కమ్యూనికేషన్లు- సమాచార సాంకేతిక విజ్ఞాన మంత్రిత్వ శాఖ
సైబర్ క్రైమ్ మరియు ఫైనాన్షియల్ ఫ్రాడ్‌లో టెలికాం వనరుల దుర్వినియోగాన్ని అరికట్టడానికి వాటాదారుల మధ్య సమన్వయం కోసం డాట్‌ డిజిటల్ ఇంటెలిజెన్స్ ప్లాట్‌ఫారమ్ (డిఐపి)ని ప్రారంభించిన ఎంఓసీ అశ్విని వైష్ణవ్
అనుమానిత మోసపూరిత సమాచార మార్పిడిని నివేదించడానికి సంచార్ సాథి పోర్టల్ (https://www.sancharsaathi.gov.in)లో ‘చక్షు’ సౌకర్యం
అనుమానిత మోసపూరిత సమాచార మార్పిడిని చురుగ్గా నివేదించడానికి పౌరులకు సాధికారత కల్పించేందుకు ఈ సాధనాలు ముందున్నాయని చెప్పిన కేంద్రమంత్రి
సైబర్ క్రైమ్ మరియు ఆర్థిక మోసాల కోసం టెలికాం వనరుల దుర్వినియోగాన్ని నిరోధించడంలో డాట్స్‌కి సహాయం చేయడానికి సంచార్ సాథీలో అనుమానిత మోసపూరిత సమాచారాలను ముందస్తుగా నివేదించమని పౌరులను ప్రోత్సహిస్తున్న డాట్‌
Posted On:
04 MAR 2024 7:47PM by PIB Hyderabad
కమ్యూనికేషన్స్, రైల్వే మరియు ఎలక్ట్రానిక్స్ అండ్ ఇన్ఫర్మేషన్ టెక్నాలజీ మంత్రి శ్రీ అశ్విని వైష్ణవ్ కమ్యూనికేషన్స్ శాఖ సహాయ మంత్రి శ్రీ దేవుసిన్హ్ చౌహాన్ సమక్షంలో టెలికమ్యూనికేషన్స్ డిపార్ట్‌మెంట్‌కు చెందిన 'డిజిటల్ ఇంటెలిజెన్స్ ప్లాట్‌ఫారమ్ (డిఐపి)'ని సమన్వయం కోసం ప్రారంభించారు. సైబర్-క్రైమ్ మరియు ఆర్థిక మోసాలలో టెలికాం వనరుల దుర్వినియోగాన్ని అరికట్టడానికి వాటాదారులు మరియు 'చక్షు' సౌకర్యాన్ని సంచార్ సాథీ పోర్టల్ (https://sancharsaathi.gov.in)లో అందించారు. ఇది అనుమానిత చర్యలను నివేదించడానికి పౌరులకు అధికారం కల్పిస్తుంది.
ఈ సందర్భంగా మంత్రి మాట్లాడుతూ సురక్షిత భారత్ ప్రాజెక్టు కింద సైబర్ మోసాలను అరికట్టేందుకు జాతీయ, సంస్థాగత, వ్యక్తిగత అనే మూడు స్థాయిల్లో ప్రభుత్వం కృషి చేస్తోందన్నారు. పౌరులు తమ ఫిర్యాదులను పరిష్కరించడానికి మరియు సైబర్ మోసాల నుండి తమను తాము రక్షించుకోవడానికి ఇటువంటి సాధనాలను ఉపయోగించుకునేలా అవగాహన కల్పించడానికి టెలికమ్యూనికేషన్ విభాగం అనేక కార్యక్రమాలు చేపట్టిందని తెలిపారు. ఈ విషయంలో "సంచార్ సాథీ" పోర్టల్‌ను ప్రస్తావించారు. ఇది అటువంటి దాడులను విజయవంతంగా ఎదుర్కోవటానికి సహాయపడుతుందని తెలిపారు. నేటి రెండు పోర్టల్స్- డిఐపి మరియు చక్షుతో కలిసి ఈ సాధనాలు ఎలాంటి సైబర్ సెక్యూరిటీ ముప్పునైనా తనిఖీ చేసే సామర్థ్యాన్నిమరింత మెరుగుపరుస్తాయని మంత్రి చెప్పారు.
సమాచార ప్రసారాల శాఖ సహాయ మంత్రి శ్రీ దేవుసిన్హ్ చౌహాన్ మాట్లాడుతూ సైబర్ సెక్యూరిటీ సవాళ్లను ఎదుర్కోవడానికి అనేక ప్రాజెక్టులను విజయవంతంగా పూర్తి చేసిందని తెలిపారు. డాట్‌ చేస్తున్న ప్రయత్నాలను ఆయన ప్రశంసించారు. కొత్త మరియు అభివృద్ధి చెందుతున్న మోసాలను ఎదుర్కోవటానికి ఇలాంటి మరిన్ని ప్రాజెక్టులు అభివృద్ధిలో ఉన్నాయని ఆయన చెప్పారు.
టెలికాం సెక్రటరీ డాక్టర్ నీరజ్ మిట్టల్ తన ప్రారంభ వ్యాఖ్యలలో ఈ రెండు కొత్త పోర్టల్‌లు ప్రతి పౌరుడి డిజిటల్ ఆస్తులకు సైబర్ సెక్యూరిటీ ముప్పును ఎదుర్కోవడానికి మరో ముందడుగు అని చెప్పారు. ఈ సాధనాలు మోసపూరిత మార్గాలను మరియు కమ్యూనికేషన్ వ్యవస్థ యొక్క దుర్వినియోగాన్ని అరికట్టడంలో సహాయపడతాయని ఆయన తెలిపారు.
డిజిటల్ ఇంటెలిజెన్స్ ప్లాట్‌ఫారమ్ (డిఐపి):
డిపార్ట్‌మెంట్ ఆఫ్ టెలికమ్యూనికేషన్స్ అభివృద్ధి చేసిన డిజిటల్ ఇంటెలిజెన్స్ ప్లాట్‌ఫారమ్ (డిఐపి) అనేది రియల్ టైమ్ ఇంటెలిజెన్స్ షేరింగ్, సమాచార మార్పిడి మరియు వాటాదారుల మధ్య సమన్వయం కోసం సురక్షితమైన మరియు సమగ్ర వేదిక. టెలికాం వనరులను దుర్వినియోగం చేసినట్లు గుర్తించిన కేసులకు సంబంధించిన సమాచారాన్ని కూడా పోర్టల్ కలిగి ఉంటుంది. భాగస్వామ్యం చేయబడిన సమాచారం వారి సంబంధిత డొమైన్‌లలోని వాటాదారులకు ఉపయోగకరంగా ఉంటుంది.
వాటాదారుల చర్య కోసం సంచార్ సాథీ పోర్టల్‌లో పౌరులు ప్రారంభించిన అభ్యర్థనలకు ఇది బ్యాకెండ్ రిపోజిటరీగా కూడా పనిచేస్తుంది.
సురక్షిత కనెక్టివిటీపై వాటాదారులకు డిఐపి అందుబాటులో ఉంటుంది మరియు సంబంధిత సమాచారం వారి సంబంధిత పాత్రల ఆధారంగా భాగస్వామ్యం చేయబడుతుంది.
సంచార్ సాథీ పోర్టల్‌లో చక్షు సౌకర్యం:
చక్షు అనేది డాట్‌ యొక్క సంచార్ సాథీ పోర్టల్‌లో ఇప్పటికే అందుబాటులో ఉన్న పౌర కేంద్రీకృత సౌకర్యాలకు తాజా జోడింపు. కేవైసీ గడువు ముగియడం లేదా బ్యాంక్ ఖాతా/పేమెంట్ వాలెట్/సిమ్/గ్యాస్ కనెక్షన్/విద్యుత్ కనెక్షన్, సెక్స్‌టార్షన్, ప్రభుత్వ అధికారి/బంధువుగా నటించడం/ డబ్బు పంపమని చెప్పడం/ టెలికమ్యూనికేషన్స్ శాఖ ద్వారా మొబైల్ నంబర్ల డిస్‌కనెక్ట్ మొదలైన కారణాలు చెబుతూ మోసం చేసే ఉద్దేశ్యంతో కాల్, ఎస్‌ఎంఎస్‌ లేదా వాట్సాప్ ద్వారా వచ్చిన అనుమానిత మోసపూరిత కమ్యూనికేషన్‌ను నివేదించడానికి 'చక్షు' పౌరులకు ఉపయోగపడుతుంది.
ఒకవేళ పౌరుడు ఇప్పటికే సైబర్-క్రైమ్ లేదా ఆర్థిక మోసానికి గురైనట్లయితే సైబర్-క్రైమ్ హెల్ప్‌లైన్ నంబర్ 1930 లేదా భారత ప్రభుత్వ వెబ్‌సైట్ https://www.cybercrime.gov.inలో రిపోర్ట్ చేయాలని సూచించబడింది.
- వారి పేరు మీద జారీ చేయబడిన మొబైల్ కనెక్షన్‌లను తెలుసుకోవడం మరియు వారు అవసరం లేని లేదా తీసుకోని మొబైల్ కనెక్షన్‌లను డిస్‌కనెక్షన్ కోసం నివేదించడం,
- దొంగిలించబడిన / పోగొట్టుకున్న మొబైల్ హ్యాండ్‌సెట్‌ను నిరోధించడం మరియు గుర్తించడం కోసం నివేదించడానికి
- కొత్త/పాత పరికరాన్ని కొనుగోలు చేసేటప్పుడు మొబైల్ హ్యాండ్‌సెట్ యొక్క వాస్తవికతను తనిఖీ చేయడానికి,
- భారతీయ టెలిఫోన్ నంబర్‌తో స్వీకరించబడిన ఇన్‌కమింగ్ అంతర్జాతీయ కాల్‌లను కాలింగ్ లైన్ గుర్తింపుగా నివేదించడానికి,
- లైసెన్స్ పొందిన వైర్‌లైన్ ఇంటర్నెట్ సర్వీస్ ప్రొవైడర్ల వివరాలను తనిఖీ చేయడానికి.
డాట్‌ యొక్క వివిధ కార్యక్రమాల ఫలితం:
|
మొత్తం సందర్శకులు
|
4 కోట్లకు పైగా
|
|
డిస్‌కనెక్ట్ చేయబడ్డ మొత్తం మోసపూరిత కనెక్షన్‌లు
|
59 లక్షలు
|
|
యూజర్ ఫీడ్‌బ్యాక్ ఆధారంగా డిస్‌కనెక్ట్ చేయబడ్డ మొబైల్ కనెక్షన్‌లు
|
23 లక్షలు
|
|
డిస్‌కనెక్ట్ చేయబడ్డ పరిమితికి మించిన మొబైల్ కనెక్షన్‌లు
|
17 లక్షలు
|
|
ఎన్‌ఈఏలు, బ్యాంకులు, ఐఆర్‌సిటిసి మొదలైన వాటి నుండి వచ్చిన ఇన్‌పుట్‌ల ఆధారంగా డిస్‌కనెక్ట్ చేయబడ్డ మొబైల్ కనెక్షన్‌లు
|
4 లక్షలు
|
|
మొత్తం డిస్‌కనెక్షన్‌లు
|
1 కోటికి పైగా
|
|
సైబర్ నేరాల్లో పాల్గొన్నందుకు బ్లాక్ చేయబడ్డయ మొత్తం హ్యాండ్‌సెట్‌లు
|
1.5 లక్షలు
|
|
బ్లాక్ లిస్ట్ చేయబడ్డ పిఓఎస్‌లు
|
71 వేలు
|
|
నమోదైన ఎఫ్‌ఆర్‌ఐలు
|
365+
|
|
వినియోగదారు అభ్యర్థనల ఆధారంగా బ్లాక్ చేయబడ్డ మొత్తం హ్యాండ్‌సెట్‌లు
|
14 లక్షలు
|
|
గుర్తించబడ్డ మరియు రాష్ట్ర ప్రభుత్వాలకు సమాచారం అందించబడ్డ మొత్తం హ్యాండ్‌సెట్‌లు
|
7 లక్షలు
|
|
వాట్సప్‌తో పిఓసీ నిలిపివేయబడ్డ ఖాతాలు
|
3 లక్షలు
|
|
బ్యాంకులు/పేమెంట్ వాలెట్‌ల ద్వారా తీసుకున్న చర్యలు – ఖాతాలు స్తంభింపజేయబడ్డాయి
|
10 లక్షలు
|
|
ఆదాచేయబడ్డ భారతీయ పౌరుల మొత్తం డబ్బు
|
1 వేయి కోట్లు
|
డిఐపి మరియు 'చక్షు' సదుపాయం ప్రారంభం పౌరులకు సాధికారత కల్పించడానికి మరియు సురక్షితమైన డిజిటల్ పర్యావరణ వ్యవస్థను ప్రోత్సహించడానికి డాట్‌ యొక్క నిబద్ధతను నొక్కి చెబుతుంది. అప్రమత్తమైన రిపోర్టింగ్‌ను ప్రోత్సహించడం ద్వారా మరియు అనుమానిత మోసపూరిత కమ్యూనికేషన్‌లకు వ్యతిరేకంగా చురుకైన చర్యలు తీసుకోవడం ద్వారా ప్రతి పౌరుడి ప్రయోజనాలను మరియు శ్రేయస్సును కాపాడేందుకు డాట్‌ అంకితం చేయబడింది.
***
(Release ID: 2011914)
Visitor Counter : 88