প্রধানমন্ত্রীগী লোইশঙ
প্রধান মন্ত্রীনা কোলকাতাদা লুপা করোর ১৫,৪০০ রোমগী তোঙান-তোঙানবা লম্বী-থোংগী প্রোজেকশিং শঙ্গাখ্রে অমসুং উরেপ-উয়ুং তমখ্রে
কলকাতাদা ভারতকী হানবা ঈশিং মনুংগী মেত্রো, এসপ্লানেদ-হাওরা মাইদান মেত্রো রুত্ত মেত্রো তোংখ্রে
ঐখোয়গী লৈবাক্তা অচৌবা তুরেল অমগী মনুংদা অহানবা ঈশিং মনুংগী মেত্রো ত্রান্সপোর্তেসন হাওরা মাইদান-এসপ্লানেদ মেত্রো সেক্সনা ওইবা অসি চাউথোকচবা অমনি: প্রধান মন্ত্রী
Posted On:
06 MAR 2024 1:29PM by PIB Imphal
ঙসি প্রধান মন্ত্রী শ্রী নরেন্দ্র মোদীনা কোলকাতাদা লুপা করোর ১৫,৪০০ রোমগী তোঙান-তোঙানবা লম্বী-থোংগী প্রোজেকশিং শঙ্গাখ্রে অমসুং উরেপ-উয়ুং তমখ্রে। সহরগী চৎথোক-চৎশিনগী সেক্তরশিংগী চাউখৎ-থৌরাংগী প্রোজেকশিং অসিগী মনুংদা মেত্রো রেল অমসুং রিজনেল রেপিদ ত্রান্সসিত সিস্তেম(আর আর তি এস) য়াওরি।
প্রধান মন্ত্রীনা মেত্রো প্রোজেকশিংগী থবকশিং য়েংশিনখি অমসুং কলকাতাদা ভারতকী হানবা ঈশিং মনুংগী মেত্রো, এসপ্লানেদ-হাওরা মাইদান মেত্রো রুত্ত মেত্রো তোংখ্রে। মহাক্না মেত্রো তোংলিঙৈদা শিন্মীশিং অমসুং স্কুলগী মহৈরোয়শিংগা ৱারি শানখি।
এক্সতা পোস্ত পরিং অমদা, প্রধান মন্ত্রীনা হায়খি;
“মেত্রো তোংবা অসি নিংশিংদুনা লৈহৌরগনি, নহারোলশিং অমসুং প্রোজেক অসিদা থবক তৌরিবশিং থাগৎপা ফোঙদোকচরি। ঐখোয় হুগলি তুরেলগী মখাদা তন্নেল ফাওদুনা চৎখি”।
“সহর অসিগী মেত্রো নেতৱার্ক শিংথাবা য়ানা শাংদোকহনবগা লোয়ননা ঙসি কলকাতাগী মীয়ামগী অখন্নবা নুমিৎ অমনি। চৎথোক-চৎশিনগী খুদোংচাবা হেনগৎহল্লগনি অমসুং মী অমসুং গারি চিনবা হন্থরগনি। ঐখোয়গী লৈবাক্তা অচৌবা তুরেল অমগী মনুংদা অহানবা ঈশিং মনুংগী মেত্রো ত্রান্সপোর্তেসন হাওরা মাইদান-এসপ্লানেদ মেত্রো সেক্সনা ওইবা অসি চাউথোকচবা অমনি”।
“কলকাতা মেত্রোদগী নিংশিংদুনা লৈহৌরগদবা মিকুপশিংনি। ঐনা জন শক্তিগী মফমদা কোক নোঞ্জরি অমসুং অনৌবা থৌনাগা লোয়ননা মখোয়গী থবক তৌগনি”।
থৌরম অদুদা শরুক য়াখিবশিংগী মনুংদা নোংচুপ বেঙ্গলগী রাজ্যপাল শ্রী সি ভি অনন্দ বোস য়াওখি।
নুঙগীৱারোল
সহরদা চৎথোক-চৎশিন নুংঙাইবা হেনগৎহন্নবা খুদোংচাবশিংদা মীৎয়েং থমদুনা, প্রধান মন্ত্রীনা কলকাতা মেত্রোগী হাওরা মাইদান-এসপ্লানেদ মেত্রো সেক্সন, কবি সুভাস-হেমন্তা মুখোপাধ্যয় মেত্রো সেক্সন, তারাতালা-মাজেরহাত মেত্রো সেক্সন(জোকা-এসপ্লানেদ লাইনগী শরুক); রুবি হোল ক্লিনিক-রামাৱাদি স্ত্রেৎচ ফাওবগী পুনে মেত্রো; এস.এন জঙ্কসন মেত্রো স্তেসন্দগী ত্রিপুনিতুরা মেত্রো স্তেসন ফাওবগী কোচি মেত্রো রেল ফেজ-১ এক্সতেন্সন প্রোজেক(ফেজ-১বি); অগ্রা মেত্রোগী তাজ ইস্ত গেত্তগী মনাকামেশ্বর ফাওবা; দিল্লি-মেরুত আর.আর.তি.এস কোরিদোরগী দুহাই-মোদিনগর(নোর্থ) সেক্সন প্রধান মন্ত্রীনা শঙ্গাখ্রে। প্রধান মন্ত্রীনা হায়রিবা সেক্সনশিং অসিদা ত্রেন সর্বিসশিং লমথাখি। প্রধান মন্ত্রীনা পিমপ্রি চিঞ্চৱার মেত্রো-নিগরি মরক্তা পুনে মেত্রো রেল প্রোজেক ফেজ-১ এক্সতেন্সনগী উরেপ-উয়ুং তমখি।
হায়রিবা সেক্সনশিং অসিনা মী চিনবা হন্থনবদা মতেং পাংগনি অমসুং নুংঙাইনা চৎথোক-চৎশিন তৌনবগী খুদোংচাবা পীগনি। কলকাতা মেত্রোগী হাওরা মাইদান-এসপ্লানেদ সেক্সন অসি ভারত্তা অচৌবা তুরেল মখাগী মনুংদা লৈবা অহানবা তন্নেলনি। হাওরা মেত্রো স্তেসন অসি লৈবাক অসিগী খ্বাইদগী লুবা মেত্রো স্তেসন্নি। মাজরহাত মেত্রো স্তেসন(শঙ্গাগদৌরিবা তারাতালা-মাজেরহাত মেত্রো সেক্সনদা লৈবা) অসি রেলৱে লাইনশিং, প্লেতফোর্মশিং অমসুং কেনেল শীনবা থুংবগী তোপ-তোপ্পা ইলাবেতেদ মেত্রো স্তেসন্নি। অগ্রা মেত্রো স্তেসন শঙ্গাগদৌরিবা অসিনা পুৱারিগা মরী লৈনবা লমকোয়ফমশিং ফাওবা চৎপদা খুদোংচাবা হেনগৎহল্লগনি। আর.আর.তি.এস সেক্সসন্না এন.সি.আরদা শেন-থুম তানবগী থবক হেনগৎহল্লগনি।
***
(Release ID: 2012052)
Visitor Counter : 64
Read this release in:
Khasi
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam