جسٹس ریتو راج اوستھی نے لوک پال کے جوڈیشل ممبر کے طور پر حلف لیا ۔ ہندوستان کے لوک پال کے چیئرپرسن جسٹس اے ایم کھانولکر نے  انہیں حلف  دلایا۔

جناب پنکج کمار اورجناب اجے ٹرکی نے لوک پال کے رکن کے طور پر حلف لیا۔ حلف برداری کی تقریب آج نئی دہلی میں واقع ہندوستان  کے لوک پال کے دفتر میں منعقد کی گئی۔

نئی تقرریاں دو موجودہ جوڈیشل ممبران جسٹس پی کے موہنتی اور جسٹس ابھیلاشا کماری کے طور پر ہوئیں اور تین ممبران جناب ڈی کے جین، محترمہ ارچنا راماسندرم اور جناب مہندر سنگھ نے 26 مارچ 2024 کو لوک پال میں اپنی مدت پوری کر لی ہے۔

جسٹس ریتو راج اوستھی، جوڈیشل ممبر، لوک پال آف انڈیا کے طور پر شامل ہونے سے پہلے، ہندوستان کے 22ویں لاء کمیشن کے چیئرپرسن کے طور پر خدمات انجام دے رہے تھے۔ اس سے پہلے وہ کرناٹک ہائی کورٹ کے چیف جسٹس تھے۔

جناب پنکج کمار گجرات کیڈر کے 1986 بیچ کے آئی اے ایس افسر ہیں۔ ہندوستان کے لوک پال کے رکن کے طور پر شامل ہونے سے پہلے، وہ گجرات کے چیف سکریٹری کے طور پر خدمات انجام دے رہے تھے۔

جناب اجے ٹرکی مدھیہ پردیش کیڈر کے 1987 بیچ کے آئی اے ایس افسر ہیں۔ ہندوستان کے لوک پال کے رکن کے طور پر شامل ہونے سے پہلے، وہ حکومت ہند کے لینڈ ریسورس کے محکمے کے سکریٹری کے طور پر خدمات انجام دے رہے تھے۔

جناب  پروین کمار سریواستو، سینٹرل ویجیلنس کمشنر اور سی بی آئی اور ای ڈی کے دیگر سینئر افسران نے بھی تقریب میں شرکت کی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ت ع  (

6353