প্রধান মন্ত্রীনা ফেব্রুৱারী ২৪ অমসুং ২৫, ২০২৪দা গুজরাত্তা চৎকনি‍। ফেব্রুৱারী ২৫দা, অয়ুক পুং ৭:৪৫ রোম তারকপা মতমদা, প্রধান মন্ত্রীনা বেত দ্বার্কা লাইশঙদা পুজা পাঙথোক্কনি অমদি খুরুমগনি‍। মসিগী তুংদা অয়ুক পুং ৮:২৫ রোম তারকপদা সুদর্সন সেতুদা চৎকনি‍। মতুংদা মহাক্না অয়ুক পুং ৯:৩০ রোম তাবদা দ্বারকাদিশ লাইশঙদা চৎকনি‍।

নুংথিল পুং ১ রোম  তাবদা, প্রধান মন্ত্রীনা দ্বার্কাদা লুপা করোর ৪১৫০ হেনবগী য়াম্লবা চাওখৎ থৌরাংগী প্রোজেক্তশিং মীয়ামদা কত্থোক্কনি অমসুং উরেপ উয়ুং তমগনি‍।

তুংদা, নুংথিল পুং ৩:৩০ রোম তাবদা, প্রধান মন্ত্রীনা এইম্স রাজকোত্তা চৎকনি‍। নুংথিল পুং ৪:৩০ রোম তাবদা, প্রধান মন্ত্রীনা রেস কোর্স গ্রাউন্দ, রাজকোত্তা লুপা করোর ৪৮,১০০ হেনবগী য়াম্লবা চাওখৎ থৌরাংগী প্রোজেক্তশিং শঙ্গাগনি, লৈবাক্কী মফমদা কত্থোক্কনি অমসুং উরেপ উয়ুং তমগনি‍।

দ্বার্কাদা পি.এম.

দ্বার্কাদা পাঙথোক্কদবা মীয়ামগী থৌরম অমদা, প্রধান মন্ত্রীনা লৈবাক্কী মফমদা লুপা করোর ৯৮০ রোম চঙনা শাগৎখিবা ওখা মেনলেন্দ অমসুং বৈত দ্বার্কা ঈথৎ শম্নহল্লিবা সুদর্সন সেতু কত্থোক্কনি‍। মসি কিলোমিতর ২.৩২ রোম শাংদুনা লৈবাকসিগী খ্বায়দগী শাংবা কেবল-স্তেদ থোংনি‍।

সুদর্সসন সেতু নাকল অনিমক্তা শ্রীমদ ভগবদ গীতাগী শ্লোকশিং অমসুং ভগবান কৃষ্ণগী শক্তমশিংনা লৈতেংবা খোঙ লম্বী য়াওবা তোপ তোপ্পা মওং মতৌশিংনা লৈতেংই‍। খোঙ লম্বী অসিগী মথক থংবা শরুক্তা সোলার পেনেলশিং হাপ্তুনা, মৈ মেগাৱাত অমা পুথোক্লি‍। থোং অসিনা চত্থোক চৎশিন কোমহল্লগনি অমসুং লাইনিংবশিংনা দ্বার্কা অমসুং বৈত-দ্বার্কাগী মরক্তা চত্থোক চৎশিন তবগী মতম মশক থোক্না হন্থহল্লগনি‍। থোং অসি শাদ্রিঙৈদা, লাই খুরুম্বা লাকপশিংনা বৈত দ্বার্কাদা চৎনবগীদমক হিদা তাংদুনা লৈরম্মি‍। মশক নাইরবা থোং অসিনা দেবভুমি দ্বার্কাগী ওইনা অচৌবা লমকোয়বশিংগী পুক্নিং চিংশিন্নফম অমসু ওইরগনি‍।

প্রধান মন্ত্রীনা বাদিনারদা হান্না লৈরম্বা ওফসোর পাইপলাইন শিন্দোকপা, হান্না লৈরম্বা পাইপলাইন এন্দ মেনিফোল্দ (পি.এল.ই.এম.) থাদোক্লম্বা, অমসুং সিস্তেম পুম্বা (পাইপলাইইন, পি.এল.ই.এম. অমসুং অমগা অমগা শম্নরিবা লুপ লাইনশিং) অনৌবা অনকপা মফম অমদা হোংদোকপা য়াওবা পাইপলাইন প্রোজেক্ত মীয়ামদা কত্থোক্কনি‍। প্রধান মন্ত্রীনা রাজকোত-ওখা, রাজকোত-জেতলসর-সোমনাথ অমসুং জেতলসর-ৱান্সজালিয়া রেল ইলেক্ত্রিফিকেসন প্রোজেক্তশিং লৈবাক্কী মফমদা কত্থোক্কনি‍।

প্রধান মন্ত্রীনা এন.-ঐচ.-৯২৭দিগী ধোরাজী-জমকান্দোর্না-কলাবদ সেক্সন পাকথোকহনবা; জামনগরদা রিজনেল সাইন্স সেন্তর; সিক্কা থর্মেল পৱার স্তেসন, জামনগরদা ফ্লু গ্যাস দিসল্ফরাইজেসন (এফ.জি.দি.) সিস্তেম পানখৎপা অমদি অতৈ প্রোজেক্তশিংগী উরেপ উয়ুং তমগনি‍।

রাজকোত্তা পি.এম.

রাজকোত্তা পাঙথোক্কদবা মীয়ামগী থৌরম অমদা, প্রধান মন্ত্রীনা হকশেল, লম্বী, রেল, ইনর্জী, পেত্রোলিয়ম অমসুং নেজরেল গ্যাস, তুরিজম অমসুং অতৈ মরুওইবা সেক্তরশিং কোনশিল্লিবা লুপা করোর ৪৮,১০০ হেনবগী য়াম্লবা চাওখৎ থৌরাংগী প্রোজেক্তশিং শঙ্গাগনি, লৈবাক্কী মফমদা কত্থোক্কনি অমসুং উরেপ উয়ুং তমগনি‍।

লৈবাকসিগী তর্সরী হেল্থ কেয়র মপাঙ্গল কনখৎহনবগী মরুওইবা খোঙথাঙ অমা ওইনা, প্রধান মন্ত্রী শ্রী নরেন্দ্র মোদীনা রাজকোত (গুজরাত), ভতিন্দা (পঞ্জাব), রাইবরেলি (উত্তর প্রদেশ), কল্য়ানি (ৱেস্ত বেঙ্গল) অমসুং মঙ্গলগিরী (অন্ধ্র প্রদেশ)তা ওল ইন্দিয়া ইন্সতিত্যুৎ ওফ মেদিকেল সাইন্সেস (এইম্স) মঙা লৈবাক্কী মফমদা কত্থোক্কনি‍।

প্রধান মন্ত্রীনা স্তেত/য়ু.তি. ২৩দা লুপা করোর ১১,৫০০ হেনবগী হেল্থ কেয়র ইনফ্রাস্ত্রকচর প্রোজেক্ত ২০০ হেনবগী উরেপ উয়ুং তমগনি অমসুং লৈবাক্কী মফমদা কত্থোক্কনি‍।

প্রধান মন্ত্রীনা অতৈ প্রোজেক্তশিং য়াওওনা করাইকাল, পুদুচেরীদা মেদিকেল কলেজ ওফ জে.আই.পি.এম.ই.আর. অমসুং সঙ্গ্রুর, পঞ্জাবতা ফমুং ৩০০ লৈবা সেতলাইত সেন্তর ওফ পোসস্ত গ্রেজুএত ইন্সতিত্যুৎ ওফ মেদিকেল এন্দ এজুকেস্নেল রিশর্চ (পি.জি.আই.এম.ই.আর.) কত্থোক্কনি‍। মহাক্না য়ানম, পুদুচেরীদা জে.আই.পি.এম.ই.আর.গী ফমুং ৯০ লৈবা মল্তি স্পিসিএল্তী কন্সল্তিং য়ুনিৎ; চেন্নাইদা নেস্নেল সেন্তর ফোর এজিং; পুর্নিয়, বিহারদা অনৌবা গভর্নমেন্ত মেদিকেল কলেজ; আই.সি.এম.আর.গী ফীল্দ য়ুনিৎ ২, মমিং ওইনা অলাপ্পুঝা, কেরলাগী নেস্নেল ইন্সতিত্যুৎ ওফ ভিরোলোজী কেরলা য়ুনিৎ অমসুং নেস্নেল ইন্সতিইত্যুৎ ওফ রিসর্চ ইন ত্যুবরকুলোসিস (এন.আই.আর.তি.); নিউ কম্পোজিৎ তি.বি. রিসর্চ ফেসিলিতী, তিরুবলুর, তামিল নাদু অমসুং অতৈ প্রোজেক্তশিং শঙ্গাগনি‍। প্রধান মন্ত্রীনা ফিরোজপুরদা পি.জি.আই.এম.ই.আর.গী ফমুং ১০০ লৈবা সেতলাইত সেন্তর; আর.এম.এল. হোস্পিতাল, দিল্লীগী অনৌবা মেদিকেল কলেজ বিল্দিং; রিম্স, ইম্ফালগী ক্রিতিকেল কেয়র ব্লোক; ঝার্খন্দগী কোদর্মা অমসুং দুমকাদা নর্সিং কলেজশিং য়াওনা অতৈ প্রোজেক্তশিংগী উরেপ উয়ুং তমগনি‍।

হায়রিবশিং অসিগী মথক্তা, নেস্নেল হেল্থ মিসন অমদি প্রাইম মিনিস্তর-অয়ুস্মান ভারত হেল্থ ইনফ্রাস্ত্রকচর মিসন (পি.এম.-অভিম)গী মখাদা, প্রধান মন্ত্রীনা প্রোজেক্ত ১১৫ শঙ্গাগনি, লৈবাক্কী মফমদা কত্থোক্কনি অমসুং উরেপ উয়ুং তমগনি‍। হায়রিবশিং অসিগী মনুংদা পি.এম.-অভিমগী মখাদা প্রোজেক্ত ৭৮ (ক্রিতিকেল কেয়র ব্লোক য়ুনিৎ ৫০, ইন্তিগ্রেতেদ পব্লিক হেল্থ লেব য়ুনিৎ ১৫, ব্লোক পব্লিক হেল্থ য়ুনিৎ ১৩); নেস্নেল হেল্থ মিসনগী মখাদা কম্ম্যুনিতী হেল্থ সেন্তর, প্রাইমারী হেল্থ কেয়র সেন্তর, মোদেল হোস্পিতাল, ত্রাঞ্জিৎ হোস্তেলনচিংবা তোঙান তোঙানবা প্রোজেক্ত ৩০ য়াওরি‍।

প্রধান মন্ত্রীনা পুনেদা ‘নিসর্গ গ্রাম’ হায়না মিংথোনবা নেস্নেল ইন্সতিত্যুৎ ওফ নেচরোপেথীসু শঙ্গাগনি‍। মসিদা মল্তি-দিসিপ্লিনরী রিসর্চ এন্দ এক্সতেন্সন সেন্তর য়াওবা ফমুং ২৫০ লৈবা হোস্পিতালগা লোয়ননা নেচরোপেথী মেদিকেল কলেজ য়াওরি‍। মখা তানা, ঝাজ্জর, হরিয়ানাদা রিজনেল রিসর্চ ইন্সতিত্যুৎ ওফ য়োগ এন্দ নেচরোপেথীসু মহাক্না শঙ্গাগনি‍। মসিদা মকোক থোংবা এপেক্স এন্দ নেচরোপেথী রিসর্চ ফেসিলিতীশিং লৈগনি‍।

থৌরম অদুদা, প্রধান মন্ত্রীনা লুপা করোর ২২৮০ রোমগী ওইগদবা ইমপ্লোয়ীজ’ স্তেত ইন্স্যুরেন্স কোর্পোরেসন (ই.এস.আই.সি.)গী প্রোজেক্ত ২১ শঙ্গাগনি অমসুং লৈবাক্কী মফমদা কত্থোক্কনি‍। লৈবাক্কী মফমদা কত্থোক্কদৌরিবা প্রোজেক্তশিংগী মনুংদা পত্না (বিহার) অমসুং অলৱর (রাজস্থান)দা মেদিকেল কেলজ অমসুং হোস্পিতাল ২; কোর্বা (ছত্তিসগর), উদয়পুর (রাজস্থান), অতিদ্যপুর (ঝার্খন্দ), ফুলৱারী সরিফ (বিহার), তিরুপ্পুর (তামিল নাদু), কাকিনদা (অন্ধ্র প্রদেশ) অমসুং ছত্তিসগরগী রাইগর অমদি ভিলাইদা হোস্পিতাল ৮; অমসুং রাজস্থানগী নীম্রানু, অবু রোদ, অমসুং ভিলৱারাদা দিস্পেন্সরী ৩ য়াওরি‍। ই.এস.আই. দিস্পেন্সরীশিং রাজস্থানগী অলৱর, বেহরোর অমসুং সিতাপুর, সেলাকী (উত্তরাখন্দ), গোরখপুর (উত্তর প্রদেশ), কেরলাগী কোরত্তী অমসুং নবাইকুলম অমদি পীদিভিমবরম (অন্ধ্র প্রদেশ) হায়রিবা মফম ৮ সিদা শঙ্গাগনি‍।

লমদমসিদা রিনিউএবল ইনর্জী পুথোকপগী চাং হেনগৎহন্নবগী খোঙথাং অমা ওইনা প্রধান মন্ত্রীনা ৩০০ মেগাৱাত ভুজ-২ সোলার পৱার প্রোজেক্ত; গ্রিদ কন্নেক্তেদ ৬০০ মেগাৱাত সোলার পি.ভি. পৱার প্রোজেক্ত; খাবরা সোলার পৱার প্রোজেক্ত; ২০০ মেগাৱাত দয়াপুর-২ ৱিন্দ ইনর্জী প্রোজেক্ত অমদি অতৈশিংগী উরেপ উয়ুং তমগনি‍।

প্রধান মন্ত্রীনা লুপা করোর ৯০০০ হেনবগী নিউ মুন্দ্রা – পানিপত পাইপলাইন প্রোজেক্তকী উরেপ উয়ুংসু তমগনি‍। ৮.৪গী এম.এম.তি.পি.এ.গী ইন্সতোল্দ কেপাসিতী লৈবা কিলোমিতর ১১৯৪ শাংবা মুন্দ্রা- পানিপত পাইপলাইন অসি গুজরাত সমুদ্র খোঙবান্দা লৈবা মুন্দ্রাদগী হরিয়ানাগী পানিপত্তা লৈবা ইন্দিয়ন ওইলগী রিফাইনরী ফাওবা শুংদোকত্রিবা থাউ পুথোক পুশিন তৌনবা কম্মিসন তৌখিবনি‍।

লমদম অসসিগী লম্বী অমসুং রেল ইনফ্রাস্ত্রকচর মপাঙ্গল কনখৎহল্লদুনা, প্রধান মন্ত্রীনা সুরেন্দ্রনগর- রাজকোত রেল লাইন দব্লিং তৌবা; অরিবা এন.ঐচ.-৮ই.গী ভাবনগর- তলাজা (পেকেজ-১) লেন মরি ওইহনবা; এন.ঐচ.-৭৫১গী পিপ্লি-ভাবনগর (পেকেজ-১) লৈবাক্কী মফমদা কত্থোক্কনি‍। মহাক্না অতৈ কয়াগী মনুংদা, এন.ঐচ.-২৭গী সমাখিয়ালিদগী সান্তলপুর ফাওবগী শরুক পেব সোল্দর য়াওরগা লেন তরুক ওইহনবগী প্রোজেক্তসু উরেপ উয়ুং তমগনি‍।

*************