সিভিল সর্ভিসকী হ্যুমেন রিসোর্স দিবেলপমেন্তগী লমদা কম্বোদিয়াগী সিভিল সর্ভিস মন্ত্রালয়গা তেংবাং পীননবা পর্সনেল, পব্লিক এদমিনিস্ত্রেসন এন্দ পেনসন্স মন্ত্রালয়গী মখাদা লৈরিবা দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রীভান্সেস (DARPG)গা ঙসি মেমোরেন্দম ওফ অন্দরস্তেন্দিং অমা খুৎয়েক পীনখ্রে। MoU অসি মথংগী চহি 05দা সিভিল সর্ভিসেসকী হ্যুমেন রিসোর্স দিবেলপমেন্তগী লমদা ভারত অমসুং কম্বোদিয়াগী মরক্তা লৈনরিবা অফবা অমসুং মরুপ ওইবগী মরী হেন্না ফগৎহল্লগনি। MoU অসি কিংদম ওফ কম্বোদিয়াগী মহুৎ শিনবা উপ-প্রধান মন্ত্রী অমসুং সিভিল সর্ভিসেসকী মন্ত্রী, এক্সিলেন্সী শ্রী হুন মেনী অমসুং ভারত সরকারগী মহুৎ শিন্দুনা কিংদম ওফ কম্বোদিয়াদা লৈবা ভারতকী এম্বেসেদর দা. দেব্যানি খোব্রাগদেনা ঙসি ফনোম পেনহদা পাঙথোখকিবা থৌরম অমদা খুৎয়েক পীনখি। মপান থৌরমগী মন্ত্রালয়, কম্বোদিয়াদা লৈরিবা ভারতকী এম্বেসরী, ভারত্তা লৈরিবা কম্বোদিয়াগী এম্বেসরী অমসুং কিংদম ওফ কম্বোদিয়াগী সিভিল সর্ভিসেস মন্ত্রালয়গী মকোক থোংবা ওফিসিএলশিং, DARPGগী সেক্রেতরী, শ্রী ভি. শ্রীনিবাস, DARPGগী জোইন্ত সেক্রেতরী. এন.বি.এস. রাজপুৎ অমসুং DARPGগী দিপ্যুতী সেক্রেতরী শ্রী পার্থসারথি ভাস্করনা লন্দদা লৈবা হায় কম্মিসন ওফ ইন্দিয়াদগী থৌরম অসিদা শরুক য়াখি।

থৌরম অদুদা ৱা ঙাংলদুনা DARPGগী সেক্রেতরী, শ্রী ভি. শ্রীনিভাসনা হায়খি মদুদি MoU অসিনা লৈবাক অনিগী মরক্তা সিভিল সর্ভিসেসকী হ্যুমেন রিসোর্স দিবেলপমেন্তকী লমদা মপাঙ্গল কনখৎহন্নবা অমসুং মতেং পীনবদা মিৎয়েং থমগনি। মসিনা ভারতকী পর্সনেল এদমিনিস্ত্রেসন এজেন্সীশিং অমসুং কম্বোদিয়াগী সিভিল সর্ভিস মন্ত্রালয়গী এজেন্সীশিংগী মরক্তা ৱারী শানবদা মতেং পাংগনি। মসি এদমিনিস্ত্রেতিব রিফোর্মশিং, অফবা গভর্নান্স ৱেবিনারশিং, রিসর্চ পব্লিকেসনশিং, ইন্সতিত্যুস্নেল একচেঞ্জশিং, কেপাসিতী বিল্দিং প্রোগ্রামশিং অমসুং অফবা গভর্নান্সকী থৌওংশিং পুথোক্তুনা এক্সচেঞ্জ ভিজিৎকী খুত্থাংদা ফংহনগনি। ভারতনা অমৃত কাল মতমগী থৌরম পাঙথোকপা মতমদা, সরকারনা প্রজা অমসুং সরকারগী মরক্তা লৈরিবা খেন্নবা অদু কোকহন্দুনা তুংগী মীরোলগী এদমিনিস্ত্রেতিব রিফোর্মশিং পায়খৎনবা অচেৎপা ৱাফম থম্লি। সরকারগী পোলিসীগী মেক্সিম অসি "মক্সিমম গভর্নান্স - মিনিমম গভর্নান্স"নি। মসিনা “দিজিতেল্লী এম্পাৱর্দ সিতিজেন অমসুং দিজিতেল্লী ত্রান্সফোর্ম ইন্সতিত্যুসন”গী পান্দম থম্মি।  

2023-24দা, কম্বোদিয়ন সিভিল সর্ভেন্ত 156না নেস্নেল সেন্তর ওফ গুদ গবর্নান্সতা কেপাসিতী বিল্দিং প্রোগ্রাম 4দা শরুক য়াখি। 2024-25ফাওবদা, কেপাসিতি বিল্দিং প্রোগ্রাম 6তা কম্বোদিয়ন সিভিল সর্ভেন্ত 240গীদমক থৌরাং তৌখ্রে। ভারতনা MOU গী প্রোভিজন পুম্নমক মতম চানা মপুং ফাহনবা ৱাশক্লি।

****