“ঐখোয়গী লৈঙাক্না ইমুং খুদিংমক্তা মপুং ফাবা নুংঙাই য়াইফবা ফংহন্নবা ফিরেপ লৌরি, অমসুং খোঙফম অসি নুপীশিংগী হকশেল অমসুং ইকায়খুম্নবদগী হৌরি”

ছত্তিস্গরদা নুপীশিং মপাঙ্গল হাপ্নবগী অচৌবা ইনোৎ অমা ওইনা, প্রধান মন্ত্রী শ্রী নরেন্দ্র মোদীনা ঙসি মাহতরী বন্দনা য়োজনা হৌদোকখ্রে অমসুং স্কীম অসিগী মখাদ অহানবা ইন্সতোলমেন্ত থাদোকখ্রে‍। স্কীম অসি ছত্তিস্গরদা স্তেত অসিগী ইলিজিবল ওইবা ময়ুম পাল্লবী নুপীশিংবু দি.বি.তি.দা থাদা লুপা ১০০০গী শেলগী তেংবাং পীননবা হৌদোকখিবনি‍। মসিনা নুপীশিংবু শেন্মিৎলোন্দা মপাঙ্গল হাপ্নবা, মখোয়দা ফাইনেন্সিএল সিক্যুরিতী পীননবা, জেন্দর ইক্বেলিতী য়োকখৎনবা অমসুং ইমুংদা ৱারেপ লৌবদা নুপীশিংগী থৌদাং কনখৎহন্নবা মীৎয়েঙ থম্লি‍।

স্কীম অসিনা স্তেত অসিগী ময়ুম পাল্লবা, জনুৱারী ১, ২০২৪দা মশাগী চহি শুরবী ইলিজিবল ওইবী নুপী পুম্নমক্তা কান্নবা পীগনি‍। লুখ্রাবী, মপুরোইবা খাইনরবী, অমসুং হুন্দোকপিরম্লবী নুপীশিংসু স্কীম অসিগী কান্নবা লৌবা য়াগনি‍। নুপী লাখ ৭০রোম্না স্কীম অসিদগী কান্নবা ফংগনি‍।

থৌরমদুদা ৱা ঙাংলদুনা, প্রধান মন্ত্রীনা মা দন্তেস্বরী, মা বমব্লেস্বরী অমসুং মা মহামায়াগী মফমদ কোন নোনখি‍। পি.এম. মোদীনা লুপা করোর ৩৫,০০০ হেনবগী প্রোজেক্তশিং লৈবাক্কী মফমদা কত্থোকখিবা অমসুং উরেপ উয়ুং তমখিবা মহাক্না কুইদ্রিঙৈদা স্তেত অদুদা লাকখিবা খোঙচৎপু নীংশিংখি‍। ঙসি মাহতরী বন্দনা য়োজনাগী অহানবা ইন্সতোলমেন্তকী পুন্না লুপা করোর ৬৫৫ থাদোক্তুনা লৈঙাক অসিনা শকখিবা ৱাশক ঙাক্লে হায়না মহাক্না হায়খি‍। প্রধান মন্ত্রীনা তোঙান তোঙানবা মফমশিংদগী শরুক য়াখিবা নারি শক্তিগী মফমদা থাগৎপা ফোঙদোকখি অমসুং মশা হকথেংননা শরুক য়াবা ঙমখিদবগীদমক ঙাকপিয়ু হায়জখি‍। মহাক্না হৌখিবা অহিংদা কাশী বিস্বনাথ ধধামদা লৈবাক মীয়ামগীদমক য়াইফবা পীনবিনবা থৌনিজখিবগী ৱাফমসু পাউদমখি‍। “অদোম্না মসিগী লুপা ১০০০ অসি থা খুদিংগী ফংগনি‍। মসি মোদীগী ৱাশক্নি”, হায়না মহাক্না হায়খি‍।

“ইমা অমসুং ইচে-ইচলশিংনা মপাঙ্গল কল্লবা মতমদা, ইমুং অদুসু মপাঙ্গল কনগদৌরিবনি অমদি ইমা অমসুং ইচে ইচলশিংগী য়াইফবনা ঐখোয়গী লৈঙাক্কী মরুওইবা পান্দম অমনি”, হায়না প্রধান মন্ত্রীনা হায়খি‍। নুপীশিংনা মখোয়গী মমিংদা পক্কাগী য়ুম অমসুং উজ্জ্ব গ্যাস সিলিন্দরশিং ফংলি‍। জন ধন একাউন্ত মশিংগী চাদা ৫০দি নুপীশিংনি, মুদ্রা লোন চাদা ৬৫ নুপীশিংনা ফংদুনা এস.ঐচ.জি. নুপী করোর ১০ হেনবনা কান্নবা ফংলি অমসুং নুপী করোর ১ হেনবনা লাখপতী দিদী ওইরে‍। প্রধান মন্ত্রীনা লাখপতী দিদী করোর ৩গী পান্দমবু অমুক হন্না ফোঙদোকখি‍। নমো দিদী প্রোগ্রাম্না পুন্সি কয়াদা অহোংবা পুরক্লি অমসুং হয়েং মহাক্না মসিগী মতাঙদা অচৌবা থৌরম অমা পাঙথোক্কনি হায়না মখোয়গী মফমদা পি.এম. মোদীনা পাউদমখি‍।

প্রধান মন্ত্রীনা ইমুংগী নুংঙাই য়াইফবদা মরুওইবা ৱাফম থম্লদুনা, মশা মউ ফবা ইমুং অমা হায়বসি নুপীশিং নুংঙাই য়াইফনা লৈবদগী ওইরকই হায়খি‍। “ঐখোয়গী লৈঙাক্না ইমুং খুদিংমক্তা মপুং ফাবা নুংঙাই য়াইফবা ফংহন্নবা ফিরেপ লৌরি, অমসুং খোঙফম অসি নুপীশিংগী হকশেল অমসুং ইকায়খুম্নবদগী হৌরি”, হায়না প্রধান মন্ত্রী মোদীনা হায়খি‍। মেতর্নেল অমসুং ইনফেন্ত মোর্তেলিতী রেতশিং য়াওনা মীরোনবী নুপীশিংনা থেংনরিবা শিংনবশিংগী পাম্বৈ পুথোকপগী মরুওইবা ৱাফম মহাক্না থমখি‍।

শিংনবশিং অসিগী পাউখুম ওইনা, প্রধান মন্ত্রীনা মীরোনবী নুপীশিংদা লেম্না তিকা থাবা অমসুং অঙাং উনবদা মতেং ওইনবা মীরোল্লিঙৈদা লুপা ৫,০০০গী শেলগী তেংবাং য়াওনা মরুওইবা থৌরাং কয়া লাউথোকখি‍। অসা অমসুং অঙ্গনৱাদি ৱর্করগুম্বা ফ্রন্তলাইন ৱর্করশিংদা লুপা লাখ ৫ ফাওবগী হেল্থকেয়র সর্ভিসশিং লেম্না ফংহনবগী মতাঙদসু মহাক্না ফোঙদোকখি‍।

মতিক চাবা সেনিতেসনগী ফেসিলিতী ৱাৎপনা মরম ওইরগা নুপীশিংনা মমাঙদা থেংনরম্বা খুদোংচাদবশিংগী মতাঙদা পল্লদুনা, “ঐখোয়গী ইচে-ইচল অমদি ইচানুপীশিংনা মখোয়গী য়ুমদা তোইলেৎ লৈতবদগী অৱা অনা অমসুং ইকায়খুম্নবা মাঙবগী চৈনা খাঙদুনা লৈরম্বা মতমদু হৌখ্রে,” হায়না প্রধান মন্ত্রী মোদীনা হায়খি‍। য়ুমথোঙ খুদিংদা তোইলেৎ লৈহন্দুনা নুপীশিংগী ইকায়খুম্নবা ঙাক্নবা লৈঙাক্না হোৎনরিবা থৌরাংশিংবু মহাক্না পুথোক্তুনা থমখি‍।

মখা তানা, প্রধান মন্ত্রী মোদীনা মীখল মতমদা শকখিবা ৱাশকশিং ঙাক্নবগীদমক মহাক্না লৈঙাক্না লেপ্লিবা খোঙফমবু অমুক হন্না থম্লদুনা, “লৈঙাক অসিনা মাগী খোঙফম লেঙদনা লেপ্লি অমসুং শকখিবা ৱাশকশিং ঙাক্লি” হায়খি‍। মহাক্না ছত্তিসগরগী মীয়ামদা শকখিবা ৱাশকশিং ঙাকপা ওইনা মাহতরী বন্দনা য়োজনা মায় পাক্না পায়খৎপগী মতাঙদা মরুওইবা ৱাফমশিং থমখি‍।

মতৌ অসুম্না, পক্কাগী য়ুম লাখ ১৮গী ৱাশকসু ফংহন্নবা চপ য়ুংনা লেপ্তুনা থবক পায়খৎলি হায়না মহাক্না ফোঙদোকখি‍।

লৌউ শিংউগী রিফোর্মশিংগী মতাঙদা, প্রধান মন্ত্রীনা ছত্তিসগরগী ফৌ থাবা লৌমীশিংদা শকখিবা ৱাশক ঙাক্তুনা লৌমীশিংদা পীথোক্কদবা ৱাৎপা বোনসশিং মতম চানা পীথোক্কনি হায়না থাজবা পীখি‍। অতল জীগী মপোক কুমওন নুমিত্তা লুপা করোর ৩,৭০০গী বোনসকী শেনফম থাদোকপা য়াওনা লৌমীশিংদা ঙাক্লৌ পীনবা লৈঙাক্না হোৎনরিববু মহাক্না থাগৎখি‍।

লৈঙাক্কী প্রোকরমেন্তকী থৌরাংশিংগী মরমদা ঙাংলদুনা, “ঐখোয়গী লৈঙাক্না ছত্তিসগরদা কুইন্তলদা লুপা ৩,১০০গী মিনিমম সপ্পোর্ত মমলদা চেঙ লৌগনি,” হায়না প্রধান মন্ত্রী মোদীনা হায়খি‍। লৌমীশিংদা শকখিবা ৱাশক ঙাক্লদুনা, চেঙ তন লাখ ১৪৫ রেকোর্দ ওইনা লৌদুনা অনৌবা পন্দোল অমা ফংখিবদা নুংঙাইবা ফোঙদোকখি‍।

লোইশিল্লকপদা, প্রধান মন্ত্রী মোদীনা পুম্নমক চাওখৎমিন্নবা হায়বা ৱাফমসিবু থৌদুনা পুরিবা স্তেকহোল্দর পুম্নমক্কী, মরুওইনা নুপীশিংগী খুৎশম্ননা হোৎনমিন্নবদা থাজবা ফোঙদোকখি‍। মহাক্না ছত্তিসগরগী মীয়ামদা বি.জে.পি. লৈঙাক্কী মায়কৈদগী লেপ্পা লৈতনা কত্থোকপগা লোয়ননা থৌগল তৌদুনা, শকখিবা ৱাশকশিং ঙাক্কনি অমসুং পুম্নমক্কী চাওখৎপা পুরক্কনি হায়না থাজবা পীখি‍।

ছত্তিসগরগী মুখ্য মন্ত্রী, শ্রী বিষ্ণু দিও সাই, মন্ত্রীশিং অমসুং মীয়ামগী মীহুৎশিংসু থৌরমদুদা শরুক য়াখি‍।

हमारी सरकार के बीते 10 वर्ष महिलाओं के मान-सम्मान, समृद्धि और सुरक्षा को समर्पित रहे हैं। छत्तीसगढ़ में महतारी वंदन योजना कार्यक्रम में शामिल होकर सम्मानित महसूस कर रहा हूं।https://t.co/6B1eZFi6fj

— Narendra Modi (@narendramodi) March 10, 2024

**********