মন্ত্রীমন্দল
ইন্দিয়া-মিদল ইস্ত য়ুরোপ ইকোনোমিক কোরিদোরগী ইম্পাৱারমেন্ত অমসুং ওপরেনসগীদমক মতেং পাংননবা ভারত অমসুং য়ুনাইতেদ অরাব ইমিরেতসকী মরক্তা ইন্তর-গভর্নমেন্তেল ফ্রেমৱার্ক এগ্রিমেন্ত লৈনবা মন্ত্রীমন্দলনা অয়াবা পীরে
Posted On:
13 MAR 2024 3:27PM by PIB Imphal
ইন্দিয়া-মিদল ইস্ত য়ুরোপ ইকোনোমিক কোরিদোর(আই এম ই সি)গী ইম্পাৱারমেন্ত অমসুং ওপরেনসগীদমক মতেং পাংননবা ফেব্রুৱারি ১৩,২০২৪ দা ভারত অমসুং য়ু.এ.ই সরকারগী মরক্তা পাংথোকখিবা অৱাংবা থাক্কী খোঙচৎ মনুংদা খুয়েক পীনখিবা ইন্তর-গভর্নমেন্তেল ফ্রেমৱার্ক এগ্রিমেন্ত(আই জি এফ এ) অদু এক্স-পোস্ত ফেক্তো ওইনা ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। ইন্তর-গভর্নমেন্তেল ফ্রেমৱার্ক এগ্রিমেন্ত(আই জি এফ এ)গী পান্দমদি লৈবাক অনিগী মরীশিং ফগৎহনবা অমসুং হিথাংফমশিং, মেরিতাইম অমসুং লোজিস্তিক্স সেক্তরদা লৈবাক অনিগী মরক্তা লৈনরিবা মরীশিং মখা তানা মপাঙ্গল কনখৎহনবনি।
তুংদা অপুনবা ওইনা শেন থাদমিন্নবগী ওইথোকপশিং খঙদোক্নবা অমসুং আই.এম.ই.সি চাউখৎহন্নবা মতেং পাংনবগী পান্দমশিংগা লোয়ননা লৈবাক অনিগী মরক্তা মতেং পাংনবা ইন্তর-গভর্নমেন্তেল ফ্রেমৱার্ক এগ্রিমেন্ত(আই জি এফ এ) দা য়াওরি।
য়ানচে অসিদা লৈবাক অনিগী মরক্তা মতেং পাংননবা অকুপ্পা ফ্রেমৱার্ক য়াওরি। মতেং পাংনবা অসি লৈবাক অনিগী মরী লৈনবা নিয়মশিং অমসুং চৎন-কাংলোনশিংগা লোয়ননা নাকল অনিনা য়ানরবা প্রিন্সিপালশিং, চৎন-কাংলোনশিং অমসুং য়ানচেশিংদা য়ুম্ফম ওইগনি।
****
(Release ID: 2014374)
Visitor Counter : 61
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam
,
Malayalam