આર્થિક બાબતો પર મંત્રીમંડળીય સમિતિ
કેબિનેટે 2024-25 સીઝન માટે કાચા જ્યુટ (શણ) માટે લઘુત્તમ ટેકાના ભાવને મંજૂરી આપી
પ્રતિ ક્વિન્ટલ રૂ.285નો વધારો
છેલ્લા 10 વર્ષમાં કાચા જ્યુટ માટે MSPમાં 122 ટકાનો વધારો નોંધાયો છે
Posted On:
07 MAR 2024 7:48PM by PIB Ahmedabad
પ્રધાનમંત્રી શ્રી નરેન્દ્ર મોદીની અધ્યક્ષતામાં આર્થિક બાબતોની કેબિનેટ સમિતિએ 2024-25 સીઝન માટે કાચા શણ માટે લઘુત્તમ ટેકાના ભાવો (MSP)ને મંજૂરી આપી દીધી છે.
2024-25 સીઝન માટે કાચા જ્યુટ (ટીડીએન-3 સમકક્ષ અગાઉના TD-5 ગ્રેડની સમકક્ષ)ની MSP રૂ. 5,335/- પ્રતિ ક્વિન્ટલ નક્કી કરવામાં આવી છે. આ અખિલ ભારતીય ભારિત સરેરાશ ઉત્પાદન ખર્ચ કરતાં 64.8 ટકા વળતરની ખાતરી કરશે. 2024-25ની સીઝન માટે કાચા શણની જાહેર કરાયેલ MSP એ સરકાર દ્વારા બજેટ 2018-19માં જાહેર કરવામાં આવેલ ઉત્પાદનની સરેરાશ કિંમતના ઓછામાં ઓછા 1.5 ગણા સ્તરે MSP નક્કી કરવાના સિદ્ધાંતને અનુરૂપ છે.
આ નિર્ણય કમિશન ફોર એગ્રીકલ્ચર કોસ્ટ એન્ડ પ્રાઈસ (CACP)ની ભલામણો પર આધારિત છે.
2024-25 સિઝન માટે MSP અગાઉની સિઝનની સરખામણીએ કાચા જૂટ માટે રૂ.285/- પ્રતિ ક્વિન્ટલનો વધારો છે. છેલ્લા 10 વર્ષોમાં, સરકારે 2014-15માં કાચા શણ માટે પ્રતિ ક્વિન્ટલ રૂ.2,400થી વધારીને 2024-25માં રૂ.5,335/- પ્રતિ ક્વિન્ટલ કરી છે, જેમાં 122 ટકાનો વધારો નોંધાયો છે.
ચાલુ સિઝન 2023-24માં, સરકારે રૂ.524.32 કરોડના ખર્ચે 6.24 લાખ ગાંસડી કરતાં વધુ કાચો શણની વિક્રમી રકમની ખરીદી કરી છે, જેનાથી આશરે 1.65 લાખ ખેડૂતોને ફાયદો થયો છે.
જ્યુટ કોર્પોરેશન ઓફ ઈન્ડિયા (JCI) પ્રાઈસ સપોર્ટ ઓપરેશન્સ હાથ ધરવા માટે કેન્દ્ર સરકારની નોડલ એજન્સી તરીકે ચાલુ રહેશે અને આવી કામગીરીમાં જો કોઈ નુકસાન થયું હોય, તો તેની સંપૂર્ણ ભરપાઈ કેન્દ્ર સરકાર દ્વારા કરવામાં આવશે.
AP/GP/JD
(Release ID: 2012449)
Visitor Counter : 193
Read this release in:
Tamil
,
Telugu
,
Kannada
,
Malayalam
,
Odia
,
English
,
Urdu
,
Hindi
,
Marathi
,
Bengali
,
Assamese
,
Manipuri
,
Punjabi