প্রধানমন্ত্রীগী লোইশঙ
প্রধান মন্ত্রীনা গুজরাত্তা ওখা মেনলেন্দ অমসুং বাইয়ত দ্বারকা ইথৎ শম্নহনবা সুদর্সসন সেতু শঙ্গাখ্রে
प्रविष्टि तिथि:
25 FEB 2024 11:16AM by PIB Imphal
ঙসি প্রধান মন্ত্রী শ্রী নরেন্দ্র মোদীনা লুপা করোর ৯৮০ রোম চঙনা শাবা ওখা মেনলেন্দ অমসুং বাইয়ত দ্বারকা ইথৎ শম্নহনবা সুদর্সসন সেতু শঙ্গাখ্রে। কিমি ২.৩২ শাংবা থোং অসি লৈবাক অসিগী খ্বাইদগী শাংবা কেবল-স্তে থোং ওইরে।
প্রধান মন্ত্রীনা এক্সতা হায়খি;
“লুপা করোর ৯৮০ রোম চঙনা শাবা সুদর্সসন সেতুনা ওখা মেনলেন্দ অমসুং বাইয়ত দ্বারকা ইথৎ শম্নহল্লে। কিমি ২.৩২ শাংবা থোং অসি লৈবাক অসিগী খ্বাইদগী শাংবা কেবল-স্তে থোং ওইরে”।
“পুক্নিং হুনা ফজরবা সুদর্সসন সেতু!”
নুঙগীৱারোল
সুদর্সসন সেতু নাকল অনিমক্তা শ্রীমদ ভগবদ গীতাগী শ্লোকশিং অমসুং ভগবান কৃষ্ণগী শক্তমশিংনা লৈতেংবা খোঙ লম্বী য়াওবা তোপ তোপ্পা মওং মতৌশিংনা লৈতেংই। খোঙ লম্বী অসিগী মথক থংবা শরুক্তা সোলার পেনেলশিং হাপ্তুনা, মৈ মেগাৱাত অমা পুথোক্লি। থোং অসিনা চত্থোক চৎশিন কোমহল্লগনি অমসুং লাইনিংবশিংনা দ্বার্কা অমসুং বৈত-দ্বার্কাগী মরক্তা চত্থোক চৎশিন তবগী মতম মশক থোক্না হন্থহল্লগনি। থোং অসি শাদ্রিঙৈদা, লাই খুরুম্বা লাকপশিংনা বৈত দ্বার্কাদা চৎনবগীদমক হিদা তাংদুনা লৈরম্মি। মশক নাইরবা থোং অসিনা দেবভুমি দ্বারকাগী ওইনা অচৌবা লমকোয়বশিংগী পুক্নিং চিংশিন্নফম অমসু ওইরগনি।
থৌরম অদুদা প্রধান মন্ত্রীগা লোয়ননা গুজরাতকী রাজ্যপাল শ্রী অচার্য়া দেবব্রাত, গুজরাতকী চীফ মিনিস্তর শ্রী ভুপেন্দ্র পতেল অমসুং এম.পি শ্রী সি.আর পতিল শরুক য়াখি।
****
(रिलीज़ आईडी: 2008826)
आगंतुक पटल : 127
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam