৈথেলগী দিমান্দ, দিস্ত্রিব্যুসনগী লাল্লোং অমসুং অয়েঙবশিংগী প্রিফরেন্সশিংদা মমল য়াম্লবা মীৎয়েঙ ফংহনবদা মতেঙ পাংগনি‍। দোক ফিল্ম বজারনা খনগৎলবা প্রোজেক্তশিংদা মমল নাইদ্রবা ফীদবেক, ইন্দস্ত্রী এক্সপর্ত অমসুং এক্সপরিএন্স লৈরবা ফিল্মমেকরশিংদগী মীৎয়ঙ অমসুং পাউতাক ফংহনবা ঙমহনবগা লোয়ননা মখোয়দা মখোয়গী ফিল্মশিং লৈবা ঙমগদবা নৎত্রগা মখোয়গী প্রোজেক্তশিং মপুং ফাহনবা ঙমগদবা কোলাবোরেতরশিং ফংননবগী মথৌ তাবা খুদোংচাবশিং ফংহনগনি‍।

থাজিনবগী থৌওংগী অহেনবা অকুপ্পা ৱারোলশিং MIFF ৱেবসাইত www.miff.in তা ফংগনি‍।

***