চহিচা কয়াদগী ভারত অমসুং ভুতাননা অমনা অমবু থাজবা, অফবা মংলান অমসুং খঙমিন্নবগী মরীদা য়ুম্ফম ওইদুনা অচেৎপা মরী থমদুনা অমসুং মতেং পাংনদুনা লাক্লি। ঐখোয়গী কলচরেল লিঙ্কশিং অমসুং মান্নবা জিওগ্রাফি অসিনা ঐখোয়বু শম্নহল্লি। মপাঙ্গল কনবা শেন্মিৎলোন অমসুং শেল-থুমগী মরীশিংনা ঐখোয়বু শম্নহল্লি। ভারত অমসুং ভুতানগী মীয়ামগী মরক্তা লৈনরিবা অচেৎপা মরুপ-মপাং ওইবগী মরী অসিনা ঐখোয়গী মরুপ-মপাং ওইবগী মরী অসিগী মরু ওইবা ওইরি। ঐখোয়গী লৈবাক অনিগী মরক্তা লৈনরিবা মরী অসি অখন্নবা য়ুম্লোন্নবগী মরীগী খুদম অমনি।

ঐখোয়গী লৈবাক অনিগী মরক্তা লৈরিবা অচেৎপা মরী অসি ঐখোয়গী মান্নবা ভেল্যুশিংগা লোয়ননা ঐখোয়গী শিয়র কলচরেল অমসুং স্পিরিচুএল হেরিতেজতা য়ুম্ফম ওইরি। ভুতানগী মথং মথং লাক্লিবা দ্রুক গ্যালপোশিং অমসুং ভারত অমসুং ভুতানগী রাজনিতীগী লুচিংবশিংগী ৱাখল্লোন্না মখোঙ শোমদুনা ভারতনা ভুতানগীদমক অমসুং ভুতাননা ভারতকীদমক হায়বা অসি লমদম অসিগী ঙাক্না চৎলিবা মরী অদুনি।

ঐখোয়গী লৈবাক অনিগী মরক্তা লৈরিবা ঐখোয়গী মুচ্যুএল সেক্যুরিতীগা মরী লৈনবা কোওপরেসন অসিদা ঐখোয়না অপেনবা পোকই। ঐখোয়গী নেস্নেল ইন্তরেস্তশিংগা মরী লৈনবা হীরমশিংদা খুৎশম্ননা চৎমিন্নবা অমসুং তেংবাং পীনবদা ঐখোয়না য়ানরে।

ঐখোয় পুন্না, ঐখোয়গী তোপ তোপ্পা অমসুং অখন্নবা মরীশিং অসি খুমাং চাউশিলহন্নবা, অহোংবা পুরক্কদবা পার্তনরশিপ অমদা ঐখোয়না চংশিনগনি। মসিদা রেল লিঙ্কশিং, লম্বীশিং, নোংথক, ঈশিং লম্বীশিং, পোৎলমশিং অমসুং সর্ভিসশিংগী অপনবা লৈতবা ক্রোদ-বোর্দর মুফমেন্তগীদমক ত্রেদ ইনফ্রাস্ত্রকচর, ইকোনোমিক অমসুং দিজিতেলগী ওইবা কনেক্তিবিতীগী খ্বাইদগী পাক চাউবা মওংদা ফিজিকেল কনেক্তিবিতী প্রমোৎ তৌবা য়াওরি।

1961দা ভুতানগী অহানবা চহি মঙাগী থৌরাং হৌরকপদগী, ভুতানগা লোয়ননা ভারতকী দিবেলপমেন্ত পার্তনরশিপ্না মীয়ামদা শক্তি পীনবা অমসুং সেক্তর অমসুং লমদম পুম্নমক্তা চাউখৎপা ফংহন্নবা হোৎনদুনা লাক্লি। ঐখোয়গী দিবেলপমেন্ত পার্তনরশিপ অসি ভারতকী 'সবকা সাথ, সবকা বিকাস, সবকা বিশ্বাস'কী এপ্রোচ অমসুং ভুতানগী গ্রোস নেস্নেল হেপ্পিনেসকী ফিলোসোফীগী অপুনবা অমনি। ঐখোয়না ভুতানগী মীয়াম অমসুং সরকারগী মরুওইবশিং অমসুং হিজ মেজেস্তীগী ভিজনগী মতুং ইন্না ঐখোয়গী দিবেলপমেন্ত পার্তনরশিপ পাকথোক চাউথোকহনখিগনি।

ঐখোয়গী ইনর্জী কোওপরেসন অসি নাকল অনিমক্না কান্নবা ফংগদবা অচেৎপা ইকোনোমিক এঙ্গেজমেন্তকী ময়েক শেংবা খুদম অমনি। ঐখোয়না হায়দ্রোপাৱর, সোলর অমসুং গ্রীন হায়দ্রোজেনগী সেক্তরশিংদা ক্লিন ইনর্জী পার্তনরশিপ পাকথোক চাউথোকহনখিগনি অমসুং তেক্নোলোজীগী মতিক-ময়াই, বিজিনেস সেক্তরগী পাকচাউবা অমসুং লমদম অসিদা ইনর্জী সেক্যুরিতী হেঙ্গৎহন্নবা লৈবাক অনিমক্কী স্কিল লৈরবা তেলেন্তশিং পুনশিন্নদুনা অনৌবা প্রোজেক্তশিং পুন্না শেমগৎখিগনি। মসিগী মতাংদা, ঐখোয়না ইন্দিয়া-ভুতান ইনর্জী পার্তনরশিপকী জোইন্ত ভিজন স্তেতমেন্তবু তরাম্না ওক্লি।

ঐখোয়গী লৈবাকশিং অসিনা দিজিতেল অমসুং তেক্নোলোজীগী ওইবা চাউনা অহোংবা পুরকপগা লোয়ননা, ঐখোয়গী পুন্না হোৎনরিবা অসি য়াম্না থুনা ইকোনোমিক গ্রোথ লৈহন্নবা অমসুং লৈবাক অনিগী মীয়ামগী য়াইফনবা তেক্নোলোজীশিং শীজিন্নবা ওইরগনি। ঐখোয়না স্পেস তেক্নোলোজী, দিজিতেল পব্লিক ইনফ্রাস্ত্রকচর, স্তার্ত-অপশিং, আর্তিফিসিএল ইন্তেলিজেন্স, ক্লিন ইনর্জী, STEM রিসর্স অমসুং এজুকেসন অমসুং দিজিতেল স্কিল দিবেলপমেন্তকী নিচ সেক্তরশিংদা ঐখোয়গী এঙ্গেজমেন্ত হেনগৎহল্লগনি।

ঐখোয়না ললোন-ইতিক অমসুং শেন-থুমগী মরীশিং, মরুওইনা প্রাইবেৎ সেক্তরগী খুত্থাংদা মপাঙ্গল কনখৎহল্লগনি। মসিগী মনুংদা গেলীফু স্পেসিএল এদমিনিস্ত্রেতিব রিজন চাউখৎহন্নবা হিজ মেজেস্তীগী ভিজনগী মতাংদা য়াওরি। মসিনা লমদম অসিদা শেন্মিৎলোনগা মরী লৈনবশিং মপাঙ্গল কনখৎহল্লগনি, ইকোনোমিক পার্তনরশিপ হেঙ্গৎহল্লগনি অমসুং ভারত অমসুং ভুতানগী মীয়াম হেন্না নকশিন্নহল্লগনি।

অফবা পিপল-তু-পিপল মরীনা ঐখোয়গী অখন্নবা লৈবাক অনিগী মরীগী য়ুম্ফম ওইরি। ঐখোয়না স্কোলরশিং, একাদেমিকশিং, তুরিস্তশিং, মহৈরোয়শিং, নহাশিং, শান্নরোইশিংগী মরক্তা লৈনরিবা মরী অসি হেনগৎহন্দুনা পিপল-তু-পিপলগী মরীশিং য়োকখৎকনি। ঐখোয়না লৈবাকশিংদা লৈরিবা মশক নাইরবা কলচরেল হেরিতেজ সাইতশিংদা মীয়াম্না চৎপা য়াওনা ঐখোয়গী স্পিরিচুএল অমসুং কলচরেল এফিনিতীশিং অসি মখা তানা মপাঙ্গল কনখৎহল্লগনি।

ঐখোয়না এজুকেসন, স্কিলিং, ওন্তপ্রেনোরশিপ, তেক্নোলোজী, স্পোর্তস অমসুং ক্রিএতিব অমসুং কলচরেল ইন্দস্ত্রীশিংগী খুত্থাংদা নহারোলশিংগী চাউখৎ থৌরাংদা মতেং পাংলিবা সেক্তরশিংদা ঐখোয়গী পার্তনরশিপ অসি খোংজেল য়াংখৎহনবগী তঙাইফদবা অদু খঙলে। ভারত-ভুতানগী পার্তনরশিপ অসিনা ঐখোয়গী নহারোলশিংগী অফবা তুংলমচৎ অমগীদমক্তা মখোয়গী মঙলান অমসুং অপাম্বশিংদা পাউখুম পীগনি।

ভারতনা মাগী পুৱারীদা অনৌবা তাঙ্কক অমা চঙশিল্লি, মসিনা অঙকপা সোসিও-ইকোনোমিক প্রোগ্রেস অমসুং তেক্নোলোজিগী খুমাং চাউশিল্লকপগী মশক তাক্লি। অমৃত কালদা 2047 ফাওবদা চাউখৎলবা লৈবাক অমা ওইনবা হোৎনরি। 2034 ফাওবগী মনুংদা ভুতান অসি হাই-ইনকম নেসন অমা ওইনবা পান্দম থম্লি অমসুং শেন্মিৎলোন চাউখৎপগী অনৌবা তাঙ্কক অমদা চংশিল্লি।  অমসুং চাউখৎপগীদমক পুন্না হোৎনরিবা অসিদা ভারত অমসুং ভুতাননা খ্বাইদগী নক্নবা মরুপ অমসুং পার্তনর ওইদুনা লৈহৌরগনি।

*********